ليه يا ماكسيما 2010 من جدك؟؟؟

السلام عليكم ورحمة الله وبركاته
شباب ماودي إنكم تزعلون:d:d
إنتو تكلمتوا كثير عن الماكسيما وحبيت أطرح وجهت نظري بشكل مفصل
ويارب ما أطفش أحد فيكم,,,:rolleyes:
بس خلونا صريحين والله مره مافيها شكل نقول من جد أليم,,,:mad:
يعني انتظار 10سنوات وبعدين يطلع الشكل هذا!!!!
إنتو لا حظوا الكابريس توقفت عام95 وعادت لعام 2000 و2004
واكتسحت الأسواق بعنف وماوصلت للسعر اللي أنا شايفه بالمكسيما :o
***يعني الباترول كم له سنه بنفس الشكل ونفس المواصفات ونفس الألوان!!!
الددسن كم له سنه نفس الشكل وفقط تغيير اصطبات!!!
قارنوها بلاندكروزر والهايلكس واترك الحكم لكم؟؟؟
بعدين هل إن فشل نيسان في الباترول والمورانو والقاشقاي والتيدا والددسن
أدى إلى انتهاجها طرح سيارات جديده بمسى جديد قديم...اللي هي ماكسيما
وطرحت سيارة جديدة لم نكن نعرفها مثل أرمادا مورانو وقاشقاي وتيدا
لــــــنـــــكـــــن واضــــحــــيــــن,,,:eek:
من منكم شاف سيارة من المذكوره أعلاه في يوم واحد أكثر من 6 إلى 7 مرات
تبون المفارقه العجيبة لاحظوا جيب لاندكروزر التي أنعش تويوتا في المبيعات
ورأينا جيب الهونداي والكيا والمازدا سوقها ماشي وبقووووووووووووه,,,
هل شركت نيسان عجزت أن توظف لعملائها قوة قادرة تكون حل جذري
لإرضاء العملاء..
أعرف واحد بالشكل في وكالة الحمراني بأبها شكلآ لا إسمآ
سألته/
لماذا لا نرى سيارات انفينيتي بين سيارات نيسان في معرض نيسان؟؟؟
وأنا أقصد معرض أبها
ولماذا تراجعت مبيعاتكم؟؟؟
قال تراجعت مبيعاتنا نعم
وأنا والله إنه آخر يوم دوام بسبب الحمراني الله لا ؟؟؟؟؟؟؟؟؟
ماودي أتكلم لأني بصراحه لا أعرف مدى مصداقية الرجل بس حسيت إنه يخاطبني بحرقه
أخــــــــــــــــيـــــــــــــرآ/
سألتكم بالله شخص يمتلك 133000 ريال
يفكر يشتري ماكسيما!!!!!!!!!!!!!:confused::confused:
غريب طيب عنده EX2009 و G35
وتصدقوا EX فيه مواصفات أنا لن أذكر إلا أن فيه 4 كاميرات والباقي راجعوه في الكاتلوج مال السيارة الجديدة كليآ
أو ليكزس ES أو IS
أتمنى لعشاق نيسان التوفيق,,,,,,,,,,,,,
وأتمنى من خالص قلبي لشركة الحمراني التوفيق والنجاح,,,,,,,,,,,,,,,,
من يؤيدني فليكتب ماكان صوابا...
ومن يعارضني فليكتب ماكان خطئآ.....
والـــــــــــســــــــــــــلام/
أخوكم/
أغــــــــــار يا هـــــــــــوندا

الصراحه لو عندي 133.000

اشتريلي فولكس فاجن باسات اصرفلي...

اسمك راكب الماني مو ياباني...

مع احترامي للجميع...

بس المحرك يطرب في الماكس هدي الحسنه الوحيده...

يعطيك العافيه أنمار
صراحه ردك جميل وفي محله
مشكور ع المرور أخوي

اقتباس:

---

المشاركة الأصلية كتبت بواسطة A N M A R

الصراحه لو عندي 133.000

اشتريلي فولكس فاجن باسات اصرفلي...

اسمك راكب الماني مو ياباني...

مع احترامي للجميع...

بس المحرك يطرب في الماكس هدي الحسنه الوحيده...

---

^^^^
انا سويتها :d

صوتي ضد الماكس مع اني لا ارى في سعرها اي مشكله ...

ياجماعه الاكورد سته سلندر ب 115 ومافيها ولا مواصفه تفتح النفس ... خلونا واقعيين ;)

والله ياخي كلامك فيه شيئ من الصحه

بس مواصفات الماكسيما رووعه ولو تقارنها باللكسز والله ارخص بواجد

اللكسز الصغيره is كنها كوريلا بـ 160 الف سلاامات

ترا الاسعار نآآر الحيييين

والماكسيما افضل مواصفات من الافالون والافالون بـ 123 الف ,,

يعني سعرها معقوول صرآحه

اغار يا هوندا

بيض الله وجهك كلام في محله

كلامك صحيح

بالنسبه للي يقول انها تستاهل لان فيها مواصفات

عندك الاوريون ماشاء الله كل شي فيها مو ناقصها الا علامة لكزس <<<كبرتها شوي صح

عندك الازيرا فيها مواصفات روووعه وقوة مكينه مااحلى منها

وكل السيارتين سعرهم معقول

واللي يقول ان الماكس تطرب لان مكينتها قويه

عندك الكابريس بجميع انواعها كلها قووويه وتطربك اكثر

اللومينا بجميع انواعها

الالتيما

كرايسلر والتشارجر


بكل صراحه انا بنظري افضل سيارة قدرت تجمع بين الشكل والقوة والفخامه هي ((الاوريون))

صراحه انا من عشاق الماكسيما

وشكلها اليم بقوه

شفت وحده بالبحرين امس وربي عجييييييييييييييييييييييبه

وصراحه يكفي اسمها ماكسيما وربي لها مكانتها

وودي ابيع الاكورد واخذ ماكسيما

ومثل ماقال اخونا الاكورد انا ماخذها 115 وش فرقها ع المكس وهي افضل

115 الف ومافيها من المواصفات شي ابد إلا هناك يعني ترقبك

بس اسم انها هوندا مالها حل

شباب يقولون احتمااااااال تنزل بانوراما فيمتها 126 الف عند الحمراني

المصدر
نيسان اريبيا

أزودهم شويه وأشتري المرسيدس فئة C :cool:


بلا نيسان بلا ياباني بلا خرابيط :cool:

بصراحة وواقعية ..

السعر مناسب شويتين ..
ترا السيارة فيها :
مكينة قوية جدا 3.5 لتر وبقوة 290 حصان صافي
قير CVT من 6 نسب يعطي عزم لما ترص ومريح في القيادة العادية مع عصا التعشيق وراء الدركسون !
شاشة لمس مع نافيقيشن وكامرا خلفية
دركسون كهربائي تلسكوبي بأربع اتجاهات
جنوط خيالية مقاس 19 انش !!
التقييمات الامريكية قالت عن نظام الدفع فيها انه افضل نظام دفع امامي على الاطلاق!
مفتاح ذكي والدخول بالبصمة وتشغيل بضغطة زر
6 سيديات مع وجود مدخل صوت وفيديو ونظام صوتي 9 سماعات من شركة بوز !
اسيات كهربائية للسائق واعتقد للراكب
ديكور كامل بتصميم جديد ومواد عالية الجودة على حسب التقييمات
تدفئة وتبريد في مقعد السائق !!!
زنون ... بلوتوث ...
4 انظمة للثبات والامان

يعني على الاقل لما يسألك واحد ليش السعر كذا تقول له هالمواصفات مو الاكورد وش بتقول علشان سعرها 115,000 ؟؟ طي مرايات <<< في الكرولا .. غسيل انوار <<< اتحدى احد استخدمه/بيستخدمه ! .. زنون << التيما من 2005 فيها .. 7سماعات << الناس وصلت لـ9 و10 ومن شركات بعد .. يابانية 100% <<< ما اشوف ميزة لهالشي وصراحة العيوب كثيرة وهي صناعة يابانية يعني ما منها فايدة !! ميزة الاكورد الوحيدة نظام السلندرات .. وصراحة ما تفرق عندنا واجد لأن اسعار البنزين الحمدلله رخيصة ..

بالنسبة لـ أن الموديل القديم 10 سنوات .. هالكلام في الخليج فقط بس امريكا غيروا الشكل عام 2005 او 2006 على ما اعتقد والحين غيروه 2010 ..

الصراحة السيارة جمعت بين المواصفات القوية جدا والمكينة القوية جدا .. ولا تقارن اصلا بالاوريون ولا الاكورد ولا الالتيما ولا المازدا من ناحية الفخامة والرفاهية ..

ولعلمكم وهالكلام مو من عندي .. المنظمات الامريكية الشهيرة جدا واللي شغلهم الشاغل بس يسووا تقارير عن السيارات ويقارنوا بينها ما قارنوا المكسيما حتى بالافالون .. قارنوها باللكزس ES والاكيورا TL يا حبايبي بسبب مواصفاتها الخرافية وجودة موادها العالية ..

صح ان الباسات الماني .. بس ترا ما مواصفاته اقل وحجمه اصغر ومكينته اضعف بواااااااااااجد وما يتحمل مثل الياباني اللي تقولون عنه بلا خرابيط ..

انت ياخوي تقارنها باللكزس والانفنتي وكأنها بنفس السعر !! .. ترا اللكزس ES (ماهيك عن الشكل القبيح داخليا وخارجيا) سعره من 160,000 الى فوق الـ190,000 والانفنتي الـG الآن سعره 170,000 والـIS القوطي سعره 151,000 بدون حتى شاشة !! .. شكلك ما راجعت اسعار الوكالات من وهلــــة ..

وذا الشخص اللي يقول اوريون ياهوووووووووو الاوروين ويــــــن والمكس وين ماكو اي مقارنة بالمواصفات .. اصلا يكفي الاوروين داخليته ذي اللي كنها العاب تطلع اصوات من كل جهة غير انه تعديل ابو جميل من شاشة الى بلوتوث الى دعاء السفر !!

معليش بس عصبت شوي .. :o .. لأن الشباب مقارناتهم عجيبة .. وأرجو من اللي ما شاف المكس ع الطبيعة يشوقة لأن فعلا تحسه شي قوي ومتماسك ومواصفات تطقطق فيوز العقل ..

وسلامتكم ..

والله انها اطلق موتر شبابي وسعره مايتعدى 135 الف

لا من شكل ولا من مواصفات ولا من قوة


المكسيما هي بالمقدمه الحين

بلا ماكسيما بلا لكزس بلا ياباني
اااااه لو معي قرنقش ما يردني غيرك ياشركة محركات الطائرات سابقاً
ويا من غزيتي السوق وبقوة وقهرتي الكثير من نافسيكي
هاااااه عرفتوها
طبعاً bmw

عموما مشكورين شباب
والله يعطيكم العافيه
أنا أهنيكم إنكم تقبلتوا موضوعي بكل صدر رحب
هذي تكفيني 20 سنه قدام خخخخخخخخ
بعدين شباب شنو سالفتكم ماكينة وما ماكينة والماكسيما سرررريعه ومدري إيه
يعني بعض الشباب باقي تفكيره على أبو 15 سنه ورى
سرعه وتهور وماكينة وأحصنة ياخي تبي تقلع اصبر كم سنه وجمع فلوسك واشتر طيارة والا فيراري
أنا أشوف قوة الماكينات تفاهه
يعني كفانا قتل للنفس:mad:
كفانا تهور وحوادث:mad:
والله مو عن شي ياشباب
الواحد يشتري سيارة 8 سلندر ماعندك مشكلة بس يكون استعماله وقيادته على روقان
أما واحد ياخذها والله أسابق فلان والله أطارح فلان
والله لو إننا من جد نفكر وأنا واحد منكم ماني بعيد
كان نفكر في فلان وفلان ومستواياتهم الدراسية ووظائفهم المرموقة
ونحاول نحسن وضعنا الدراسي الوظيفي والمادي
وبعدين الواحد لمن يكون عمره 80 سنه يبدأ يطارح ويجاكر
وياليت يردد (وهي خاربه,,,,خاربه)..........................:d:d

ودي أتكلم شوي ،، عن عيوب الماكس ،،، وبكل صراحة

1/شوفوا الوجيهه ،،، عادية ،،،،ومافهيا من الفخمة ،،، وكلها فرطاس ،،،(ورق ) والكبوووت مثلهاا ،، خفيف

( إبغى واحد بس يضغط خفيف على الكبوت تداخل يده ،،، والا يفتحه خفيف بالمررررره ))

2/ونظر ،، من الامام (من عند الوجهيه) الجنب ،، شف كيف طالع بقوووووة ،،، شكلها مو حلووووووووووو

3/ المرتبة الخلفية ،، ضيقة حييييييل ،، تقول كورلا والا يارس ،،،، من الضيق اللي وراء ،،، والمشكلة كله من النفخ ،،،

4/ اللي يقول قوووة ماكينة ،، ترى ألتيما أقوى قووومة ،،، بسبب الخف ،،، ( لا أحد يقول الأحصنة ) واللي يقول عندي ألف مثال ،، والمقارنة ،،، موجوده ،، موقع اخر

5/ السقف نازل بالمررررره ،،، إنزل من الكامري ،،، والأكورد ووووووووووويعني الطويل ينشب

6/الدركسون ،،،، شين بقوووووووة ،، مواتر بهذا السعر ،، وبالقيمة هذي ...؟؟؟

7/فوق الطبلون المنحنيات ،،، مو حلوووووه ،،،

<<<<<< لا أحد يقول متعصب والله هذي الصراحة ،،، صحيح مواصفات ،،

والسلام ختام ،،، واتمنى التوفيق لكم جميعااا

اقتباس:

---

المشاركة الأصلية كتبت بواسطة محجوب

بصراحة وواقعية ..

السعر مناسب شويتين ..
ترا السيارة فيها :
مكينة قوية جدا 3.5 لتر وبقوة 290 حصان صافي
قير CVT من 6 نسب يعطي عزم لما ترص ومريح في القيادة العادية مع عصا التعشيق وراء الدركسون !
شاشة لمس مع نافيقيشن وكامرا خلفية
دركسون كهربائي تلسكوبي بأربع اتجاهات
جنوط خيالية مقاس 19 انش !!
التقييمات الامريكية قالت عن نظام الدفع فيها انه افضل نظام دفع امامي على الاطلاق!
مفتاح ذكي والدخول بالبصمة وتشغيل بضغطة زر
6 سيديات مع وجود مدخل صوت وفيديو ونظام صوتي 9 سماعات من شركة بوز !
اسيات كهربائية للسائق واعتقد للراكب
ديكور كامل بتصميم جديد ومواد عالية الجودة على حسب التقييمات
تدفئة وتبريد في مقعد السائق !!!
زنون ... بلوتوث ...
4 انظمة للثبات والامان

يعني على الاقل لما يسألك واحد ليش السعر كذا تقول له هالمواصفات مو الاكورد وش بتقول علشان سعرها 115,000 ؟؟ طي مرايات <<< في الكرولا .. غسيل انوار <<< اتحدى احد استخدمه/بيستخدمه ! .. زنون << التيما من 2005 فيها .. 7سماعات << الناس وصلت لـ9 و10 ومن شركات بعد .. يابانية 100% <<< ما اشوف ميزة لهالشي وصراحة العيوب كثيرة وهي صناعة يابانية يعني ما منها فايدة !! ميزة الاكورد الوحيدة نظام السلندرات .. وصراحة ما تفرق عندنا واجد لأن اسعار البنزين الحمدلله رخيصة ..

بالنسبة لـ أن الموديل القديم 10 سنوات .. هالكلام في الخليج فقط بس امريكا غيروا الشكل عام 2005 او 2006 على ما اعتقد والحين غيروه 2010 ..

الصراحة السيارة جمعت بين المواصفات القوية جدا والمكينة القوية جدا .. ولا تقارن اصلا بالاوريون ولا الاكورد ولا الالتيما ولا المازدا من ناحية الفخامة والرفاهية ..

ولعلمكم وهالكلام مو من عندي .. المنظمات الامريكية الشهيرة جدا واللي شغلهم الشاغل بس يسووا تقارير عن السيارات ويقارنوا بينها ما قارنوا المكسيما حتى بالافالون .. قارنوها باللكزس ES والاكيورا TL يا حبايبي بسبب مواصفاتها الخرافية وجودة موادها العالية ..

صح ان الباسات الماني .. بس ترا ما مواصفاته اقل وحجمه اصغر ومكينته اضعف بواااااااااااجد وما يتحمل مثل الياباني اللي تقولون عنه بلا خرابيط ..

انت ياخوي تقارنها باللكزس والانفنتي وكأنها بنفس السعر !! .. ترا اللكزس ES (ماهيك عن الشكل القبيح داخليا وخارجيا) سعره من 160,000 الى فوق الـ190,000 والانفنتي الـG الآن سعره 170,000 والـIS القوطي سعره 151,000 بدون حتى شاشة !! .. شكلك ما راجعت اسعار الوكالات من وهلــــة ..

وذا الشخص اللي يقول اوريون ياهوووووووووو الاوروين ويــــــن والمكس وين ماكو اي مقارنة بالمواصفات .. اصلا يكفي الاوروين داخليته ذي اللي كنها العاب تطلع اصوات من كل جهة غير انه تعديل ابو جميل من شاشة الى بلوتوث الى دعاء السفر !!

معليش بس عصبت شوي .. :o .. لأن الشباب مقارناتهم عجيبة .. وأرجو من اللي ما شاف المكس ع الطبيعة يشوقة لأن فعلا تحسه شي قوي ومتماسك ومواصفات تطقطق فيوز العقل ..

وسلامتكم ..

---

كلامك في شيء من المنطق لكن السعر والله غالي طيب بتقولي شوف المواصفات بقولك على عيني وراسي بس خلينا نتكلم نفسيا بالله عليك تشتري ماكسيما 134 الف ولا تشتري أودي a4 بـ 136 الف مدري 137 الف وطبعا مارح تفرق الفين ولا ثلاثة مع اللي بيشتري سيارة في هالمبلغ يعني المفروض الشركة تقدر ...:confused:

أنا أشوف لو نزلوها بأسعار الأفالون كان ممكن..
وصدقني مارح تلاقي ضغط على المكسيما زي حتى منافسيها وما رح تشوف الفل كامل منها إلا نااااااااااادرا وتذكر كلامي ...:rolleyes:

بعدين تعال هنا إنت من بعد ما بعت المحجوبة وانت قالب على الهوندا ليييييييييييييش؟؟:d

السلام عليكم صدقت والله وفيها شباب عيب ركبوها من السيت الخلفي بتحسون فيه ضيق ضيقه من ورا انا راكبها

سعر مبالغ فيها جدا جدا جدا .. تراها نيسان يعني !!
متى نيسان وصلت سيارهـ من سيارااتها الصغار الى 130 الف !! اذا مو اكثر
مهما كانت المواصفات صراحه ما اقتنعت بالسعر يعني اذا وصلت الدعوه الى اني اشتري سياره بـ 130 الف ما راح يكون خياري الاول ولا الثاني مكسيما ابداا
تقبل المروور,,,

شباب ..

المكس حلوه من برّآ .. ~


لكن مشكلتهآ ديكورها غبي شوي من دآخل .. ~ وسعرهآ حسافه على المكس .. ~ < خصّيت الاسم هذا لاننا خابرينهآ سياره مو غاليه وحلوه

يعني مثل ما قالوا الشباب فيه بدآآئل كثيره .. ~

وهنآ رآح يبيّن هآوي السيآره .. مآ رآح يشتري المكس الا اللي يبيهآ .. ~

لكن لو تبي تفكّر منطقيّآ بهالسياره مآ آتوقع رآح تشتريهآ بـ هالسعر .. ~ 133 الف .. ~

فيه بدآئل آحلى .. ~

وبالنسبه لـ سياسة نيسان الفاشله .. الرافضه دآئمآ للتغيير .. خوفآ من الخسائر او مدري ليش .. !!

نيسان كانت ابدآع بس مدري شفيهم قامو يخورون ..

المفترض انهم يغيّرون بالشكل للسياره .. لكن تلاقيهم يخلون السياره على شكلها .. وينزلون سياره جديده بشكل ثاني واسم ثاني .. !!
.
.
.
.

:d


عافاك ربي على الموضوع .. ~

أهلين بالشباب ...
بصراحة ودي أعلق على بعض النقاط في الموضوع .

بصراحة الشكل الجديد مجرم و جبار و الناس أذواق و أنا عجبتني السيارة بقوة , و من ناحية المكينة فمعروفة نيسان , يعني لا تعليق مكاين جبارة و المكينة الجديدة امتداد لسلسة محركات الـ vq الحائزة على جوائز من أحسن محركات العالم لأكثر من 14 سنة . يعني بتشتري سيارة و تنسى مكينتها .

زي ما قال اسماعيل مكينة 3.5 و طبعا v6 يطلع منها حدود الـ 290 حصان ترى شي قوي و لا يستهان فيه ابدا , إذا الألتيما زي إللي معاي 257 حصان و قوية , الماكسيما كيف !

و طبعا أكيد و الكل فيكم عارف إن الماكسيما طراز أعلى و أفخم من الألتيما , و لا تقارن بالأكورد أو حتى الأوريون , معليش الأوريون ما فيها إلا مكينة , الباقي كله كامري ترقيع و بس . أما الأكورد معليش يعني مستحيل أدفع 115.000 ريال في سيارة " فاضية " ما فيها أي مواصفات . و لو تقارنوا بنفسكم و بدون تحيز الأكورد بالماكسيما , أغلبكم راح يبيع سياراتهم و يشترون المكسيما .

بعدين ابغاكم يوم تروحون تشوفون المكسيما على الطبيعة في الصالة , روحو شوفو بعدها الإنفينتي الـ fx الجديد . نفس السيارة من الداخل , يعني إنت معاك سيارة قمة في الفخامة في فئتها .
أنا صاحبي معاه g35 موديل 2008 أنصدم لما شاف الماكسيما ! فيها أشياء ماهي موجودة عنده مثل نظام تبريد و تدفئة المقاعد و الـ cvt و الجنط الرائع مقاس 19 إنش غير مقعد السائق تقدر تتحكم في الجزء الأمامي منه .

إللي يقول على السعر , ترى جدا حلو تبدأ من 99.000 ريال و الفل منها 126.000 ريال و البانوراما بينزل السنة الجاية بـ 135.000 ريال . و الله سيارة جبارة و مواصفاتها مرة حلوة .

و لا تجي تقول أودي , خلي ضمانها يخلص و شوف كيف إذا ما بكيت جنبها , بتتلسع قطع غيار إلين تقول آمين ... تقولي لكزس ! قارن بين الـ es و الماكسيما الجديدة .... ما أعتقد بتلاقي فروق كبيرة بينهم . حتى الـ is أصلا سيارة ما أتقبلتها , ليش أدفع في كورولا 160.000 ريال !
و نيسان منزلة الماكسيما كمنافس للأفالون , و هنا بأقول للأفالون أستريحي بقوة .... جا من يكسر راسك و يسحبك من السوق صح .

يا شباب حاولو تحطوا في بالكم إن كل الشركات بتحاول تتطور في سياراتها للأفضل و أهم ما عندها رضى العميل و راحته بتوفير سيارة فيها مواصفات تريح الواحد , مو مثل هوندا .... يالله نفس السيارة اللهم بس يغيرون الشكل و بس . قارن بين أكورد 2003 - 2007 و الأكورد 2008 - 2009 الستاندرد ..... إيش يميزهم عن بعض غير إن الجديدة فيها mp3 و مثبت سرعة و تحكم بالصوت .... طيب ما جبتو شي جديد . و تعال شوف شكل القير حق الأكورد الجديدة , بالله هذا منظر قير ؟ راكب غلط بالقوة . و ربي إن قير الكامري أحلى .
شوف التطور إللي صار في الماكسيما و قارن بينها و بين الموديل القديم , راح تلاقي تطور و فروقات كثيرة جدا .

أنا ما أكره الأكورد رغم إنها كرهتني عيشتي و ندمت إني أشتريتها , بالعكس إلين اليوم و بكرة أنا أعشقها , لكن لازم أعترف إنها فشلت أمام الماكسيما الجديدة في كل شي ما عدا الشكل الخارجي لأن مسألته ذوق .

و هنا راح نشوف كيف راح تمشي مبيعات الأكورد .
كم سعر الفل 4 سلندر الأكورد ؟ أعتقد بين الـ 95.000 و 99.000 ريال . طيب الماكسيما ستاندرد مواصفات أحلى من الأكورد و بنفس السعر , الفرق بس في الجلد و الكشافات . و الباقي كله لصالح المكسيما .

الشي الوحيد إللي ما عجبني في المكسيما و بصراحة هو أبدا ما هو عيب لكن أنا يهمني .
السيارة ما زالت دفع أمامي , لو إنها دفع خلفي بتكون أحلى شي راح تسويه نيسان .
في النهاية أنا عارف إني راح أواجه انتقاد قوي من كثير من أعضاء المنتدى بسبب كلامي لكن أنا مستعد , هذي وجهة نظري و ما ألزم أحد فيها .....
محجوب ترى في الستاندر الأسيات للسائق و الراكب كهرباء بالكامل مع ذاكرة بوضعيتين لمقعد السائق .

accord 764

من بعد ردك ماعاد عندي شي اقولها الله يعطيك العافيه :)

خالد انتا فاهمني صـــــــــــح :cool:

الاخ علمتني الايام .. الاشياء اللي سميتها (عيوب) هذي كلها مسئلة ذوق وانا كلها عاجبتني ما عدا سالفة الضيق في الخلف طبعا فـ هالشي صحيح السيارة مو ذيك الواسعة .. واما تقولي البودي قرطاس !! ترى السيارة وزنها 1665 كيلوجرام يعني اثقل من الاكورد الـ6 سلندر !

أغار يا هوندا .. معليش بس الظاهر ما فهمتني زين في سالفة عدد الاحصنة .. قصدي انك قاعد تدفع مبلغ وقدرو .. واكيد بعد هالمبلغ ما تبي سيارة (تخونك) لما تجي بتتجاوز بتسارعها الميت او فزتها النايمة .. اكيد تبغى محرك يحسسك بالقوة وانه ما في اي مشكلة لو ركبوا معك 5 اشخاص ! .. قوة المحرك ليست فقط للمقاومات والسباقات !! ولو هالشي مو مهم ومو ملازم للسيارات الفخمة كان ما شفت الانفنتي الـG قوتها 330 حصان وللا الاكيورا قوتها 300 حصان وللا الـIS الامريكية قوتها 306 حصان !! الزبدة ان السالفة مو بس مقاومات ..

الماستر .. بالنسبة للأودي جاوبك عليها الاخ خالد .. هذا غير ان الاودي اللي سعرها 137 ما فيها حتى شاشة ومكينتها 4 سلندر 170 حصان مدري كم يعني ما تلبّي الصراحة ..
و بالنسبة للهوندا ترا انا بدأت أقلب عليها شوي من طلع الجيل الجديد وشفت المبالغة في الاسعار والشح في المواصفات .. يعني زي ما قال خالد .. اهم الاضافات في 2008 وفوق كلها حاجات عادية في باقي السيارات (طي مرايات , زنون , mp3 ,aux ) كلها اعتيادية جدا ولا فيها شي قوي ومميز .. لسى احب الهوندا في متعتها في القيادة .. رساوتها الحلوة .. الديكور الجميل .. بس اصحوا ياناس للأسف هالحاجات مو كفيلة تقنع شخص جالس يقارن بين الهوندا وسيارة ثانية انه ياخذ الاكورد !

صراحة لما تقارن الماكسيما بالافالون .. ما في مجال للأفالون في 95% من فئات المقارنة .. اللهم الافالون ميزتيها الوحيدتين هي السعة الخلفية .. ونظام التعليق المريح ..

خالد .. هاه طقّمنا زي بعض ؟ :d .. تدري وش افضل خطة بالنسبة للمفلسين امثالي .. اني اخذ الستاندرد وركب عليها جناح + كشافات + زنون اللكزس من عند كاكاشي :d .. وصارت نفس الفل من الخارج ما عدا الاشارة في المرايات ما نحتاجها :d .. <<< ترى بدأت احطها في بالي من جد :a_madrid: ..

ياااااااااااااااااااالبى ردك اكورد 764

قريت ردك حرف حرف
اهني فيك منطقيتك فقط


محجوب

برضوا ردك ماسلم من عيوني
قريته كله

انتم الثنين كلامكم جدا جدا منطقي وحيادي


اعيد وكرر

الله يخلف على الأكورد

أغار ياهوندا

معليش لبى قلبك سهيت شوي

بس موضوعك بالمصميم

والله مميز ويعطيك العافيه

والله بطله ياعيااال

الي مخربها يشتريها بس يكرفها لين تمووت

صح انها شي بس احس رفرفها بـ الفين ريال مع الحمراني مافيه مستحيل (لن سعر قطع الغيار سلخه مساعد مكسيما 98 بـ 800 ريال هع )

وثاني شي الشريييطيييه بيخفسون سعرها تبيعها بـ 40 الف خخخخخ

حياكم الله أخواني وأحبابي/
قضية أخوي أكورد(مراقب قسم التعديل)
أولآ يكفيني فخر إنك رديت ودشيت موضوعي...
بس حبيبي
إنت ارتكبت خطأ عنيف جدآ جدآ بحق ليكزس اعذرني اقول الشي ذا
وذي وجهة نظري ياخوي وربي حرام عليك تقارن ليكزس es بالماكسيما
من متى؟
من متى؟
نيسان تقارن بليكزس
لو قلت لي انفينيتي تقارنها بليكزس ممكن وبقوة سيارات تقاتل بعض لأجل تظفر برضى الناس,,,
حبيبي إذا الماكسيما فيها مواصفات تبريد وتدفئة مقاعد ممكن ذا يكون شي ايجابي لكن أما تقارن بليكزس اسمح لي

بعدين ياغالي
تقول شوف الماكسيما 2010 وشوف أكورد2010 بأقول لك ماكسيما ولا فيه مقارنة
بس دعني آخذك بيدك وأخبرك شيئين:
أولآ/
تدري إنت تتكلم على الأكورد غيرت شكلها أربع مرات امتدادآ من 2000 إلى 2003 إلى 2006إلى 2008
وما أدري إنت تدري إن الوقت اللي تتغير فيه الأكورد أربع مرات إن الماكسيما كانت فيه متوقفه,,,
وبعدين شي طبيعي سيارة توقف 10 سنوات وبتطلع مواصفات حلوه
لكن الديكور صفر دركسون يسد النفس
أشياء مو وقتها أذكرها
ثانيآ/
يعني خلاص ماكسيما نزلت مقارنتها مع الأكورد أنا لا أتكلم عن القوة أنا أسكت عندالمكائن
لكن أنا أتكلم عطني ماكسيما فل كامل 2006 وعطني أكورد 2006
واركب الماكسيما وشوف مواصفاتها مسجل كاسيت ومكيف عادي حتى الأناقة والفخامه مفقوده فيها
واركب الأكورد وشوف 6 سيديهات ومكيف خاص للسائق والراكب مع نظام مانع الإنزلاق مع الطبلون الليزر مع فتح النوافذ آليا
مع الاصطبات الخلفية بتقنية led
وتقبل كلامي بكل أريحية بليييييييييييييييززززززززززز

أما الأخ محجوب
إذا كان قصدك تتكلم عن مكائن وقوة بحيث إنك لمن تشتري سيارة غالية
وودك تجملك في كل شي
بحيث ماودك إنها تخونك
فأنا بصراحه ارفع لك القبعه قائلآ:
(صدقت والله وأصبت في الرد)
وأنا بصراحه انبهرت لمن شفت ردك لأنه كان واقعي وجميل
مشكور وما قصرت وربما نسيت وغفلت أو لم يكن عندي علم بهذا الشي اللي هو القيمة مع المكائن,,,
اما الأخوان الآخرين ليت اللي عنده اطلاع
على مواصفات الماكسيما
على عيوب الماكسيما
ياليت يفيد الأعضاء
علشان اللي بيشتري واللي أحد من أقاربه بيشتري نحاول نفيد بعضنا
تكفون خلونا في الموضوع ذا نجعله للماكسيما
عيوووووووب
ومواصفااااااات
وكل ما هوجديد فيها,,,,
أخيرآ
الشكر موصول لجميع الأعضاء واحد واحد اللي ردوا واللي شايفين كتابتي ذي وقاعدين يردون
تحياتي ,,,

اقتباس:

---

المشاركة الأصلية كتبت بواسطة أغـار يا هـوندا

إنت ارتكبت خطأ عنيف جدآ جدآ بحق ليكزس اعذرني اقول الشي ذا
وذي وجهة نظري ياخوي وربي حرام عليك تقارن ليكزس es بالماكسيما

---

هو بصراحة اول ما تسمع هالكلام فعلا تحسها صعبة تقارن نيسان بلكزس .. لكن شوف معاي هالفيديو:eek: :
[ame]http://www.youtube.com/watch?v=dx7sh1xi9iw[/ame]
في الدقيقة 2:10 يقول ان كنت ناوي تشتري اكيورا TL او لكزس ES خذ لك طلّة ع الماكسيما ولا تستبعدها

في هذا الفيديو في الدقيقة 5:40 قارنوها بالـVW Passat CC والكرايزلر 300C والاكيورا TL
[ame]http://www.youtube.com/watch?v=-07Zx8dtW9M&feature=related[/ame]

اقتباس:

---

تدري إنت تتكلم على الأكورد غيرت شكلها أربع مرات امتدادآ من 2000 إلى 2003 إلى 2006إلى 2008
وما أدري إنت تدري إن الوقت اللي تتغير فيه الأكورد أربع مرات إن الماكسيما كانت فيه متوقفه,,,
وبعدين شي طبيعي سيارة توقف 10 سنوات وبتطلع مواصفات حلوه

---

للأسف اقول لك انت غلطان في هالمعلومة :o..
الماكسيما توقفت في الخليج فقط والا في امريكا فهي كانت ماشية وتغير شكلها اكثر من مرة
هذا موديل 2005
[ame]http://www.youtube.com/watch?v=Egb87--XV5E&feature=related[/ame]
هذا تغيير نصف جيل في 2007
[ame]http://www.youtube.com/watch?v=iOoDHSG3sUU&feature=related[/ame]

اقتباس:

---

فأنا بصراحه ارفع لك القبعه قائلآ:
(صدقت والله وأصبت في الرد)
وأنا بصراحه انبهرت لمن شفت ردك لأنه كان واقعي وجميل

---

خجلتني والله :o .. وأهم حاجة أن الفكرة وصلت لأن هذا هو المطلوب ;)

بالتوفيق ..

أخوي محجوب ،،، تقول مو قرطاس بقوووووة ،، روح شوف الوجهيه يالغالي ،، وتأكد بنفسك ،،، لاني متأكد ،، وماعليك من الوزن ،،،كلهاا في الفخوووذ هع هع ،،،،!!!!!!!!!!

والضيق ،،، لو اشتري كورلا أحسن ،،،،أجل بالضيق يركبوا ثلاثة<<<أنا مجرررررب،،، يعني تفخ بس ،،،،!!!!!!!!

والا الدركسوووون ،،، حق الأكسنت أحلى ،،، .!!!!!!!!!!!!!!!!!

وش أقول وأخلي ،،،،،

إبغاك بس تجي ،، تشوووف ،، كيف الناس يضحكوا عليهااا ،، في الوكالة ،،، ودي اصور لك ،،،

بجد مستغرب من كلامكم ،،،،،

وإذا مو مصدق كلامي ،،، إن كانك من اهل الرياض أجي لك ونروح مع بعض لهاا ،، مع إني مليت منهااا ،،،

الرجاء تقبل كلامي بصدر رحب ،،،

اخوكم ومحبكم وتر الصمت ،،،

بكل بساطه لو عندي مبلغ الماكسيما الجديده أو الأكورد الجديده v6 ما راح أشتري إلا مرسيدس بو عيون 2006 أو 2007 أو bmw الفئة الخامسة و خلوا الماكس و الأكورد تنفعكم و أنتوا مسرعين

ألماني و بس
ولا تزعلون مني و أعتبروه رأيي الشخصي

انا رايح لها اليوم ان شاء الله مرة ثانية وراح ادقق على نقطة القرطاس :d

بالنسبة للدركسوووون .. ليش محد عـلّـق على دركسون الانفنتي الـFX 2009 وقال عنه قبيح ؟؟؟ .. تراه نفـــــــسه 95%

داخلية الماكسيما
http://www.motoringtampabay.com/2009MaximaInterior.jpg

داخلية الانفنتي
http://autoshow.roadfly.com/wp-conte...x-interior.jpg

شباب انا امس رحت لوكالة نيسان صراحه شفت شي مو طبيعي

تخيلوا لقيت الستاندر جنوط 19 وفتحه يعني من برا مايفرقها عن الفل اعتقد غير الكشافات والجناح بسس

انا الى امس وانا اقول ماتستاهل لاني ماشفتها على الحقيقه بس الحين اقول تستاهل وبقوووووه

والله العظيم لو حطوا بس شعار انفينيتي وباعوها بـ180 الف وفوق والله ان يشترونها العالم

صدقوني هشومي وابو جميل وغيرهم ماراح يسكتون وبيطورون سياراتهم مثلها واحسن

اقتباس:

---

المشاركة الأصلية كتبت بواسطة محجوب

انا رايح لها اليوم ان شاء الله مرة ثانية وراح ادقق على نقطة القرطاس :d

بالنسبة للدركسوووون .. ليش محد عـلّـق على دركسون الانفنتي الـFX 2009 وقال عنه قبيح ؟؟؟ .. تراه نفـــــــسه 95%

داخلية الماكسيما
http://www.motoringtampabay.com/2009MaximaInterior.jpg

داخلية الانفنتي
http://autoshow.roadfly.com/wp-conte...x-interior.jpg

---

قــبــيـح :d

هلا بالشباب مرة تانية ....

أشكر أخونا أغار يا هوندا على هالموضوع , و أنا أحب مثل هالمواضيع النقاشية .

ياشباب , الناس إللي قالت السيارة مو وسيعة و الله أنا أشوف المساحة الخلفية مقبولة إلا أنها تعتبر ضيقة نوعا ما و هذا جاء على حساب الشنطة لأن إللي يشوف الشنطة يلاقيها و اسعة بالمرة .
و بالنسبة للسرعة و قوة الأحصنة فالفرق بين الماكسيما و غيرها إنك تدفع مبلغ حلو في السيارة تعطيك قوة جبارة و تغنيك عن إنك تدفع مبلغ أعلى في سيارة ماهي قوية و ماتستاهل , هذا غير مواصفات الراحة الداخلية و الرفاهي الموجودة بالسيارة و عن نفسي أكثر من هالقوة ما أحتاج . إذا بالألتيما إللي معاي أحيانا أخاف أدبل و أتعدى في زحمة لأن السيارة عليها فزة جامدة , فمابالك بالماكسيما الجديدة ؟؟؟؟

اقتباس:

---

خالد .. هاه طقّمنا زي بعض ؟ :d .. تدري وش افضل خطة بالنسبة للمفلسين امثالي .. اني اخذ الستاندرد وركب عليها جناح + كشافات + زنون اللكزس من عند كاكاشي :d .. وصارت نفس الفل من الخارج ما عدا الاشارة في المرايات ما نحتاجها :d ..

---

إشبي ما حطيتها في راسي , من أمس يوم شفت السيارة و أنا خاق بقوة , بس بأستنى الدفعة الثانية عشان العيوب و في لون جديد راح ينزل و هو العودي على سواد , حاولت أتخليه ما قدرت لكن شفت له صورة في المبيعات و سيارة تحت في المستودع خققني .

و إذا على الفئة إللي راح آخذها طبعا بآخذ ستاندرد و عندي خصم لأننا ماخذين من عندهم 3 ألتيما و ماشالله و ربي سيارات زي العسل .
طلعت عليا الستاندرد بـ 91.000 ريال بس . " هل عبد الله هاشم يعطي خصم للملاك السابقين أو لزبائنه ؟ "
أعرف عائلة ماخذة من عندهم حدود الـ 14 سيفيك بين كل الفئات من الـ 2006 و إنت طالع و ما خصم و لا هلله لهم .

