هل تنصحوني ابدل اكورد بسيفيك

سؤال هل تنصحوني
ابدل سيارتي الاكورد 2008
ب2009 او بسيفيك 2009
لان مواصفاته عجيبة السيفيك
محتار كنت ابغي اخذ سيفيك بس
رحت واخذت اكورد الحمد لله ما اشتريت
سيفيك 2008 جان بنقهر زود ما انا مقهور
حاليا لان سيارتي ما فيها نطام vsa
سؤالي هل ثبات السيفيك نفس الاكورد
اي اهدء في المشي يعني الهدوء
اي اسرع واتكون قومته ومشية اقوى
هل يستاهل ابدل الاكورد باكورد 2009
عالشان نظام او بسيفيك 2009 لان نزلت
عدنا في البحرين وصراحة شكله عجيب
رياضي بشكل كبير على عكس الاكورد احس
روحي كاني شخص كبير في السن ( عذرا لا اقصد
الاساءة لاصحاب الاكورد بس هذا احساسي وانا امشي
الاكورد ) لان احب السيارات الرياضية اكثر من الرسمية
ووش رايكم بالالتيما هل تنصحون فيها
انتظر نصائحكم لان تعبت وانا افكر ساعة اقول
ببدل السيارة وساعة ما ببدله احترت والله
:(:(

اللتيما وخر عنها قطع استراليه وليس يابانية:p

وانا اقولك سيفيك

اخوي عندة اكورد2006
واذا بغى يطلع معا شباب ياخذ سيارتي بسبب انها سبورت أكثر:cool:

اقتباس:

---

المشاركة الأصلية كتبت بواسطة o-k-r

اخوي عندة اكورد2006
واذا بغى يطلع معا شباب ياخذ سيارتي بسبب انها سبورت أكثر:cool:

---

ههههههههههههههههه

السيفيك .... لو تحاول تمدد رجلك فيها كان توصل للمكينة :d

اخوي خذ الاكورد الجديدة ... نصيحتي الاخوية

حيييييييهم

سيفيك وبس.....:cool:

السلام عليكمْ ،،

لا ما أنصحكْ ،،

وتبدل السيارةْ عشآن نظام VSA ، ؟!!!!

يا خي هالنظام مثل ما قال لي الموظف انه يفيد في المنعطفات ،،

لكن 08 بروحها ثقيلةْ يعنيْ ما شاء الله في المنعطفات ولا أحلىْ ،،

يا عاااالمْ نصيحةْ لكــُمْ ؛ لا أحد يسوي زحمه عشان هالنظامْ ،، :confused:

ولما تأخذ سيفيك بتقولْ والله ليتني ما تسرعت لأنها ضيقهْ ،،

خلّك على مجنونك لا يجيك أجن منهْ ،،

..

اقتباس:

---

المشاركة الأصلية كتبت بواسطة o-k-r

اللتيما وخر عنها قطع استراليه وليس يابانية:p

وانا اقولك سيفيك

اخوي عندة اكورد2006
واذا بغى يطلع معا شباب ياخذ سيارتي بسبب انها سبورت أكثر:cool:

---

هههههههههههههه

شدعوه مزيراتي ولا فيراري دي

ههههههههههه

الله يهديك بس يا عثمان :d

والله ياليت تقول لنا وش تغير بالسيفيك 2009 وكم اسعارها ؟ :d

التغيرات الي صارت بالسيفيك بالضبط نفس الي قالوه عنها
الشكل نفسه الي خالين موضوع عنه
والمسجل اتغير صار سيدي وفيها يو اس بي بعد
يعني التغيرات بسيطة بس حلت شكل السيارة انا شفت الي كانت
كانه الوسط الفل ما جفته ان شاء الله بس اروح وكالة الهوندا واشوف
شكل الفل واخبركم بس التغير في شكل السيارة من خلف لا يكاد يلحظ
ومن الامام صارت كانها تيب ار

