الزينون ( معلومات + فوائدهـ + مضارهـ + أنواعه )

بسم الله الرحمن الرحيم

السلام عليكم و رحمة الله وبركاته

الموضوع هذا لي في احد المنتديات المجاورة
و نقلته لكم للفائدة ،،كما ارجو تثبيته ( اذا عجبكم :o )

كثير مننا يسمع بضوء الزينون و الأكثر يركبه في سيارته من اجل إضاءه
اقوى و افضل و لكن بدون معرفة تفاصيل اكثر عن هذا الضوء و فوائده و اضرارهـ و درجاته و الأصلي منه و التقليد...

حسب خبرتي المتواضعه بحاول اني اكتب لكم خلاصة تجاربي و قراءتي
و مخاطباتي مع الشركات الكبرى في هذا الموضوع.

نبدأ اول شي بالتعريف عنه
هو خلاصة تفاعل الكهرباء مع ماده كيميائية موجود في داخل اللمبه
ينتج عنها ضوء قوي جدا ً الا و هو الزينون.

استعمالاته/
في السيارات غالبا ً و ايضا ً في بعض كبسات الأنوار كالمستخدمة في الاستراحات او البيوت.

فوائده/
اضاءه قوية
منظر جمالي حتى في النهار
الضوء يكون مركز يعني مو مشتت
يستخدم 35 وات فقط بينما اللمبات العادية تستهلك 55 وات بدون فائده خخخخخخخ

أضراره/
اذا تم تركيبه بشكل خاطئ ممكن تغير ظفيرة كاملة للسيارة
اذا تركب بشكل توليف ممكن يعدم عليك القاعده او يكون مايل
او يجهر الناس اللي قدامك بشكل مزعج جدا .

أنواعه/

نبدأ من الأفضل الى ان نصل للأسوأ

رقم -1-

زينون الهيلا Hella

هذا لا يعلى عليه ابدا و هو أفضل انواع الزينون على الإطلاق
و يكفي انه يستخدم في سيارات الـ BMW و المرسيدس و الأودي

طبعا كان يباع عندنا في السعودية النوع الأصلي و اتذكر اني شريته
بمبلغ 1800 ريال لكن شمعاته ما تركب الا توليف و صعب جدا ً ان
احد يوزنها لك ،، بس نوعية محترمة و كشخه و كل اللي موجود في السوق حاليا ً هو تقليد و اذا حاب تعرف الأصلي من التقليد لازم تعرف
ان المحول تبع الهيلا ما يجي HID اقصد اللي يكون سلكين زي هذا:
http://i5.photobucket.com/albums/y18...t/IMG_0284.jpg
و الأصلي يجي مثل هذا بالضبط للجيل الثالث من المحولات:
http://www.auto-electronic.net/hidba...on-ballast.jpg
و الجيل الرابع يكون مثل هذا بالضبط:
http://www.hids4u.co.uk/images/D/Hella_type2_lge.gif

طبعا لاحظتوا أن السلك اللي يشبك في اللمبة دائري معناته
هذا يحتاج له نوع معين من اللمبات و راح نعرضها في
موضوعنا هذا.

نجي للنوع الثاني
الفلبس و هو اكثر نوع تقلد في التاريخ و منذ 2004م ماعاد
في السوق محولات اصليه لشركة فيلبس و كل اللي يركبون اصلي
الآن يجيبونه طلبيه خاصه جدا ً و هذا شكل المحول :

http://www.hidorigin.com/media/catal...LLAballast.jpg

نجي للنوع الثالث شركة دينزو DENSO

طبعا هذي الشركة هي المتعهد الأساسي لسيارات لكزس و اتوقع اللاند
كروزر مع اني مو متأكد بس احتمال كبير و كلنا عارفين كيف زينون اللكزس ( خقق ) و يطول عمره و قوي.

