سجل حضورك لتجمع يوم الخميس 1432/2/30هـ في مدينة الرياض

بسم الله الرحمن الرحيم

السلام عليكم ورحمة الله وبركاته

اسعد الله اوقاتكم بكل خير :)

حبيت اخذ رأيكم في التجمع القادم ليوم الخميس 27-1-2011م , الموافق 22-2-1432هـ

هل هو يوم مناسب لك وآي من الأيام تفضل وقت التجمع؟

لامانع بإستقبال اي مقترحات بخصوص مكان ووقت التجمع, لكن الأهم هو انه يناسب الكل.

طبعا ً المكان المقترح وإلي اشوفه مناسب للكل هو مركز الملك فهد الثقافي والكل يعرف المكان, لكن سوف اضع الوصف حتى يسهل على الجميع الحضور. ;)

طبعا ً اهدافي للتجمع هي:

• تجديد التجمع بين الشباب.
• اننا نشوف بعض ونجدد اللقاء بيننا.
• الترفية عن النفس سواء إلي عنده إختبارات او دوام.

في حال تم تأكيد التجمع سوف اضع رد في موضوع التجمعات الرياض الأسبوعية يتضمن قائمة الطلبات ووصف لمكان التجمع وموعده.

وإن شاء الله نتشرف في لقائكم. :004: :0001:

ملاحظة آخيره: في حال ساءت الأحوال الجوية سوف يلغى التجمع نهائيا ً!.

وعليكم السلام ورحمة الله وبركاته

يعطيك الف عافيه اخوي كنق
والله يرحم صلاح الغامدي ويسكنه فسيح جناته
ماتقصرونا والله والله يعطيك الف عافيه

اليوم حلو والمكان بعد اشوف انه مناسب

وان شاء الله اني اكون متفرغ واقدر احضر للتجمع

حاليا انا موافق وبالتوفيق ان شاء الله

آلله يعطيك آلف عآفيه
تم آلتوآصل مع محمد بن عبدآلعزيز <طب عليه في آسترحته ولقآ مصعب معه :d

آن شآء آلله معكم
ورآح آجمع تبرعآت من آلآهل
آن شآء آلله

جعله آلله في موآزين حسنآتكم

الوقت والمكان مناسبان ,
لكن لو كآنت مو الخميس القادم , اللي بعده لأن اغلب الشباب عندهم اختبارات
ان شاء الله يتسر لنا الحضور , والتبرع بمـا تيّسر ..
أثـابك البـاري أخـي king

يعطيك الله ألف عافيه يا كنق والله يجزيك ألف خير وأنا والله ما أعرف صلاح الغامدي لكن الله يرحمه قريت له مقاله

بكل أمانه والله بكيت من شكوآه فيها والله يغفرله ذنوبه كبيرها وصغيرها

بالنسبه للوقت أنا مناسب لي جدا

وبالنسبه للمكان أنا ما عرفته صراحة بس مو مشكله راح نعرف وينه

وبالنسبه للتبرعات فكرتها ولا أحلى بس لو تحطون بعد رقم حساب نحول عليه يكون أحسن

لأن مثلك عارف وعارفين الشباب تاريخ 23 الناس مطفره:d

يعني لو تحطون رقم حساب مع نزول الرواتب الواحد يقدر يرسل حتى يتمكن اللي ما يحضر ويبي يتبرع إنه يتبرع

طبعا تحطون رقم حساب وتحطون رقم جوال صاحب الحساب عشان أي شخص يتبرع بمبلغ ويرسله على الحساب

يرسل رساله على رقم صاحب الحساب يعلمه بقيمة التبرع

ويبقى مجرد إقتراح وأتمنى تفاعل الشباب لأن الأجواء إن شاء الله تكون روعه مثل هالأيام.

يعطيك العافيه أخووي كنق
والله يرحم صلاح الغامدي ويسكنه فسيح جناته
بنسبه لتجمع من وجهة نظري يوم الخميس مناسب جدا والمكان كذلك مناسب
ننتضر باقي الأعضاء عشان يكون الحضور أكثر من العاده.

