عرض للطباعة
السلام عليكم,,
ياشباب أنا عندي أكوورد 2008 واللحين ماشية 12000 ..
وشيكتها إلى اللحين 3 مرات ,,
لكنهم بصراحة تشيكهم غالي والمشكلة زحمة عندهم ولايستلمون السيارة إلا في الصباح,,
أنا أبغيكم تنصحوني هل أشيك برا يعني أغير زيت وسيفون أو أستمر على الوكالة؟؟؟ :(
ولو غيرت زيت وسيفون برا ,,
يعني متى تنصحون إني أدخلها الوكالة مرة ثانية :confused:
الزبدة أبي منكم المشورة بالتفصيل!!!!!!!!
يارجال غير الزيت عند اليمنيه بس أشتر سيفون من محل قطع الغيار
ولا تشيك إلا إذا مشت 60000 أو حسيت فيها شيء
نصيحتي لك غير الزيت بالوكاله لانه اضمن من ابو يمن وثانيا ارخص لك
وعليكم السلام
هلا فيك أخوي. معك حق الوكاله غاليه شوي. وانا انصحك إنك كل مامشت سيارتك15ألف ولا 20 ألف تشيك.
وبالنسبه للتغير الزيت برى فــ أنا أنصحك بزيت سوبر جي تي.
أنشاء الله أكون أفدتك تحياتي..:)
أضرب مشوار للوكالة عشان أغير زيت:p
أشتري زيت هوندا من قطع الغيار فلتر و أروح أي بنشر
زي ما قال الأخ wahd
إذا حسيت بمشكلة روح الوكالة
غير كدا تشيك عادي وتغيير زيت وبس
وعليكم السلامْ ،،
هلا فيك أخويْ ،،
أنا حالياً مشت سيارتي 21 ألف ..
أوديها كل 5000 الوكالة يغيرون فيها زيت ..
وتوني موديها حق تشييك 20 ألف ..
وناوي إن شاء الله كل 20 ألف أسوي صيانةْ ،،
يعني 20 ، 40 ، 60 ، 80 ، 100 مع نهاية الضمان :d
وشسمه ؛ تقدر بعد تغيّر الزيت كل 10 آلاف ولا تغيره ألا عِند الوكالة ،،
لأن الأكورد 4 سلندر وتتحمل إلى 20 ألف يمشيها الزيتْ ،،
وبالتوفيق لك ..
طيب شباب يعني لو غيرت الزيت والسيفون برا مثلا ,,
شنهي الأشياء اللي تنلغي من الضمان :confused:
وشنهي الأشياء اللي يتضمنها الضمان أصلا,,
كل شيء ولا تغير الزيت برهْ ..
لانه راح يخبط عليك الماكينه مع الوقتْ ..
كل الل يعليك تدخل الخدمة السريعه ما ياخذ منك ربع ساعة الا انت مغير الزيتْ ،،
وبالتوفيق لك يا صديقي ..
طيب أخوي
شنهي الخدمة السريعة ,,
وهل ياخذون فلوس أكثر عشانها سريعة
ولا شنهي يعني بالظبط؟؟ :confused:
هلا فيك أخوي ،،
الخدمة السريعة وهي بس لتغيير الزيت والسيفون ،،
وراح ياخذون عليك 91 ريال وبس ،،
وأي سؤال ،، حاضرينْ ..
أنا أرسلت لك على الخاص بخصوص الخدمة السريعة ,,
ومشكورين أخواني وماقصرتو :rolleyes:
أهلن اخوي أنا سيارتي شيكتها مرتين وهي ماشيه 5000 إلى الأن
وصراحه مو ناوي اذخلها صيانه في 10000 لأاني ماحسيت أنهم سوو فيها شي .
بعدين ياشباب أنا ذخلت السيارة صيانه 5000 ولاحظة أنهم ذخلوها الخذمة السريعة ساعه واتصل علي يقولي أستلم السيارة معقوله
أحس مامداهم يغيروا شي في السيارة ؟
اقتباس:
المشاركة الأصلية كتبت بواسطة هوندا 2288
والله كلامك كله عسل :cool:
وحتى أنا لما رحت وشيكت على 5000 و10000 حسيت إنهم ماسوو شي لكن في 10000 زادو عليها إنهم نضفو المكيف من الأوساخ والجراثيم بس..
وخلاص من اليوم ورايح كل 5000 بدخلها خدمة سريعة ب91 ريال ..
وكل 20000 أدخلها صيانة كاملة ب350 ريال مثل ماقال أخونا kakashi-san
انا انصحك ماتطلع من الوكالة واترك عنك بويمن هذا وانت قريب ومن سكان الدمام ,,,انا عن نفسي من راح اغير من غير الوكالة>>>متعصب:p:p
انا لحضت بنشري الوكالة بعد تغير الزيت يرفع السيارةويرشها بزيت عند الكفرات
والله شوف
انا سويت لها صيانه 10000 واحس انهم لعبوا علي:mad: ( ماشفت شئ متغير في السيارة ) لا وبعد يوم قلت لهم اغسلوا السيارة بعد ماتخلصون قالوا المويه منقطعة ( والله العظيم ها اللي صار ) ومن عقبها ماوديتها للوكالة :mad:
اما بالنسبة للزيت والسيفون استعمل زيت كاسترول 4 علب ونص والسيفون اغيرة كل 1000 كيلو :cool:
سيارتي ماشية تقريبا الحين 40 الف وراح اسوي لها صيانه بعد ماتوصل ل 50000 إن شاء الله:cool:
لأنه ماصار والحمد لله فيها اي شئ الحين فليش اوديها للوكالة
:d
أضيف حاجة
زيت القير غيرته عند 38 الف كيلو:o
للمعلومية يعني
اقتباس:
المشاركة الأصلية كتبت بواسطة kakashi-san
:confused:
الله يستر عليك على هالمعلومة :d
وش اللي يخلي المكينة تخبط يد ابو يمن .. ولا حفرة الزيت :d
--------------
اخوي صاحب الموضوع
لو تحب تداري السيارة ولك قدرة على التعطل وقت الصيانة
صيانة 40 الف لا تهملها
فيها تجديد كامل للسيارة وفحص لكل شيء
صح غالية
لكن فين وفين حتى توصل 40 الف
بقية الصيانات من وجهة نظري ما تحتاجها السيارة مع عدم اهمال التشييك اليدوي على الاشياء المهمة وقت غيار الزيت من فلاتر وزيوت وغيره
وبالنسبة للزيت
غير برا او داخل الوكالة
اللي يريحك
ولو بغيت التوفير خذلك كرتون زيت ترتاح له وكم فلتر اصلي من الوكالة
وكل 5 الاف على ابويمن غير الزيت وكل 10 الاف فلتر زيت وان بغيت تداري السيارة اكثر كل 20 الف غير صرة الزيت تراها رخيصة
^^^^^^
كلامك عسل والله
أجل تخبط المكينه
صحيح ياشباب ممكن تخبط الماكينه عند ابو يمن وممكن تخبط بعد في الوكاله على شغلة الزيت الي تشوفونها سهله ..
وأنا أقولها من معرفه لأثنين من الشباب واحد خبطت سيارته ( كورولا 2008 ) بسبب أبو هنود الي غير له الزيت في الوكاله لأن الحلو كسر قاعدة المعيار داخل الماكينه وعوضوه بماكينه جديده وقسايم بنزين و4 كوبونات صيانه مجانيه ,, :cool:
والثاني جيب هيونداي غير الزيت عند أبويمن وخبطت ماكينته لكن ليش ما أدري :confused: لكن هل تتوقعون بيعوضه ؟ طبعا يبلط البحر اذا عوضه ..
هذا من غير مشاكل الصره الي ممكن تضر علبة الكارتير ..