هذا ما تلقاه الا في لكزس تشليح او من وكالة تويوتا و ما قد شفت
منه تقليد صراحة و هذي صورته و اللكزس تركب محولات دينزو
و شمعات فلبس وهذي صورته /

http://www.hidexpert.com/new/HID-kit.JPG

النوع الرابع شركة بوش Bosch
و هي شركة المانية عريقة كانت تمول سيارات مرسيدس
و رنج روفر و بعض سيارات مازدا و الأودي و فولكس واجن
و لكن حتى 2008 فقط حسب احصائيات بعض المواقع

هذي صورة المحول و يجي قطعتين:

http://www.auto-electronic.net/hidba...-ignitor-1.jpg

خلاصة الأنواع اللي فوق هي الأفضل و الباقي تقليد × تقليد

و اللي يبي يركب احد انواع الأنواع هذي

اقوله ....... ممكن ...... بس بشرط انك تشتري شمعه تجارية

يعني كوريه او صينية بس المحول يكون اصلي و تشتري معاها

تحويله و مهمتها تحول الفيش الدائري الى سلكين

مثل الصورة :

http://www.hidxenonlights.net/bigpro...lug_208980.jpg

بكذا تقدر تشتري لمبه تركب على طول في الشمعه بدون توليف
و لا خرابيط و المحول انت ضامنه 100% صدقني اللمبه راح تعيش معاك ،، بعطيكم مثال يوضح كيف انه اذا كان المحول كويس الشمعه بتعيش..

في البيت اذا كانت اللمبة من اغلى الأنواع ( اوسرام او فلبس او جنرال اليكتريك ) و مركبه مضبوط بس الكهرباء في البيت فيها تفاوت و مرات
تقطع و يجيك التماس ،،هل تتوقع ان اللمبات بتظل شغالة..؟؟ ما اتوقع
ابدا ً و هذا المثال ينبطق تماما ً على الزينون في السيارة ..

يتبع

نجي لموضوع الشمعات و ما ادراك ما الشمعات:

كثير يروح للمحل يقول له عطني اقوى زينون عندك و يستغلك للأسف راعي المحل و يعطيك الكرتون مكتوب عليه ارقام بس انت ما تدري ايها اقوى بس بتشوف اعلى رقم و تاخذه

الأرقام تبدأ كالتالي:

1-3000 K : النور لونه اصفر ( ذهبي )

2-4300K: ابيض ثلجي

3-5000K: ابيض

4-6000K: ابيض ناصع

5-8000K: ابيض مائل للزرقه بنسبة 70%

6-10000K: ازرق بنسبة 90 %

7-12000K: ازرق بنسبة 100%

8-25000K: بنفسجي

و هذه صورة تبين الألوان

http://www.ioffer.com/img/item/156/6...bulb-5ff62.jpg

بتشوفون ان فيه تقارب بين 4300 كالفن و الـ 5000 كالفن

و قد تكاد ان تكون نفس الدرجة و لكن سبب الفرق هو ان درجة

4300 بعد فترة من الاستخدام لا قدر الله و خربت شمعه و غيرتها

بنفس الدرجة بتشوف ان فيه اختلاف في اللون و لهذا السبب

اخترعوا درجة 5000 كالفن عشان لما تغير احدى الشمعات

الشمعه الجديدة و القديمة تكون بنفس درجة اللون.

افضل الدرجات انارة هي بالتأكيد 5000 كالفن ( نادرة جدا )

او 4300 كالفن بلا منااااااازع سواء بعدسة او بدون عدسة

و كل ما اخترت رقم اعلى كل ما قل لديك الوضوح في الرؤية

البعض يقول طيب البي ام او الأودي لون شمعاتهم زرقاء

اقوله غلطان الشمعه درجتها 5000 كالفن و لكن العدسة

تخليك تشوف جميع ألوان الطيف و يكون اوضحها الأزرق.

