تقرير تجمع الرياض السادس..
السلام عليكم ورحمة الله وبركاته
تم توريطي بـأصعب مهمة بعد كل التجمعات !! التقرير >>> طيب ليش توافق يبو ؟
أحلى شي إن تبدأ تقريرك بدون المقدمة وجعله مبتوراً كما خطبة البتراء الشهيرة .. فقد بدأ بدون مقدمة لكنه أفلم في الشعب بعدها ..
أما بعد
بيكون التقرير على شكل أجزاء ونقاط
• يوم الأربعاء
كان فية تجمع صغير وبسيط ما اذكر وين كنا بالضبط .. اهاا تذكرت .. كنا في ( كيف الشيوخ ) بطريق خريص محل قهوة وجلسات على طريقة ايام الملك عبد العزيز .. ما ابي اقول على ايام جدي .. لأن على ايام جدي كان فية كراسي وفلة وشيشة والعيال .. المهم الكافي هذا شغل جلسات على الارض وقهوة عربية وتمر قصيمي فقط وكل شي فية قديم .. والاحلى فيه وايرلس وافياش كهرب يعني be online المهم اني جيتهم متأخر كالعادة .. المهم واحد من الاعضاء ماعجبه الوضع يقول (( جاي من الخبر وعايش احلى حياة هناك و د.كيف والعيال والفلة وكافيات زي الناس !! واجي هنا اجلس على الارض والجرسون لابس ثوب وشماغ واطلب هوت شوكليت وتجي حليب لحالة !! هع هع ))
داخل الكفي مافية الا 2 قاعدين وتقريبا 7 اشخاص برا !! كالعادة في كل تجمع ثلاث ارباعهم وربع يوقفون برا و(الثلاث ارباع من الربع الاخير يجلسون داخل )
اظنهم كانو يركبون لمبة اللكزس لسيارة احد الاعضاء .. وبعدها اللي انحاش انحاش والبقية نبي نختار مطعم .. ولا زال النصراوية الى الان يشجعون النصر وياكلون رز على العشا ياعمي طير وكل فطير .. الا تصير سعودي غصب رز بالفطور والغدا والعشا بعد !! ( تعريف السعودي انسان يركب التويوتا ياكل الرز جوالة نوكيا يستخدم نظام ويندوز )
المهم .. اتفقنا نروح هرفي بثلاثين العليا .. اقرب فرع لنا .. ورحنا هناك وكالعادة نسوي حفلة لين نصف طاولات تكفينا كلنا .. طلبنا مثل بعض وحنا قاعدين ناكل الا وفجأة القى وجة مألوف علي داخل مع الباب !! (( الوجة المألوف هذا ارسل لي مسج الساعة 2 الظهر يقول صحني الساعة 4 عندي شغلات مهمة لازم اخلصها .. والرجال في ينبع !! )) المهم .. تراني ما انصدمت ابد لأني عارفة عليه مسكات !! (( دقيت علية حول الساعة 6 واسمع صوت خط ... وينك ؟ يقول عندي شغلة في جدة !! )) المهم .. انة دخل علينا في هرفي وصراحة كانت مفاجأة رهيبة .. صحني 4 و 6 صرفني في شغلة جدة والقاة في هرفي انه B Unique .. طلب وراح يغسل يده .. وجانا الطير تويتي توه واصل .. وقعدنا وتعشينا وسواليف والخ والخ ..
(( تويتي كان يمشي اذا اسررررع مررررة مررررة مررررة 70 او 80 )) جانا هالمرة وجت قبلها اخبار انة خذا مخالفة يقول انة ماشي 200 .. يجي ياتويتي .. الله يوفقك والي الامام شكلك فاهم السرعة غلط !! هع هع
المهم ... جا يوم الخميس
اتصالات كثير بيني وبين الـaccord2002 متى نجي ومتى اروح ووش اجيب المهم .. رحت لـcar care وخذيت منة هدايا المسابقة الصغيرة اللي صارت وقت المغرب وحركت للأستراحة ع الساعة 1.45 الظهر ..
وصلت .. اذكر كان موجودين من الشباب accord2002 – accord i-vtic – يا مطنش – امير الهنادي -سلامتك – طبعاً يا مطنش كالعادة نصراوي جايع ويدور رز !!
(( في هذة الاثناء واحد اشتغل تكروني شغلة يستب كفرات !!! هع هع هع ))
وتتواصل الوفود .. وصل accord 2007 و B Unique ومعهم الغدا والمشروبات الغازية >> طيب وش الجديد .. الجديد ان معهم ميرندا برتقال يتحدث عنها التاريخ .. لونها برتقالي غامق من جد .. وطعمها ياعيال يرد الرووووح واسئلو اللي ذاقها اسئلو يا مطنش اسئلوني اسئلو امير الهنادي طعمها جووووناان ..
المهم كالعادة تسطيلة بعد الاكل ويأذن العصر وصلينا بالمسجد جنب الاستراحة ..
رجعنا .. بدأ السنترال accord.2002 يرد على الاتصالات .. جوال معة وجوالة الثاني معي ونوصف للبشرية .. (وفجأه التحليه نشب بالجوالات وقام يوصف وتلخبط)
مادري وش يسوي يجمع السيارات والا يحضر والا يوصف والا يقول اطلع ووخر يمين
من جد التحليه ذاك اليوم الله يعينه>>تكلم مين يابو ؟
بدأ الاعضاء بالتوافد .. بدينا صف السيارت واحترنا وين نحط 2008 وين نحط 2007 وين نحط التكاسي ؟ وين نحط بقية الالوان >> فية واحد بينطق هو واليخت حقه !!
المهم .. في نهاية المطاف اقتراح على اننا نصفها مثل تجمع استاذ الملك فهد .. صف على اليمين وصف على اليسار
على اليمين 2007 وتحت الاوان القوية ثم التكاسي .. على اليسار 2008 الالوان الرسمية ثم التكاسي ..
في الوسط السيارات الفريدة من نوعها وربما المنقرضة السيفيك والاكورد 2002 و الاكورد 1996
قعدنا ساعة نصف السيارات بالمللي الواحد .. أي واحد مايعرف يسوق نطردة من سيارتة ونوقفها احلى موقف بالنيابة عنة ( كيف الخدمات بس !! يجي ) وجا تويتي كالعادة اخر واحد وعلى طول طرتة من سيارتة ووقفتها لة .. وجاب معة صورة لة !!
وقفنا كل السيارات اللي جت .. اللي تاخر مشكلتة ما طلعت لة صور ..
بدأ الحين حفل تقول حفل اعتزال الاعب الكبير سامي الجابر >> تقريرك يابووو ..
تصوير اللي يصور بجوال واللي معة كام احترافية وكام ديجتال اوكييية وكام الفيديو توثق كل شي من البداية للنهاية اضافة
واحد طالع في هيونداي يصور
تصوير وتصوير وتصوير وصالح black accord 2008 اذا تبية يقتلك مر بس من قدام كميرتة ولا دفة وهو يصور ... ولا ذا الهندي كل شوي خاش بين السيارات الا يبنا نصورة غصب !!
قبل صلاة المغرب بـ 4 دقايق صارت حالة استنفار .. الجميع الي داخل الاستراحة .. مدري ليش !!! هو بس اذن .. طلعنا وصلينا .. ورجعوا بعد الصلاة برا الاستراحة .. يالييييل ما اطولك .. يعني مستأجرين الاستراحة عشان تقعد برا انت وياة !! عالم عجيبة ..
المهم .. خشينا الاستراحة واخيراً جلس الجميع .. اكتشف ان القصمان احياناً يفكرون واحيانا من جنبها !!
60 فرشة وفارشين اللي في الوسط !! طيب من بيقعد بالوسط !! المهم فرشوها زي الناس ..
سوينا تعارف بعد ماقام المدرس وسكت الطلاب !! هع هع
بعد التعارف سوينا مسابقة خفيفة ..
(( فية هذة الاثناء وصل الوااافي و ن ك د السعودية 666 و م م و السعودية 666 ))
نسيت اقولكم فية عضوا جاب ارجل دونات في العالم .. دونات كرسبي كريم دونات مررررة روعة .. زرفت كرتون كامل فية حول 10 حبات كان نصيبي منها 4 يم يم يمي ..
نرجع للمسابقة .. عطيتهم 3 اسئلة والجوائز كانت .. ( 5 علب زيت كاسترول ماجناتيك ) بدون فلتر هع هع عشانة نصراوي بس اللي فاز لأنة الفتر ازرق ومكتوب علية بالابيض وعارفة اذا خذاة بيرمية حقداً وكرها في الزعيم .. زعيم نصف الارض اللي ماحسبوا لة البلنتي مع الاسف !!
اضافات
شامبو خاص للسيارة و ملمع كفرات من ميقاويرز وبطاقات خصم 30% مقدمة من شركة car care لخدمات السيارة من تلميع وتظليل ..
اذن العشاء
صلينا ورجعنا
تفرقوا الشباب
منهم اللي لعب كورة
ومنهم اللي قاعد يسولف
منهم اللي قاعد يلعب بلوت
منهم وانا منهم قاعدين نلعب اونو >>> قديم صح
بعد ذا كله جا وقت العشا .. احلى شي في العشا المخلاااات والطماط المشوي .. يم يمي يمي .. والكتشب بعد هع هع
بعد كذا قعدنا وسوايف وحشيش وببسي اللي ازعجونا فية حق الشرقية طعمة تقول نفط حار !!
انجازات تجمع الرياض السادس :
تركيب انوار اللوحة حقت اللقزس على 5 اكوردات وتعديلها على اكوردتين :
2004 – 2005 – 2006 – 2008 – 2002
تركيب التحكم الصوتي لأكورد 2007 فل 4 سلندر
بمشاركة الاخوان – المهندسين هع هع هع – accord2002 - كوكو كورد – accord 2007
مواقف غبية !!
خلال احدى الصلوات .. خرج الجميع للآداء الصلاة وواحد من الاعضاء كان في دورية المياة وانقفل علية الباب وعيا ينفتح !! ياولد ياهوووه وش ذا المنكح !!
وكويس ان جوالة معة .. ودق على accord 2002 وقال له السالفة وكان هذا الاخير توة طالع من المسجد يسولف مع احد الاعضاء وجرررري على الاستراحة ويروح يفتح الباب للعضو اللي صار وجههة اصفر من الموقف هع هع وكويس السالفة انتهت قبل مايرجعون الاعضاء من الصلاة والسالفة هذي حتى كتابة هالتقرير مادرا عنها الى 4 اعضاء فقط !!
عدد الحضور 44 شخص
عدد السيارات 39 سياره
اليكم الصور
http://up.rabe7.com/uploads/539a4e1e99.jpg
http://up.rabe7.com/uploads/ad94b40cab.jpg
http://up.rabe7.com/uploads/b20430714d.jpg
http://up.rabe7.com/uploads/6e75a0f90f.jpg
http://www.3tt3.net/up4/get-5-2008-17bwkluc.jpg
http://up.rabe7.com/uploads/ca65018553.jpg
http://up.rabe7.com/uploads/3edcae2b47.jpg
http://up.rabe7.com/uploads/4baa537d34.jpg
http://up.rabe7.com/uploads/68811a4bcb.jpg
http://up.rabe7.com/uploads/dc740058cf.jpg
صور اخرى ..
http://www.hondaarabia.com/club/imag...f3ac10747d.jpg
http://www.hondaarabia.com/club/imag...f3ac16ccb0.jpg
http://www.hondaarabia.com/club/imag...f3ac143d0f.jpg
http://www.hondaarabia.com/club/imag...f3ac192dc3.jpg.....http://www.hondaarabia.com/club/imag...f3ac1afe67.jpg
http://www.hondaarabia.com/club/imag...f3ac1e650d.jpg.....http://www.hondaarabia.com/club/imag...f3ac1c9c4a.jpg
http://www.hondaarabia.com/club/imag...f3ac25d8d8.jpg
http://www.hondaarabia.com/club/imag...f3ac34b211.jpg
http://www.hondaarabia.com/club/imag...f3c4e52f93.jpg
http://www.hondaarabia.com/club/imag...f3ac2f3dcd.jpg.....http://www.hondaarabia.com/club/imag...f3ac32be3e.jpg
http://www.hondaarabia.com/club/imag...f3ac2a3dbe.jpg
http://www.hondaarabia.com/club/imag...f3ac211e66.jpg.....http://www.hondaarabia.com/club/imag...f3ac230e47.jpg
http://www.hondaarabia.com/club/imag...f3c4ea10f6.jpg
http://www.hondaarabia.com/club/imag...f3c4e788d5.jpg
واخيراً صورتين بعنوان (اجيال من الاكورد)
http://www.hondaarabia.com/club/imag...f3c4ec7dc1.jpg
http://www.hondaarabia.com/club/imag...f3c4eec7a3.jpg
هذا التقرير ونزل وان شاء الله وفقنا في تقديم التقرير
شكر خاص الى
كوكوكورد -B Unique- Black Accord 2008
تقبلو تحياتي
اضافة رد وشكراً لك ماحطوها عبث :p
ملاحظة:جميع الردود تكون بدون تواقيع
