سيارة مسروقة .. الفزعة

السلام عليكم ..

توجد سيارة كابرس رويال موديل 2004 مفقودة .. لونها فيراني

طبعاً الكابرس الرويال تعرف بجنوطها من بعيد ..
لوحتها م ر ع - 567

العلامات الفارقة ..

1- عدم وجود علامة الشفر على الكبوت .. سقطت قبل فترة ..
2- وجود ضربة بسيطة في الرفرف الأمامي الأيمن
3- وجود ملصق شركة ارامكو السعودية أخضر على الزجاج الأمامي .. (( خاص بموظفي الدرجة 11 او اعلى من ذلك ))

تمت سرقتها في مدينة الدمام ..

نرجو من الجميع البحث وحفظ رقم اللوحة جيداً وتسجيل رقم الجوال ..

في حال رؤية السيارة المعني نرجو الأتصال فوراً على الرقم 0544223070 .. في اي وقت وعلى مدى 24 ساعة ..

اعينونا أعانكم الله ..

لأصحاب العضويات في المنتديات الأخرى .. نرجو منكم نشر الخبر ..

لسكان الدمام خصوصاً .. نرجو منكم البحث والتحري جيداً
سكان الخبر .. نرجو منكم البحث والتحري جيداً
سكان القطيف وضواحيها .. نرجو منكم البحث والتحري جيداً
سكان الأحساء .. نرجو منكم البحث والتحري جيداً

رجاء خاص للجميع .. حفظ اللوحة وتسجيل رقم الجوال ..


صورة للسيارة مع العلامات الفارقة ..

http://www.7ammil.com/data/visitors/...9_11111111.jpg



توجد بلاغات على سيارة تابعة لشركة ارامكو السعودية .. لونها يشبه لون السيارة المسروقة .. تم سرقة لوحة واحدة فقط من السيارة ..

مكان سرقة اللوحة : اسكان الخبر

زمان السرقة : بعد مرور يوم واحد من سرقة سيارتنا


اللوحة المسروقة تحمل ارقام
أ ح ك 3963

3936 A J K

يشتبه في تركيب السارق هذه اللوحة على السيارة المسروقة

أفا وش سالفة السرقات :(

تم حفظ اللوحه ورقم الجوال

صح اني بالرياض لكن نعمم البحث

وباذن الله بتلقونها سليمه وبدون أضرار

تحديثات ...

توجد بلاغات على سيارة تابعة لشركة ارامكو السعودية .. لونها يشبه لون السيارة المسروقة .. تم سرقة لوحة واحدة فقط من السيارة ..

مكان سرقة اللوحة : اسكان الخبر

زمان السرقة : بعد مرور يوم واحد من سرقة سيارتنا


اللوحة المسروقة تحمل ارقام
أ ح ك 3963

3936 A J K

يشتبه في تركيب السارق هذه اللوحة على السيارة المسروقة

ان شاء الله اول ما القاها بارسلك كول مي لاني ما سددت
وان شاء الله عين مفتحه وعين مغمضة( ذيبان)

أخوي الهادف

قول آمييين :
* اللهم أرجع سيارتهم إليهم كما أرجعت سيارتنا المسروقة وأعدها إليهم سالمة يارب
* اللهم عليك بالسارق فإنه لايعجزك اللهم أفضح أمره وأهده لإرجاع السيارة أو وضعها في مكان واضح اللهم يسر رجال الأمن للقبض عليه وأمثالة
* اللهم وفق جميع رجال الأمن وأعضاء المنتدى للحصول عليها يارب



زاد والله غيبتك ها اليومين ونقول وش فيه :confused:
أثاري ها الحرامي مروعكم الله يروع قلبه

ياخي غريبة كيف كابرس ورويال بعد وجديد 2004 وينسرق :confused::confused::confused:
معقولة مافي نظام أمان :confused:

أخوي إنا سيارتنا الباثفايندر والله إنسرق مرتين بس أبشرك لقيناه
المرة الأولى حصلناه بعد يومين
والمرة الثانية حصلناه بعد 15 يوم

بس إكتشفنا أن اللي سارقينه مرة ثانيه صاروا :(:( أخويا أبوي :(:(
وهذي نهاية الصداقة :mad:

أخوي الهادف :
^^ عندي بعض التلميحات ممكن تفيدك :
* هل كل نسخ المفاتيح معكم أو قد أعطيتوا أحد مفاتيحكم( تذكر) .
* بما إن السيارة انسرقت وبعدها بيوم أنسرقت اللوح هذا دليل إن الرجال حولكم وحواليكم من أهل الخبر بحكم أنه عارف إسكان الخبر وعارف سيارة شبيه لكن أتوقع أنه ماراح يطلع عن الدمام وبتحصلونها قريب إن شاء الله

أخوك AcCo7rD ...

