العزل الصوتي في الأكورد 2009 ؟

السلام عليكم ورحمة الله وبركاته

حبيت أعرف العزل الصوتي في الـ أكورد 2008 هل هو مثل الـ 2007 أكورد

السالفة طويله وعريضه ...

أخوي الكبير ناوي يشتري سيارة وهو محتار بين سيارتين كلاهما نفس المواصفات تقريبا وموديل 2009
:cool: :cool:
V6 ACCORD EX & AVALON LIMETED

والرجال أهم شيء عنده العزل حق السيارة وهدوء المقصوره لأنه كل يوم وهو ماسك خط

طبعا سيارتي 2007 أكورد V6 .... والصراحة العزل فيها لك عليها ... والله مرة واحد دق

بوري بجنبي وأزعجني

المهم حاولت أرفع الزر حق القزاز وتفاجئ إنه مسكر أصلا ... قلت يمكن من فتحة السقف ...

برضو كانت مقفله ... :eek:

عشان كذا أخاف أقول له خذ أكورد ويكون فيها تنسبم ويروح يكفخ فيني :d

برضو في أعضاء من أكثر من منتدى يمتلكون أفالون يسبون في العزل حقها

والله ياشباب ماعمري احترت بين سيارتين زي هذه المرة

ومن ناحية أخرى الأفالون مافيها مواصفات ... غير اللهم ثنتين

1- المفتاح والتشغيل الذكي

2- تدفئة وتبريد المقاعد الأماية

تصدقون بالله ان مسجل الكرولا والكامري MP3 وهي مسجلها عادي ( 6 أوديو سيدي ):confused:

أيضا يقال ان فيها مشاكل في الجير (صوت حنه , مايستجيب , مايبدل بسرعة)


أخيرا ... أرجو من اللي معاه أكورد 2008 وطلع أفالون يفيدنا أيهما أفضل

من ناحية العزل وناحية السيارة بشكل عام :)


ملاحظة: تم إجراء خاصية البحث في المنتدى ولكن لم نستفد بشكل كبير !!

والله مدري ايش اقلك بس اذا كان اخوك يدور عزل الصوت ماله الا BMW او lexus وصدقني ماراح يسمع الي جنبه ...:)

هلا فيك أخوي assassin vip ...

الله يهديك بس ... اللي يسمعك يقول إننا فاشخين على بنك ... الرجال يبي سيارة ماتتعدا الـ 120 ألف وهذه كل السالفة

على العموم شكرا على الإقتراح :)

تبي نصيحتي وانا أخوك خله ياخذ أفالون أحسن له ولا لكسز
لأن أنا معي سيفيك 2008 واليوم موديها الوكاله علشان المشكله
هذي و واحد من أخوياي معه أكورد 2008 لا عزل صوتي ولا هم يحزنزن:rolleyes:

:):(:cool::mad::mad:


حبييييييبي ترى شوف مافي مقارنه بين الإثنين ترى كلها العزل عندها مش ولا بد !!!!!!!!

الله يعطيك العافية عاشق سيفيك 4999 على الرد السريع

في إنتظار باقي الأعضاء :)

السلام عليكم...

بالنسبة للعزل الصوتي
بعض الشباب يقولوا انه أفضل من الموديلات السابقة بشوي
لكن ننتظر أصحاب 2008 و 2009 يعطونا رأيهم أفضل

و أما بالنسبة للإختيار
أشوف إنه يآخذ أكورد أفضل
لأنه سعرها أقل من الأفالون و نفس المواصفات تقريبا و غير كدا شكلها أحلى من الأفالون
ولا تنسى نظام ال Vcm;)

وعليكم السلامْ ورحمةُ الله وبركآتةْ ،،

دامه وصل إلى الأفالون ليمتد

ياخذ أفالون وهو مغمّضْ ،،

يمكن تلقى عِندنا في المنتدى تعصّبْ للأكوردْ ،،

أنا جربت السيارتينْ ،،

وعن نفسي أفضّل الأفالون كـ عازل للصوتْ وفخامة أكثرْ ،،

وأسأل مراقبنا الأخطبوط وبتشوف كيف مرتاح لها ،،

والله اذا بغيت الصراحه الافالون تتفوق في اكثر من نقطه

حجم ووسع

قوه

مواصفات

راحه


لكن لو كان القرار بيدي باخذ الاكورد

بالنسبه للعزل الافالون تتفوق على الاكورد نوعاً ما

الله يعطيكم العافية شباب ... ماقصرتوا :):g:


يس أرجو أن يفيدنا واحد طلع في السيارتين ... أقصد أيهما أفضل من ناحية تنسيم الهواء على سرعة

140 و قساوة المطبات ...


وهل في الأفالون خرابات ... لأن في واحد من الشباب خاله معاه أفالون 2007 يقول إنها زهقته

ويبي يبيعها بأسرع وقت ....


وفي ناس تقول لا ما فيها خرابات ولا شيء .... الواحد يحتار مايدري يصدق مين ... :(


أرجو مساعد اللي جرب كلا السيارتين

صباح / مساء الخير

كيفكم حبايبي

انا عندي اكورد 2008 والعزل فيها جيدجدا واحسن من غيره

واذا على افالون قل اخوك ينحاش منها لان سعرها غالي ومميزاتها لك عليها صح ان سعرها غالي بس

مو على مميزاتها

وخوي اخوي مغير القير بالوكاله طلع فيها خطا مصنعي واكثر من واحد اكدلي هالكلام

ومواصفات لااكورد 2008 و 2009 ماتفرق عن الافالون كثير يمكن فيه مميزات باالكورد مو موجوده

بالافالون يعني قل اخوك يتوكل على الله وياخذ اكورد وانشاء الله ماراح يندم وسعرها مناسب ومميزاتها

حلوه والفرق بين اكورد 2008 و 2009 اضافوا على 2009 مانع انزلاق بس ونزلوا لونين جديده اللي

هي ازرق واعنابي فاتح بالمره

واسف على الفلسفه الزايده

يأخذ أفالون أذا يبي الرحاة الكاملة والكامل الله:cool:

يا خي افلون وانت مغمض :p

ياخوي الافالون عزلها ماادري عنه وبحياتي ماركبت افالون الى بالمعرض

هههههههههه بس من كلام مالكينها انها فيها طقطقه بالديكورات او طقطه بالباب الخلفي
والوكاله تصلحه ويخرب هاذا كلامهم عنها

اما الاكورد انا معي فل 4سلندر ولله عزل خيالي بس مع وجود الهوا لابد منه

وعندي بي ام دبليو حوت وهي بي ام تسمع صوت صقع الهوا بالقزازه الاماميه
بس مهوب عيب هاذا بس اكورد جوده وقوه ورساوه

انا ركبت افلون 2008 عزلها ما عليه حليو

يعني يمكن يصير احسن من الهندا

وما دام اخوك راعي خطووط

خله ياخذ افلون

تحياتي ..

يا انتم تسمعون بالأفالون ,, :d

تراها ما تسوى سعرها ..

خله يا حبيبي ياخذ أكورد 3.5EX والله ولا أحلى منها ,,

بالنسبة للعزل الأفلون فيها تنسيم "مثل اي تويوتا"..:d
برضوا الأكورد فيها تنسيم..لكن لو كنت انا المخير بين السيارات راح اخذ افالون لأنها بنظري فئة اكبر من الأكورد..:)

والله يا اخوي




اسمع


واحد من اخوياي معه افالون ويقول مافيه ازين منها

وواحد ثاني يقول الله يل*نها

وانا معي Lxومسوي حادثين (الله لا يوريك )

وما احس الا باصوات خفيفه وواحد من الجماعه مطلع اكورد فلللللللللللللللللللللل من اول ما طلعها وهو يشتكي من الاصوات اللي فيها



اسمع ترا بين كل 10 سيارات بالعالم وحده منهم خربانه وفيها بلاوي والباقي A+
فلا يقولون الاكورد ولا افالون


هو نفسه وش يرتاح له

خله يروح ويدخل السياره ويشوف وش افخم بعينه ولا اي شي


ومبروك مقدما

الله يعطيكم العافية ... كفيته ووفيته

لمعلوماتك بس :

الاكورد تتفوق على الافالون من ناحية الرساوة والثبات
واسأل اللي جربوا السيارتين

;)

اقتباس:

---

المشاركة الأصلية كتبت بواسطة CIVICORD

يا انتم تسمعون بالأفالون ,, :d

تراها ما تسوى سعرها ..

خله يا حبيبي ياخذ أكورد 3.5EX والله ولا أحلى منها ,,

---

:cool:

اذا ع التنسيم في التويوتا واللكزس بصفة عامه فيها تنسيم ..

حتى الـ LS460 فيها تنسيم بعد الـ 120 من 2007 الين 2008 !! ولا حلوا المشكله ولا هم يحزنون

فما بالك بالافلون ؟!


ماتبغى تنسيم رجاءا لاتفكر في شي ياباني ولا حتى امريكي ابدا ابدا ..

تبغى رساوة وثبات وعزل صوتي لاتفكر الا بالالماني فقط ..

ولا ماتفرق تاخذ اكورد ولا افلون كلهم اخوان وعيال عم ..

واكييد الأكورد اثبت على الطريق من الأفلون مافيها كلام وكلهم بعد 140 تحسهم طايرين :d

لاتدور عزل في ذي الكراتين اليابانيه :

d

المهم شركة BMW مسويه عروض ع سياراتها كلها عشان موديل 2009

خذلك الـ 523 i بـ حدود الـ 170 الف اصرف من مليوون اكورد .. << غاليه صح :rolleyes:

خذها مستعمله موديل 2007 بـ 125 او اقل حتى :) حسب النظافه

مواصفاتها طبعا اتكلم عن الاستاندر :rolleyes:

جلد
فتحة
زنون
نظام idrive المربوط بكل اوامر السيارة من تكييف ووسائل سمعية وحساسات وكمبيوتر السيارة لملاحظة اعطالها ومواعيد الصيانة.
حساسات خلفية
ستارة خلفية اتوماتيكية
مثبت سرعة
قابلية ثني المرايااتوماتيك
مقاعدنص اتوماتيك للظهر ونص عادي لتقديم او ارجاع المقعد
مدخل aux للأي بود ومشغل السيديات الخارجي