سؤال اخيري عن السيفيك الثبات في الاكورد لو فكرت اغير
نفس بالسيفيك صراحة الاكورد قومة السيارة ثقيلة في التبديلات
الاولى بس ما ادري بعد فترة بتتعدل لو لا لان الواحد ينقهر
اكورد الكامري والالتيما قومتهم اقوى

بدون تعصب سؤال هل تنصحون بالالتيما لو لا
الكل اقول لي بعد عنها بالرغم ان شكلها الخارجي رياضي
بس من داخل ما تعجبني بس نتعود عليها ههههههه
واي سيارة اتدوم اكثر السيفيك لو الاكورد
واخيرا الالتيما وعندي استفسار عن المكيف
هل سيارات الاربعة سلندر بشكل عام تضعف
مشية السيارة اذا شغلت المكيف احس السيارة
بالمكيف اصير شوي بطئية
طبعا انا عندي اكورد فل اوبشن بس للاسف
4سلندر

بتفرق معك في العزم لان الاكورد 2.4
والسيفك 1.8

والله يا اخوي نصيحتي لك انا اشوف انو الاكورد افضلك

انا معاي سيفيك واحس اني تسرعت عشان ماصبرت واخذت الاكورد


صح انو السيفيك شكلها حلو وفيها اشياء كثيره حلوه بس طبعا مو احسن من الاكورد الجديده

وبعدين الشغله مو مستاهله تغير سياره عشان نظام vsa

بسمه تعالى :

تم حذف الرد بسبب عدم الإستقرار بالإجابة

بالنسبة للتبديل بين الأكورد 2008 لأكورد2009 عشان نظام vsa مولازم لأنك رح تطفش من هالنظام وتطفيه.
بالنسبة للتبديل بين الأكورد 2008 بالسيفيك فأنا لست من المؤيدين لهذه الفكرة مع انه السيفيك رياضية شبابيةو فيها فخامة ومميزات رائعة
وعزمهاقوي بالنسبة لصغرها لكن مازالت الأكورد في الطليعة فخامة وأداء وقوة ورياضية لوحبيت إنها تكون رياضية فهي كذلك
والقعدة في الأكورد تسوى كل السيارات
أما بالنسبة للسيارات 4 سلندر أوغيرها يمكن ال8 سلندر ماتحس فيه فرق مع المكيف أوبدون
أما ال4 سلندر لما تكون السيارة جديدة مارح تحس بشي
لكن لما تبقى معاك شوية كمان رح تحس بضعف مع تشغيل المكيف
ياخذ قرابة ال5أحصنة من قوة المحرك

وآسف عالإطالة

تبدل اكورد ب سيفك

وعشان زر بس

ياخوي لو ويش ماتجي سفيك افضل من اكورد ولو ويش

اخوي شف الاورين فيها نظام ملاحه والافالون مافيه ومع ذالك ماهي افضل

اصدقون للحين محتار بين الأكورد والالتيما والسيفيك
شلنا السيفيك من بالنا لان مثل ما شفت ان هي ضيفة
شوي من داخل ففكرت في الالتيما وش رايكم فيها
هل السيارة شكله مجنني احسه رياضي وقوي
بس متخوف لان هل المميزات بسعر رخيص
يعني شىء اشوي اخوف وخصوصا النيسان
الي اسمعه عنه خرباته كثيرة والهوندا الي اسمعه
ان القير مالهم بسرعة يخترب محتار والله احس
روحي استعجلت واخذت اكورد

انصحوني هل العزم في الاكورد
ويا كثرة الاستخدام ممكن يعتدل وتتنشط
لان احس على ما تبدل يبغا ليها وقت وهذا
الشىء صراحة يقهر
وهل تتوقعون ممكن اتعود على الاكورد
ويا مرور الايام تعبت والله واحترت