اقتباس:

---

المشاركة الأصلية كتبت بواسطة مايكل بن محماس المالكي

فكرتها ولا أحلى بس لو تحطون بعد رقم حساب نحول عليه يكون أحسن

لأن مثلك عارف وعارفين الشباب تاريخ 23 الناس مطفره:d

يعني لو تحطون رقم حساب مع نزول الرواتب الواحد يقدر يرسل حتى يتمكن اللي ما يحضر ويبي يتبرع إنه يتبرع

طبعا تحطون رقم حساب وتحطون رقم جوال صاحب الحساب عشان أي شخص يتبرع بمبلغ ويرسله على الحساب

يرسل رساله على رقم صاحب الحساب يعلمه بقيمة التبرع

ويبقى مجرد إقتراح وأتمنى تفاعل الشباب لأن الأجواء إن شاء الله تكون روعه مثل هالأيام.

---

اشكرك على التفاعل, ونتشرف بحضورك يالغالي.


بخصوص رقم الحساب موجود في موضوع آخر.

http://www.hondaarabia.com/club/t44074/

طبعا ً الموضوع موجود فيه رقم الحساب وصاحب الحساب يعني تقدر تحول آون لاين او تتوجه لأقرب صراف آلي وتحول آي مبلغ, والدال على الخير كفاعله. :)

جزاكم الله خير يااخوان والله يرحمه ويغفرله ويرحم امواتنا واموات المسلمين ان شاءالله اكون من الحاضرين

معــاذ وش رايك يكون التجمع بالاسبوع اللي بعده

عشان الاجازه كل العالم فاضيه , ويكون أول اربعاء او خميس , عشان يكونون الشباب موجودين للحين ماسافرو ..

والرأي لك اولاً واخيراً , :)

انا ماعندي مشكلة التجمع لكم وعشانكم وتلاحظ اني حطيت بنفس الموضوع انك تقدر تقترح وعندك اسبوع كامل تقرر وتشوف نفسك فيها, وواضح ان اكثر الشباب ماعندهم مشكلة.

الخوف انك تقول تأجل الموعد ومحد يجي الكل مسافر او مشغول.

عموما ً الوضع قائم حتى الآن إذا تبون على اسبوع إلي بعده من عيوني لكن اهم شيء يناسب الشباب. :)

نتشرف بحضورك وحضور الأعضاء, والوضع شبابي فله مافيه اي رسميات.

اهم شيء لحد يستحي ويضرب بواري وهو بعيد. (ويقول ماشفتكم خخخخ << مايقصد احد :d :p

اهلا بصديقي اي معاذ :d

والله مشاغل بهالدونيا

اختبارات ورا بعض وحالتنا صعبه والترم هذا شوي مضغوط


ان شاء الله ان الله احيانا بجي للتجمع معاك وش تبي بعد :d

فديتك :o<<لمعاذ بس ياملاقيف


_______

صالح تراا القروب مسويين عرض الحين اذا رجعت الشهر هذا

الشهر الجاي التجديد على حسابهم

لحق عمرك :d

ههههههههههههههههههه

للحين فيه القروب , يعني كويس مستمر بدوني ! :d

ــ

معــاذ , هذا مجرد اقترآح فقط , والرأي الاول والاخير لكم طبعاً ..