طيب .. وش رايك تحضر هجوله ..

قد شفت كابرس(2008 Ltz) حق جيراننا يفحط .. وسالت ولدهم وقال انه مسروق ..!


حاول تحضر .. ولا وص أحد في الشرقيه هاوي ذي الامور ..

وان شاء الله ربك ييسرها ..

دعواتي الصادقة لكم ان السيارة يحصلونها الدوريات او دوريات هوندا ارابيا ..

سجلت المعلومات وان شاءالله نسمع خبر يفرحنا بوجودها ورجوعها سالمة ..

(جاري البحث والتحري بمدينة رأس تنورة )

لاحول ولاقوة إلا بالله ، الواحد قام يخاف على سيارته حتى ماقام يضمنها جوا البيت ، الله يجيرنا بس ، إن شاء الله بحول من الله وقوة إن شاء الله تلاقياه اخوي الهادف واعتبر رقم الجوال روقم اللوحة وكل المواصفات عندي وإن شاء الله جاري البحث عنها .

لاحول ولاقوة إلا بالله إنا لله وإنا إليه راجعون .:mad::mad::mad:

:eek::eek: الله يعينكم :eek::eek:

حاول انك تضبط امورك في المرور وشرط مايمر يومين الا السيارة لاقينها بأذن الله

لأنه موتر ولد عمي كسرو قزازة السيارة كابرس 2002 ال اس ولما بلغ ودور واسطة سبحان الله الموتر حصلوه في مواقف اسكان الدمام

محروق تفحيط

الله يعينك اخوي

الله يعينك

تم حفظ اللوحه ورقم الجوال
وجاري البحث :)
---
بس لو تدكر أخوي شوي
- إنت اتهاوشت ويا احد هل اليومين ؟؟ أو جتك احتكاكات بينك وبين واحد
فكر فكر وراح اتحصل السياره بإذن الله
والله لا اوفقك الحرامي :mad::mad:

انا ساكن في الخبر ان شاء الله راح نلقاها

تم حفظ رقم اللوحه ورقم الجوال

اشكر الجميع على تعاونهم ..

السيارة سرقت في الدمام عندما نزل صاحبها منها ذاهباً للمطعم واستلام طلبه .. لكنه للأسف الشديد ترك السيارة مشغلة وصار الا صار ..

بالنسبة للنزاعات الشخصية بين صاحب السيارة وبين احد آخر فليس لي علم به لأني لست صاحب السيارة ..

تم الحفظ

انا يوميا مشاويري الى رحيمة وراس تنورة

ان شاء الله خــير

أسمع .. اذا تبي تلقاها .. بلّغ وقل ملتحين سرقوا سيارتي ومعهم سلاح .. انا ما جابوها بيومين ما اكون ولد ابوي ..
بعدين لا دروا يعطونك تعهد وبس :d

الله يردها سالمه يارب :)


وان شاء لله تلقونها باسرع وقت يارب

اقتباس:

---

المشاركة الأصلية كتبت بواسطة وهـمـ

أسمع .. اذا تبي تلقاها .. بلّغ وقل ملتحين سرقوا سيارتي ومعهم سلاح .. انا ما جابوها بيومين ما اكون ولد ابوي ..
بعدين لا دروا يعطونك تعهد وبس :d

---

صح كلامك وخصوصاً ان بعدها بيوم صادف حادثة سرقة لوحة لسيارة ارامكو .. وبكذا تخلي الأمن الصناعي تبع ارامكو مع دوريات الحكومة يبحثون عن السيارة .. فلربما راح السارق ركب لوح سيارة ارامكو عليها وركب لزقة علامة ارامكو على الباب وحدث ما لا تحمد عقباه ..

الله لا يقهرنا ...

كنصيحة لك استاجرلك سياره وابحث عن اماكن التفحيط والتجمعات للهجوله بمعنى اصح ...

انا صارتلي نفس سالفتك اكورد 2006 انسرقت مني امام احد المطاعم بالسليمانية بالرياض وقدام الحرامي يدقلي اصبع

والله ان الدنيا انقلبت يمين وشمال علي رحت استاجرت كابريس وقعدت افر افر مايقارب اكثر من اربعة وعشرين ساعة

لقيته في غرب الرياض يفحط الاخ العزيز وشايل اللوحه ومركب جنوط سياحية واالله ماردني عنه الا الصدام بالصدام

بس ربعه الي معاه وقفولي بينه وبيني نشبولي في الاخير نشبته في صبه وطمر الرصيف على ماوقفت وارجع الا قد

انحاش مع ربعه

الموتر كلفني اكثر من عشرة الاف ريال وفي الاخير مسكوا الحرامي وبعد سنتين جاني المبلغ


بس والله القهر يخليك تنعمي

كنصيحة لك سو مثل ماسويت وانشالله تحصل مبتغاك .... والمشكلة سيارتك ملصق عليها ارامكوا لاتستخدم ارهاب

كفانا الله شرهم وحمى الله دولتنا


دعواتي لك بالتوفيق

خلي اهل الدمام يعطونك اماكن التفحيط لان مالي علم بها

والله مو طالع بإيدي شي الله يرجعها لك ساالمه يالهادف :(

تم تنزيل المواضيع في منتدى جده بوي ..
وفي موقع شبكة السيارات ...

وعلى هذه الروابط ..
http://www.assayyarat.com/forums/showthread.php?p=1437514#post1437514
http://www.jeddahboys.com/vb/JB135517.html#post2573262

تقبل تحيااتي :(

^^^^
تسلم والله اخوي .. ما قصرت ..

صحيح اني بالرياض
لكن جاااااااااااااااااااااااااااااااري البحث

لا حول ولا قوه الا بالله .... انشالله تلقونها يا رب ... والله الخبر محزن كثير .. وانشالله يقدرون الاخوه الاعضاء سكان الشرقيه التوصل لها وانا عن نفسي رغم اني ساكن بالرياض ومع ذلك كل ما شفت رويال فيراني بدقق باللوحه والمواصفات اللي ذكرتها ...

الله يكون في عونكم انشالله ...

الله يهدي اللي سرق السيارة
والله يرجعه لكم سالمه

السلام عليكم

اخوي الهادف انا جالس اسولف مع واحد من العيال


وجلس يسولف عن كابرس تفحط


سألته عن اي مواصفه فيها


قالي لونها فيراني والرفرف اليسار مصدوم والعلامه الاماميه موب موجوده واسم كابرس اللي ورى غير موجود واللوحه الخلفيه ملكيه

واللوحه الامامية غير موجوده والسيارة غير مضلله


سألته وين فيه قال السيارة موقفه في حي قرطبة شارع سلمان الفارسي

رحنا نبي نشوفها لكن للأسف مالقيناها

فهي وحده من الثنتين يالشرطه اخذوها يالحرامي رجع واخذها مرة ثانيه


الزبده ان السيارة في الرياض

باذن الله ترجع لكم
سليمة ومافيها اي شي زايد او ناقص عن ماكان فيها

بالتوفيق يارب
والله يهدية

تحياتي

الله لايوفقهم



جاري البحث :cool:

ايام سرقة سيارتي اخذت رقم حجز وادي لبن قالوا لي تقدر تستفسر عن طريق التلفون

ممكن اذا كانت السيارة بالرياض واخذوها الحجز تستفسر عنها

014100770

شوف أخوي الهادف ..

أولا الله يرد السياره سالمه غانمه من عبث العابثين والله يفضح أمرهم ويكشفهم ويذلهم بعزته سبحانه ,,

ثانيا..خذها من واقع تجربه ..

الحرامي أو المجرم بصفه عامه لااااازم يرجع للمكان الي ارتكب فيه جريمته ..

وياليت تكتب لنا أسم الحي الي انسرق منه الموتر .. عشان نكثف البحث في الحي نفسه لأنه عادة يكون المجرمين معروفين في كل حي .. وان شاء الله نلقاها في القريب العاجل ..

السلام عليكم

اخي انا من سكان الخبر وراح ابحث عن السيارة واي تفاصيل راح اوافيكم بها عن طريق الرقم الموضوع واسأل الله ان يرجع السيارة لكم سليمة من اي عيب واسأل الله ان يشل ايدي السارق

دام السياره في الرياض ..

ان شاء الله .. بأحضر هجوله .. وبأقول لناس يحضرون هجوله ..


الله يسر الامر ..

والله يخوي السرقات زايده هالأيام :(