تبغى الصحيح ,,,, ان بديت أفكر بالمازدا 6 فل اوبشن ,,, مواصفات بي ام يا رجل

لا الصراحة مانصحك ابدا بالالتيما والصراحة الاكود مية المية

ومادام انك بتبدل وتبي عزم خذ اكورد 6سلندر:d

اما الززوم 6 ذي حكاااية ثانيه لو بالفعل استنيت وماخذت اكورد كان حصلتها مع القائمة بمواصفاها العجيييبة

ينقل للقسم المناسب :)

اتحيرت اكثر المازدا عاجبتني بس الفل ما اقدر على
سعره لان شوي غالي بس الالتيما سعره رخيص
والي ذابحني قوة المحرك قوي وشكله رياضي بس
انا متعود على الهوندا وكانت لي تجربة سيئة ويا موديلات
نيسان الصني من 93 الى 98 وجربت السيفيك
نفس الموديلين بس لاحظت الهوندا اقوى في كل شىء
ياريت تنصحوني والله تعبت نفسيا وانا محتار
لان صعب علي اترك الهوندا بس عزم الاكورد
ما عجبني احسه ضعيف مقارنة ويا اكثر من سيارة
انتظر نصائحكم التيما او اكورد من ناحية الاعتمادية والراحة
وتوفير الوقود لان احسه الي عندي اشوي تصرف بترول
واخيرا عزم السيارة لان احس الي عندي شوي ثقيلة

انصحوني قبل لا استعجل واشتري التيما
وارد ابغي ابدل السيارة لان احب الهدوء
واحب شىء اسمه سرعة وهذا افتقدته
صراحة بالاكورد في التبديلات الاولى

--------------________________-------------

مشكورين على الردود
بالعكس مقتنع فيها وانا من اشد
المحبين للهوندا بس كنت افكر بالسيفيك
وبعدين اخذت اكورد وكنت قبلا عندي سيفيك
وطبعا معروفين السيفيك من موديل القديم بقوتهم
والقومة قوية فاستغربت من موديل الاكورد الجديد
الشكل فخم وقوي ولكن التناقض ان السيارة في القومة
او التبديلات الاولى بطيئة وبعدين تعتدل سرعته واصير
سريعة وانا من النوع الي احب السيارات الرياضية والاكورد
رياضية ورسمية ولكن ليش مو مقتنع فيها لان احب شىء
اسمه سيفيك وبعدين جربت الاكورد وحبيته لكن ليس
اكثر من السيفيك وقاعد احاول اتعود عليها اكثر واكثر
وفخامته من داخل فخامة غير طبيعية وتحسسك انك راكب
سيارة من الطرازات الفخمة وطبعا سبب شرائي للسيارة
اخذ مشورة الاخرين وعدم تجربة السيارة قبل الشراء
ولكن الحمد لله على كل حال
فالمزعج في الامر ليش جدي ثقيلة في التبديلات الاولى
مع العلم سيارتي لم توصل ل10000 كيلو متر
هل ممكن تتعدل في السرعة والتبديل مع مرور الوقت
هذا سؤالي الي محيرني والسبب الي خلاني اترك الالتيما
جودة المواد الداخلية وكنت اذم في الالتيما لين شفت مقاطع
في النت لسرعة التبديل وهذا الشىء احزنني قليلا لاني
محب للهوندا واشوف السيارات المنافسة في العزم والقوة احسن
من سيارتي الي حبيتها عالشان قوته وعزمه وجودته
اتمنى ما تعبتكم بسالتي

وش تبي بالسفيك ياخوي
انا اقولك افضل مانتجته هوندا في نظري هي الاكورد
انت من المفروض تغير السياره للافضل
يعني من اكورد لكابرس افالون وغيرها
مومن اكورد لسفيك
اذا عشان النظام vsa انا عندي حل بسيط
انك ما تعدي 120 فالسرعه قاتله سواء بالنظام او بدونه

كلها من عائله وحدها بس الاكورد افضل :cool:

بصراحه ألتيما فل ابشن .. ماشاء الله .. وووووووووعه .. وتعجبني وايد ..
ولو فكرت اغير عن السيفيك .. غير التيما ما باخد ..
وهذي وجهة نظري انا بس .. وشخصياً

