موضوع للناس الرايقة: شرح طريقة تغيير ستايل الشاشة صور + فيديو

بسم الله الرحمن الرحيم

السلام عليكم ورحمة الله وبركاته

الحقيقة ترددت في كتابة الموضوع لأن احتمال الموضوع ما يفيد الا عدد بسيط من الأعضاء وهم اصحاب شاشة رودروفر القليلين جدا,
لكن من باب التوثيق قررت اكتب الموضوع.

اولا بحكي لكم قصتي مع هالشاشة ثم راح أبدأ بالموضوع.

الشاشة اشتريتها قبل سنتين مستعملة من احد الاعضاء الطيبن بالمنتدى.
مرت الايام وبعد ما صار بيننا عيش وملح قررت اني اراسل الشركة وأسألهم اذا كان عندهم برامج أو تحديث للجهاز
وفعلا أرسلت إيميل لمندوبة الشركة, وحدة صينية دبة اسمها جيسي, ردت علي جيسي وقالت انه عندهم تعريب + skins ( ثيمات او ستايلات) للشاشة و وعدتني انها بترسل لي الملف مع طريقة التثبيت بنفس اليوم.

مر يوم اثنين ثلاثة و الدبة ساحبة وما ترد ارسلت لها بكل الوسائل المتاحة ايميل, مسن , سكايب حتى اني اضفتها عندي بالفيس والأخت معطيتني سيفون كبر وجهها المدور :mad:

و كمحاولة أخيرة طلبت من واحد صيني اعرفه يكلمها ويذكرها بالموضوع لكن الدبة عطته تسليكة سفري وقالت له ان شاشتي قديمة ولا يمكن برمجتها.

طبعا صاحبكم ما ييأس بسهوله فقلت لنفسي يا بو حمييد شمر عن ساعديك و اعتمد على نفسك. والحمدلله عرفت كيف اتعامل مع برمجت الجهاز ومشت الأمور بيسر وسهولة.

الي سويته اني غيرت تصميم السوفتوير الأزرق القديم و عملت تصميم جديد لجميع القوائم بالشاشة.

وبس خلصت السالفة..الحين نبدأ بالأمور التقنية وترى الشغلة سهلة ما يبيلها.

اول شي اوضح الفرق بين الاستايل القديم والجديد

هذا الاستايل القديم من الشركة.

[ame="http://www.youtube.com/watch?v=9yRc_jh9r7g"]YouTube - RoadRover Honda[/ame]

وهذا الاستايل القديم و الجديد على شاشتي

[ame="http://www.youtube.com/watch?v=CrDOUX0Fb30&feature=player_embedded"]YouTube - new skin[/ame]

و هنا صورة للواجهة الرئيسية الجديدة من تصميمي

http://img854.imageshack.us/img854/1083/picture2h.jpg

خطوات التنصيب:

اولا: لازم نفك حماية المصنع عشان نقدر ندخل لنظام التشغيل ويندوز الخاص بالجهاز

حمل هذا الملف UPDATE.EXE وبعد فك الضغط حطه في ذاكرة فلاش او في ذاكرة الشاشة

>>> حمل من هنا <<<

ثانيا: لأصحاب الاصدارات القديمة ذات الاستايل الازرق حمل هذا الملف accord وبعد فك الضغط حطه في فلاش.

>>> حمل من هنا <<<

.................................................. .................................................. .........

لأصحاب الصدارات الجديدة ذات الاستايل الموضح في الصورة

http://img860.imageshack.us/img860/9789/picture1z.jpg

حمل هذا الملف accord وبعد فك الضغط حطه في فلاش.

>>> حمل من هنا <<<

وصّل الفلاش لمنفذ USB في الشاشة ثم اتبع الخطوات:

-menu

-options

-system

-update

بتظهر لك هذي الشاشة

http://img854.imageshack.us/img854/2815/img4524.jpg

اضغط open

ثم اضغط على NAND FLASH

http://img27.imageshack.us/img27/9020/img4525u.jpg

بتلقى ملف اسمه D2280 غير اسمه وحط واحد بعد الصفر يسيير هييك D22801
احيانا هذا الملف يكون موجود في مكان ثاني دوره حتى تلقاه وعدل اسمه.

http://img849.imageshack.us/img849/2134/img4526.jpg

الحين اعد تشغيل الشاشة بالضغط على الزر الصغيرRESET

بعد ما تشتغل الشاشة حيفتح لك ويندوز

http://img828.imageshack.us/img828/9355/img4527z.jpg

اضغط على NAND FLASH

http://img818.imageshack.us/img818/5492/img4528e.jpg

بعدها حتلاقي الملف D22801 الي غيرنا اسمه, طبعا هذا الملف فيه كل بيانات تشغيل الشاشة وهو مهم جدا. ارجع اسمه الاصلي D2280 وخذ نسخة منه وحطها في الفلاش عشان لو صار شي غلط ترجع لهذا الملف.
ضروري جدا تاخذ نسخة من هذا الملف

http://img39.imageshack.us/img39/4633/img4529p.jpg


http://img225.imageshack.us/img225/2417/img4530q.jpg


الان افتح الفلاش ثم ملف accord وانسخ كل الي داخل هذا الملف والصقها في الملف الرئيسي D2280


http://img5.imageshack.us/img5/5172/img4532w.jpg

بتطلع لك نافذة اضغط yes to all


قم باعادة تشغيل الشاشة بالضغط علي الزر الصغير RESET
بعد اعادة التشغيل حترجع الشاشة لوضعها الطبيعي اضغط على:

-menu

-options

-system

ثم من قائمة skins اختر الثيم او الاستايل ACCORDIANY .

توضيح الخطوات بالفيديو على شاشتي.

[ame="http://www.youtube.com/watch?v=C7Mm4KOYVDM&feature=player_embedded"]YouTube - -roadrover- new skin[/ame]

تم بحمد الله

مبروك الاستايل الجديد

ولو ما يفيد إلا واحد خير وبركة أنا شاشتي ستيل كول لـ 2004
بس من إعجابي بما فعلت قمت أقرأ الشرح وكيف سويتها ؟
الله يوفقك ويكثر من أمثالك
وأبد لا تتردد ثاني مرة , في إفادة إخوانك
ولك منا الشكر ومعه الدعاء لك بالتوفيق

السلام عليكم بداية

ياخي مادري وش اقول عنك ابداع قمه روعه وربي انك شمعه فله منوررره


ابداااع يا اكوردياني وربي ابدااااع الله يستر عليك

صار لي مايقارب السنه وانا ابحث عن نفس الموضوع وعن طريقه لتحديث الشاشه وهذا موضوع لي نزلته على امل اني القاء الحل ولا لقيته وصار له مايقارب الثلاث اشهر

وماخليت لا موقع للشركه ولا محلات شاشات الا وسالتهم
وكلهم ماعندهم ماعندي جدتي

وتجي انت يالفارس المغوار خخخخ وتفزع لنا قسم بالله انك اسعدتني موضوع ابحث عنه من زمااااان

الله يوفقك ويستر عليك ويجزاك كل خير عنا ودي ابوسك :eek:

:o


ماعلينا يالغالي ودي بس اسالك قبل


1- فيه لغه عربيه ...؟
2- بعد ما احدث الجهاز لاسمح الله لو طلعت لي مشاكل او شي غلط هل يمكنني استرجاع التحديث السابق ...؟
3- ياليت صوره للشاشه اللي عندك ومدخل الدي في دي الموجود ( ابتاكد نفس اللي عندي واتوكل على الله واسوي التحديث او تطلع مختلفه وممكن ماتزبط )

واخيرا ما اقول الا الله يوفقك يابطل انت 100000%

http://www.hondaarabia.com/club/t45227/ <<< ذا موضوع لي قبل كنت استفسر فيه ولا لقيت حل

باك


:o تحمست للموضوع ورحت اجرب ولاكن للاسف طلعت عندي مشكله هي عدم توافق الايقونات مع الاطارات

وسويت فيها فيديو

وهذا الفيديو يحكي المشكله

[ame=http://www.youtube.com/watch?v=wgBmozFAcP8]YouTube - &#x202b;[/ame]

لو عندك فكره كيف احل المشكله

وماقصرت خيو :rolleyes:

شباب الرود روفر ماتشتغل الى ع الفل ولا ممكن تشتغل ع السبيشل ؟؟ ارجو الافاده

والله شي حلووو .. بلا شركة بلا هم ..

ويقولون الشباب السعودي ماعنده فكر وعقليه .. وربي انهم هم الي ماعندهم عقليه ..

اقتباس:

---

المشاركة الأصلية كتبت بواسطة قلبي حبك

باك


:o تحمست للموضوع ورحت اجرب ولاكن للاسف طلعت عندي مشكله هي عدم توافق الايقونات مع الاطارات

وسويت فيها فيديو

وهذا الفيديو يحكي المشكله

youtube - &#x202b;

لو عندك فكره كيف احل المشكله

وماقصرت خيو :rolleyes:

---

حياك الله اخوي والحقيقة يشرفني ويسعدني انك استفدت من التحديث
بالنسبة للمشكلة الي صارت معك فهي بسبب اختلاف اصدار الجهاز من الشركة.. يبدو لي ان الي عندك اصدار جديد لكن مو مشكلة بضبطه لك.. لكن لزم ترسل لي الملف d2280 الاصلي قبل التحديث الي عندك عشان اسوي الخلفيات المناسبة له, بانتظارك...