ثواني بس احط إستطلاع على الموضوع راح يكون اسهل من انه يرد, وراح اخليه مخفي :d

يعني ماتقدر تشوف الأعضاء إلي صوتوا. ونشوف تصويت الشباب. :rolleyes:

تم وضع إستطلاع لأي من الأيام تفضل ان يكون التجمع!. :)

حبيبي معاذ المواطنين السعوديين في الرياض اليوم الجمعه ما خلوا لك ما طأ رجل في الثمامه وبكره بداية إختبارات وما شاء الله عالم مالها أول من تالي

فأنا أقول الخميس الجاي صدقني اللي في باله بيجي راح يجي وأنا كنت بأقولك خلها على الإسبوع اللي بعده

بس خفت العالم كلها بتكون مسافره وإلا كاشتين وإلا سهرات خميس مثلك عارف

وذكرووووووووووووووووني أعطيكم سالفة البنت اللي تقلبت على دباب بالثمامه اليوم :d

وانا ارشح معكم التجمع بعد تو ويك لان لي جيه لرياض يعني ياتلحقوون ياما تلحقون :d

اذكر اني راد بموضوع السوالف وش جاب ردي فيذا ..؟؟

الآن صار الصويت عن طريق الموضوع 5 اشخاص وافقوا على تاريخ 22-2-1432هـ

والتصويت (الإستطلاع) 3 اشخاص وافقوا على تاريخ 29-2-1432هـ

إذا تبون نأجل على الأسبوع الثاني اوكي ماعندي مشكلة, الخيار متاح لكم. :)

ماعندي مشكلة لو تحطونه الاسبوع هذا :d

وان شاءالله نحضر

الأسبوع هذا افضل الخميس.

كثير ناس رفضت الأسبوع هذا بسبب الاختبارات واشغال آخرى!.

ولو تلاحظ التصويت اكثرهم اختارو الأسبوع الثاني :), يعني مافيه باليد حيله شخص واحد يبي الأسبوع هذا وكلهم يبون الأسبوع الثاني (صارت حرب!! :d)

وحسب حالة الطقس محتمل هطول امطار يوم الأربعاء وراح ترتفع درجة الحرارة بمقدار بسيط!, والله أعلم

صراحه احسكم اعضاء متفاعلين ويـــد وحده :cool:

والله يجمعكم على خير انشالله

بس سؤالي وش سالفة (( الغامدي )) الله يغفرله و يرحمه :(

والمعذره على التطفل

^^

هذا فائدة المنتدى طال عمرك. ;)

انه يجمعنا بيد وحده, والمفترض اننا نصير يد وحده كمسلمين متكافين لكن التعصب واقف كالحاجز بيننا!!. :p

إذا حاب تشرفنا بحضورك ونكرمك ونقهويك وناخذ علومك. :rolleyes:

وصلاح الغامدي توفى في حادث سير رحمه الله وغفر له ماتقدم من ذنبه.

راجع هذا الموضوع وإذا حاب تتبرع بأي مبلغ موجود تفاصيل التحويل بنفس الموضوع, مأجور بإذن لله.

http://www.hondaarabia.com/club/t44074/

(ومافيه اي تطفل احنا اخوان, إذا ماوقفنا مع بعض مين راح يوقف لنا!!)

يا كنق أنت وش مسوي بالتصويت يا ولد:d

يوم صوت انا على الخميس هذا كانت نتايج التصويت خمسه موافقين على الاسبوع هذا واثنين على الاسبوع اللي بعده

أشوف التصويت الحين إنقلب وإلا أنا كنت مفهي يوم صوت :d

على العموم يا كنق من باب عصفور باليد ولا عشره على الشجره ... نسوي تجمع هالإسبوع ونسوي تجمع الإسبوع اللي بعده وش المشكله :d

لأن بالعربي الإسبوع اللي بعده انا مداوم وانا دوامي عسكري استلام 24 ساعه يعني ما يمديها أجي :d

ورجاء لا تحدوني أسحب على الاستلام عشانكم لاني والله بأسويها :d

التصويت ماتغير فقط انقلبو الشباب من التاريخ الأول إلى التاريخ الثاني, يعني صارت رغبتهم للأسبوع الثاني, وحسب مااعلم ان فيه ناس راح تجي من خارج الرياض, وهذه فرصة اننا نتشرف بحضورهم. :)

وصعبه اسوي تجمع الخميس هذا ثم الخميس إلي بعده صار دوام :d

وترى التنسيق متعب نوعا ً ما عرفت يحتاج انك تتفرغ له وتابع مع الشباب وتنسق الطلبات والوضع متاح للجميع بالتنسيق للتجمعات يعني شوف تقاريرهم والله من احسن مايكون. ;)

عموما ً خليها على الأسبوع الثاني على رغبة الشباب ويمدينا ننسق لقائمة الطلبات ونقسمها على الأعضاء, ويمدي الواحد يضبط وضعه للأسبوع الثاني.


