السلام عليكم ياشباب من لنا بعد الله سواكم انتم احبابي ولن تشوروا علي إلا بما ينفعني فرجاءا أشيروا .
اليوم في لحظة سهو مني وانا أقود وفجأة رأيت أمامي الدوار في موقع في الرياض مظلم وهو دوار ابو بكر الصديق فلا توجد انوار كافية توضح منطقة الدوار والقادم الدي لا يدقق لا ينتبه هدا فضلا عن اني سهيت المهم وبعد فوات الاوات مسكت فرامل ولم تمسك فزحفت السيارة وضربت الدوار من الجانب الايسر الكفر الخلفي ثم اندنعت للامام وخرجت مقدمتها على الرصيف الامامي ورحمة الله كانت حاضرة فلم اصب بمكروه ولم اتسبب به لغيري والحمدلله واما التلفيات في السيارة فهي مقدمة السيارة من الاسفل الكبوت سليم الانوار كاملة سليمة الرفارف منطعجة من الاسفل فقط الرديتر من الاسفل منطعج الصدام نزل لكن ماتكسر وبالنسبة لعلبة زيت الدركسون انكسرت الكفرات الامامية تكسرت مساعداتها والجنوط مافيها شيء لكن يبغالها تزبيط من آثار الحكة , والكفرات الخلفة الايسر داخل على جوه شوية , من الداخل السيارة سليمة لكن الآير باق خرج الاثنين وباقي بكرة يتصل على راعي ورشة في الرياض يعطيني تقرير عن القطع والتكلفة كاملة وقالي مبدأيا ادا توفرت جميع القطع من التشليح فان شاء الله ماتكلف اكثرمن تسعة شامل البوية وكل شيء علما انه قال راح نزبط الطبلون من دون تركيب اير باق لانه مكلف جدا قلت ماشي .
والسؤال بعداخراج السيارة من الورشة هل ابيع سيارة حراج ولا لا ؟ لان النفس طابت منها فقد جاتها حوادث قبل كدا ثلاث مرات كلها لست السبب فيها ولكنه القضاء والقدر وانا امام خيارين اما البيع في الحراج واخراج سيارة جيب باث فيندر واما اخراجها واستعمالها لانها لازالت نظيفة ولكن من دون ايرباق والميزانية الان لو بغيت اطلع سيارة فمعي 30 الف فقط يعني راح تكون دفعة والباقي اقساط ويش الشوووووووور ارجوكم ياربعي السيارة سيفك 2007 ماشية 97000 كم.
