عرض للطباعة
مسا الخير شباب
كيف حالكم ان شا الله كل شي تمام
اليوم جبت لكم موضوع حلوووو وهو انه كل واحد يقولنا قصة سيارته من الالف الى الياء
من اول مره طرت عليه الفكرة و المشاورات مع الاهل و السوالف اللي قبل بعدين نجي للوكالة و تأخريهم و تصريفاتهم البايخة:p
و لا اذا قالوا لك بعد اسبوع تستلم السيارة و يطلعووونك شهر:(
يالله يا شباب كل واحد يسقونا قصته;)
بأنتظاااااااااركم :cool:
انا اقول لك سالفتي الآن مع السيارة
المهم
جاي اقول الوالد وانا ماخذ الأمر بمزح و ضحك
قلت له يا ابي ابي سيارة جديده ترى السوبارو راحت ملح :d
و انا الصراحة كنت ماخذ الأمر بدون جد ولا حاجة ولا كان في بالي اشتري سيارة وكالة
المهم
والي اشوف يقول لي الوالد تـــم بــكره اروح معك الوكالات وناخذ لك السيارة الي تبيها
المهم
انا من قال الوالد هيك
رحت اطير من الفرحه
ما خليت واحد والا قلت له بشتري لي سيارة
لكن وش هي السيارة الله اعلم ما كنت في بالي ولا سيارة
المهم
قال لي الوالد ايش السيارة الي تبيها قلت له والله ابد ما عندي ولا سيارة في بالي
قالي وش رايك بالمازدا الزوم 3 حلوه صح
انا قلت له والله ما ادري كل شي منك حلو <---- كان أبو الريش شين ما يعرف لهسوالف:d
المهم بعد مشاورات عديده اعمامي قالوا لي لا تاخذ غير الهوندا
عليك يا ابن اخي بالهوندا
المهم قلت الى اخوي الكبير وش رايك بالأكورد
قال بصراحة الأكورد ما عليها كـلام لكن ليش تبي تاخذ اكورد تقلدني يعني؟؟؟ :d<---- كان عنده اكورد :d
قالي بعدين يا ابو الريش الأكورد كبيره عليك يا اخي الصغنن ليش تبيها ؟؟
وليه ما تغير من عالم الأكورد الى اجيال السيفك؟:d
والسيفك سيارة حبوبه وصغيره و مزيونة :cool:
والشكل الجديد حـلو كــثير وتناسبك السيارة :cool:
قلت له تـــــــم;)
( طبعا انا في كل حاجة استشير اخوي ) ;)
ورحت انا و الوالد و اثنين من اعامي للوكالة
واخذنا سيفكتين الفل تبعي والثانيه الى ابن عمي نص فل و C-rv الى عمي فل كامل
وعملوا لنا تخفيض 500 ريال بس:d<----- تعب نفسه عبدالله هاشم من جد:d
وهذي كان هي سالفتي مع المزيونة
ومشكور اخوي على الموضوع
تقبل تحياتي انا و المزيونة كمان :d
قصتي قصه وسالفتي سالفه .....
من ايام شكل 06-07 ... وانا اتمنى اني اكون من اصحاب الهوندا ... والوالد كل يقول لي بشتريلك سياره ... من يوم انا بثاني ثنوي ....
يقول اذا جبت ممتاز بشتريلك سياره وانا اتفائل وكل جيد جدا ... طيب يا ولد استنى ممكن يجي اليوم الي يضطر انه يشتري لك ...
وجلست سنه كامله على امال السياره ... وكل ما شفت وحده بالشارع يوووووووووووه اتقطع ...
وفي فترت نهايه السنه الي هي ثالث ثانوي ... بدى الوالد يشاورني ويسأل وش تبي وانا بكل ثقه اكوووووووووورد ...
يقول صغيره و 4 سلندر وانا اقول احلا وعلشان صرفيه البنزين وهيك يعني ... وهو يقول فورد .. على فكره هو كان ناوي يشتري فورد
ويعطيني اياه مفاجئه ... بس زين الوالده قالت له لا تشتري شي الا وولدك مقتنع فيه ... وايام اختبارات الثنويه العامه وانا اسوي العاده
السيئه وهي التصنت ... واسمع ابوي يقول اقصاد يصير ما يصير وزينه وغاليه واللون ومدري شنو ... ولما خلصت اختبارات يوم
الاربعاء قالي بالليل جهز عمرك بكره بنروح نقدم لك على سياره بس انت ايش رايك فورد ولا اكورد
وبكل ثقه اكوووووووووووورد حاول يقنعني بالفورد وانا معند ...قالي يصير خير ... وقومني من النوم الساعه 6:30 اتوقع ان حنا الي
كنا بنفتح الوكاله بالجبيل البلد ... المهم وحنا بالطريق يقول نروح فورد وانا اقول لا
ووصلنا الوكاله سلام وعليكم كيف الحال الحمد لله كيف حالك يا ابو نايف <<<!!! من وين هذا يعرف ابوي .. سألت ابوي تعرفه قالي
لا انا مخلص الاوراق كامله مع الوكاله والحين باقي نختار السياره والون <<< يؤيؤيؤيؤيؤ <<< يلعبون من وراي ...