مقاسات الشمعات:

الشمعات اللي تجي مع الهيلا او الفلبس او البوش او الدنزو

هي بمقاسات معينه و محدده و لا يمكن ان تتغير

يعني اللي يقولك عندي شمعه هيلا او فلبس H11 او H9

قوله معليش اذا صرت بنقالي تعال العب علي

انواع الشمعات كالتالي (بالصور) :

D1S:

http://www.luxuryautomotive.it/publi...9_028-001a.jpg

و تجي بعاكس لضمان عدم تشتيت الضوءD2R:

http://www.luxuryautomotive.it/publi...7_001-121a.jpg

هي نفس اللي فوق بس بدون عاكس على قزازة اللمبةD2S:

http://www.autoworkshopsupplies.co.n...ploads/177.jpg

غير هذي الأنواع للهيلا و الفلبس و البوش و الأوسرام ما فيه.

يتبع

خاطبت الشركات هذي شخصيا ً و قالوا لي ما نبيع غيرها و كل اللي موجود

تقليد و من صنع الصين ( الله يخرب بيتهم نصابين )




بساعدكم يا شباب اللي يبي يعرف مقاس شمعته بدون ما يفك و لا يركب




ممكن يدخل على الرابط هذا و يختار سيارته و سنة صنعها و ان شاء الله




يفيده الموقع ،،، اغلب السيارات موجودة و اللي مو موجوده اقوله قوم



انقز اقرب محل زينه و اسأله حتى بدون ما تفكك الشمعه و لا شي




http://www.sylvania.com/ConsumerProducts/AutomotiveLighting/LampReplacementGuide/default.htm




في حال التركيب لازم يركب لك كتاوت على الزينون و الا بيعدم ام الكهرباء في

سيارتك و اللي يقول لك مو لازم على طول شيل عفشك




و دق سلف و روح لأي واحد ثاني ،، و يفضل انك تروح لواحد تعرفه




و تعرف شغله و الا صدقني ممكن تخسر كمبيوتر سيارتك في أي لحظة




اتمنى اني غطيت اغلب الجوانب و أهمها و شرحتها بشكل بسيط



و مفيد.




و يسعدني أي انتقاد او سؤال او استفسار




و اذا بعرف راح اجاوب و اذا ما اعرف ببحث عن الاجابة باللي اقدر عليه




يشرفني اساعدكم ،،

مشكور اخوي وجهد كبير .. وبصراحة خوفتني من الزينون دامه يسبب خربات في كهرباء السيارة

اخوي خالد

يخرب الكهرب اذا اللي ركبه لك ما يفهم

لكن الحمدلله لي اكثر من 10 سنوات و انا اركب و افك ،، بدون اي مشاكل

يعني اذا فكرت و قررت خذ في بالك هالحاجتين

اشتر نوعية ممتازة + التركيب يكون عند واحد فناااااان و فاهم في الشغلة

و الشباب ان شاء الله ما راح يقصرون و يدلونك على احد مضمون شغله

المقصد مو تخويف المقصد انه يصير عندك معلومة قبل لا تركب.

تحياتي

اووووووخص :/ ..

والله خوفتني .. انا ليا فتره يمكن فوق الـ 5 شهور مركب الزينون بس من دون كتاوت !!

يعني بتضرب عندي الكهربا :/ ؟ .. ولا كيف ! لاني كل ما اروح محل يقلي مو لازم ..

فـ انا طنشت قلت يلا مو لازم بس ماجا على بالي انه له اضرار كذا :/ ..

ويعطيك العافيه ..

قسم بالله ملك ملك .. كل اللي قلته صحيح وماشاء الله باين عليك الخبره

ولازم لازم لازم يا اداره تثبتون الموضوع

واسمحلي اضافة على موضوعك

الدينسو DENSO يعتبر من افضل المحولات

وهذا الجيل الثالث والاخير من المحول "الفضي الجيل الثاني"
http://www.haraj.com.sa/userfiles21/...2fc5e828dc.jpg

المستخدم بالموديلات الجديده "اللكزس والجيب" من 2009 ومافوق --<<لاتغرك المعلومه هذي

لكن نصيحتي لاحد يقرب منه جهاز معقد جدا

مشفر مايقبل الا شمعاته الاصليه فقط فقط

واشتريت واحد زيه من الخارج لاكن للاسف طلع مقلد يوم فكيته < اللصقه مكتوب MADE IN JAPAN