بخصوص دوامك انا اشوف انك تلتزم بعملك والتجمع فيه غيره, انا كان ودي انك تشرفنا حضورك لكن الضروف تخلي الواحد خروف :d ولا خخخخخ .

والتجمع راح يكون من بعد صلاة العشاء إلى ان نشوف الوضع طول والشباب كل واحد راح لبيته. :rolleyes:

برآحتكم وسالفة إنك تشوف إني ألتزم بدوامي فما ظنتي بتفتك مني إن ربي كتب لنا عمر جاييكم جاييكم

ياخي لازم أعلمكم سالفة البنت اللي انقلبت بالدباب بالثمامه :d:d

ينعن اوم السالفه :d

إن شاء الله تحصل فرصة اننا نشوفك ونتعرف عليك. :)

وبخصوص السالفة ماانصحك تقولها, لأن ممكن بأي لحظة ربي يبتليك وتصير حديث الناس.

(واعمل ما شئت فكما تدين تدان)

حبيت انبه لكم بخصوص جمع التبرعات للمرحوم صلاح تتمدد إلى تاريخ 26-2-1432 هـ

اقتباس:

---

المشاركة الأصلية كتبت بواسطة محمد بن عبد العزيز

السلام عليكم


وصلتني رسائل من اشخاص جزاهم الله خير

بتمديد فترة جمع التبرعات الى يوم 26 من هذا الشهر


اخر يوم للجمع 26-2-1432 هـ

وجزاكم الله خير وجعله في موازين حسناتكم

---

ومثل ماهو واضح ماراح يوافق يوم التجمع وإلي هو كان المفترض انه يكون هذا الخميس القادم لكن التصويت صار اكثر على الأسبوع إلي بعده عشان الأختبارات وغيرها من الأعذار!.

التجمع قائم بإذن لله, وفرصة للي ماتبرع يتبرع في هذه الفترة حتى تاريخ 26-2-1432 هـ وجزاكم الله خير الجزاء ووفقني وإياكم إلى مايحبه ويرضاه. :)

ان شا الله اني اجي باس عندي شي في قلبي من يوم سجالة في المنتدى وانا اشوف حملة تبرعة حق صلاح الغامدي الله يرحمه من كثر مشفة الناس تحبه حسية اني اعرفه
باس ابي اشوف واحد من موضيعه كيف اوصاله والله اني فرية في المنتدى الين قلت بس ملقية شي كيف اوصل لموضوعه

وجزاكم الله خير تلقونه ان شالله في الدنيه والاخره وبيض الله وجيهكم

حياك الله وإن شاء الله نشوفك وتشرفنا.

هذا موضوع التبرع لصلاح الغامدي رحمه الله وغفر له.

http://www.hondaarabia.com/club/t44074/#post488687

تقدر تتواصل مع صاحب الموضوع والمسؤول عن جمع التبرعات.

بأذن الله الخميس الي بعده
>>اليوم مشغول:p.

السسسلام عليكم ..

ترى أول مشآركه لي بهالنآدي الطيب .. :o

بس مآ أدري .. أحسس أني جآي غلط .. :o

لكن مو مشكله .. أذا كآن الرآبط بيننا أكوردآت وسيفيكات .. مآ عندكم مشكله :d

يجي .. واللي ما يجي .. تروحون تجيبونه وتجون .. :d

بس لاحد يسحب على أحد ..

أنا يوم الأربعآء بإذن وآحد أحد .. رآح أكون عند المركز .. :)

بس ترى ماعرف وش السآلفه ..

لكن وش ورآنآ .. معرفة الرجآل اللي مثلكم شهادة الواحد يتعز فيها ..:rolleyes:

ذكرت سابقا ً انني سوف اضع الوصف والتفاصيل في موضوع التجمعات الأسبوعية لكن الوضع تغير!, راح يكون في نفس هذا الموضوع حتى لا يتشتت الاعضاء. :)



الوصف:

الوصف .. من الجنوب

- طريق الملك فهد (متجه شمال) مخرج وزارة الداخلية.

- تلف يسار بعد الاشاره ..(طريق المعذر) (مركز الملك فهد الثقافي)
- تعدي كم اشاره .. وتنزل مع النفق .. وبتقابلك اشاره عديها ..
- بيجي مديور (تديور وتخش يمين مع المخطط)
- نهاية الشارع اطلع يمين .. واول لفه اطلع يسار .. وسيده بتحصل الشباب على اليسار

http://dwwll.jeeran.com/n8bar.gif

الوصف .. من الشمال

- طريق الملك فهد متجه جنوب يجي مخرج وزارة الداخليه
- تاخذ المخرج .. مع الاشاره تلف يمين.. (بتشوف لوحه مركز الملك فهد الثقافي)
- تعدي كم اشاره .. وتنزل مع النفق .. وبتقابلك اشاره عديها ..
- بيجي مديور (تديور وتخش يمين مع المخطط)
- نهاية الشارع اطلع يمين .. واول لفه اطلع يسار .. وسيده بتحصل الشباب على اليسار.

http://dwwll.jeeran.com/n8bar.gif


الوصف .. من الشرق

- طريق خريص متجه غرب .. كانك رايح لطريق الملك فهد
- تعدي طريق الملك فهد وتخش باول مخرج (التخصصي)
- تلف يسار مع الاشاره .. وتمشي سيده تعدي الاشاره الاولى وبعدين بيجيك نفق
- تصير فوق النفق وتلف يمين(يعني لاتنزل مع النفق)
- وتجيك اشاره.. تعديها ..
- بيجي مديور (تديور وتخش يمين مع المخطط)
- نهاية الشارع اطلع يمين .. واول لفه اطلع يسار .. وسيده بتحصل الشباب على اليسار.

http://dwwll.jeeran.com/n8bar.gif


ووصف .. من الغرب

-اطلـع مـع الجسـر المعلـق الى نهـايتـه بعديـن أخـذ يميـن مـع طريـق جـده السريـع
-اول مخـرج يميـن رح معـه يجيـك الـدوار خـذ معـه يسـار وسيـده يجيـك تقاطـع خـذ معـه يميـن.
-وسيييييييـده اول دوار سيييده ثانـي دوار( الصـالات الـريـاضيـة ) أخـذ معـه يميـن وسييده اليـن
تجيكـ الاشاره تعديها .. وتخش مع ثاني لفه (اللفه وسيعه مدخل للمخطط
خش يمين.

- نهاية الشارع اطلع يمين .. واول لفه اطلع يسار .. وسيده بتحصل الشباب على اليسار

هذه صورة كروكي للموقع وواضحه مثل الشمس, يعني إلي يضيع قسم بالله انه..... :p

http://www.kfcc.gov.sa/NewsPix/Center1_Sitemap.jpg

http://dwwll.jeeran.com/n8bar.gif

قائمة الطلبات راح تتنسق في نفس هذا الموضوع. :)

بسم الله نبدأ في قائمة الطلبات وكل واحد يقتبس القائمة ويحط اسمه عند الغرض إلي راح يجيبه بدون تكليف, الوضع شبابي. ;)

قائمة الطلبات:

الفرشات: (اللي بيجيب الفرشه ياليت يحضر مبكر)
1-King
2-
3-

القهوة:
1-King
2-
3-

الشاهي:
1-King
2-
3-

النعناع:
1-
2-
3-


حلى القهوة: (صينيه وسط لاتجيب كبيرة!)
1-
2-

3-

فطائر للشاهي: (صينيه وسط)
1-

2-

3-

عدة الحطب = الحطب + مكعبات النار وولاعه.
1-
2-

إلي حاب يجيب مفرحات لامانع لكن بدون إسراف يعني شخص واحد او اثنين يتفقون بنفس الموضوع ويجيبون (المفرحات= سنكر-جالكسي-كيت كات-مارس) :d

الموعد راح يكون بعد صلاة العشاء إلى ان يشاء الله.
تاريخ التجمع 3-2-2011م, الموافق 30-2-1432 هـ

(يوجد خطأ بالإستطلاع في التاريخ الهجري!)

*رقم جوالي راح يكون موجود في يوم الأربعاء بإذن لله.

اقتباس:

---

قائمة الطلبات:

الفرشات: (اللي بيجيب الفرشه ياليت يحضر مبكر)
1-king
2-مايكل بن محماس المالكي ( فرشتين )
3-

القهوة:
1-king
2-
3-

الشاهي:
1-king
2-
3-

النعناع:
1-
2-
3-

حلى القهوة: (صينيه وسط لاتجيب كبيرة!)
1- مايكل بن محماس المالكي
2-

3-

فطائر للشاهي: (صينيه وسط)
1-مايكل بن محماس المالكي

2-
3-

عدة الحطب = الحطب + مكعبات النار وولاعه.
1-
2-

---

ننتظر تفاعل باقي الشباب وبإذن الواحد الأحد إني حاضر .

قائمة الطلبات:

اقتباس:

---

الفرشات: (اللي بيجيب الفرشه ياليت يحضر مبكر)
1-king
2-مايكل بن محماس المالكي ( فرشتين )
3-ناصر المطيري

القهوة:
1-king
2-ناصر المطيري
3-

الشاهي:
1-king
2-ناصر المطيري
3-

النعناع:
1-
2-
3-

حلى القهوة: (صينيه وسط لاتجيب كبيرة!)
1- مايكل بن محماس المالكي
2-

3-

فطائر للشاهي: (صينيه وسط)
1-مايكل بن محماس المالكي

2-
3-

عدة الحطب = الحطب + مكعبات النار وولاعه.
1-
2-

---

أخي الكريم
الله يسمع منك والشرف لي والله أقولها وأنا صادق في هذه الكلمة وأسأل الله أن يجعلنا ممن ذكر في حديث السبعة الذين يظلهم الله في ظله يوم لا ظل له إلا ظله

وبعد إذنك ولا عليك أمر لو ترسل رقم الجوال الخاص بك على الإيميل الخاص بي للتواصل ومعرفة الطيبين اللي مثلك وشرواك

تحياتي موفرة بدوام الصحة والعافية

حياك الله يالغالي وإن شاء الله تشرفنا حضورك.

مااشوف اي تفاعل في التجمع؟


(نكنسل التجمع يعني!!) :p

قائمة الطلبات

اقتباس:

---

المشاركة الأصلية كتبت بواسطة king

الفرشات: (اللي بيجيب الفرشه ياليت يحضر مبكر)
1-king
2-مايكل بن محماس المالكي ( فرشتين )
3-ناصر المطيري




القهوة:
1-king
2-ناصر المطيري
3-




الشاهي:
1-king
2-ناصر المطيري
3-




النعناع:
1-
2-
3-



حلى القهوة: (صينيه وسط لاتجيب كبيرة!)
1- مايكل بن محماس المالكي
2-
3-

فطائر للشاهي: (صينيه وسط)
1-مايكل بن محماس المالكي
2- محمد الغامدي =)
3-


عدة الحطب = الحطب + مكعبات النار وولاعه.
1-
2-

:p

---

ترا انلحسنا

التجمع الاربعاء ولا الخميس ؟

اي يوم اخلصوا علينا....