قلت ابي سبيشل واللون رمادي او فيراني او رصاصي نفس اللون بعده مسميات ....
قالي لي ابوي خذ لك ستاندر احسن طيس ومدري شنو والسبيشل فيها تنده بعدين تخر ماي << تفكير شياب ...
عندت وغير السالفه للون قال لي ابيض قلت له ما ابي قال اسود قلت له ما ابي .. الين ما وافق واخذنا الرمادي...
وقالو الوكاله اما يوم الاثنين او الثلاثاء تطلع ... اوك
ولما رجعنا البيت قعد يحاول فيني اغير اللون وانا اسوي كأني ما اسمع ...
ولما جا يوم الاثنين اتصلوا وقالو تعالو استلموها ....
ولما وصلنا عندهم قال في مشكلتين .. الاولى . الاستماره فيها غلط وهو رقم الهيكل فيه غلط .. ثانيا . اللوحه معطينها واحد باللغلط
وقعدنا نستنى الي صرق لوحتي <<< ههههه .. ولما جا تعفون اللوح الجديده لها مسمار خاص ما يفتحها الا المرور وقعدو يفكونها من
اكورد فل 6 سلندر وبعدين حطوها في قلبي الاكورد حقتي السبيشل ...
ورحت البيت ومرت الايام وهذا انا اكتب لكم منطق طق الى السلام عليكم ...
وآسفين على الاطاله وشكرا على طرح الموضوع ...
انا الصراحه كنت بشتري جي من البازعي بالرياض وكان بوقته بـ116 .. كلمت الشايب قالي اذا تبيه اصبر :d<<شكله يسلك لي
واصبر واصبر واصبر واصبر الين خلا11ص ماعاد فيني صبر واكلمه يقولي اصبر قلت خلاص مابيه ابي فورد سبورد
فريت المعآآرض والوكالات لقيت 2007 مخلصه كانت بـ 81 ونزلت 2008 سياحي بـ 95 سلامات!!:eek:
قلت ياولد مالك بالطيب نصيب:( .. قلت ابي كابرس 2006 مخزن 8سلندر ال اس بـ 72 او كلاسك منب متذكر بالضبط
ماانصحوني الشباب يقولون استرالي ومدري ايش قلت خلا11ص مانبيه ..
هذاك اليوم كنت اتمشى بالرياض شفت اعلان اكورد 2007 (كشافات _ كاسيت_ جناح) وخصم مدري كم قلت بروح اشوف رحت الوكاله وشفت السعر زين .. بعدين رحت المعارض ((شلالات تربه)) وكيل هوندا وشريت منه الاكورد وانتظرت من يوم الاربعاء الين الاثنين ...
طبعاً كان بدايت قبل الترم بكم اسبوع وانا كنت مستعجل ابي سيارهـ ..!
فقالي الوالد الله يحفظه اصبر شوي اشريلك المديل الجديد ولا اي موتر ... بس انا مافيني صبر:aa_002: :(
وشريت مديل 2007 جديد حركآآآت اكوورد فتحه وكاسيت وكشافات وجناح:7bteen::7bteen: >>سبشل يعني :p
وبعدها بفتره بسيطه نزل شكل 2008 وراحت فرحتي بالموتر الجديد وانا اسمع العالم تمدح بشكل 2008 وتقول انه افضل من 2007 وانا سيارتي ماصار لها كم اسبوع بقراطيسها واتحطم نفسياً:(
لكن الحمدلله على كل حال
اتمنى ان تنال القصه على اعجابكم :)
:confused:انا ياطويلين العمر والسلامه :confused:
كنت محتار بين السوناتا 2007 والاكورد 2007
طبعا كلهم فل اوبشن
كنت كل يوم اروح لوكاله هوندا واشوف الهوندا واقول بلاسوناتا بلا هم اكورد وبس :d
وبعد ما اطلع من وكاله هوندا اروح لوكاله هونداي :d
واشوف السوناتا جنوط 17 وحركات :cool:
واقول بلا اكورد بلا هم :d سوناتا وبس
اذا شفت اكورد بالشارع اقول بلا سوناتا بلا هم اكورد اطلق :d
واذا شفت السوناتا بالشارع اقول بلا اكورد بلا هم السوناتا احلااااا
رحت الرياض وانا ماشريت شي للحين ..
دق علي ابوي قال اخلص وش تبي :mad:
قال اكورد احسن ومدري ايش منب حاط 75 الف بكوري :mad:
قلت اكورد اكورد امري لله ...
كان الكلام هذا بشهر 7 ..