و مداها المكاسيما يوم تنزل الدفعة الثانية على شهر مارس يكون طلع للسيارة إنتيك و هيدرز و إكزوست , هذا كله راح يجي مع السيارة و البرمجة عندي أنا بسويها , و يكون نزل منها قير عادي لأنو قالي احتمال كبير ينزل العادي على الستاندرد . فراح يصير شغب مو طبيعي .

اقتباس:

---

ياخوي وربي حرام عليك تقارن ليكزس es بالماكسيما من متى؟

---

أنا بصراحة أقارن بينهم , شو فيها اللكزس عن الماكسيما الجديدة ؟ أعطيني أشياء تميز اللكزس عن الماكسيما الجديدة .... ما في , لا تقول البانوراما لأنها نازلة بعد سنة و راح تكسر راس اللكزس .
اللكزس أنا أشهدلها في النافيجيشن و الشاشة بس , و حتى لو قوة و الله في العيد ثاني يوم طلعت من الكباين على طريق الملك لقيت لكزس ES جديدة و أنا بالألتيما و اللحين السيارة ستوك ما عليها شي , راعي اللكزس يقول تجرب ؟ قلتلو ليش لأ , بس راح أطلع عليك . قام يحقر و قال تراها ألتيما , قلتلو تراك تويوتا . فكت الإشارة و قمنا سوا و أعطيته سيارة و نص إلى سيارتين , وصلنا للـ 200 و ما قدر يجيبني حتى بالتشفيط . مساكين حقين اللكزس .
صدقني في بينهم مجال للمقارنة , يعني شوف , هل تقارن الإنفينتي FX باللكزس الـ RX ؟
أكيد راح تقارن , طيب شوف داخلية الماكسيما 95% السيارة إنفينتي من الداخل , ليش ما نقارنها باللكزس ؟ و لا عشان هذي انفينتي و هذي لكزس نقارن , و مو عشان اسمها نيسان ... طيب هذيك مو تويتا ؟

إحنا نحمد ربنا إنو مافي شركة داخلة مع هوندا , أو إن هوندا شركة تابعة لأحد . و بعدين وش فيها نيسان بالشرق الأوسط ؟
إنتم عارفين مين المشرف على نيسان بالشرق الأوسط ؟ المشرف عليهم هو الجفالي و كيل مرسيدس .... يعني حقين النيسان يقدرو يشوفو نفسهم على حقين اللكزس أصلا مافي مجال للمقارنة بين سيارات عبد اللطيف جميل " سيارات الشعب " و بين سيارات الجفالي " سيارات النخبة " , أنا لو معاي انفينتي و لا ماكسيما جديدة راح أشوف نفسي على حقين اللكزس لأن المشرف على سيارتي هو الجفالي و ليس ابو جميل ...

اقتباس:

---

تدري إنت تتكلم على الأكورد غيرت شكلها أربع مرات امتدادآ من 2000 إلى 2003 إلى 2006إلى 2008

---

اقتباس:

---

وما أدري إنت تدري إن الوقت اللي تتغير فيه الأكورد أربع مرات إن الماكسيما كانت فيه متوقفه,,,
وبعدين شي طبيعي سيارة توقف 10 سنوات وبتطلع مواصفات حلوه

---

زي ما قال محجوب و لا أزيد عليه , بتوقف الماكسيما عام 2004 عشان الألتيما نزلت عام 2005 و ما حب الوكيل إنه ينضرب سوقها بنزول الماكسيما الجديدة و قام الوكيل يبيع المكاسيما بنفس الشكل من عام 2000 على إنها موديل السنة و هو أكبر نصاب و كل العالم عارفة أما في أمريكا فكانت مستمرة كاي سيارة عادية .
يعني هنا ما تقدر تحكم عليها من ذي الناحية .

اقتباس:

---

عطني ماكسيما فل كامل 2006 وعطني أكورد 2006

---

ارجع و أقول الماكسيما حتى القديمة كان فيها مواصفات , يعني مثلا و زي ما تحب شوف الماكسيما 2006 الفل كامل , أخونا MeedO معاهم وحدة موديل 2002 بس الوسط .
السيارة فيها مكيف إليكتروني و طبلون ليزر و تجي جلد و فتحة و CD و كاسيت كمان . يعني ما تتخير عن الأكورد عنها إلا في بعض المواصفات .

و إذا على عيوب الماكسيما فهي أحسن سيارة صنعتها نيسان , ما أشوف منها عيوب ... عندي 3 أقاربي عندهم ماكسيمات و 2 أصحابي معاهم ماكسيمات أقدم وحدة فيهم موديل 1997 و سياراتهم ماشية عسل و الله ما بيشتكون من شي , قطع استهلاكية رخيصة و صيانات أي واحد يعرف يصلحها .
تخيل كم سعر أقمشة سيارتي الألتيما V6 موديل 2005 ؟ " الأمامية و الخلفية الأصلية "
سعرها 330 ريال بس , وينها و وين اقمشة الهوندا إللي كل شوية تتغير و غالية .
و الماكسيما الموديلات القديمة ارخص بعد أكثر و أكثر .
كراسي المكينة في الأليتما إللي عندي الطقم كامل قيمته 450 ريال فقط . , كم سعر كراسي الأكورد ؟

يا جماعة أصحو و شوفوا الوكلاء كيف و عبدالله هاشم كيف , يكفي نصب و احتيال و ضحك على المستهلكين و رفع في أسعار السيارات , يعني مسوي ذكي هو بوجهه .... يقولك برنامج أكورد Plus , رفع سعر السيارة و صار السياحي بـ 81.000 ريال و ياليت على شي يسوى , آخذلي ألتيما 4 سلندر فل كامل و أزود 4000 ريال و مواصفات و قوة إلين تتعب .
و قالك Accord Plus و خدمة مساعدة على الطريق ... و ربي كلام فاضي , الأفيو يوم تشتريها فيها مساعدة على الطريق مجانا . يعني ذا من زمان و هذا توه ينزله و مبسوط فيه .


أسعدني جدا النقاش معاكم يا شباب و بخاصة أخونا أغار ياهوندا , و شكار لك ألف مرة على الموضوع النقاشي الهادف .

يا اخوان والله الماكسيما موتر واتعب وانا اقول موتر لها عندي معزة خاااااصة شكلي بطق لي وحدة سيااااحي بس ابغاها قير عادي هذي حلاتها وبالنسبة للي يقول ضيقة الي يسموعكم يقول ان ما اطلع الا معي عشرة لي سهرين الحين اكثر لا ركب معي اثنين بســـ
الله يعين بســ...