وضمان 5 سنوات او 200 الف كيلو ;)


عموما حبيت اوضحلك انو لا الاكورد ولا الكامري المطور عزلها يستاهل انك تسميه عزل :p


دمت بود

اقتباس:

---

المشاركة الأصلية كتبت بواسطة b Unique

لمعلوماتك بس :

الاكورد تتفوق على الافالون من ناحية الرساوة والثبات
واسأل اللي جربوا السيارتين

;)

---

لا .. لا الرجال ماهو حق سرعة و مطارحات ... حتى الـ 140 مايتعداها ... يعني الرساوة


ماتفرق معاه ... شكرا ًلك


أما بالنسبة لموضوعك أخوي Pink Dream ... أنا كنت أفضل ياخذ الأفالون ويبتعد عن الهوندا


قد مايقدر ... وكل هذا من قطعها الزفت .... :mad:


كشافات أكورد 2007 بـ1000 ريال :eek: ( وين عايشين حنا) ... أما الأفالون فسعر الكشاف


فيها حول الـ 300 ريال ماني متذكر بالضبط :rolleyes:


وإنت الله يهيدك تقوللي روح للـ BMW :eek:


أنا بالنسبة لي لو معاي 200 ألف ماروح أشتري BMW الفئة الخامسة ... على طول تلقاني حاجز


LEXUS GS :cool:


ترى الـ BMW شركة فاشله ..:p أي شيء تتوصل فيه من تقنية تحطه في سياراتها بدون دراسه


طويله لهذه التقنية ... ياما ناس معاهم الفئة السابعة تطفي عليهم سيارتهم في وسط الإشارة وما


يحركها غير السطحة ..:15:


تروح للوكالة تقول لهم ليه ... يقوللوك نظام فلان الفلاني تعطل ...


وتسير معاك نفس الحركة مرة ومرتين وثلاثة وفي كل مرة يجيبولك عذر


حتى لو خربت عليك بالغلط ياخي ما حد يعرف لصيانتها غير الوكاله ... وطبعا كل الوكالات هنا


مايحتاج في السعر :a033:


أما اللكزس ... ماشاء الله أحسها أكثر شركة عيوبها قليلة وبالنادر وتعيش معك إلى حد 10 سنين


دون مشاكل ... :onlinelong:


طبعا أنا ما أقران اللكزس بالـ BMW ... بس أفضل المرسيدس عليها من جميع النواحي


الظاهر إني طلعت برا الموضوع ...:confused: بس حبيت أبدي رأي يخصوص هذه الشركة ...


فما أدري في أحد مأيدني و العكس :)

اقتباس:

---

المشاركة الأصلية كتبت بواسطة the Accord V6

ومن ناحية أخرى الأفالون مافيها مواصفات ... غير اللهم ثنتين

1- المفتاح والتشغيل الذكي

2- تدفئة وتبريد المقاعد الأماية

---

ياخي تكفيك هالميزتين ، الاكورد قريب من سعر الافالون ولا فيها ولا ميزه من هالثنتين

انا عندي كورد 2009


فيه صوت هواء بصراحه والعزل فيها سيئ

اقتباس:

---

المشاركة الأصلية كتبت بواسطة نصر القصيم

انا عندي كورد 2009


فيه صوت هواء بصراحه والعزل فيها سيئ

---

وأنـــا كــذلـــكـ نــفــس الــمــشــكــلــة
أمـــا بـالنـــســبــة للأفـــلــــون ماااعنــدي خـلــفــيــة عــنـهاا

اجل الكامري المطوره احسن من الـ Bmw

لاتحكم على الشي ياعزيزي الا لما تجربه !!

آنا ماحكمت من عقلي ... بس في واحد أعرفه شخصيا معاه الفئة السابعة Li745 موديل 2006


تخرب عليه بشكل دائم وتطفي فجأة ...


والوكاله يقولوله غريبه ... ماعمرها مرت علينا حالات زي كذا ...


المهم الرجال باعها وأشترى LS 460 أول مانزلت عندنا في السعودية ...


أنا ما أقول كل سيارت BMW فيها مشكل مصنعية ...


بس من كل 50 سيارة تلقى وحدة مضروبه ...


وأنا مابي أجازف وأدفع أقل شيء 320 ألف وروح اطب في هذه السيارة ...

تقديري ....

أعتقد كلام أخوي the accord v6 صحيح

أنا كانت لــي تجربة طويلة مع الألماني

مرسيدس e320 م2000

مرسيدس 300 se م 93

أتحدى أحد يتكلم عليه من ناحية الرساوة والثبات والعزل الصوتي والمميزات والأنظمة

لــكنها تحتاج لعناية لأنه ممكن يتعطل عليك نظام و تتوهق و أنا أتكلم من تجربة شخصية

أما من ناحية الأمور الميكانكية فهي ممتازة