تقرير عن تجربتي ل ((قمة الحمايه - Top shield ))

بسم الله الرحمن الرحيم

مساء / صباح الخير جميعا ..

بما أني أنا المدعو أكورداوي بن هوندا الياباني قمت بزيارة ميمونه للشركة الميمونه قمة الحمايه وذلك بعد مرور 3 سنوات على شراء السياره (( توني أعرف دلع السيارات )) :d فقررت كتابة موضوع كامل عن تجربتي لتكون شمعه لكل من أراد التعرف أكثر على أسرار (( قمة الحمايه )) <--- والله أسلوب :cool:

والتقرير يتضمن مايلي /

1- الخدمات الي سويتها عندهم ..

2- الوقت المستغرق ..

3- المعامله من قبلهم ..

4- خدمات مابعد الخدمات :)

5- الأسعار

6- المحصله

7- صور

نبدأ أولا بالخدمات التي تم الاستفاده منها /

بصراحه أنا لما فكرت بالتظليل جديا بعد صراع 3 سنوات مع النفس .. توجهت دايركت للبحث عن المحل الأفضل من جميع النواحي .. الجوده والسعر ووووو الخ ..

رحت أكثر من محل بكل صراحه ولكن عرض قمة الحمايه لأعضاء النادي أقوى العروض وأفضلها من جميع النواحي ..

فكنت مخطط على التظليل فقط لكن كانت الخدمات المجانيه إغراء مابعده إغراء وبنفس سعر التظليل :eek: والخدمات المجانيه الملحقه عباره عن :

1- حمايه للماكينه من الصدأ والتأكسد ..
2- حماية كامله للبودي 3 طبقات من الصدأ أيضا والتبهت والتأكسد ..
3- تلميع وحماية الطبلون من التشققات ..
4- حماية الربلات ..
5- حماية للأنوار الأماميه من الترميل ..
6- تلميع خارجي ..
7- حماية المقاعد (( الجلد ))
8- حماية الأكسسوارات

ولاحظوا أن كل هذه الخدمات مجااااانيه مع التظليل ..

ثانيا .. الوقت المستغرق /

في حالة قبول كل الخدمات فأن السياره تحتاج ليوم كامل .. لكن أنا كنت مستعجل فتركت بعضها لوقت آخر وكان الوقت الخاص بالتظليل فقط مع بعض الخدمات البسيطه 4 ساعات (( مع أوقات الصلاه ))

ثالثا المعامله /

ما أقدر أقول الا الله يكرمك يبو عمر على حسن الضيافه وعلى عصير المانجو :d

رابعا الخدمات مابعد الخدمات /

ضمان خمس سنوات على الخدمات وموعد كل ستة أشهر للتجديد في حالة تركيب فلم حمايه للوجهيه (( فلم حماية الوجهيه لايدخل في العرض)) ..

خامسا الأسعار /

الأسعار ممكن تقولون أجامل لو قلت لكم انها ماتتوقع ..:rolleyes: لكن اذا ودكم تتأكدون زوروا المحل وراح تتأكدون أكثر وأكثر (( واذا قلت خياليه فهي خياليه ))



سادسا المحصله /

طبعا قياس النتائج يختلف من شخص لشخص آخر والسبب لأنه مافيه معيار معين للقياس فممكن شخص يتوقع انه يركب سيارته ويلقاها اسكيمو بينما هي لاتصل لهذا المستوى ..

لكن الي لاحظته انا بسيارتي ..

1- بعدما كنت أركب السياره وألاحظ ان الهواء حاااار ومكتوم داخل السياره وكأنها سموم .. صارت السياره عاديه جدا مع وجود حراره بسيطه بسبب الجلد وللمعلوميه نسبة العزل 85 % ..

2- سرعة برودة السياره عن تشغيل المكيف ..

3- منظر جمييل ورائع للسياره خصوصا ان اللون الي اخترته كان ملكي ..

4- بالنسبه للطبلون رجع جديد مثل أول ولاحظوا سيارتي موديل 2005 يعني الطبلون كان مبهت نوعا ما ..

5- راحه واطمئنان على الأنوار الأماميه من العج لأني كل أسبوع مسافر ..

والحين خلوكم مع الصور للسياره أثناء العمل ..مع وجود صوره أخيره لسياره أكورد 2007 انتهى العمل عليها ..

http://up4.m5zn.com/photos/00037/1KUL7106EFS4.jpg


http://up4.m5zn.com/photos/00037/OYCOWN564LF6.jpg


http://up4.m5zn.com/photos/00037/1TJB710PUP6X.jpg

http://up4.m5zn.com/photos/00037/24X7LWWCSESG.jpg

http://up4.m5zn.com/photos/00037/RU5KSFPCZ8JF.jpg


http://up4.m5zn.com/photos/00037/B7WJY16OV3GO.jpg

أتمنى ان يكون التقرير وافي وكافي لكن من أراد أن يتعرف على قمة الحماية وأي استفسار أنا جاهز وسأبدأ الرد من يوم الأربعاء ان شاء الله ..

الله يعطيك العافية يالغالي

وأذا ممكن طال عمرك ترفق الصور كمرفقات لأنها مش طالعه

الصور ماطلعت>>يعني لو طلعت راح اطق مشوار واجيك بس انت خربتها على نفسك>>براااا



شكرا لك بس انتظر الصور ولي باك

بدينا شغل المصاريه ياخلود

تم رفع الصور من جديد ..


أكورد الجنوب ..

توك راجع لنا من انقطاع دام سنييييين .. فلا تخربها :d

الله يسلمك ياأكورداوي كل يوم انا جالس اقول بزورهم

بس وين مكانهم في شارع الملك سعود بعد اي اشارة ومشكور

ماشالله على الصور الجميله للحلوه نحن سادة الصين 330 :d

ويين ذيك الايام لما كانت بدون جنوط واللوحه مخرمه في كل مكان .. حتى انا شفتها ن ش ض :cool:

تشكر على التقرير

^^^^^^^^^

يصيرون قبال سولار جارد بالضبط ............ لما تصير التيوتا على يمينك تمشي قدام بعد ثاني او ثالث اشارة عاليمين

طيب أكورداوي ما قلت لنا بكم كلفتك بالريال الإسترليني

يسلم راااسك طآل عمرك

وما قصرت

تقرير رائــع ,,


ربي يخليك

وشلون أكورداوي بن هوندا الياباني وسيارتك نحن سادة الصين >>> لايفوتك كونان على غفله :d

والله كفيت ووفيت حبيب الملايين اكورداوي :cool:

المشكله مالهم فرع بالرياض ومتعيجز اروح الشرقية واخلي السيارة يوم كامل

اقتباس:

---

المشاركة الأصلية كتبت بواسطة الاخطبوط

وشلون أكورداوي بن هوندا الياباني وسيارتك نحن سادة الصين >>> لايفوتك كونان على غفله :d

والله كفيت ووفيت حبيب الملايين اكورداوي :cool:

المشكله مالهم فرع بالرياض ومتعيجز اروح الشرقية واخلي السيارة يوم كامل

---

متعيجز وانت كل ويكند بالشرقيه

عندي استفسار بس يا خوي

انا رحت لعند في كول قلت ابغا اضلل قالي والله لأكورد 2007 نضللك بس الضمان سنتان فقط لان التضليله تتشمخ من تنزيل النافذه

قولي انتا الحين هل تشمخت عندك التضليله من النافذه

ومشكورررررررررررررر

يعطيك العافيه يااكورداوي ياكويس

ماشاء الله واضح من التقرير ان الفلم بطل يعني كويس يعني ممتاز يعني مادري شلون اوصفه