^^^

وهذي النوعيه بدأت تنتشر عندنا وتباع على انها اصليــه وباسعار خياليه توصل 1000ريال بدون الشمعات < اشتريتها من برى 500 ريال فقط ومع شمعاتها كمان

وللعلم .. الفرق بين المحول الاسود والفضي لايكاد ان يرى

بس بسرعة التحميه < فرق امكن اجزاء من الثواني

لكن بالاضائه الجيل الثاني متفوق بكل جداره

يعطيك ألف عافية

يعطيك العافيه اخووي على الموضووع

اقتباس:

---

المشاركة الأصلية كتبت بواسطة ĂςĉǿЯĎ

اووووووخص :/ ..

والله خوفتني .. انا ليا فتره يمكن فوق الـ 5 شهور مركب الزينون بس من دون كتاوت !!

يعني بتضرب عندي الكهربا :/ ؟ .. ولا كيف ! لاني كل ما اروح محل يقلي مو لازم ..

فـ انا طنشت قلت يلا مو لازم بس ماجا على بالي انه له اضرار كذا :/ ..

ويعطيك العافيه ..

---

الله يعافيك يا رب

والله انت و حظك اذا اللي ركب لك فاهم في الشغل ما راح يأثر عليك ان شاء الله

بس اي غلطه في التوصيل قول للكمبيوتر باي باي

خصوصا لو جاه موية ( اثناء غسيل السيارة ، امطار ... الخ ) اذا ما كان مغطى المحول
و التسليكات حقته ممكن يسبب لك مشاكل.

تحياتي و نورتنا بزيارتك

اقتباس:

---

المشاركة الأصلية كتبت بواسطة غاب القمر

قسم بالله ملك ملك .. كل اللي قلته صحيح وماشاء الله باين عليك الخبره

ولازم لازم لازم يا اداره تثبتون الموضوع

واسمحلي اضافة على موضوعك

الدينسو denso يعتبر من افضل المحولات

وهذا الجيل الثالث والاخير من المحول "الفضي الجيل الثاني"
http://www.haraj.com.sa/userfiles21/...2fc5e828dc.jpg

المستخدم بالموديلات الجديده "اللكزس والجيب" من 2009 ومافوق --<<لاتغرك المعلومه هذي

لكن نصيحتي لاحد يقرب منه جهاز معقد جدا

مشفر مايقبل الا شمعاته الاصليه فقط فقط

واشتريت واحد زيه من الخارج لاكن للاسف طلع مقلد يوم فكيته < اللصقه مكتوب made in japan

^^^

وهذي النوعيه بدأت تنتشر عندنا وتباع على انها اصليــه وباسعار خياليه توصل 1000ريال بدون الشمعات < اشتريتها من برى 500 ريال فقط ومع شمعاتها كمان

وللعلم .. الفرق بين المحول الاسود والفضي لايكاد ان يرى

بس بسرعة التحميه < فرق امكن اجزاء من الثواني

لكن بالاضائه الجيل الثاني متفوق بكل جداره

---

ما شاء الله عليك ،، كلامك مضبوووووط 100%

افضل شي في المحولات الدينزو الجيل الثاني

ممتااااااااااااااااااااااااااااز جدا جدا جدا ،، و تقدر تطلبه من برا و بسعر معقول...

اشكرك على الاضافة الرائعه للموضوع

اقتباس:

---

المشاركة الأصلية كتبت بواسطة أكـورد 2009

يعطيك ألف عافية

---

الله يعافيك يا رب :d

اقتباس:

---

المشاركة الأصلية كتبت بواسطة هــــــ اكورد ـــــــوندا

يعطيك العافيه اخووي على الموضووع

---

الله يعلفيك يا رب ،، شرفتنا :rolleyes: :rolleyes:

يعطيييك الف الف الف عافيه ع الافاده

وصراحه كان عندي كم سؤال وموضوعك جاوب لي عليها كلها بس باقي سؤال واحد :d

اللي هو لو ركبت زينون في العالي والواطي << هل يأثر ع الكهرباء ؟؟

بس اخوي لاهنت ابي موقع مضمون لو حبيت اطلب زينون دينسو من الخارج

معلومات ثرية اخوي ..