الصراحة انتا زي الي يقولو قولو طيب عشان اشتريها لاحد يقوول لا :d

تستنا كم واحد يقلك خذلك التيما عشان تقول خلاص حاخذها

والصراااحة اذا تبي سيارة تغيرها بعد سنتين او اقل خذلك اللتيما

لانها بعد مدة تبدا الخربات

ياخوي صحيح السيفيك جيده لكن الانسان يرتقي للاعلى وانا اقولك جرب الالتيما وشوف كيف مريحه ولالا تدخل مزاجك ولالا مافي غير هالحل وبالنسبه للاكورد الجديد تحس عزمه مو ذاك الزود لان وزنها اثقل من الموديل السابق يعني اكيد الـ 6 سلندر ممتازه :)

نصحتي ياخوي بيع الأكورد واشتر سيفيك
وأنا أقول لأي واحد معه أكورد يبيعها ويشتري سيفيك

:cool::p

^^^^^

مو لهدرجه عاد :d

عاشق سيفيك عطني اسباب هل الاكورد
مشاكله اكثر من السيفيك وهل المشي
افضل وهل يسوى واحد ابدل اكورد
بسيفيك اصدق الي قلت ليهم ان ببدل
اكورد بسيفيك اقولون لي بتندم لان
السيفيك صغيرة من جدي قومته اقوى
والباقي لصالح الاكورد
والالتيما شكل يذبح بس ( الكلمة
المعهودة خذه وعقب سنتين المشاكل
بتبدء تطلع ليك) من جدي خفت اجازف
تدري في البحرين الاكورد اشلون منتشرة
بشكل مو طبيعي والسبب الخوف من مشاكل
الالتيما الجديدة بس بعد انتشرت في البحرين
ومشكورين والي عنده نصيحة اخيرة

:d:d:d


اما ابيع الاكورد عشان السيفك


وجهة نظر احترمها

:d:d:d

اقتباس:

---

المشاركة الأصلية كتبت بواسطة ابوزكي

بصراحه ألتيما فل ابشن .. ماشاء الله .. وووووووووعه .. وتعجبني وايد ..
ولو فكرت اغير عن السيفيك .. غير التيما ما باخد ..
وهذي وجهة نظري انا بس .. وشخصياً

---

اشارك ابو زكي نفس الراي:cool::cool::cool:

أنا انصحك تعرض نفسك ع طبيب نفسي :d

طيب لو الاكورد ثقيله مع ذالك تقوم ع السيفك بكل الحالات :p

أجل فاتح موضوع عشان تقول ابغى أبدل سيارتي بسيفك ولا ألتيما ..

انا عارف انت ليش تبغى السيفك ومو عاجبتك الأكورد وتفكر بالألتيما الرخيصه

;)

اقتباس:

---

المشاركة الأصلية كتبت بواسطة هوندا للابد

مشكورين على الردود
بالعكس مقتنع فيها وانا من اشد
المحبين للهوندا بس كنت افكر بالسيفيك
وبعدين اخذت اكورد وكنت قبلا عندي سيفيك
وطبعا معروفين السيفيك من موديل القديم بقوتهم
والقومة قوية فاستغربت من موديل الاكورد الجديد
الشكل فخم وقوي ولكن التناقض ان السيارة في القومة
او التبديلات الاولى بطيئة وبعدين تعتدل سرعته واصير
سريعة وانا من النوع الي احب السيارات الرياضية والاكورد
رياضية ورسمية ولكن ليش مو مقتنع فيها لان احب شىء
اسمه سيفيك وبعدين جربت الاكورد وحبيته لكن ليس
اكثر من السيفيك وقاعد احاول اتعود عليها اكثر واكثر
وفخامته من داخل فخامة غير طبيعية وتحسسك انك راكب
سيارة من الطرازات الفخمة وطبعا سبب شرائي للسيارة
اخذ مشورة الاخرين وعدم تجربة السيارة قبل الشراء
ولكن الحمد لله على كل حال
فالمزعج في الامر ليش جدي ثقيلة في التبديلات الاولى
مع العلم سيارتي لم توصل ل10000 كيلو متر
هل ممكن تتعدل في السرعة والتبديل مع مرور الوقت
هذا سؤالي الي محيرني والسبب الي خلاني اترك الالتيما
جودة المواد الداخلية وكنت اذم في الالتيما لين شفت مقاطع
في النت لسرعة التبديل وهذا الشىء احزنني قليلا لاني
محب للهوندا واشوف السيارات المنافسة في العزم والقوة احسن
من سيارتي الي حبيتها عالشان قوته وعزمه وجودته
اتمنى ما تعبتكم بسالتي