راح الوالد وطلعها دق علي قالي تبيهم يركبون الجناح والكست والكشافات
قلتله ركبوا الكشافات والكست والجناح خلوه بالشنطه :d
ما استلمت سيارتي الا بشهر 8 قبل الدراسه بـ اسبوع
:mad:
كان فيه مشكله عندهم بالارقام الجمركيه مختلفه مع رقم الشاصي مدري وشو المهم حوسه وتكت السياره عندهم شهر ونص
المهم يوم دقوا
رحت استلمت السياره يوم الاربعاء او الخميس مدري :confused: الصباح :d
الزبده يوم السبت رايح للوكاله علشان تشييك الف ..:d
بعدين مشيت للرياض وبدت الدراسه الحبيبه :mad:
وبس
:confused:
بسم الله الرحمن الرحيم
انا قصتي كانت من ايام الثالث متوسط يوم اخذت السبارو أوت باك كانت عند السواق ومديلها 2003
فصرت استخدمها الين خلصت أول ثنوي
لما فكر أبوي ياخذ إلي سياره جديده قال لي ويش رايك بالسفيك بعدين غير رايه الى كامري 2007
قلت لا أكورد 2007 قال لي إذا أكورد
اصبر الين تنزل 2008 كان باقي عليها تقريباً 5شهور وتنزل انا ذيك الحزه ماكان فيي صبر الا ابغى
سياره الحين قلت إلى أبوي خلاص أبغى
الكامري قال لي زين يكون أحسن انك تاخذ الكامري علشان الوكاله أقرب لأن أنا في القطيف
وموجوده الوكاله اما الهوندا بعيده شوي
شوي انتظر انتظر انتظر متى بنروح ناخذ السياره وانا على احر من الجمر بإنتظار ذاك اليوم قلت خلني
بعدين بعد استشارات عن الأكورد والكامري
قالوا لي خذ لك أكورد أحسن فلأن انا مافيي صبر ذيك الأيام قلت خلني أشوف سياره مستعمله امشي حالي بها
لأن كان عندي مبلغ لابأس به فشفت مازدا 3
عجبتني ورحت قلت الى الوالد أنا خلاص شفت سياره وعجبتني وأبغى أشتريها قال لي والأكورد 2008
قلت مولازم بعدين فالوالد مابغاني أخذها
وكانت ذيك الحزه الأكورد توها نازله قالي أبوي ترى الأكورد نزلت قلت الى ابوي
خلاص لازم ناخذها الحين ناخذها
قال لي خلاص بكره نروح ونشوفها لما رحنا نشوفها قال لي ناخذ السبيشل قالي مافي فرق بس الجنوط :eek:وعدد السيديات:eek:
والجلد :eek:وكرسي السائق كهرباء:eek:
والكشافات :eek: قلت وباااااااااااس مافي فرق قال لي الكشافات يتركبو قلت الجنوط حق الفل أحلى انزين شوي وأنا اشوف
السيارات وأبوي يخلص الأوراق رجعت له قال لي خلاص أخذنا لك فل كامل
وأنا ذيك الحزه طرت من الفرحه
وأنا كنت من أول من طلعوا الأكورد 2008
قالو زين السياره بتطلع بعد ثلاثه اربعة أيام مرة الأربعة الأيام قالوا انتظروا لين تطلع اللوحات الجديده انتظرنا
ولما استلمت السياره كان شعور لا يوصف أخيراً استلمت السياره
وهذي قصتي لما شريت الأكورد 2008 :rolleyes:.
واعذروني على الإطاله
وتسلم يالغالي على طرح الموضوع
تــحــيــاتــي للجميع .
ــــــــــــــــــــــــــــــــ
اقتباس:
المشاركة الأصلية كتبت بواسطة Jack
طيب ... شفتوها عند عبداللطيف جميل !!!!
عسى بس خدمته زينه مع الاكورد ؟ :d
و استلمتوها من عبداللطيف جميل اللي بالقطيف جمبكم و لا واحد ثاني ؟ :d
هههههههه ... تعيش و تغلط غيرها !!
اغلط بحرف ... بكلمه .. مو بأسم مكون من كلمتين و الكلمه الاولى من مقطعين !! :rolleyes:
:d:dاقتباس:
المشاركة الأصلية كتبت بواسطة The Godfather
وهذي وشي ؟
معليش غلط مطبعي
ونسناكم شوي بالأخطاء هههههههه :d
انا اخذتها من عند عبد الله هاشم في الدمام
:o:o من حفره حفرة لاخيه .. وقع فيها :d
و الله من زود الضحك و انا اقرا ... عبداللطيف جميل .. صار يبيع اكورد ... و ما زادت بغلطتي الا حرف هاء .. شيله يصير الاسم صحيح !
ههههههههههه
:d:d:d
شكرا لكم على مشكرتكم معنا بقصصكم الرائعة
و صراحة ما توقعت للدرجة هذي احصل تفاااعل:cool:
و لا عبد اللطيف جميل يبيع اكورد هاااه:d
شكرا لكم
عبد اللطيف جميل يبيع أكورد مستعمل
المهم انت وياه بلا ازعاج
قصتي قصه كنت محلق فرنسي وانجبرت على المكينه :d
قصتي اني قلت لم الوالد - رحمة الله عليه - ابي اكورد قالي قوه يالله لم ابو الهش ورحنا وشريتلي اكورد <<:p تحداك
عادي قصتي زي اي شاب كل **** لين جتله اكورد ونحمد الله عز وجل على امتلاكنا الهنادي :)
هههههههههه
والله يا شباب قصصكم :cool:
يعني صدقوا فيها العلماء
اذا واحد اخذ له شي جديد يكون فرحان :d
يعني مب انا بس :d
انا قمت اناقز وارقص وحركات وفللللله ههههههههههه
و يوم فرحت بالموتر كل ابناء عمي يقولي انك بزر ما صدق عمره صارت معه سيارة <--- محترقين من داخل :d
وانا اقول لهم مسكين يالي ما عنده سيارة :p
ويقولون لي طيب حنا يالي عندنا سيارات ليه مساكين :d
اجي و اقول لهم
مسكين يالي ما عنده هوندا :p
هههههههههههههههههههههه
ماااااش كل قصصكم غير اتكيت ابدا
مافيها روح التضحية والفداء .. محاكيكم جلس سنين عشان يشري سياره والواحد منكم تجيه السياره بارد مبرده كذا
اما اني اقول لبوي يبه ابي موتر يقول لي قوه للمعرض نطق لك اياااه هذي كثر منها :d
^^^^^^^^^^^
مااااشالله .. لا يكون انت مقسط الاكورد على المكافأه :p
والله يافقير حظ منول رافع خشمي بقوه زيكم كذا
اول ماطلعت الافلون جلس يحاول بي ابوي يبين اخذها وانا معيي مابي غير لكزس جي اس
ودق خشمي دقه علمني وشلون اقدر النعمة وقال اجل ترى سياره مافي واعلى مابخيلك اركبه وشف جدران المعرض اطحن حبتك فيهن
وعقبها بـ 3 سنين شريت الاكورد بقصة سبق نشرها :d
هههههههههههههههههههههههههههههههـ
:d:d
طيب سؤال قبل 3 سنين كان فيه لكسز جي اس؟:confused:
موجوده من 99
والجديده نزلت بـ 2005 توها نازله هاك الوقت
قصة الشراء تلوقونه على هالرابط : http://www.hondaarabia.com/club/showthread.php?t=6898
انا غيركم كلكم
السياره الاولى _ طبعا الى قبلها كانت حقات البيت_ اكورد 2006 اصلا ما فكرت اني اشتري سياره عقب ما قضت الدراسه جاني ابوي وقال وش رايك ناخذلك موتر ما صدقت ورحت ادور وكان في راسي جيب ربع جيته وقلتله وعيا قعدت يوم ثم دق على وقال تعال لمعرض الفلاح يوم رحت قال وشرايك في ذا السيارة قلت حلوه قال اختر اللون كان فيه لؤلؤي ورصاصي طبعا فل اربعه بدون جلد خذت لؤلؤي وبعده بكم شهر صدمت وراحت تشليح وبعتها
السيارة الثانيه ربع باترول2006 بعد ما بعتها جاني ابوي وقال دورلك وشف الكابرس والومينا جديدات توهن منزلين اشكال جديده بس انا كنت ابي جيب واقوله قال لا مادمك تبي موتر بر خذ هايلكس قلت لا طبعا عارف انه يبي يشتريلي ان طال الزمن او قصر لاني مستحوذ على سيارة العائله ويخاف اني اخربها فقلته اختر بين ثلاث سيارت باترول ولا شاص ولا جمس حوض غماره فختار الباترول وشراه
السيارة الثالثه اكورد 2008 بعد ما جاب الباترول مكسب ونشبولي العالم بعته وذهبت الى الوالد ابي سلف (يسمع بسلف اشوي اني ابخذها ولعدهب شايفهن) لقيته مبسوط اني بايعه قلتله ابي فلوس قال انت دور واذا لقيتا تعال والله الله بطامن يا وليدي رحت لعبدالله هاشم وبعد نقاش طويل نزلولي ثلاث الاف ريال طبعا فل مخمل الي معي يقولون خذ جلد وانا معي ابي مخمل وارجع للوالد واقوله قال كم تبي قلت كذا عاطني ورحت وفكيتها ولطعوني اسبوع كل يوم يقولن بكرا
(طول الله عمركم انا سالفتي سالفه)
انا طال عمركم كان عندي شفروليه (كافالير) ابيض 2003م كان قاعده معنا انا و الوالد 6 سنين الوالد 3 سنين وانا 3 سنين وما فيه إلا كرف بس تصدقون عزم قوة المكينه 2.2 وسبحان الله احترقت عند باب البيت :p وقعدت ابوعين ادور سياره بس الحمد لله صفيت على سيفيك لؤلؤي 2008 نص فل بس تصدقون مريح الهوندا يالله سلام
كان يا ما كان ... ولا تدرون... خلونا نجيبها بصيغة العاميه عشان كلنا نفهم.... حتى انا :(
من البدايه ...
اول سيارة سقتها كانت جيب لاندكروزر برادو 1991 <<< حق اليمنيين اذا تعرفونه... كان بابا (الله يطول بعمرو) موغرم بذيتس السيارة بس كدددها الين قالت العيد باتسر=(بكرة).. و بعدها اهداني عمي عبدالعزيز سيارة بمناسبة سقوطي بالصف الثاني ثانوي بالفيزياء كتاب والكيمياء كتابين... مازدا 929 موديل 1992 جايبها من الإمارات العربيه الشقيقه..و اخز بابا الجيب مرة تانيه... لمدة ثمان شهور وبعدها... شاف بابا جيب الميستوبيشي..ناتيفا 2006 كان مرة قوي وراح وشراوه.. وبعنا المازدا لأنها خبطت علي وجبت فيها العيد مرتين... ورجع لي الجيب ورجعت ايامنا والذكريات السعيدة..
بعدين... تخرخجت من الجامعة وجلست خمس شهور عاطل <<< اظن انها حكايتي مع السيارة مو قصة حياتي..
المهم اني ولله الحمد والمنه حصلت ع وظيفة .. وبعد ما كملت سلاس شهور يوم خميس ليلة جمعة .... دق جوالي..
جوالي: ترن ترن
انا: من اللي دق علي؟
المتصل: إبن خالتي..(عبدالرحمن)
انا: وش يبي ذا الحين.. الو..
عبدالرحمن: مرحبا..
انا: هلا
عبدالرحمن: هلا بك كيف الحال؟
انا:تمااام ولله الحمد
عبدالرحمن:وش اخبارك؟ وش اخبار الدوام؟
انا: الحمد لله عم بندفش..
عبدالرحمن:اقول ابو الخل؟
انا:سـم
عبدالرحمن: متى تكون فاضي الأسبوع الجاي؟
انا: ليش وش عندك؟
هو:ابد ابي اروح ادور لخالد اخوي سيارة... قلت كان هذا تروح معي؟
انا:همممم اظن ممكن الثلاثاء<<< اخس يا المهم...
هو: طيب اجل موعدنا الثلاثاء.
انا: ان شاء الله...
هو: يالله تامر شين.
انا: لا تامر حسني... سلامتك...<<< مسوي خفيف دم الله يهدين
هو:مع السلامه
انا: مع السلامه
جوالي: طوط طوط طوط
المهم جاء يوم الثلاثاء وجاء هو(اللي هو عبدالرحمن).. وركبت معه بالسيارة..
انا: مرحبا
هو: هلا
انا:ازيك
هو:تمااام
المهم دار الحديث بيننا عن السيارات وش يبي بالظبط لأخوه المهم دجنا بالمعاااارض لين حفرنا القار...<< من اساليب المبالغة بالعصر الجاهلي... اذن العشاء وصلينا.. واول ما طلعنا من املسجد شفنا...
الهوندا سيفيك ...
هو:ابو الخل
انا: هلا
هو:وش ذي
انا: وشي
هو:ذي
انا: هوندا سيفيك الجديدة
هو:تبي نروح نشوفها
انا:اوكي
رحنا للوكاله ولا عندنا من للشيطان تريق.. المهم دخلنا للصاله اللي بطريق خريص.. وقابلنا الموظف..
انا و هو : السلام عليكم
المونظف:وعليكم السلام .. كيف ممكن اقدر اخدمكم
هو:نبي نشوف الهوندا سيفيك لو تكرمت؟
الموظف: ابشر من هنا تفضل..
فـ انا من باب اني ما ابي دخل نفسي قلت اتمشى بالصاله شوي ..
واذا بي التفت يمين واشوفها.. وابتدي اخطي خطوة خطوة.. <<<والله اني اكتب شوي شوي
واقرب لها.. واغمض واقتح ... واجيها من الجنب.. وانا اخطي خطوة خطوة
واذا بي افتح باب السواق واركب... واذا بشعور بنتابني من اخمص قدمي الين وصل شوشتي..
وارفع رجلي الثانيه(وانتم بكرامه) واسكر الباب.. واذا بي اهيم في شارع العليا وانا عليها ..
و فجأة..........
هو:ابو الخل؟
انا: وجع خير وش جاك؟
هو: وين وين وين رحت الله يهديك..
انا: هاااه مدري قريب
هو: الموظف يقول....
وانا ارجع اهيم بس مو بالعليا بالتحليه هالمرة.. وفجأة
هو: هاه وش رايك اجزم عليها؟
انا: والله اللي تشوفه.. <<<ما درى اني مسرررررررح بعييييييييد
المهم رجعت البيت حقنا... واذا اقابل امي وامسكها وانا اللي اسرد عليها قصة هيامي معها..
امي الحنون: والله ياوليدي انا ودي انك تشريها.. بس ما ودك بالعرس ؟
انا وشهبتي: والله يا ماما العزيزة انا العرس افكر أأجلو شوي ابي انبسط ..
امي الحنون: والله بكيفك بس اسأل ابوك تراه ابخص..
انا: طيب يا ماما..
هونا تبداء القصه....
ابوي: ابرااااااااااااااااااااااااهيم..<<< يعني يصوت من بعيد
انا: سسسسسسسسم........ <<< جاي امشي طبلوني...
ابوي : وش صار ع عبدالرحمن شرا سيارة لأخوه؟
انا: ايه اظن ..هوندا سيفيك..
ابوي الحنون:و انت وش صار عليك تبي مره (أي إمرأة).. ولا وش لون..
انا: والله يا بابا .. انا ودي اسولف معك شوي..
ابوي الحنون: وحواجبه ترتفع فوق... نعم وش تبي تقول..
انا: والله يا بابا قبل شي ثلاث او اربع ايام دخلت مع عبدالرحمن لوكالة هوندا اللي بطريق خريص وشفت الـ أكورد 2007 فل كامل فضية كنها الستيل(قولوا ما شاء الله)..
ابوي:وهو يكشر بوجهه.. يعني كذا يتخون التايوتا .. وتركب هوندا
انا: وكلي حزن لأ مو قصدي..
وقاطعني ابوي: وانا ابوك الهوندا سيارة ما تعيش مثل التايوتا التايوتا شيك واقف.. متى ما تبي تبيع ما تشيل هم...
انا: والله اللي تشوفه.. وانا كلي حزن وحسيت اني حظل اقضي باقي حياتي اتذكر ذلك الهيام اللي صار بالوكالة..
ابوي:اذا بتسمع كلامي خلني اكلم رياض..(رياض: ابن عمتي يشتغل بالسيارات) ونخليه يدور لك جيب برادوا 2005 الى 2006 نظيف..
انا: وكلي حزن..<<< تهئ تهئ
وبعد اسبوعين ... دقيت ع رياض..
انا: الو ... مساك الله باالخير ابو احمد
رياض: هلا بك ابراهيم
انا:ابو احمد وش صار ع موضوع الجيب؟
رياض:والله الى الأن ما فيه شي...
انا: طيب وش رايك انا ابي استشيرك بما ان لك خبره بالسيارات..
وقاطعني ..
رياض:ادري وش تبي تقول الهوندا سياره جدا كويسه وتخدمك ابوك سألني عنها وقال خلاها الخيار الأخير له..
انا: وكلي امل.. رايك بس اتوكل ع الله واقنع البابا...
رياض: يكون احسن..
انا: الله يعطيك العافيه..
ومن بكره...
انا: مرحبا يـــبـــه؟
ابوي الحنون: هلا
انا: ممكن اطلبك طلب؟
ابوي الحنون: عمري لو تبي... <<< يطقطق علي.
انا: ابي اصل انا وانت مشوار؟ممكن؟
ابوي:اركب
رحنا لوكالة هوندا اللي ع طريق خريص..
ودخلنا.... وقلت له
انا: هذي هي..
ابوي: وين هذيك؟
انا:اي...
راح ابوي وركب وفتح الكبوت والشنطه وراجع المجله اكثمن 56000 مرة..<<< اللي يشوفه يقول مباحث
وراح واتكلم مع المونظف...
ابوي:سلام علكم؟
الموظف:عليكم السلام
ابوي:ممكن اسألك كذا سؤال؟
الموظف: تفضل...
المهم مسكه ابوي اسأله حسيت ان الموظف يفكر بالإستقاله...
المهم طلعنا وحنا بالسيارة راجعين...
انا: بشر يـبـه... عساها اعجبتك...
ابوي: والله انا كل ما تكبر اقول هذا انا اللي ما تغيرت.. ابي اسألك سؤال وابي جواب من قلبك؟
انا:اسأل؟
ابوي الحنون: انت تبيها ومقتنع وبتاخذها عن حب؟........<<< حشى عروس
انا والفرح يملى عيناي والهوندا تنادين وموافق المستشفى تصفق والناس بالشارع مبتسمه:
أيـــه يا يـبـه..
ابوي الحنون:توكل ع الله ورح لبندر بكرة وخله يخلص اوراق البنك ومبروك مقدما...
انا الأرض ما عاد صارت تشيلني من الفرحه ..
ورحت لبندر(بندر شاب سعودي امه تصير اخت ابوي موظف بالبنك الأهلي بقسم القروض) وخلصنا موضوع الأوراق وتعريف بالراتب... والى آخرة المهم الخبر الكببببببببببببببببببببببببببببببببير..
في 30/08/1428 الموافق 13/08/2007 يوم الأثنين الساعه 17:30 تم بحمد لله اقتنائي لحبيبت قلبي وعمري وحياتي وقرة عيني... الهوندا ..
وعشنا ولله الحمد في سبات ونبات ...
هذي قصتي معها....
و الله قصصكم أليمة و جيدة يا شباب .
بقولكم قصتي مع الأكورد :) .....
بداية بحثي عن السيارات لما كنت 3 ثانوي كانت توها الأكورد 2005 نازلة و أعجبتني الصراحة بقوة ( خقيت عندها ) .
و كان عندنا لكزس فل كامل GS 300 موديل 2005 حقت الوالد
و الكابريس SS برضو حق الوالد لكن أنا كنت أستخدمه عشين أروح للمدرسة :d .
المهم الوالد جاته دورة 4 شهور لدبي و قالي قبل ما أروح لازم أشوفلك سيارة , أنا قلت مو مهم أداوم للمدرسة باللكزس . قالي لا يا حبيبي اللكزس تسمع بها أنا راح آخذها معي :p .
المهم على طول قلت أكورد .
قالي أوكي بكرة نروح نشوفها .
المهم جا بكرة و رحنا الوكالة و عجبتني و عجبت الوالد و هنا بدأ الإحباط في الوكالة :( .
جلسنا عند الموظف و قلنا بكم الأكورد 4 سلندر فل , قال بـ 84.000 ريال . طيب سألناه بكم الستة سلندر قل بـ 95.000 ريال .