بس بخصوص الكتاوت انا ركبت الزنون بنفسي ومالقيت يبي له خبير !!

ومن دون كتاوت كمان .. وكل من سالت يقولي بالواطي مايحتاج كتاوت اما العالي تحتاج ..

موضوع حلو صراحه
اول مره اعرف ان فيه كالفن 3000 .. احسه يصلح حق الكشافات :d بس من وين نجيبه وانا اخوك

:cool:ا<<نتا كذا>>:cool:مشششكور

يعطيك العافيه ع الموضوع الحلو

////

ابي اطلب محولات الكزس وابي افضل موقع مضمون ومجرب

يعطيك العافية اخوي وما قصرت

طيب انا عندي لك سؤال
هل صحيح ان الزينون في اوقات الضباب يكون سيء ويعكس النور في وجهك او شي زي كذا ؟

يعطيك العافية على الموضوع وعندي استفسارين ...

انا مركب كشافات وموصلهم بالبطـآرية >> شمعات الكشافات العاديين مو زينون لونهم اصفر ... >> طبعا الكشافات تجاريين .... هل رآح يضر السيـآرة او لآ علمـآ ان الكشافات يجي لها واير لآزم توصله بالبطارية !.؟


انا ابي اركب زينون في الكشافات لكن حرآرة الشمعة تكسر الزجـآج تبع الكشاف .!! وش الحل .!! في انواع خاصة للكشافات .. وانا مركب كلفن 6000 وودي اركب للكشافات نفس النوع .. بس الخوفة ينكسر زجاج الكشاف مع الحرارة ...

ومشكووور اخوي وما قصرت ...

اقتباس:

---

المشاركة الأصلية كتبت بواسطة نـاعسـ الجفن..!

يعطيييك الف الف الف عافيه ع الافاده

وصراحه كان عندي كم سؤال وموضوعك جاوب لي عليها كلها بس باقي سؤال واحد :d

اللي هو لو ركبت زينون في العالي والواطي << هل يأثر ع الكهرباء ؟؟

بس اخوي لاهنت ابي موقع مضمون لو حبيت اطلب زينون دينسو من الخارج

---

الله يعافيك يا رب و في الخدمة دائما ان شاء الله

بالنسبة لسؤالك / اذا تركبت المحولات و تشبكت الأسلاك مضبوط

ما راح يأثر عليك ابدا ان شاء الله و انا كنت مركب ( عالي + واطي + كشافات ) في نفس الوقت

و بالنسبة للدينسو تقدر تطلبها من موقع Ebay و بتلقى هناك طلبك ان شاء الله

اتمنى اني قدرت افيدك ،،، تحياتي

اقتباس:

---

المشاركة الأصلية كتبت بواسطة دنيآ الغرور

معلومات ثرية اخوي ..

بس بخصوص الكتاوت انا ركبت الزنون بنفسي ومالقيت يبي له خبير !!

ومن دون كتاوت كمان .. وكل من سالت يقولي بالواطي مايحتاج كتاوت اما العالي تحتاج ..

---

في بعض الحالات تقدر تركبها في البيت بدون اي مساعدة نهائيا ً

بخصوص الكتاوت انا أقول دائما من الأفضل انك تركبها عشان لا قدر الله

تكون دائما في الـ Safe Side و ما تدوش راسك و تحافظ على سيارتك

لكن مسألة انك ما تركبها الا على العالي فهذا الكلام غير صحيح تقدر تركبها

حتى على الكشافات ..

تحياتي لك

اقتباس:

---

المشاركة الأصلية كتبت بواسطة green devil

موضوع حلو صراحه
اول مره اعرف ان فيه كالفن 3000 .. احسه يصلح حق الكشافات :d بس من وين نجيبه وانا اخوك

---

لا فيه 3000 و انا اخوك و بيكون لونه اصصصصفر مره

و تقدر تطلبه من المواقع الخارجية في النت

لأن مستحيل تلقاهـ في السوق هنا لأن ما عليه طلب

و أنك تركبه في الكشافات عاد هذا شيء شخصي و أذواق

و لا نقدر نفتيك فيها ;) ;)

نورتنا بمرورك

اقتباس:

---

المشاركة الأصلية كتبت بواسطة خارج عن السيطرة

:cool:ا<<نتا كذا>>:cool:مشششكور

---

تسلم لي يا بعدي :o :o

و في الخدمة دائما و أبدا لحبايبنا

اقتباس:

---

المشاركة الأصلية كتبت بواسطة Y.k.A

يعطيك العافيه ع الموضوع الحلو

////

ابي اطلب محولات الكزس وابي افضل موقع مضمون ومجرب

---

الله يعافيك و اقل شي اقدر افيدكم فيه هذا الموضوع و تستاهلون جميعا

اما للطلب و الله انا ما قد طلبت محولات دنسو من برا و اللي عندي

لقيتها صييييييده و وفقني ربي فيها من هنا في التشليح

اخذتها بمبلغ مرررررره بطل

لكن انا اشوف الرابط هذا هو الأفضل للي يبي يشتري شي مضمون

و حقه فيه


http://cgi.ebay.com/ebaymotors/DENSO-35W-HID-XENON-SLIM-BALLASTS-W-INPUTS-OEM-LEXUS-_W0QQcmdZViewItemQQhashZitem439f100fe5QQitemZ29043 1438821QQptZMotorsQ5fCarQ5fTruckQ5fPartsQ5fAccesso ries

اقتباس:

---

المشاركة الأصلية كتبت بواسطة راعي الدبش

يعطيك العافية اخوي وما قصرت

---

الله يعافيك و يسلمك :d :d

اقتباس:

---

المشاركة الأصلية كتبت بواسطة inter4ever

طيب انا عندي لك سؤال
هل صحيح ان الزينون في اوقات الضباب يكون سيء ويعكس النور في وجهك او شي زي كذا ؟

---

ابدا المعلومة هذي غير صحيحة نهائيا ً

و الا ما كان توجه صانعي السيارات في العالم الرياضية و الفخمة بتركيب

الزينون في السيارات

اهم شي يكون النور موزون صح + اللون مناسب للقيادة و ليس للاستعراض و الزينة

صدقني بيكون و لا أروع.

تحياتي

اقتباس:

---

المشاركة الأصلية كتبت بواسطة besoo

يعطيك العافية على الموضوع وعندي استفسارين ...

انا مركب كشافات وموصلهم بالبطـآرية >> شمعات الكشافات العاديين مو زينون لونهم اصفر ... >> طبعا الكشافات تجاريين .... هل رآح يضر السيـآرة او لآ علمـآ ان الكشافات يجي لها واير لآزم توصله بالبطارية !.؟


انا ابي اركب زينون في الكشافات لكن حرآرة الشمعة تكسر الزجـآج تبع الكشاف .!! وش الحل .!! في انواع خاصة للكشافات .. وانا مركب كلفن 6000 وودي اركب للكشافات نفس النوع .. بس الخوفة ينكسر زجاج الكشاف مع الحرارة ...

ومشكووور اخوي وما قصرت ...

---

والله بالنسبة للتفاصيل الكهربائية انا مالي خبرة فيها :( :(

ما راح اقدر افتيك في شي مالي علم فيه.. العذر و السموحة

بخصوص استفسارك الثاني/

الزينون ما عمره كسر قزازة ( حسب علمي ) بعض الكشافات او الاصطبات تنفك فيها

القطعة العاكسة للنور و تلقاها داخل الاصطب مما يأثر عليك في وزنية النور.

و ركب يا عمي و انبسط :cool: :cool: و حتى لو لا قدر الله و انكسر

راح يكون كشاف تجاري مو اصلي و سعره مو غالي..