أولآ:
الله يسعدكم ويعطيكم العافيه نقاش هادف وجميل
عندي ردود مختصره
الأولى/
لأخي محجوب
مشكور حبيبي على مرورك هلا فيك ياغالي,,,
بعطيك فكره تريحك شوي أنا ترى تغير رأيي شوي بالماكسيما
لكن حبيبي أنا قلت توقفت وانت اعترفت ماعلينا من أمريكا لأن مبيعات الشرق الأوسط أكثر بكثير من أمريكا
بعدين إنت تتكلم عن شعب مفشوخ من جميع الجهات مو بس بالسيارات
ياغالي/
إنت تتكلم عن سيارة توقفت في الخليج طيب سيارات كثير نزلت في أمريكا سيارات كثيرة نشوفها قالوا ذي أكورد 2008 شوي طالعة أوربية قالوا أكورد من ورى مثل bmw شوي طالعه أندونيسية مدري بنغالية
حبايب قلبي الكلام للجميع مو لشخص بعينه أرسوا على بر
نبي شغلنا خليجي في خليجي
لأننا مستهلكين وليس مستفيدين
لو أننا أصحاب معارض وناس تبيع وتشتري كان بأقولك فلان في سيارات بأمريكا روعه ورى مانشتريها
لكن حن ناس تشتري فقط ولا تتاجر
علشان كذا ياليت محجوب تفهمني ,,,
المهم ماكسيما مانزلت في الخليج 10 سنوات لا يهمني نزلت في تايلاند والا المجر,,,

الرد الثاني :
لأخوي
(مراقب التعديل والتزويد)
حياك ربي مرة أخرى
أنا ياغالي استفدت منك في قضية قطع الغيار للماكسيما إنها أرخص من الهوندا لكن تأكد فيه قطع في الهوندا أرخص من الماكسيما ولا فيه مجال إني أكتبها
وإذا بتكون الهوندا أغلى بشي بسيط عن الماكسيما أقول لك شي طبيعي سيارة تنزل بشكل جديد بعد كل فترة وفترة
أكيد بتتغير القطع وبيزيد سعرها
وهذي سياسة شركات ,,,,
مــــعـــلومــــه للــــجـــمـــــــيـــــــع/
إنتو عارفين النكسة المالية اللي داشه على العالم ككل طيب.....
الشركتان الوحيدتان اللتي سجلت ارتفاعات في مبيعاتها وفي رؤوس أموالها ولم تسجل خسائر مالية مقارنة بسيارات العالم ككل (هوندا,نيسان)
ليه تويوتا توقفت في آسيا 6 شهور متتالية؟؟؟
لماذا تويوتا كانت سوف تنجبر توقف سياراتها بالخليج لمدة سنة ولازالت قيد الدراسة؟؟؟
طيب
ليه نيسان هوندا وصلوا السماء
وتويوتا اللي وصلت العالمية بدأت في الإنحدار
شوف ياحبيبي قطع الغيار وش سوووووووووووت؟؟؟
شوف هوندا ونيسان صلختنا واستفادت
وشوف تويوتا أفادت فانصلخت

أما قضية أبو الهش وأبو جميل نصبوا الشعب
إذا كان على كذا ترى جميع الوكلاء السعوديين نصابين!!!!
والا الحمراني ليه يصلح سيارة واحد من الشباب ويحرق عليه الظفيرة كاملة
ولما أشتكى خويي أعطوه 3000 قالوا صلحها برى
وكلفته برى 15000ريال
حبيبي ليت يكون عندنا مصداقية نحن العملاء والوكلاء وعمال الصيانة
في شركة أبو الهش المحروسه أعطيتهم أكوردتي في نهار رمضان ولم يكن بسيارتي عطل والحمدلله
لكن تركيب بطانة وما بطانه فقط,,,,
أتفاجأ يوم جابوا لي السيارة من بعيد والا مسرع فيها الرجال قلت مو معقول سيارتي ذي
يمكن عميل ثاني يبي يصلح سيارته
أتفاجأ لا والله سيارتي وسعودي اللي يسوقها ومشغل المكيف على أعلى شي ورمى السيارة في وجهي
ورب الكون لو ما أنا في نهار رمضان لأدعس على وجهه,,,:mad::mad:
معليش شباب على الكلام
بس شي يقهرك تحافظ على سيارتك وتمشي فيها مثل النملة والمكيف 24دائم ؟أشغله على أهدأ حاجه:(:(
ليه وش ذنبي أنا أحافظ على سيارتي ويجي المحترم يسوي فيها كذا:(
يا نــــــــــــــــــــــــــــــــــــاس
إذا هذا قدام عيني فما بالك باللي داخل الله يستر وبس:confused:
كان عندي عطل بالسنتر لوك وكان الباب مافيه شي
وربي بعد ماغيروا لي السنتر لوك صار الباب يأذيني بالأصوات اللي تطلع
تمنيت إني ما وديته الوكاله
آسف على الإطالة,,,,,
حبيبي قلبي
(مراقب التعديل والتزويد)
أما عن قضية الانفينيتي واللكزس (الجيوب)
أنا أقول لك EX :cool::cool:أطلق وأفضل عندي من RX فمابالك بFX
ارجع وأقول أنا من عشاق الانفينيتي مووووووووووووت
وإن شاء الله إذا أعطانا الله واياك العمر أشتري EX عما قريب ,,,,
ودعواتك


أعذروني شباب على الإطالة
بس والله شي في قلبي وطلعته
راجيآ من الله/
إن ما أكون طفشت أحد أو زعلته
تحياتي/

نتمنى مواصفات المكسيما في الاكورد 2010

والمكسيما ماهي افضل السيارات الرياضيه وسعرها غالي

مشكور ياغالي
وكلامك في محله
صدقت والله بس كل واحد ومزاجه,,,

والله السياره روووووووووووعه...

مواصفات وكل شي فيها حلوة...

الشكل لحالو يبكي...

الصراحه المكسيما شكليا اجمل من الباسات ب1000000000000 مره...

داخليه دمار...

تحسسني انها سيارة سبورت...

بس العيب من الحمراني ااااخ لو يتعدل بس...

واحد من اصحابي معاه مكسيما 2004 فل اوبشن...

متورط مع القطع الغيار غاليه من ناحية ومن ناحية تانيه مهي متوفره...

وصاحبي ولد الجيران كان معاه التيما وهو السبب الي خلاني ابعد عن الالتيما من الوكيل الخايس...

بلعربي النيسان محد ظالمها غير وكيلها الخايس...

وبلاصح اغلب وكالات السيارات عندنا نصابين...

بس نصبه عن نصبه تفرق...

وعلى طاري المكسيما كانت مع اخويه مكسيما فل اوبشن 98 قير عادي...

ياعليها قوة جباره...

من جد مجنونه...

بس القدر حكم بامره ومالنا بلحكم شي...

راحت السياره تشليح...

مشكووووووووور يا أنمار على مرورك
أما عن قضية قطع نيسان مي متوفرة فوالله إنك صادق
أغلب الناس أسمعهم من اللي عندهم نيسان يقولوا مالقينا القطع لازم طلبية
من جد اســـــــــتــــــــغــــــــــراب,,,