أبوي قال ما فرقت عطنا 6 سلندر لون أحمر ( العنابي ) :cool: .
الموظف قال 6 سلندر ما في عنابي الموجود بس لؤلؤي و ذهبي :confused: .
طبعا أنا حقدت و دخلت في نص الهرجة و قلت ليش ؟ ما في أسود , فضي ؟
قال الموظف الوكالة ما جابت للـ 2005 إلا ألوان و سيارات قليلة لأنها ما بتمشي , أنا قلت دبر لي وحدة :mad: .
قال الموظف بشوف , و يتصل على الرياض و الشرقية يسأل يا هو فين ما في طيب .
قال في النهاية في وحدة لونها أخضر في الرياض تبوني أجيبها ؟ قفلت لأ خلها عندهم أحسن , تبين آخذ أخضر ؟ :confused: .
خرجت من الوكالة و أنا الشياطين تدور حوليني :mad: , كلمني الوالد و قال ما تبي غير الأكورد يعني مسّكت عليها ؟
قلت ما أدري بس هذي السيارة إللي كانت في بالي ....
شوي و إلا نشوف الألتيما الجديدة و قاللي الوالد وش ذي ؟ قلت هذي الألتيما الجديدة و كان لونها فيراني و حتى لما شفتها عجبتني .
قالي وش رايك نروح نشوفها ؟ قلت تم .
رحنا للحمراني و شفنا السيارة و ركبها الوالد و عجبته و أنا شفت الـ 6 سلندر القير العادي 6 تعشيقات قلت بس هذي المطلوبة . بكم الـ 6 سلندر ياطويل العمر قير عادي و فل كامل ؟
قال الفل كامل ما في غير سيارة و حدة إللي بالعرض لأنهم جايبن أول دفعة بس سيارتين فل كامل ( لونها كحلي ) بدون جناح وحدة قير عادي و الثانية أوتوماتيك بـ 99.500 ريال للأوتو ماتيك و 94.800 ريال للعادي .
أنا جاتني جلطة عندها و قلت لأبوي أبي العادي , قالي أوكي :o .
سألنا موظف المعرض إذا عندهم سيارة تجربة فدخل و طلع لنا المدير و قالنا تفضلوا . نزلنا للجرج أسفل و أشوف عندهم الأسود ستاندرد 6 سلندر و قير أوتوماتيك قال تفضلوا قلت له ما في قير عادي قال لأ :p .
المهم طلعنا مع الموظف و جربنا و الصراحة عزم و قوة جبارة أجل كيف العادي :eek: .
المهم قلت للوالد بس الألتيما هي إللي أبيها .
حجزنا السيارة و دفعنا عربون و ثاني يوم كملنا المبلغ كاش و استلمت السيارة بعدها بيوم . و هاتك طيران و هجولة بالشوارع و مقاومات و دعس :d .
حتى في الشوارع الناس قامت تطالع السيارة لأن لونها كحلي ( قليل الألتيما الكحلي جداً ) .
و لما أروح بها المدرسة ( كان الترم الثاني 3 ثانوي ) كنت أقوى واحد فيهم و كنت الولد الخطير إللي محد قده :cool: .
مرت الأيام ( كلها شهرين ) و يقدر الله و تصدمني من الخلف كورولا , الصدمة كانت قوية لدرجة إن الزجاج الخلفي تكسر و السيارة صارت ألتيما هاتشباك :( .
طبعا الألتيما على التشليح . و كملت الشهر الباقي من الدراسة بالكابريس .
خلصت الدراسة و جبت معدل طيب و لله الحمد و صرت أداوم للجامعة بالكابريس برضو ما غيرته و لا كان في عندي نية إني اغيره إلين خلص الترم الأول و الوالد قالي , لازم نشوفلك سيارة , قلت ليش وش فيه الكابريس ؟ قالي خلاص قديم و لازم نبيعه .
قلت طيب وش تشور علي ؟ قاللي الوالد خذ الكابريس الجديد 2006 .
رحت للجميح و شفت الكابريس قلت و الله حليو . بكم ؟ قال بـ 116.000 ريال . كلمت أخوي بالشرقية و قلت له بآخذ SS موديل 2006 قالي إنت يوم كنت بالثانوية أبوي كان بيعطيك حق البنزين اللحين ما في , لو بتشتري كابريس راح تنزل المكافأة كلها في تانكي البنزين :eek: .
أنا قلت و انت صادق و الله , قاللي أخوي روح شوف الأكورد , الخلفية تغيرت للموديل الجديد .
و طيران لعبد الله هاشم . المرة هذي أبي أكورد 6 سلندر موديل 2006 لون أسود لأن العنابي آخر شي على 2005 .
شيك الموظف بالجهاز و قال الـ 6 سلندر لسا ما جات الدفعة حق اللون الأسود إللي موجود بس اللؤلؤي . قلت طيب و متى يجي الأسود قال على رمضان إلين نشوف كيف الإقبال على الـ 6 سلندر و كنا وقتها في أول يوم في شهر محرم يعني خيطها :mad: .