بس ياخي كم التكلفه لاتقول طق مشوار من الرياض الى الشرقيه علشان اعرف كم السعر

حبيبي ورانا مصالح دوله والريال ينقص المليار هع هع يعني لازم نحسب حساب التكلفه

شد حيلك وعلمنا واترك عنك اسلوب التسويق >ترانا خبره

ومشكور يالغلا

اقتباس:

---

المشاركة الأصلية كتبت بواسطة o-k-r

الله يسلمك ياأكورداوي كل يوم انا جالس اقول بزورهم

بس وين مكانهم في شارع الملك سعود بعد اي اشارة ومشكور

---

الله يعافيك يالغالي ..

المحل مثل ماقال محجوب .. أترك اول اشاره الي هي حقت تويوتا واترك الثانيه وعلى يمينك على طول بعد الاشاره يعني تقريبا ثالث عماره بعد الاشاره على اليمين ..

همسه :)

شفتك اليوم بالتجاري وأحس انك لعبت في سيارتك لعب .. هدي أعصابك ياشيخ ;)

اقتباس:

---

المشاركة الأصلية كتبت بواسطة عاشق هوندا اكورد

ماشالله على الصور الجميله للحلوه نحن سادة الصين 330 :d

ويين ذيك الايام لما كانت بدون جنوط واللوحه مخرمه في كل مكان .. حتى انا شفتها ن ش ض :cool:

تشكر على التقرير

---

الله يبارك فيك ..

ولاتذكرني حبيبي بأيام البؤس تراني مستانس بالسياره فلاتخرب هالوناسه ;)

اقتباس:

---

المشاركة الأصلية كتبت بواسطة الـــظـــل

طيب أكورداوي ما قلت لنا بكم كلفتك بالريال الإسترليني

---

يكلفك يالغالي مبلغ وقدره +++ ريال استرليني ;)

اقتباس:

---

المشاركة الأصلية كتبت بواسطة لصمت ملاك

يسلم راااسك طآل عمرك

وما قصرت

تقرير رائــع ,,


ربي يخليك

---

الله يبارك فيك وأشكرك حبيبي على الإطراء :rolleyes:

اقتباس:

---

المشاركة الأصلية كتبت بواسطة الاخطبوط

وشلون أكورداوي بن هوندا الياباني وسيارتك نحن سادة الصين >>> لايفوتك كونان على غفله :d

والله كفيت ووفيت حبيب الملايين اكورداوي :cool:

المشكله مالهم فرع بالرياض ومتعيجز اروح الشرقية واخلي السيارة يوم كامل

---

أنا حبيب الملايين ؟ :d

وناااااااااسه أجل ..:p

أكيد وناسه دامها من الأخطبوط عميد حراس العالم ;)

يارجال كلها يوم ومايضرك ان شاء الله وبتلقى الكرم ان شاء الله عند ابو عمر ..

اقتباس:

---

المشاركة الأصلية كتبت بواسطة acoord 2007

عندي استفسار بس يا خوي

انا رحت لعند في كول قلت ابغا اضلل قالي والله لأكورد 2007 نضللك بس الضمان سنتان فقط لان التضليله تتشمخ من تنزيل النافذه

قولي انتا الحين هل تشمخت عندك التضليله من النافذه

ومشكورررررررررررررر

---

والله ياخوي انا مالي الا اسبوع واحد من ظللت والى الآن ماصار شي ان شاء الله ..

ممكن الأخ Top shield يوافينا عن المشكله هذي ..:rolleyes:

اقتباس:

---

المشاركة الأصلية كتبت بواسطة accord2002

يعطيك العافيه يااكورداوي ياكويس

ماشاء الله واضح من التقرير ان الفلم بطل يعني كويس يعني ممتاز يعني مادري شلون اوصفه

بس ياخي كم التكلفه لاتقول طق مشوار من الرياض الى الشرقيه علشان اعرف كم السعر

حبيبي ورانا مصالح دوله والريال ينقص المليار هع هع يعني لازم نحسب حساب التكلفه

شد حيلك وعلمنا واترك عنك اسلوب التسويق >ترانا خبره

ومشكور يالغلا

---

لا الفلم قوي قوي قوي بس مو أقوى منك :cool:

السعر يامحمد رااائع ولو يرضى أبو عمر كان كتبته بس السياسات التسعيريه لها دور ..

لكن لك مني أنك ماراح تطلع من عنده الا وانت راااضي جدا جدا والسعر راح يعجبك مره وهو مناسب لجميع الفئات .. بعكس باقي الشركات الي ماتتكلم الا فوق ..

اولاً ما شااء الله ..
ثااني شي التقرير حلو .. بس انته احلى ;)
مم
عندي تعلييق صغيير على الصوور ... ويييين علاامة الهوندا الي على الشبك الاماامي :confused:
كأنها طااريه ولا انا غلطااان ..
واول ما اشتري سيااره رح تلااقيني بالدمااام الي مدري ويينها بالشماال ولا الجنووب:d

تقبل تحيااتي

وشغله ثاانيه ياا ساادة الصييين ..
الصووره الاخييره لأكورد بس مو سياارتك !!! :p
من وين جيبها ؟؟ :confused:

أما عليك أسئله يا أسامه .. تخليني البطن يصدع والراس يجوع ..:mad:

اولا ..

علامة هوندا موجوده ولو راحت في يوم من الأيام اعرف ان الماكينه معها ..

ثانيا ..

صورة الأكورد الثانيه كانت موجوده في نفس المحل بس كانت خالصه قبلي ياقلبي <-- أنواع الأدبيات :d

وللمعلوميه ترى الدمام تقع في جنوب شرق الشمال ..:p

اكورداوي .. كفيت ووفيت يالحبيب

الاسعار اكثر او اقل من 1000 ؟

ارجوا التلميح :d

والله يقزاك بالخير .. وتتهنى بدلوعتك يارب

اقتباس:

---

المشاركة الأصلية كتبت بواسطة أكورداوي

أما عليك أسئله يا أسامه .. تخليني البطن يصدع والراس يجوع ..:mad:
لييش معصب :mad:
اولا ..

علامة هوندا موجوده ولو راحت في يوم من الأيام اعرف ان الماكينه معها ..
بعيييد الشر يااشيخ قوول لاسمح الله :(

ثانيا ..
صورة الأكورد الثانيه كانت موجوده في نفس المحل بس كانت خالصه قبلي ياقلبي <-- أنواع الأدبيات :d
عصبي :p
وللمعلوميه ترى الدمام تقع في جنوب شرق الشمال ..:p
ولا من حااجتك عرفت ويين الدماام ;):p

---

تحيااتي

اقتباس:

---

المشاركة الأصلية كتبت بواسطة 92.500

اكورداوي .. كفيت ووفيت يالحبيب

الاسعار اكثر او اقل من 1000 ؟

ارجوا التلميح :d

والله يقزاك بالخير .. وتتهنى بدلوعتك يارب

---

تبي الصراحه ..



:d


تقدر تقول ..... وصلت :d

اخوي اكورداوي


انا طالع الشرقية ... بعد تقريبا 3 اسابيع ... ورايح امر على المحل بس ياليت لو ترسلي السعر على الخاااص ...


وممكن حاجه ثانيه ايش صناعة .. التضليل ... ليكون صيني ... لانوو فيه محلات واااجد بالرياض ... وب 700 كل الموتر .. وحماية 80 % يعني حولك

اقتباس:

---

المشاركة الأصلية كتبت بواسطة the sound

اخوي اكورداوي


انا طالع الشرقية ... بعد تقريبا 3 اسابيع ... ورايح امر على المحل بس ياليت لو ترسلي السعر على الخاااص ...


وممكن حاجه ثانيه ايش صناعة .. التضليل ... ليكون صيني ... لانوو فيه محلات واااجد بالرياض ... وب 700 كل الموتر .. وحماية 80 % يعني حولك

---

حياك الله اخوي في الشرقيه واحنا مستعدين نخدمك بأي خدمه تحتاجها يالغالي ..

بالنسبه للسعر .. ما دامك انت جاي للشرقيه ورايح للمحل فتطمن من ناحية السعر ياعزيزي وحتى من ناحية الصناعه .. فالصناعه اميركيه 100 % :)

شكرا للك أخوي أكورداوي انا افكر احط عازل Zebrat ولكن بعد كلامك حجرب التوبشيلد انا من المدينة المنورة اروح لهم انشالله قريباّ الصيف والحرارة عندنا ماترحم في المدينة سيارتي أكورد 2007

اقتباس:

---

المشاركة الأصلية كتبت بواسطة dark422

شكرا للك أخوي أكورداوي انا افكر احط عازل Zebrat ولكن بعد كلامك حجرب التوبشيلد انا من المدينة المنورة اروح لهم انشالله قريباّ الصيف والحرارة عندنا ماترحم في المدينة سيارتي أكورد 2007

---

العفو يالغالي ..

وحياك الله .. وان شاء الله أبو عمر مايقصر معك وهذا هو طبعه وان شاء الله بتلقى كلامي صحيح وراح يسرك شغله وكرمه ..

هلا اخوي اول شي مبروك >> جات متاخره

بس بغيت اسالك الحين التضليل كيف العزل معاك !!

وبعدين هل تشمخت عندك التضليله

وشكرا

اقتباس:

---

المشاركة الأصلية كتبت بواسطة acoord 2007

هلا اخوي اول شي مبروك >> جات متاخره

بس بغيت اسالك الحين التضليل كيف العزل معاك !!

وبعدين هل تشمخت عندك التضليله

وشكرا

---

هلا وغلا ..

العزل اوكيه والله ماعليه كلام .. لكن التشمخ هذا شر لابد منه في الأكورد والحين بدأت التشمخات تظهر ..

لكنها مشكله في جميع أنواع التظليل حتى زيبارت وفي كول مايضمنون لك هالشغله ..

والله تحمست مع الموضوع بالاخير ماطلعلي الا صورة وحدة الي طالعه اللوحه

اقتباس:

---

المشاركة الأصلية كتبت بواسطة أكورداوي

يكلفك يالغالي مبلغ وقدره +++ ريال استرليني ;)

---

أفهم من كلامك ان المبلغ يتكون من ثلاث خانات

كيييف كونان صح :p

وبإذن الله انا بروح عندهم في الاجازه الصيفيه

تحياتي.,.

مع احترامي لـ ابو عمر سياسة للأسف مش ولا بد

لا صارت فروعة بالرياض والشرقية وجدة يعني منتشرة معك

اما يحجب عرض الاسعار عشان يبي الناس تجي

حط اسعارك ولا صارت بمتناول الجميع الناس تجيك ومهم مغمضين

تخيل اروح للشرقية اسال عن السعر

ابو عمر الله يهديه يسمع بالتشويق

^
من جد

نبي الاسعار:(

92،500

اقتباس:

---

الاسعار اكثر او اقل من 1000 ؟

---

اقتباس:

---

---

حبيبي انت كذا كنكـ تقول لشركة احنا نتوقع 1000 يا جدي لاتوهقنا:mad:

اكورداوي يعني حول 500 ريال او اكثررر هههههههههه

تحياتي لكـ :cool: 92,555 :d

ياشباب بالنسبة للسعر أي واحد يكتب بالموضوع المثبت ويرفق إيميله أو إن كان يرغب بالتواصل عبر الرسائل الخاصة، وسيقوم الأخ مختار بإذن الله بإرسال السعر بأقرب وقت..