السلام عليكم
اخواني انا ان شاء الله الاسبوع الجاي بطلع سيارتي هوندا اكورد 2009 فل مخمل لؤلؤي
بس فيه شي شايل همه الي هو التأمين
ياليت شباب احد يعطينا بكم التأمين الي أمن وايش افضل شركه من ناحية السعر والسرعه
بإنتظاركم وتحياتي
عرض للطباعة
السلام عليكم
اخواني انا ان شاء الله الاسبوع الجاي بطلع سيارتي هوندا اكورد 2009 فل مخمل لؤلؤي
بس فيه شي شايل همه الي هو التأمين
ياليت شباب احد يعطينا بكم التأمين الي أمن وايش افضل شركه من ناحية السعر والسرعه
بإنتظاركم وتحياتي
سوي لك تأمين شامل عند التعاونية ..
افضل شركة وهي الوحيدة الا استمر عملها اكثر من سنة .. ولا باقي الشركات يفتحون سنة ويختفون ..
طبعاً اسعار التأمين تختلف بحسب سعر السيارة .. بحسب عمر السائق .. بحسب الشركة التي يعمل بها ..
يا ريت تزودنا بالمعلومات حق نخدمك
شكرا على ردك السريع اخوي
بالنسبه لسعر السياره 92000
والعمر 24
والشركه الي شغال فيها ماظني انها عندهم في اللسته لكن عالعموم اسمها Paramount Computer System - Saudi Arabia
تحياتي لك
اطلق شي تأمين التعاونيه بلس +
قيمته 755 ريال لمده سنه واحده ،
طبعاً التعاونيه يكفيك إن مكتبهم داخل المرور ( من القوه )
والشركه معروفه جداً وتعتبر الأولى على المستوى السعودي
ميزة بلس + .. تأمن على مركبتك الى حد 10 الالاف ريال ، وللغير الى حد 5 مليون ريال !
( انا مأمن فيهــآ )
:cool:
بس وش رايك في الشامل ياعمر ؟؟
وللمعلوميه ..
10 الالاف هذي لمده سنه كامله .. يعني لو في حادث لاقدر الله وتقدر لك من التأمين 9000 ريال يبقى لك عندهم 1000 ريال بس ممكن لو صار لك حادث لاقدر الله تستلمها .. ولو صار شي ثالث لاقدر الله اطلب ربك يالغالي ..
<< مأمن فيها وغيرت للشامل ..
وغير كذا ياخذون منك رسوم قيمتها 500 ريال على كل حادث تسويه لاقدر الله ..
والشامل انا طلع علي بـ 2900 ريال ..
فنصيحه اخ محب لاتروح عن الشامل .. يكفيك ان لاقدر الله صار لموترك شي تتركه بمحله وهم يجون يشيلون موترك ويصلح بالوكاله ..
قطع وشغل يد وكل شي على التأمين .. << بس اذا كان شامل ..
اما سند وسند بلس لا .. قطع من الوكاله لكن شغل ورش ..
<< اووم الحوادث اللي مرت عليه :)
وأي استفسار انا حاضر :d
^^^^^^^^^^^^^^^^^^
يلعن ابليسك .. حادث في حادث في حادث .. بتصير سنه نحس اصلا .. :d
.. عالعموم .. الشايب ما وده يأمن لي شامل مندري ليش .. :(
ويقول ابو 750 - ييزي - << :d
^^ حوادث الهوندا على قولك ... ما تكفيها 10.000 ^^
طيب اذا كنت مأمن (سند بلس ) ... والحادث كلف 11.000 .. هل التامين بيعطوني 10.000 ولا بيعطوني خامس ؟:rolleyes:
اقتباس:
المشاركة الأصلية كتبت بواسطة كوكو كورد
طبعا قصدك بالحادث بعد مااصفت النسبه عليك نقول مثلا 50 بالميه عليك يتحملونها هم ويعطونك هالنسبه من قيمه التقدير كامل ..
نقول التقدير كامل لموترك طلع بالاخير ان موترك يكلف 20 الف ريال من قطع وكاله وشغل يد ورش ..:p
هم بالضبط يعطونك 9500 ريال من الـ 10 الالاف ريال .. اللي تتحملها انت من الحادث اللي هي نسبه 50 بالميه .. والعشره الباقيه يتحملها الطرف الثاني ..
هم ياخذون 500 ريال رسوم وباقي 10 الالاف على حسب التقدير تاخذهـ .. واللي يرفع الضغط ان التأمين لازم يكون بأسمك انت .. ولو انه باسم الوالد زي حركتي البايخهـ :d لازم تجيبه معك او صك وكاله مصدق عليه من الغرفه التجاريه :eek::eek: يالليل ياعين ..
اتمنى الصوره وضحت ..
وبالله شباب نصحييه محب .. الشامل اطلق ابو شي بالعالم كله :d ...
<< طيب خلاص حسستهم انك عانيت من جد مع البلس ..
من جد اذا كان كذا كلامك نروح على طول لشامل :d
الصراحه ياخي شغله تلحس العقل هل التامين :p
تحياتي لك
شباب احسن شي الشامل حتى لو صار حريق في السيارة لا سمح الله او انسرقت التأمين الشامل يعوض وعلى العموم انا شغال في التعاونية للتأمين فرع المغرزات طريق الملك عبدالله واذا احد حاب يأمن يقولي وانا اخلصله المعاملة
جوالي: 0557843576
775 هذي للي اعمارهم فوق الـ 21 ياشباب
الي تحت الـ 21 لهم حسبه ثانيه :p
السلام عليكم
يا شباب الشامل حراااااام
التامين الحلال فقط التعاوني
لايغنيكم الحرام عن الحلال
ولي يسوي حادث الله يعوض عليه وليس شركة التامين
888
شلون حرام ؟؟
من حرمه ؟؟
طيب معليش انا سمعت كلام واجد انه حرام ومدري وشو .. بس فهمني يالغالي كيف يكون حرام ؟؟
اتمنى تجاوبني يالغالي وماتقول مجرد كلام وبس ..:)
طيب ياشبااااب
الي دون 21
بكم اسعاره
الشاامل
و
البلس
لاهنتم
888
انا يوم طلعت موتري واحد من العيال أمن من التعاونيه سند بلس وكان تحت 21 سنه ..
وكان التأمين بـ 1400 ريال وكسور ..
هذا الكلام قبل كم شهر يعني ماتوقع تغير ..
لكن الشامل ماادري عن تحت 21 سنه ياغالي ..
أفضل تأمين التعاونيه
و إلى جميع الأعضاء إللي ساكنين قريب مني من الــ ( الدمام - الخبر - القطيف ) و ما حولها إللي يبي يأمن بالتعاوينه أنا حاضر ، و ما يحتاج يروح للفرع نفسه أنا أجيب له التسعيره و الأوراق و الطلبات إلى عنده .
إللي حاب يستفسر عن أي شي أنا حاضر طبعا أنا من سكان الدمام ،،،
يرسل رساله على الخاص أو يتصل فيني على الجوال : ( أحمد / 0595950900-0502218881 )
اقتباس:
المشاركة الأصلية كتبت بواسطة الـــظـــل
88888
ها يله وهذا الظل سهل عليكم الموضوع :d
يعطيك العافيه يالغالي ..
بس معليش بطب عليك بسؤال مباشر :p
انت موظف بالتعاونيه اخوي ؟؟ :confused:
اقتباس:
المشاركة الأصلية كتبت بواسطة a C C O R D 0 8
حياك الله أخوي و حاضرين للطيبين
لا يا عزيزي أنا مش موظف بالتعاونيه ، أخوي هو إللي موظف بالتعاونيه
و حاضرين للغالين
ممممممممممممممممممممممممممممممممم
فيه تخفيض على الشامل ... ؟؟
والله انا مأمن موتري سيفك 2007 في التعاونية
تأمين شامل
سنويا 3 آلاف ريال;)
اقتباس:
المشاركة الأصلية كتبت بواسطة civic 98
في تخفيض يا عزيزي على بعض الشركات مثل سكيكو ( شركة الكهرباء ) على سبيل المثال
لكن إذا كنت ناوي أبشر أطلع لك تخفيض على التأمين الشامل
اقتباس:
المشاركة الأصلية كتبت بواسطة أبو الريش
معقوله 3 آلاف ريال :confused:
تأكد عزيزي لأن المبلغ مرتفع كثير على هوندا سيفيك ، أو إنك طالب خدمات زياده مثل السياره البديله وقت الحادث لا سمح الله
اخوي الظل ممكن الرجال تحت سن الـ 21 :)
يعطيكم العافيه بس المشكله الاسعار كله فوق والله حرام التامين الي ياخذا الفلوس يعني لامصار حادث لا سمح الله التامين حق السنه راح عليك وتعال من جديد امن بقيمه خياله
الصراح التامين كلهم مشاكل في مشاكل بس
كلهم يخذون فلوسك واذا صار احادث الي معك يتعذب
بس المشكله اذا صار حق السياره شي مثل لا قدر الله اكسرو الزجاج يقلون لك اصبر لم يوصل الشيك وش يصبرك لم
يجي الشيك
اخلي السياره مفتوحه كذاء
والله مشاكل
صراحه ماقصرتو ياشباب والله يبيض وجيهكم
وبالنسبه للأخ رومانسي واحمد ان شاء الله اني بتصل عليكم وعاد الي يعطيني سعر اقل بأمن عنده
انا ان شاء الله ناوي أمن شامل الله لايعوق بشر والوالد ناشب لي بهالسالفه
يقولي أمن شامل قبل تطلع السياره من الوكاله :-d
وصراحه انا عانيت كثير في سيارتي السابقه كامري 2004 وسويت حوادث لين انفجر مخي يمكن دفعت قيمتها تصليح علشان كذا ان شاء الله اني مأمن شامل الله لايعوق بشر صراحه تعب بدون تأمين وقهر لانك مطلع سياره ودافع فيها مبلغ وقدره ماتقدر تكمل المبلغ وتأمن :-d
بالتوفيق للجميع وان شاء الله اذا وصلتني الاسعار بنزلها لكم مع فرق السعر الاساسي الي جاني من الشركه نفسها :)
سلام عليكم
بالتوفيق للجميع ونتمنى السلامه للجميع
اقتباس:
المشاركة الأصلية كتبت بواسطة kku_0827
فيه شي احسن من ان الواحد يرتاح وهو طالع وهو داخل ؟؟
الراحة النفسية بكم تقدرها ؟؟
انا ما عندي مشكلة ادفع 3000 ريال وارتاح طول السنة .. اكون متطمأن على نفسي وعلى الا راكبين معاي
دي بحالها ما تقدر بثمن .. وخصوصاً لو كان واحد حالته المادية مو ذاك الزود .. :)
الحمد لله على كل حال
اقتباس:
المشاركة الأصلية كتبت بواسطة meshoo
ممكن :)
موضوع جميل من زماان ودي فيه..
1-بالنسبة للتأمين الموجود في السعودية فهو للأسف كله محرم لأنه تأمين تجاااري وليس تعاوني
2- وبما أن التأمين على استمارة السيارة أجباري فهذا ليس عليك من الأثم شي والأثم على من ألزمك..
وجل علماء المملكة قد أفتوا بحرمة التأمين التجاري..!
لكن لو سويت أي تأمين أخر لست ملزم فيه فالأثم بطبيعة الحال يتحمله من عمله.
وللاسف في بلد الأسلام نجبر على تأمين محرم مع انه يوجد بديل شرعي لذلك!
والأمر لك..
وأعذرني على الاطالة:)
888
يالغالي انا معك سمعنا انه محرم ومن هالكلام ..
لكن كيف محرم .. سبب التحريم !! ومن من المشائخ قال انه محرم ؟.. يالغالي لاتقول لي فلان وفلان انا موب اني اكذبك لا والله .. لكن سمعنا من هالكلام كثير وناس تقول حللوه وناس تقول محرم .. فياليت وانت تقول الشيخ الفلاني قال انه محرم تبين كيف ووين حصلت هالكلام الله لايهينك ..
والتأمين شر لابد منهـ .
الله يخلي ابو جميل عندهـ تأمين فقط على سيارات تويوتا و لكزس
اسمه سلامات و هو شااامل
يعمي لو لا قدر الله صار لك حادث مهما كانت التكلفه راح يكون التصليح بالوكاله مع القطع + توفير سياره بديله +
يشمل لمن صار لهم حادث خارج الاراضي السعودية + التعويض في حاله سرقة السيارة .. الخ
:d
بس في شغله ثانية
في تأمين اسمه الاهلية للتأمين و صراحه ممتاز مثل التعاونية
قريبي معه مازدا زووم راحت وجهيتها تحت تريلا
وتقدير الاصلاح كان 31 الف
على طووووووووول تم التعويض بشيك بقيمة 31 الف ريال
وصلح السيارة وكل شي بالمبلغ وبث :d
سي يا
-أخوي A C C O R D 0 8 :
بالنسبة لمصدر فتواي سأضع لك روابط تزداد منها..
وأنا ذكرت لك في ردي السابق ..> أن جل علماء المملكة أفتوا بحرمته .. - ويعني
ذلك أن هناك من أباح التأمين الموجود حاليا > وأنا أذكر أثنين فقط منهم وأحد في
هيئة كبار العلماء والأخر (لاتعليق!!).
لاكن عندما ترى أن أكثر العلماء قاموا بتحريمة وقليل جدا من أفتى بجوزاه > من تأخذ!
بالمناسبة> أنا أول ماأشتريت السيارة ذهبت للتعاونية أسئل عن التأمين الشامل
وقدر لي قيمته بمبلغ 2049ريال!..
وبعدها بحثت عن الحكم فتببن لي أنه غير جائز وتركت الفكرة مع أني كنت أريدها
لكن (من ترك لله شئ عوضه خير منه)..
وانا أتابع برامج الأفتاء أجد المشائخ يطالبوون مؤسسة النقد بتعديل وضع شركات
التأمين الى وضع يطابق أحكام الشريعة..> وذكر أحدهم أنه قريبا بأذن الله سيتم
تعديل وضعها وستكون مباحة ولا تجد أدنى حرج في التأمين بجميع انواعه -نأمل ذلك
إن شاء الله-
وهذه بعض من الفتاوى توضح لك الحكم وسببه:
هذه فتوى للشيخ إبن باز -رحمه الله-(وفيها الفرق بين التأمين التعاوني والتجاري )
http://www.binbaz.org.sa/mat/19219
وأخرى للشيخ إبن عثيمين-رحمة الله-
http://www.ibnothaimeen.com/all/noor/article_5585.shtml
وإيضا يوجد موقع للشيخ الشبيلي-وهو شيخ متمكن من الأمور المالية في الشريعة -بأمكانك زيارته والاطلاع على فتاويه في ذلك.
والسلام :)
(من ترك شيئاً لله عوضه الله خيراً منه)
^^^
تأمين شامل ومجاني مدى الحياة
فيه تأمين احسن وارخص من كذا ؟!
اقتباس:
المشاركة الأصلية كتبت بواسطة اكوردي 2004
بصراحه اخوي كلامك احرجني ..
وكلامك ماعليه ولا حبه غبار وحدهـ :d
لكن اتمنى تعذر الاسلوب اللي تكلمت فيه قبل لان ياخي بيني وبينك كثير اللي تكلم بهالموضوع من دون شي يثبت كلامه وانه حرم .. انا معك .. سمعت انه محرم لكن من حرمه .. وليه وكيف ومن هالاسئله ..
ردك كافي ووافي والله يوفقك ويعطيك الف عافيه ان شاء الله ..
ماقصرت اخوي ..
يعني والزبدهـ وش التامين اللي حلال ويكون مناسب
بشتري اكورد 2009 ولازم اامن عليها
الاخوان اللي يقولون الشامل حرام وش مامنين انتم ؟؟
اقتباس:
المشاركة الأصلية كتبت بواسطة love the Queen
مو حنا نقوول > الشرع يقوول:d
كل العالم اللي معهم سيارة مسويين تأمين على السيارة ضد الغير لأنه إجباري!
-يعني كل التأمين الموجود غير شرعي!
والله ييسر لنا الطريق الحلال:)
مافكرت اسوي تأمين خلقه
ولو التأمين ابو300 مهوب لازم كان ماسويته
والحمد لله عندي نظام في القياده اني كل ماسقت اقول (بسم الله وتوكلت على الله)) هاذي ولله جابت نتايج معي
ومعضم الحالات الى بغت تجيني يعني بغيت احك بغيت اصدم كلها الى كنت ماقلت هاذي الكلمه الى فووق
والحمد لله سواقتنا ركاده ومادام النظام يقول الى يصدمك من ورا يجي الغلط عليه كذا انا مرتاااااح
التعاونيه للتأمين مأمن يوكون 2008 من عند الجميح بعد الخصم طلع لي 3075
شفــــــــــ انا اليوم أمنتــــــ بس مو(( شامل)) أمنت ((الزاميــ))
بس انا الي اعرفه تعتمد على العمررر
((18_21)) السعر 865 (( التعاونيه))
اخوي عمره فوق ((21)) امن على موتره (( 300))
شفت الفرقــــــــ