كان عندي مكسيما و كشافاتها الأصلية قزاز و كان راكب عليها زينون و لا أروع

الين ما جيت ابيعها و فكيت الزينون اللي عليها..


تحياتي :)

مركب عالي وواطي وريوس وماشاء الله ماقالت شي وصحيح الزنون سيء بالضباب خصوصا العلي وماتقدر تشغله اصلا واسأل اهل الجنوب

الله يعطيك العافية والله انك نبهتنا الحين لازم اروح اركب كتاوت لانو انا مركبه بالواطي والكشفات بدون كتاوت وحقين الزينة يقولو عادي مولازم تركيب كتاوت

لازم تثبتون الموووووضوع ياجماعه وبسرعه للتعم الفائده للجميع

اخوي انا عندي سؤال بالنسبه لحجم شمعات الزينون للاكوررد 2006 للواطي

اتوقع ان له رقم 6002 والله ما ادري باضبط بس هل ممكن تغيدني الله يرضى عليك

^^
مقاس شمعات الاكورد للواطي 9006

والعآلي 9005

يعني باختصار ياغالي .. انا من النوع الي وجهني لقطعه واشتريها هههههههههه على قولتهم ادرعم ..

انا ابي افضل نوع من ناحيت الجوده من ناحيت مابي يأثر على السياره مستقبلا
وابي لونه يكون ابيض مثل الكزس مثل الوكاله .. مابي شي تجارب


وش تنصحني فيه .. ياغالي مابي شي توليف ..

ارسلي رابط السلع من امازون او ايبي .. وانا بحاول اشتريها مع جميع القطع..

ومشكور وماقصرت ...

شباب ارجو تثبيت الموضوع لانه جدا مهم .. بس محد جاوبني

اشكر الجميع على تفاعلهم و مرورهم

بالنسبة لك يا فتى سدير

هذا الرابط ممكن يفيدك لو تبي تشتري من اي باي ( محولات بططططله لك و للزمن )

http://cgi.ebay.com/ebaymotors/DENSO-35W-HID-XENON-SLIM-BALLASTS-W-INPUTS-OEM-LEXUS-_W0QQcmdZViewItemQQhashZitem439f100fe5QQitemZ29043 1438821QQptZMotorsQ5fCarQ5fTruckQ5fPartsQ5fAccesso ries

قيمته 180 دولار من غير الشحن

مع الشحن يمكن يوصل للـ 220 دولار يعني

بالريال 860 ريال تقريبا ً

تحياتي لك

اقتباس:

---

المشاركة الأصلية كتبت بواسطة ex-2011

اشكر الجميع على تفاعلهم و مرورهم

بالنسبة لك يا فتى سدير

هذا الرابط ممكن يفيدك لو تبي تشتري من اي باي ( محولات بططططله لك و للزمن )

http://cgi.ebay.com/ebaymotors/denso-35w-hid-xenon-slim-ballasts-w-inputs-oem-lexus-_w0qqcmdzviewitemqqhashzitem439f100fe5qqitemz29043 1438821qqptzmotorsq5fcarq5ftruckq5fpartsq5faccesso ries

قيمته 180 دولار من غير الشحن

مع الشحن يمكن يوصل للـ 220 دولار يعني

بالريال 860 ريال تقريبا ً

تحياتي لك

---

طيب وبالنسبه للشمعات هل فيه شي ثاني اطلبه من برا ؟؟؟

ابي شي مثل اللكزس مابي شي يعمي الي قدامي يكون شكله مركب ...

عشان بطلبها اليومين هذي بس بتاكد وش الاغراض الثاني الي احتاج اطلبها من برا

ما شاء الله موضوع جميل ومرتب مشكووور على مجهودك الرائع :cool:

بس عندي طلب ومعليش بنتعبك شوي :)
بالنسبه للكتاوت لو تدلنا وش نوعها وشكلها وطريقه تركيبها يكون احسن وافضل:d
وتحياتي لك

دحين فيه مشكله لو ركبة زينون صيني بدون كتاوت :rolleyes: