لمن يريد مقياس درجة الحرارة الخارجية

السلام عليكم ورحمة الله وبركاته
هذي اول مشاركة لي في هذا المنتدى الجميل واتمنى تكون مفيدة لي ولجميع الاعضاء الكرام
اولا: لاصحاب الاكورد الفل الكامل 4سلندر يوجد حساس درجة الحرارة الخارجية خلف لوحة السيارة الامامية ولكنه للاسف ليس له اي فائدة ولاادري ماسبب وجوده هل هو لتعذيبنا نفسياً ام ماهو الهدف بالضبط من وجوده !!!
مع العلم ان الاكورد الفل كامل 4سلندر في امريكا يوجد فيها مقياس درجة الحرارة الخارجية ولذلك هو موجود عندنا ولكن لايعمل مع العلم انه مشبوك بسلك ولكن لاادري اين يذهب هذا السلك !! لذلك اتمنى لو احد عنده واسطة عند عبدالله هاشم او مشبك الفنيين :) ان يجيب العلم منهم مع اني حاولت اكثر من مرة مع الفنيين اللي في الوكالة وقالوا لي ممنوع نقول لك اي معلومة او نركب لك اي شي وخايفين مرة مدري وش سالفتهم .. على العموم لو احد منكم يعرف واحد فنان بالالكترونيات وبرمجة الكمبيوتر راح يقدر يفيدنا وانا رحت لواحد وقال لي تعال الصباح وانا مااقدر للاسف لان عندي دوام ولكن ابقول لكم الورشة واللي مهتم بهالموضوع يمرها ويشوف وش الوضع .. الورشة اسمها مركز صالح الجابري وموجود بالصناعية القديمة وهو متخصص في الالكترونيات وبرمجة الكمبيوتر للسيارات وهو شخص شكله خبير وكبير في العمر وماشاء الله ورشته مليانة سيارات .. اتمنى نلقى حل عنده لاني صراحة تعقدت من هالميزة اللي مو موجودة عندنا على ان السيارة فل كامل وتلقى ليموزين جنبك في الاشارة وعنده درجة الحرارة والله شي يقهر
ثانياً : اصحاب الاكورد السياحية باستطاعتهم تركيب مقياس درجة الحرارة الخارجية كاكسسوار خارجي وهو موجود في محل قوة الاحلام ولكن لاادري اذا احد ركبه او لا .. وسمعت انه بالفهرنهايت وليس بالمئوي مع ان احد الشباب الخبراء في الالكترونيات قال لي انه حتى ولو كان بالفهرنهايت فان كمبيوتر السيارة سيحوله الى مئوي تلقائياً وستعرض الدرجة بالمئوي على كلامه وانا لست متأكداً ولكن الشخص هذا شخص خبير
على العموم انا طولت عليكم بس هذا والله من القهر اللي فيني واتمنى يكون موضوعي هذا بداية للسعي في الحصول على هذه الميزة التي احس اتها المفروض تجي كميزة قياسية ولكن لاحياة لمن تنادي .. شخصياً انا مستعد ان ادفع على هذه الميزة اي مبلغ لانها تهمني جداً جداً جداً
ارجو ان لايتوقف هذا الموضوع الا بعد النجاح في تشغيل هذه الميزة سواءً بتركيبه كاكسسوار خارجي او بالتحقق من سبب وجود الحساس في الفل كامل 4سلندر وهل هو يحتاج برمجة ام ماذا بالضبط!!
اسف على الاطالة
تحياتي وتقديري للجميع

الله يعطيك العافيه ... وبصراحه خبر يبشر بخير مثل راعيه وأنا من أهل الدمام فبصراحه ماأقدر أفيدك من ناحية الورشه التي تتكلم عنها لكن الشباب ماراح يقصرون ..

بالنسبه لنا في الدمام ... أنا أعرف شخص فاهم وخبير ومتخرج من كلية الهندسه الكهربائيه فاراح أزوره وأستفسر عن الموضوع وان شاء الله أرد خبر للجميع ..:cool:

حياك الله اولا بالمنتدى

بالنسبة لمقياس درجة الحرارة موجود عند محل قوة الاحلام بمبلغ فوق الالف ريال بشوي لكن...فهرنهايت

انا دورت بالانترنت الين دخت على المقياس بالدرجة المئوية لكن مالقيت واللي محيرني ان السته سلندر فيها

اذا كان على قولتك كمبيوتر السياره يحولها الى درجة مئوية فهذا كلام جديد ولا راح يجاوب عليه الا التجربه

شكلي بامر محل قوة الاحلام واساله اللي ركبوا عنده بالفهرنهايت تحولت اوتوماتيك الى درجه مئويه ولا لا

وهذا ملف أكروبات فيه طريقة التركيب كامل والتسليك من الصدام الى الطبلون

http://www.hondapartsdeals.com/Honda...re%20accord%22

لي عوده بعد زيارة قوة الاحلام

أولا حياك الله أخوي معانا وياهلا فيك
وبالنسبة للوكالة انا كنت عندهم يوم 24/7/1427هـوسئلت عن الش هذا وقالولي لزم يتغير الطبلون كامل مع الظفيرة ويكلف حدود 11000ريال وقلت لهم فية محل بالرياض يركبة ب1400ريال الي هو محل قوة الاحلام وقال لي انة يجرح الظفيرة ويروح الضمان والقطعة الي يركبونها تبع V6الخليجي وهي ماتكمل سنة الاوتخرب وسبق وعلمت اخوي أكورداوي بالشي هذا
وتقبل مروري

الفروق اللي حاطينها بين الاربعة والستة سلندر هي لاغراض تسويقية في المقام الاول ....
لان مو من المعقول بيخلون الاربعة زي الستة بالمواصفات :) والا كذا مابتمشي الستة ابد ..

بعدين سعر 1400 ريال على مقياس حرارة اشوفة غالي مرة , وبصراحة مااشوف له داعي المقياس كثير .. اسمع النشرة الجوية :)

اخوي اكورد الجنوب مع احترامي للوكالة اللي سألتهم الا انهم نصابين مرة واللي يركبها محل قوة الاحلام مالها دخل بالV6 الخليجي ومافيه جرح للظفيرة ولا شي من هالكلام وانما هي تجي كاكسسوار اضافي ويجي معها كونترول يونيت وسينسور وهارنس والعدة كاملة بدون اي جرح للظفيرة وهالخرابيط واذا بغيت تتأكد شف الملف اللي حطه الاخطبوط وراح تعرف كيف طريقة تركيبه وياليت لو تطبعها وتوديها للوكالة النصابين
اما بالنسبة للفل كامل 4سلندر فالوضع يختلف لانه موجود حساس درجة الحرارة ويخرج منه سلك ولاادري الى اين يتجه وهل يحتاج برمجة ام ماذا يحتاج بالضبط ولو تشوفون الطبلون وتنزلون راسكم شوي راح تلاحظون كتابة OUTSIDE ولكنها لاتشتغل ولكنها موجودة الكتابة .. انا لو كانت سيارتي سياحي كان ركبت من قوة الاحلام لكن المشكلة انها فل 4سلندر لذلك مااقدر اركب لان الحساس موجود وماراح يقدرون يركبون حساس ثاني جنبه لان الاكسسوار يجي معه حساس .. لذلك انا ادور طريقة غير تركيبه كاكسسوار لانها ماتنفع لي واحس انها سهلة بس المشكلة الوكالة انواع النذالة حتى قلت لهم وين حق الكمبيوتر ورفضوا اني اقابله او اسأله اي اسئلة:(
وبالنسبة للاكسسوار فسعره اخر مرة سألت عنه في قوة الاحلام ب 700 ريال
اتمنى نلقى حل واي واحد عنده جديد او خبر مفيد بهالموضوع يفيدنا
تحياتي للجميع

الله يحييك اخوي M.a.m معنا

افضل حل اننا نتبع شرح تركيب الاكسسوار و نشوف و ش اللي ناقص عندنا بالضبط

بالنسبه للتركيب من الشرح فيه جزئين .. جزء بالكبوت و جزء داخل السياره

بالنسبه للكبوت فيه :