---

بصراحة نفس الحالة سيارتي ماشية 15000

والسيارة ثقيلة

لما امشي من عند الإشارة تتأخر في التغير بس لو ادعس بنزين بقوة تقوم بس المشكلة لو استمريت على الدعس كذا راح تخرب

الشيء الثاني لما اشغل المكيف السيارة تصير ثقيلة زيادة ما ادري ليش

بصراحة متحسف أنا في بالي أنها زي الأكورد 2007 وبعدين عندي سؤال هل المكيف يؤثر على عزم المكينة ؟؟

والأكورد 2007 نفس الطريقة ؟؟

الأكورد أسرع من السيفيك اكيد، بس كقومة و كمتعة بالسواقة، انصحك بالسيفيك، السيفيك *تحسها* اسرع و امتع و انت ماشي، و انا عندي سيفيكتي و الكورد ٠٧ اسوقهم على طول، كمتعة بالقيادة السيفيك..الكورد الاربع سلندر الجديدة تزعجني فيها القومة الضعيفة على الدوار او الاشارة، تحس السيارة بتموت عشان تبدا تتحرك، و هذا شفته بالتست درايف نفس الشي،،

السيارتين حلويين، و كل وحدة لها حلاوتها، غلط انصح بالسيفيك او الاكورد، لان كل واحد له اولوياته..

شوف الاكورد الكوبية الجديدة، رياضية مثل ما تحب، و شكلها حلو،،

بالنسبة للثبات من واقع تجربة السيارتين اتضح ان ثبات السيفيك اقوى من الأكورد .. ( الموديل الجديد القديم مدري عنه

الألتيما الحمرا فل ابشن روووعة .. حتى الأكورد .. :d

^
سامحني اخوي، بس صدقني السيفيك كتير التحكم سئ من الوكالة، الأكورد الجديد كتير احسن، انا اسبوع اسوق الأكورد و اسبوع السيفك يعني السيارتين فاهملهم تمام..

يمكن كل شي جايز :)

الليجاسي حلوة :rolleyes:

*********
السلام عليكــم
*&&&&&&&&*

أخوي .. لكل سيارة مستوى .. ومستوى عزم الأكورد بالنسبه للسيفيكـ .. الفرق بسيط ولكـن لصالح السيفيك ..

لكـل تخيّل فرق الفخامه بين الأكورد والسيفيـك .. :o ..

معقوله الواحد يكون في مستوى وينزل منّه .. أو يبحث عن مستوى أعلى ؟؟


:)

^^^

المسئله مو كذا

يعني الاكورد سياره رسميه

والسيفيك تعتبر سياره شبابيه

:cool:

الاكورد 6 سلندر وبس قوة + فخامه = :eek::cool:

بسم الله الرحمن الرحيم

أما انك تبدل السيفيك بالاكورد فهذي مسألة شخصية
عن نفسي لو يعطوني السيفيك بلاش ما أخذته

اما عن قومة الاكورد فيه فديو لـ civicord جاب الميه بـ 7.9 وهو ستوك
ابحث عنه باليوتيوب

وهذا ابلغ رد:cool: