عرض للطباعة
السلام عليكم يا أحلى أعضاء
أنا عندي مشكله
مع أبوي
يقوووول ما في أكوووووووورد 2008:(
رحنا لنيسان ألتيما 2008
أعجبته لكن
تم التدخل العنيف من واحد من أخوياه الملاقيف:mad:
قاااال :: وش رايك في جالنت 2008؟؟
قااااال أبوووي:: نشوفها
وأنا توووورطت :(
أبوي قال بعد العصر الخميس نروووووح
نشووووفها وهو مصمم
وش أسووووووي ؟؟ ساعدوووني:(
والمشكله الكبرى أنهم
أعطووووه عرض
سعر الأقساط بسعر الكاااش:(
يبغووون يتخلصووون منهااا
بالله ساعدوووني
طلعووووا عيوبها أوووو أي شئ
يسااااااعد:(
أبغى أكووووورد 2008
أوووو ألتيما 2008
وش أسوووووي؟؟؟؟
والله اللتيما الجديد بايخ عكس القديم
واما الميستبوشي مشاكلة كثييرة
زي أيش مشاكلهاا؟؟
تكفووون بسرررعه
صيانة تعبانة
ياخذوف فلوس على الفاضي
قطع الغيار غير متوفرة
قطع غيارها غير متوفرة..
طياره ما يمديني ادعس الا وهي موصلتني الشرقية..
ما ابيها وابي هوندا اكورد تعيش معي..
زي كذا صرف وبس ولا توريه انك اقتنعت فيها ولا 1%
الله يعينك.
يعطيكم العافيه
قوله انت تبي سياره لي وللزمن والا كل سنه اغيرها
قوله اكبر دليل ان الاكورد الافضل كل يوم يرتفع سعرها ومنتشره بين الناس ورخصت القطع حقت 2008 ويابانيه 100% وخله يجربها وكلمه كذا بحزن <<< حلوه حزن :d
قوله انا مو مرتاح الا للآكورد وهي سياره وحده بالعمر ماببدلها كل يوم وان شاء الله يقتنع :)
مشكووور ميشووو
نجرب الحزن :( هههههههه:d
قله على الانتشار ترا الكبار ينفع فيهم هالاسلوب
وقوه المكينه والرخص وخلك مدقق على الفحمات
والله هذي الاسئله اللي سئلوني فيها جداني الثنين وابوي وخالي كلهم شياب
انت دقق على القطع الاستهلاكيه والصيانه
قله تزودني 10 الاف لل7 سنين ولا كل سنتين سياره حجرله من كل ناحيه خلك ذيب
(الانتشار وكثره اللي يعرفون يصلحونها من الورش والسمكريين الله لا يعوقك بشر ان شاء الله ولا تحتاجلهم
ولزم ولو حدك ربي اقعد صح عنده :d:d امزح عاد
لوو أسووي زي كذاا
بيشتررري سيكل هههههه:d:d
يعطيكم العافيه شبااااب ما قصرتوووووا
قله العرض ماجا من فراغ لأنها ماهي ماشيه
وقله نروح المعارض واسال بين السيارات الثلاثة اذا واحد قال خذ غير الأكورد روح خذلي يارس
وقطع 2008 رخيصة غير الأولى بكثير وخله يسأل الوكالة اما الجلنت مووووووووت قطعها
مِشكوووور يحياااااتووووو:cool::cool:
تدري وشلوون
اضرب عن الطعاام هع هع :d
امزح اخووي
انت صرفة قلة خرابات الجلنت وااااجد+ شكلها لك عليية + تقلب بسررعة لانهاا خفيفة + قطع غيارها غالية ونادرة على ولا شي + ضييقة + الخ ...
وانشاء اللة تقدر عليية
أبد سهلة وده لمركز قطع الغيار جمب وكالة ميتسوبيشي وخله يسئل عن سعر الصدام والشمعات وبتشوف كيف يهجججججج :eek:
الألتيما روعه وراح تدعيلي إن شاء الله :cool:
مشكووووورين خلني أجررررب
اليووووووم
وإن شاااء الله يوااافق
أمسك العجرا وعلى راسه درررردووووووووووب :d
وقله السيارة انا ابسوقها مو انت :d
امزح معك , اجلس معه جلسه هادئه , وبوسه على راسه , وتفاهم انت وياهـ وقله ان الأكورد عاجبتك و و و .... !
وإن شاء الله يشتري لك اللي تبغاهـ
ننتظر اخوي اكووورد 2008 يقولنا وش صار معه وان شاء الله خير :)
اخووي الله يعينك
اليك الحل اللي ان شاء الله يساعدك
1- تووجه الى اساااس البيت واللي يقدر يغير كل شي وابوووك منه يتقبل امك الله يخليها لك والعب براسها وفهما الوضع
2- الخطووه الثانيه بعد ما تتاكد من امك وش قالت لابوووك وماهي رده فعله اذا كانت ايجاابيه بعض الشي عليك به
ولا ترووح تكلمه الا وامك معك تساااعدك :d
وبين له بهدووووء انك ماترغب الا الاكوورد
بعدين مهب سعر الاكووورد نفس سعر جالنت
والله يوووفقك ويحققلك الاكوورد
<< واذا ما نفعت هذه الجركه جب الرشاش وخله يشتريلك اكوووورد :d
أبشركم يا شباااااب
وافق الواااالد
لكن موو على أكوووورد 2008:(
لكن وافق على ألتيما 2008:):cool:
مواصفاتها
لما أستلمها أقوووولكم:d
مشكوووور كل من مر ورد على موضووووعي:cool:
,,..,,.._____________________,,..,,..
يالله اخوي الف مبروك ويقولك خير الامور الوسط والالتيما سيارة كويسة ومواصفاتها لها السنة رهيبة ، الله يعطيك من خيرها ويكفيك شرها .
ممكن دورة - لفة - بالأتيما .. :o
اهلين
مبروك السيارة
والله يعطيك خيرها ويكفيك شرها
والألتيما روووعة
بما أنك ابتعدت عن الجالنت
الف مبروك .. تستاهل كل خير
ولا تسحب على " منتدى هوندا" علشان معك التيما ;)
عداك العيب يا كويس .. الالتيما كويسه وعداها العيب خصوصا الـ2008 .. :d
الله يعطيك من خيرها ويكفيك شرها ..
بصراحة الألتيما الجديدة لا يعلى عليها ابدا ابدا ابدا...
الأكورد خرابيططططططط جمب الألتيما ... الألتيما شكل و مزايا و اداء وووزن و اسم و سمعة افضل من الأكورد..
و الجالنت الجديدة حللوووة و خاص جناحها و سريييييعة و انا سقتها شخصية...سيارة فظيعة...بس ما عندي خبرة بالنسبة للصيانة...
و اللي يقول الميتسوبيشي تعبان....يجيبلي سيارة من هوندا عندها نفس قوة الأيفو و لا قابيلية مكينة الايفو للتعديل...
تعديلللللل:::
من شوي لاحظت ردك انك شاري الالتيما...و الله و احسنت الاختيار..الف الف مبروك :d
بسمه تعالى :
^^^^^^^^^^^^^^^^^^^^^^^
اقتباس:
الأكورد خرابيططططططط جمب الألتيما ... الألتيما شكل و مزايا و اداء وووزن و اسم و سمعة افضل من الأكورد..
شكل و مزايا و سمعه ........لا أعلم كيف أصبحت الألتيما الأمريكية قلبآ و غالبآ رمزآ للجودة و السمعة الحسنة بمجرد وصولها إلينا بعد ضربة حظ قام بها كارلوس غصن بجلبها للأسواق الشرق أوسطية و إضافة المزيد من التحسينات الميكانيكية لتناسب أجوائنا ....الألتيما حصدت الجوائز بأمريكا بسبب زيادة المواصفات و المزايا الترفيهية و التي يفضلها العميل الأمريكي كصفة أولى بغض النظر عن الجودة و التي تأتي بالمرتبة الثانية على حساب المواصفات ......و العميل الأمريكي حريص على تغيير سيارته بعد الشعور بالملل من المواصفات و التي تتغير عامآ بعد عام بزيادة ميزة ترفيهية أو رفع قائمة المواصفات لجلب العملاء الجدد كما هي موبايلات نوكيا و سوني أريكسون و التي تزيد من مواصفاتها يومآ بيوم .... نحن هنا نتحدث عن سيارة حصدة الجوائز و الأوسمة على مدى أكثر من عشر سنوات عجاف من بين أشرس المنافسين ....الألتيما الأمريكية حديثة العهد بأسواقنا و لم تحقق ذلك الإنتشار الذي تحقق للأكورد و المنافس العتيد كامري .... الأجواء بأمريكا تحقق أعلى نسبه لإمتلاك مثل هذه السيارات التي ستعيش بأجوائهم لسنوات عدة و ضمانهم المريح لخمس سنوات أو مائة ألف ميل لن يصل إليها العميل حتى يقوم بشراء سيارة أخرى ... و لنرى شوارعنآ و كيف هي ملئى بسيارات تويوتا و هوندا و قلة من سيارات نيسان و بالأخص ألتيما و التي يشتكي معظم ملاكها من سوء الصيانة و ندرة القطع و غلائها ..... أنا لم أتحدث عن الموديل المجدد لألتيما بل عن أول موديلات تنزل لأسواق الشرق الأوسط كضربة حظ ....و إذا كانت الألتيما تصنع المعجزات بمواصفاتها و أدائها و تصميمها الملفت فالأكورد تصنع المعجزات بجودتها و قوتها و أسلوبها الألماني بالقيادة و الأهم هو إسم هوندا صاحب الفضل على معظم الشركات اليابانية لصنع محركات الأشواط المتتالية لتصبح اليابان إحدى أفضل مصنعي السيارات بالعالم ....لن يعرف هوندا سوى مقتنوها ...
مبارك أخي الكريم و كل عام و أنتم بخير .
^^^^^
يسلم بؤئك ياشيخ :d
يعطيك العافية ،،اقتباس:
المشاركة الأصلية كتبت بواسطة gogo
بس الصراحة انا كلامي من تجربي شخصية لا اكثر ...
على باب بيتنا في اكورد و ألتيما..و الثنتين ٤ سلندر و سيدان....و انا سقت الثنتين لفترة شهر كامل و هي سيارتي تتصلح و قبلها كنت اسوق الكورد على طول..
بصراحة الفرق بنظري انا كشخص، هو فرق شااااسع..شكل الألتيما و قعدتها و داخليتها لا يقارن أبدا بالأكورد...الألتيما الجديدة خاصة شكلها من الخارج مقارب جدا لشكل ال 350z المعروفة و معروفة انها من اجمل السيارات اللي تنباع في الشرق الأوسط...
و الأكورد مافيها اي شدة...عند الإشارة مهما ضغطت بنزين..مافي اي تجاوب..السيارة قاعدة بأرضها و حركتها ضعيييفة...اما بالألتيما، فشئ مختلف تماما...ما شاء الله عليها اخف من السيفيك في حركتها...
و اضيف على الشعر بيت...ان الأكورد فحماتها احتاجوا تبديل بعد شهرين فقط! بالرغم انا سواقتي خفيفة و السيارة بالأساس للوالدة..يعني مافي إستخدام كثير..
و سيارة اخوي الألتيما ما شاء الله عليها..المشكلة الوحيدة اللي جت فيها هي تعطل حساس ضغط الهواء بالكفرات ، و تصلح بكل سرعة عند الوكالة و تحت الضمان..
هذا فقط رأيي انا كشخص جرب السيارتين و احس احساس ثاني بالألتيما..لا اكثر و لا اقل..
و على العموم شخصيا، مستحيل اشتري اي من السيارتين لأني من هواة السيارات الصغيرة و الهاتش...و لكن لو خيرت بين الثنتين...ماراح اشتري غير الألتيما و بدون تردد...
ألتيما بايخة شكلها قبيح الكامري اصرف !
وغير كذا سعرها رخيص سواء جديدة او مستعملة يعني مش حالك !
على العموم الحمدلله انه وافق
والله يعطيك خيرها ويكفيك شرها <<<<<مسبق الرجال.
يعطيكم العافيه
شبااااااب
البركه فيكم
ولا تخافوا
ما بروح من المنتدى الروعه:cool::d
وإن شاء الله
بأنزل موضوع
عن سيارتي الجديده
عندما أستلمها
بإذن الله
اللهم يسر
ولا تعسر
سبحان الله
و
الحمد لله
مبروك وتستاهل كل خير :cool:
مبروك عليك الالتيما
ولاتنزل موضوع يكرشونه انت فقط مرحب بك من غير الالتيما :d