اقتباس:

---

المشاركة الأصلية كتبت بواسطة اكوردياني

حياك الله اخوي والحقيقة يشرفني ويسعدني انك استفدت من التحديث
بالنسبة للمشكلة الي صارت معك فهي بسبب اختلاف اصدار الجهاز من الشركة.. يبدو لي ان الي عندك اصدار جديد لكن مو مشكلة بضبطه لك.. لكن لزم ترسل لي الملف d2280 الاصلي قبل التحديث الي عندك عشان اسوي الخلفيات المناسبة له, بانتظارك...

---

تسلم لي يالغالي
وبالنسبه للملف ابشر يابعدي برفعها لك على رابط وارسله لك رساله خاصه

ومره ثانيه ما اقول الا الله يكثر من امثالك

ماقصرت والله يابعدي

اقتباس:

---

المشاركة الأصلية كتبت بواسطة حلم الاكورد

شباب الرود روفر ماتشتغل الى ع الفل ولا ممكن تشتغل ع السبيشل ؟؟ ارجو الافاده

---

تشتغل على كل الفآت اللهم انها ما تعطيك بيانات المكيف في السبيشل

يعطيكـ العافيه http://www9.0zz0.com/2010/12/21/09/887891115.gif :)

بسم الله الرحمن الرحيم
اخوي مشاء الله عليك مبدع
وان شاء الله اذا شريت شاشة استشيرك

والله ماعندي شاشه ولا شي
لكن قلت حرام اقرا واطلع ولا اقول انك مبدع وفنان,
موضوعك والله يستاهل التثبيت :cool:

قريبا رح اضيف ملفات لأصحاب الإصدارات الجديدة مثل الاخ (( قلبي حبك)) حاليا ما اقدر اعدل على الموضوع انتظر رد الادارة...
[ame=http://www.youtube.com/watch?v=wgBmozFAcP8]YouTube - &#x202b;[/ame]

كل شي كان هنا جميل

شكراً لشرحك

يعطيك العافية أخوي سلطان اشكرك على تعديل الموضوع

تبادل ؟؟

اعطيك مسجل JVC سيدي + كست :p

وتعطيني شاشتكـ :d

ترى ماتصلحلك واحد>> نصاب هههههههههههه :d

امزح الله يعطيك خيرها ويكفيك شرها اقصد الموتر

وماشاء الله على الشاشه توب توب

انا شاشت الوكاله بغيت ادعم بسبتها اول ماشريت الموتر عاد وشلون لو اركب مثل شاشتكـ عز الله جبنا العيد

اخوي انا نسخت الملف اكورد والثاني للفلاش بس المشكله اني اذا ضغظت على update من الشاشه مايصير شي يعني مايفتح الي طالع عندك مثل الصوره ولا الفديو

عشان يشتغل معك زر update لازم تحمل الملف الي اسمه update وبعد ما تحمله تفك الضغط عنه وتحط الملف هذا فقط في الفلاش ثم كمل باقي الخطوات
http://img827.imageshack.us/img827/9862/updatex.jpg

و عشان تضيف الإستايل الجديد حمل الملف accord و بعد ما تفك الضغط عنه حطه في الفلاش

بعد ما تفتح الويندوز الي بالشاشة رح للفلاش ثم افتح الملف accord ثم انسخ الملفين هذي وحطهم في الملف d2280
http://img52.imageshack.us/img52/8707/accordhm.jpg

ياالغالي سويتها بس ماضبطت بس بعلمك حركه توي عرفتها جالس اطقطق في الشاشه لين عرفتها وجالس انقل الملف فيها
الطريقه
1- من القائمه الرئيسيه اضغط على MENU
2- تروح على NOTE
3- تروح على كلمة INPUT-M
4- راح لوحة مفاتيح
5- اضغط ضغطه وحده على زر الكنترول Ctl حيصير لونه اسود
6- اضغط على زر الخروج Esc
7- وبعدها راح يطلع لك قائمه فيها اعددات الشاشه كاااامله تقدر ترفع الصوت تغير الغه والتاريخ ووووووو
وتدخل على الملفات

تسلم ضبط معي وجاء استايلين جديده
بس للحين مو راضي يفتح من update بس فتح من الحركه الي قلت لك عليها

يعطيك ألف عافية يا ولد الرياض الطريقة الي جبتها اسهل بكثير من طريقتي وما تحتاج تدخل للويندوز عشان تضيف الملفات :cool:
ان شاء الله اذا فضيت صورتها وحطيتها في الموضوع.
طيب بشر كيف الاستايلات الجديدة معك... مضبوطين ولا تحتاج تعديلات؟

مظبوط نفس الصوره الستايل الاول
والثاني نفس الازرق باضبط بس الالوان تختلف
واليوم مركب بعد برنامج خرايط جديد :) عربي اول الي عندي انجليزي الي جاي معها زهقت منه من سنتين معي

وش البرنامج الي ركبته ^^

sygic 7.71 هو الوحيد الي قدرت اركبه كل البرامج جربتها وماركبت:(
صراحه احس ماعجبني مره الاول افضل بس ميزته انه عربي طبعآ هذا رايي الشخصي بتجربت يوم :d

سايجك :aa_walen:
يا خي هذا البرنامج يجيب المرض ما خش راسي... احس ان روات66 احسن منه
انا ادور ايقو حق معالجات MIPS لأن هذي الشاشة تختلف عن باقي الشاشات بالمعالج الي تشتغل به.. الشاشات الثانية تشتغل بمعالج ARM يعني برامج الشاشات الثانية ما تشتغل عندنا :(

ايه مره البرنامج بااايخ روات افضل باكثيييير
والله انا مافيه برنامج ماحملته وجربته وجربت كل الحركات ومايشتغل وعرفت انه مثل ماقلت المعالج يختلف
طيب روات الي عندي 7 فيه شي جديد اركبه لو تعرف

اخوي اكورداني
الستايل حسيت فيه شي ناقص وجالس اقلب فيه لين عرفت هع :o
وعدلت عليه
وش رايك فيه هاذي الصوره للشكل الاول
http://img854.imageshack.us/img854/1083/picture2h.jpg

وهذا بعد التعديل
http://www9.0zz0.com/thumbs/2011/05/07/08/313262875.jpg

http://www9.0zz0.com/2011/05/07/08/313262875.jpg

:o

ههههههههههههههه اثاريك طلعت منت بهين يا ولد الرياض وقاعد تعدل من ورانا :d
والله يبني وبينك انا شلت الأيقونات عشان يطلع شكله رسمي اكثر لكن بما انك مسكت طرف الخيط وعرفت له تقدر تعدل عليه براحتك :cool:

الاخوة الكرام انا عندي مشكلة في لمس الشاشة وين ممكن اج الها قطع ومشكورين

اول شي مشكور وماتقصر على المجهود الي بذلته ويعطيك الف الف عافيه

مدري انا طلع نفس الاستايل بس فيه اختلاف بسيط عنكم يمكن الان اصداري جديد وعندي مشكله ان ايقونت الموسيقه ماطلعت و في القائمه الرئيسيه كلمة نافي قيشن ماتطلع كامله و كلمة بلوتوث بعد شوف الصور :(
http://store3.up-00.com/May11/3YG84861.jpg

http://store3.up-00.com/May11/Ia884861.jpg

مشاء الله ابدعت
عندي استفسار بسيط : هل اقدر اغير نظام التوقيت من 24 الي 12 :confused:
انا حاولت بجميع الطرق بس للأسف :(
هل يمكن تغير برنامج الملاحة ؟

يعطيك العافية ..
عندي شاشة ملتيميديا بدون شاشة الوكالة .. ممكن اغير الستايل حقها الي انت مصممه الصراحه راااااااق لي بالحيل تحسه رسمي وسبورت في نفس الوقت ارجو انك تفيدني لاني رحت لاكثر من محل يقولون لي ماتتغير ...

السلام عليكم
أخوي لما كنت أحط ثيمات صار خطأ ألحين نظام الشاشة مو راضي يشتغل بالكامل بس شعار هوندا واسمها موجود
أزرار النافيقيشن و المنيو ما تطلع شالحل
شاشتي نوع رود روفر
أخوك فيصل

مشكورين
ممكن نعرف كيف عم تصمموا ال Skins ?
يعني عشان لو حبينا كل واحد يعمل الي يعجبه ؟

أي رد يا شباب ؟

السلام عليكم أخي الكريم
واقعا تفاجأت بالتصميم لم شريت هذي الشاشة بدائي جدا مجرد خطوط (حتى غير الموجود في المقطع واللي تقول عنه إصدار قديم ) ولكن لما قلت بأنه بالإمكان تحديث وتركيب تصاميم أخرى أعطيتني بصيص أمل .
حتى الآن أنا ما بعد أجرب الطريقة اللي ذكرتها بحاول أجربها وسأوافيك بما يجري معي

الله يعطيك العافية وماقصرت جهد مقدر تشكر عليه ولي عودة بإذن الله

للأسف ما ضبط معاي

:( اخوي انا سويت اللي قلت عليه بس طلعت مو نوع الشاشة نفسها
شاشتي Boxter كيف اقدر ارجعها مع ان الملف انحذف نص الشاشة راحت

انا عندي الفيرجين ar-prima-arm-slc-v1.40
وابا الفيرجين 1.48
تقدر تساعدني

شلون شباب مافيه حل حق شاشتي مليت منها أبي اغير الستايل أفيدوني وإذا فيه محل الله لا يهينكم دلوني عليه

هذي صورة الشاشة :
http://im16.gulfup.com/Lcxq1.jpg