1 - تثبيت الحساس <<< عندنا مثبت و جاهز

2 - شبك سلكه بفيش تحت صندوق الفيوز

انا حاولت قبل شوي افك الصندوق بمفك عادي ( المتوفر عندي ) لكن للاسف عجزت

فاذا تقدر تفكه و تتأكد السلك مشبوك و لا لا ؟

اذا كان مشبوك تمام و بيكون شغلنا الباقي كله داخل السياره


الحين الموضوع معلق حتى نتأكد من السلك مشبوك و لا لا

المشكلة اخوي accord 06 هل هو مشبوك ولا وهل وضعه نفس وضع الاكسسوار ونفس طريقة الشبك ولا يختلف لان على مااعتقد فيه اختلاف بين اللي يجي جاهز من المصنع وبين الاكسسوار مثل ماهو حاصل بال6سلندر وهذا اللي محيرني .. فيه حل حلو وهو اذا كان احد يعرف واحد معه 6سلندر يروح معه لورشة مختصة بالاكترونيات وبرمجة الكمبيوتر ويتتبعون الحساس في السيارتين ال6سلندر والفل 4سلندر ويشوفون وين مشبوكة وكيف .. اعتقد هذا حل كويس .. مشكورين على الردود واتمنى اي احد عنده اضافة او تعليق يفيدنا فيه
تحياتي وتقديري للجميع

مقياس درجة الحرارة راح تلاقيه في قوة الأحلام لكن بالفهرنهايت .

و الله هذي ما فكرت فيها

عموما انا مشغول هاليومين

لكن اول ما افضى ان شاء الله بحاول اتأكد منها

الله يعطيكم العافية ياشباب
وانا مسافر ان شاء الله وراجع يوم الجمعة وان شاء الله ارجع والقاكم شغال عندكم مقياس درجة الحرارة :)
تحياتي وتقديري للجميع

توصل بالسلامة .

ياشباب باسال الوكاله وارد لكم خبر

انا مثلك يا ن ك د محتار .

الوكالة سألتهم قبل شهر ماعندهم مقياس الحراره

الوكالة هذي ماعندها شيء ابد . اعوذ بالله منها .

السلام عليكم ورحمة الله وبركاته
الله يسلمك يادحوم الحمدلله انا وصلت من السفر واشكر جميع اللي شاركوا في الموضوع واتمنى نتواصل الى ان نجد الحل باذن الله
وبالنسبة للوكالة اقول لكم انها ميؤوس منها نهائياً لان الشغلة هذي ممنوعة عندهم حتى الكلام فيها ممنوع عندهم الا في حالة وحدة : اذا كان عندك 6 سلندر لان واحد من الشباب كان معه 6 سلندر وانكسر الحساس وطلبوه الوكالة له لانه ماكان متوفر عندهم وركبوه له .. اما ال 4 سلندر فممنوع حتى النقاش في موضوع مقياس درجة الحرارة او غيره من الاشياء التي لم تأتي من المصنع في ال 4 سلندر
ماراح يفيدنا الا واحد عنده برمجة للهوندا او خبرة في برمجة الهوندا .. هذا بالنسبة للفل 4سلندر اما بالنسبة للسياحي فمالهم الا الاكسسوار واتوقع الدول اللي يتعاملون بالمئوي كثير فاتوقع لو احد يطلب الاكسسوار من عندهم ويستفسر من الموقع اللي راح يطلب منه اذا كان بالمئوي ولا بالفهرنهايت .. واقول سلموا لي على الباثفايندر :) فيه مقياسين مئوي وفهرنهايت وزيادة على هذا بوصلة .. الله يخلف على الهوندا ماادري ليش احس انهم معقدين الامور لان المقياس صار تجهيز قياسي في السياكل حتى :)
اتمنى اي احد عنده اضافة او شي جديد لاينسانا
تحياتي وتقديري للجميع

حيااااك أخوي MAM بين اخوانك محبي هوندا...........
وأنا رأيي شغلات بسيطه مثل هذي لااااتركبها عند الوكاله لأنو برا أحسن وأرخص.....
تحياتي لك....