طيب 4 سلندر أسود فل قال ما في إلا اللؤلؤي , قلت و إنتم ما عندكم إلا هاللون :mad: . قال هو المرغوب أكثر .
قالي إذا تبي أسود فيه سبيشل , قلت فيه قير عادي قال حاليا لأ في أوتوماتيك بس لكن إذا تبي عادي خذ الستاندرد ( بدون فتحة ) .
قلت تبطي عظم آخذ ستاندرد :confused: , كلمت الوالد من عند الرجال قلت له خلاص بآخذ أكورد أسود 4 سلندر ( ما جبت سيرة الفتحة لأن الوالد يكره الفتحة ماخذها في اللكزس عشين النافيجيشن :d ) .
قالي عندك فلوس تدفع عربون قلت اللحين بروح أسحب 5000 من الصراف و أدفعها , قال الوالد طيب على بركة الله .
المهم و أسحب المبلغ و أدفع العربون و أرجع بالإيصال في يدي و الوالد و الوالدة يقولن لي مبروك إلى أن شاف أبوي في الإيصال الجملة التالية :
هوندا أكورد أسود VTI-L قير أوتوماتيك و فتحة سقف .
قال ليش الفتحة و ش تفيدك و ش تبي فيها ليش الخساير إللي مالها داعي :mad: ؟؟؟؟؟
قلت خلاص دفعت و الباقي بكرة نكمله و السيارة بعدها بيوم . قال أمري لله بعد كذا لازم أنا أروح أشتري السيارة :d .
المهم كانت قيمة السيارة السبيشل هذاك الوقت 78.900 ريال لأن الخلفية الجديدة توها نزلت . و كمل الوالد الفلوس .
و رحنا يوم الإستلام و أنا طاير من الفرح خلاص أخيرا راح يكون عندي أكورد . و استلمتها و رجعت البيت و طلع الوالد و الوالدة معي و أخنا بها فرة و عجبتهم و قالوا أحلى ما فيها الديكور و الهدوء .
و كانت هذه قصتي مع شراء السيارة .....
^^^^^^
هههههههههههههه
لكن اموت و اعرف ليش آبائنا يكرهون حاجة اسمها فتحة:confused:؟؟
لو نلاحظ انا كل واحد وسدح سالفته نلاقي ابوه مب عاجبته الفتحة
يا ترى ماهو السبب؟؟؟
^^^^^^^^^^^^^
من جد
يا طويلين العمر أنا سالفتي بدأت من يوم ما نزلت كامري SE
كنت أنا و ولد عمي(عاشق سيفيك 4999) عاجبنا شكلها قلنا
نبي ناخذ نفس السيارة ونفس اللون <<<مسوي طقم
وقبل 6شهور تقريبا استأجر الوالد أكورد2008 وقالي جرب السيارة
بعدين رجع السيارة واستأجر كامري 2008 وقالي جربها
الصراحة حسيت بفرق كبير بين الكامري والأكورد من ناحية الفخامة والهدوء
الكامري كل الأصوات اللي برا تسمعها و الأكورد هدوء
فقلت للوالد بلا كامري بلا هم:p أكورد وبس والباقي على جنب
قال توكلنا على الله أكورد فل :cool:
قصتي انا ياشباب
كنت انا توني قابلين في الكلية التقنيه في الدمام و ابي سياره جديده وكانت عند الوالد هونداي سوناتا 2005 ما ارتاح فيها ابد وفرجت عنده لما قلت انا ابي سياره قالي خذ السوناتا واخذتها بعد سته اشهر بعتها لانه انا بعد ما اعجبتني ابد
قلت اباخذ لومينا وكل إلي من حولي رفضوا السياره كانت 2006 وكاله قلت خلاص ما ابيها باخذ مرسدس من الامارات رحت الامارات وكان معاي خمسين ألف ريال طلعوا الجماعه مرفعين الاسعار دبل قلت خلاص باخذ سياره وكاله
ورجعت والوالد ليش بايع السياره لو مخليها احسن وتعرفوا هدره الشيبان
واحترت بين المكسيما والالتيما والاكورد
رحت للمكسيما شكها من 2000 إلى 2007 وما تغير الشكل هونت
رحت للالتيما ما احد نصح فيها وشكلها ما عجبني
رحت لأخواني قالو خد أكورد احسن
رحت للأخ عبدالله هاشم وعجبني الاكورد أسود V6 فل كامل
ودفعت دفعه اولى خمسين ألف وكل شهر 1315 لمده ثلاث سنوات ونصف دفعت كل إلي معاي علشان ارتاح في القسط ما يصير علي واجد طبعاً انا إلي ادفع الاقساط الحمد توظفنا
طبعاً كان الوالد رافض أخذ فل كامل ليش تاخذ كامل اموصفات ليش تاخذ سته سلندر ويش تستفيد منها ( وبوسة راس وافق ناخذها )
ولا راح معاي الوكاله لالنه اصلن ما يحب الهوندا ابد يقول القطع الغيار غاليه
والحمد لله اخذنها بس السيت كسر ظهري بس السياره حلوه:cool:
إذا فيه اغلاط في الكتابه مشوها :d
وسلامتك