أنا أنصح بتغيير الزيت في الوكاله عشان لو صار شي لاسمح الله عندك فاتوره تثبت لهم ,,
أما الصيانه فأنا أقول شيك عند الآتي ( 40000 - 800000 - 100000 - 120000 - 160000 - 200000 .. الخ )
يعني بالعربي كل 40000 كم + كل 100000 كم
اقتباس:
المشاركة الأصلية كتبت بواسطة أكورداوي
يعني حتى موية المساحات لازم نعبيها بالوكالة يمكن تنخلع القربة حقتها واحنا نفك غطاها بس لو انخلعت من يد فني الوكالة بيصلحونها ببلاش :d
معليش حبيب قلبي تراني امزح
الحرص ما يقلب لشك
والصرة عند الوكالة ولا برا لها عمر افتراضي
فديت عيونك وانا اخوك
حبيبي كنت مثلك من قبل امداوم على الوكاله في كل تشييكه ...
من 1000 ورايح لين وصلت بها الى 40 ألف .. وكل مرة ادخلها تطلع السيارة نفس ماهي وياخدو عليي فلوس مبلغ وقدره وكل مرة ايزيد سعرهم ..
وكل نصب واحتيال ..
طاوعني ترى انا الزيت اغيره في البنشريه واركب زيت هوندا .. بس الفلتر اشتريه من الوكاله وسعهر 15 ريال ..
أما التشييك ما اوديها صرت الا ادا صار فيها شي لا سمح الله او اذا كملت 60 ألف ..
وانا سيارتي لسى ماكملت ..
بعد ماتطلع من الضمان انسى اتوديها الوكاله عشان خراب ..
لأنهم نصابين ..
وسالفة التشييك .. ياخدو عليك فلوس ويحطو لك كرتون كلينكس داخل وكيس على السيت مال السواق ..
ولا يعبو السيارة ماي في المساحات ولا ماي الرديتر ..
وانا واحد صادتني هالحاجه ..:mad:
صلو على النبي ياجماعة :)
اعذروني على التأخير ,,
وبصراحة أنا بجرب الخدمة السريعة وبشوف :d
وبعد الضمان بجرب أشتري لي كرتون زيت مع سيفون ,,
لكن حبيت أعرف ياشباب ,,
ترى أنا متعيجر أقرا الكتيب مال الضمان :d
بس كم ضمان الأكورد :confused:
100الف او 3 سنوات ايهما يأتي اولا :)
مشكور حبيبي مومو,,
طيب تعرف شنهي الأشياء اللي يتضمنها الضمان ,,
يعني شنهو الشي اللي يخترب ويغيرونه لك ويجيبون لك جديد ؟؟؟؟؟؟؟
كل شي على الضمان عدا الاشياء الاستلاكيه فحمات او اشياء تتعلق بالكهرباء فيصلحونها لك على الضمان بس بشرط
ما تركب زنون ولا اشياء بدون تسليك كويس وتودي سيارتك الوكاله ويشونها يكتبون على الكتاب حق الضمان بدون الكهرباء
اي خدمه ثانيه اخوي انا تحت امرك :)
أعتقد ضمان الأكورد 60ألف أو3 سنوات أيهما أولا.
يارت تتأكدولي.لأنو عندي سيارتين ولله الحمد والضمان 60ألف أو3 سنوات أيهما يسبق.
انــآ عن نفسي ( فيني عرق زوووووووووووووووووووووووووووول )
يعني بالعربي ما ابي اوجع راسي ، اروح الوكـآله وهم يتصرفون !
والفلوس مثل ما راحت بتجي .. اهم شي انا شريت سيـآره عشان ارتاح
موب عشــآن اقلب ميكـآنيكي ، هذي شغلـه ناس غيري تخدمني ..
< شعنده عمر الراجحي هههههههههه
تبقى بالنهايه وجهة نظر خاصه فيني .. :o
اانااا اشتغل في الوكاله
شبابي نصيحه غيرو الزيت في الوكاااله مو عشاني اشتغل فيها من شان العيوب اللى تجينا من ابو يمن
غيار الزيت 91 ريال واضمن وخدمات افضل
لان اولا الصره لازم تغير مع كل فكه لها ورده
ولو ما غيرت راح يكون تهريب او تلف في سنع الصره وانتو خابرين ابو يمن وش يحط بديل الورده سلكون
هذا اللى عندي
مشكورين حبايبي على النصايح هذي وماقصرتو