دحوم و ن ك د

إذا بغيتو تعرفون درجة الحرارهhttp://smileys.smileycentral.com/cat/3/3_2_125.gif على حسب مقياس Black.h.v6 كلموني http://smileys.smileycentral.com/cat/7/7_19_5.gifوبأقولكم<<<<<<<<<<http://smileys.smileycentral.com/cat/36/36_1_15.gifhttp://smileys.smileycentral.com/cat/36/36_1_15.gifhttp://smileys.smileycentral.com/cat/36/36_1_15.gif





http://www.smileycentral.com/sig.jsp?pc=ZSzeb095&pp=ZC

خخخخخخخخخخخخخخخخخ

طيب السيفيك 2006 الحساس موجود فيها او لا؟

ياشباب اللي مهتم بالموضوع يروح لورشة صالح الجابري في الصناعية القديمة ويعلمه السالفة .. هذا بالنسبة للي موجود عندهم الحساس واللي هي الفل كامل 4 سلندر مخمل وجلد
وانا ان شاء الله ناوي اروح لها بس مافضيت الى الحين ولو احد منكم يقدر يروح ومعه واحد من اخوياه عنده 6 سلندر علشان يتتبعون الحساس وين مشبوك في ال 6 سلندر ووين مشبوك في ال 4 سلندر وبعدها ان شاء الله راح نعرف وش المطلوب هل هو برمجة او شبك او لازم طبلون مبرمجة فيه هالميزة .. ان شاء الله راح نعرف السالفة بعد مايروح احد لورشة فاهمين في البرمجة والكترونيات السيارات والكمبيوتر
تحياتي للجميع

بلاكي خلني اشوفك الاسبوع ذا ابيك بسالفه ومن هناك بيتلطش

ههههههههههههههههههههههههههههه

يعني تبي تقهرنا

الحساس اخواني موجود خلف لوحة السيارة الأمامية وهذا شكله
http://dky123.jeeran.com/Sensor.JPG
واللي عنده كاميرا وفنان تصوير ياليت لو صوّر الحساس وحط صورته هنا
انا راح اصوره بالجوال واحط صورته بس لو احد عنده كاميرا يكون افضل

تحياتي وتقديري للجميع

اقتباس:

---

المشاركة الأصلية كتبت بواسطة M.A.M

الحساس اخواني موجود خلف لوحة السيارة الأمامية وهذا شكله
http://dky123.jeeran.com/Sensor.JPG
واللي عنده كاميرا وفنان تصوير ياليت لو صوّر الحساس وحط صورته هنا
انا راح اصوره بالجوال واحط صورته بس لو احد عنده كاميرا يكون افضل

تحياتي وتقديري للجميع

---

اخوي M.A.M الحساس اللي خلف الوحة الامامية حساس ايرباق وليس حساس درجة حرارة .
الاكورد لو فيها حساس درجة حراره حيكون راكب فوق الطبلون وبذات في النقطة السوداء في مقدمة الطبلون .

كيف يعني فوق الطبلون ؟؟
اخوي اتش .. انت شفت ملف ال pdf الخاص بشرح طريقة تركيب مقياس درجة الحرارة الخارجي ؟؟
على العموم هذا الرابط راح يفيدك وراح تعرف ان الحساس اللي اتكلم عنه ماله علاقة بالايرباق لا من قريب او من بعيد :) وهو نفسه حساس درجة الحرارة .. لاحظ اني قلت حساس وليس شيء اخر
http://www.hondapartsdeals.com/Honda...%22honda%22%22

اخواني هذي صورة الحساس وموقعه واي احد معه اكورد 4 سلندر فل اوبشن او 6 سلندر راح يحصل الحساس عنده وهو نفسه حساس درجة الحرارة الخارجية والدليل انه مو حساس الايرباق انه مو موجود بالفئة السياحية مع وجود ايرباق فيها
السهم الاحمر يشير إلى الحساس الذي يقع خلف لوحة السيارة الامامية
http://www.up4arab.com/out.php/i12887_1.JPG
وهذي صورة مقربة له
http://www.up4arab.com/out.php/i12888_2.JPG
واعذروني على رداءة الصور لأنها تصوير جوال
تحياتي وتقديري للجميع

http://www.hondaarabia.com/club/atta...1&d=1158509869

(على فكرة الحساس هذا مصوره من سيارتي عشان تتاكد بس اني عارف مكانه بضبط)




نجي للزبدة :rolleyes:
شوف اخوي M.A.M قبل كل شي انا ماصنعت السيارة ولا كنت مع المهندسين يوم صمموها :eek: ولا قد فكيت هالحساس أو تتبعت اسلاكه يعني كل اللي حقولك اياه اجتهاد من عندي وممكن يكون صح وممكن يكون غلط :p
اللي اعرفة ومتاكد منه ان هالحساس خاص بلايرباق ووظيفته تحديد قوة الصدمة عشان الباشا ( اللي هو الكمبيوتر ) يقدر يحدد وعلى رواقه قوة الصدمة وهل الصدمه تحتاج ان الايرباق يطلع أو مايطلع :d

على كل حال اخوي M.A.M انا دخلت على الرابط في ردك الاخير ولقيت فعلن ان هالحساس لقياس درجة الحرارة الخارجية :) ( بس مو شرط لان المواصفات الخليجية قد تختلف عن المواصفات العالمية ;) )
بس السؤال الان ولجميع الاعضاء وبتحديد المهندس NEO FOX والمهندس ACCORD 06 هل الحساس هذا خاص فقط بدرجة الحرارة أو انه قد يكون حساسين في حساس واحد يعني انه للايرباق ولدرجة الحرارة في آن واحد :confused:
انا عن نفسي بحاول ارجع لكتاب شامل لكل صغيرة وكبيرة في الاكورد وانتوا حاولوا وان شاء الله نتوصل لنتيجة :rolleyes:
لانه مو معقوله ياشباب ان شركة هوندا بتحط حساس في سياراتها ومابتشغلة ;)



هذا اللي عندي والله اعلم :o

بعد اذنك اخوي M.A.M

اخوي اتش ما اتوقع انه حساسين بحساس واحد

لانه مب موجود بالاكورد السياحي :rolleyes:

طبعا ماني متأكد من كلامي

اقتباس:

---

المشاركة الأصلية كتبت بواسطة accord 06

بعد اذنك اخوي M.A.M

اخوي اتش ما اتوقع انه حساسين بحساس واحد

لانه مب موجود بالاكورد السياحي :rolleyes:

طبعا ماني متأكد من كلامي

---

بعد اذنك اخوي M.A.M
اخوي ACCORD 06 اللي اعرفه ان الاكورد وبجميع انواعها يجي فيها ايرباق كمواصفات قياسية ;)

انا اقصد الحساس مب موجود بالسياحي ;)

اقتباس:

---

المشاركة الأصلية كتبت بواسطة accord 06

انا اقصد الحساس مب موجود بالسياحي ;)

---

انا مثلك ماني متاكد من وجود الحساس في السياحي :confused:
بس على كلام اخوي M.A.M يقول انه موجود في السياحي والفل :o .

اخوي ACCORD 06 صراحه ماجاني صبر :mad:
دقيت سلف ورحت اشيك على موتر واحد في حرتنا معاه اكورد سياحي :eek:
واكتشفت ان مافيها هالحساس :d

طيب الحين السؤال الثاني هل الحساس هذا ممكن يكون حق ايرباق الراكب ؟ :confused:
المشكلة ان الموتر اللي رحت اشيك عليه مظلل القزاز وماقدرت اشوف كم ايرباق فيها هل هو واحد أو اثنين للسائق والراكب :confused:


الحمد لله ان راعي الموتر ماشافني وانا احوم حول موتره ولا كان فيها علووووووووم :d

اكورد السياحي 2003 فيها ايرباق للراكب

يعني الموديلات اللي بعدها اكيد فيها

معاكم خطوه بخطوه >> نتمنى نوصل لحل

ياشباب هذي مشكلة الكلام باللهجة العامية اغلبكم فهم اني اقصد ان الحساس موجود بالسياحي والفل وانا اقصد ان الايرباق موجود بالسياحي وبالفل ومع ذلك الحساس لايوجد الا بالفل اوبشن 4 سلندر وبال 6 سلندر يعني السياحي مافيها هالحساس وهذا يدل على صحة كلامي ان الحساس هذا مو للايرباق لان السياحي فيها ايرباق ومع ذلك مافيها هالحساس وموجود بالفل اوبشن 4 سلندر وبال 6 سلندر .. فهمتوا قصدي ولا ؟؟
واعرف واحد معه اكورد 6 سلندر صدم وانكسر عليه هالحساس وطلبه من الوكالة وجلسوا شهر ماوفروه له وطلبوه من اليابان واشتراه ب 100 ريال وكان هو حساس درجة الحرارة الخارجية
اتمنى تكون وصلت المعلومة اللي صار فيها لبس كثير عند بعضكم

تحياتي وتقديري للجميع

اقتباس:

---

المشاركة الأصلية كتبت بواسطة اتش

انا مثلك ماني متاكد من وجود الحساس في السياحي :confused:
بس على كلام اخوي M.A.M يقول انه موجود في السياحي والفل :o .

---

اخوي اتش ابغاك تسوي اقتباس للرد اللي قلت فيه ان الحساس موجود بالسياحي والفل
انا ماادري اخوي من وين جبت هالكلام

اقتباس:

---

المشاركة الأصلية كتبت بواسطة M.A.M

اخوي اتش ابغاك تسوي اقتباس للرد اللي قلت فيه ان الحساس موجود بالسياحي والفل

انا ماادري اخوي من وين جبت هالكلام

---

اخوي M.A.M انت ماقلت الحساس في السياحي :d
انا اللي قلت لاني فهمتك غلط :o
ارجوا المعذرة اخوي M.A.M ولاتزعل مني حبيبي :)

خلاص خلي الايرباق على جنب مالنا شغل فيه


الان حساس درجة الحرارة ولقيناه موجود :cool:

السؤال يقول هل هو موصل بالاسلاك والى اين يصل التسليك ان وجدت؟؟:confused:

اقتباس:

---

المشاركة الأصلية كتبت بواسطة اتش

انا عن نفسي بحاول ارجع لكتاب شامل لكل صغيرة وكبيرة في الاكورد وانتوا حاولوا وان شاء الله نتوصل لنتيجة

---

اخوي اتش اذا ممكن ابيك تعطيني معلومات عن هالكتاب و من وين اقدر اشتريه ؟

لا عادي اخوي اتش مافيه شي يستاهل الزعل
وبالنسبة للكتاب اللي يسأل عنه accord 06 انا ايضاً اتلهف على كتاب مثل هذا الكتاب وان كان مثل الكتاب او الكاتالوج الموجود لدى قسم الصيانة بالوكالة فهذا سيحل كل المشاكل وانا اتذكر انه يباع على الانترنت في بعض المواقع بس دورته ومالقيته لاني مااعرف الاسم الصحيح له علشان ابحث زين عنه
فياليت اخوي اتش او اي احد من الاخوان عنده مثل هالاشياء المفيدة ان ينشرها بين الاعضاء لتعم المعرفة بينهم ويتعاونون في حل المشكلة
وصراحة انا دخلت منتديات اجنبية كثير وعرفت سبب تطورهم .. تخيلوا حتى الملفات المرفقة في منتدياتهم ماتحتاج تسجيل .. ياليت نوصل لمستوى المنتديات الاجنبية وان شاء الله اننا بنقدر نوصل بوجود الاعضاء الفاعلين والمميزين
تحياتي وتقديري للجميع

8
8
8
بإذن الله نصل بوجود أعضاء مثلكم :)
الحمد لله في منتدياتنا يستطيع الزائر عمل كل شيء وكأنه عضو ماعدا إضافة المشاركات!
يحق له أيضاً إضافة مشاركات في قسم الاقتراحات.