هلا فعلتها هوندا ..!؟ ميزه رائعه جدا في الأكورد بحاجه الى التأكد

بسم الله الرحمن الرحيم

بصراحه كنت متردد كثير في كتابة الموضوع .. لأني الى هذي اللحظه وأنا مو متأكد 100 % من السالفه الي في بالي ,

السالفه ومافيها ياطوال الأعمار ,,

عندي ولد خالي كان قبل فتره طويله مستأجر أكورد 2007 وماسك فيها خط الرياض - الشرقيه .. المهم انه ضرب عليه كفر ومش متأكده هل هو أمامي ولا خلفي ,, المهم انه ضرب عليه الكفر وكان ماشي 160 .. يقول : والله العظيم ان السياره ماتغير مساراها ولاطلعت عن خطها ولاكأنه صار شي ..

أنا أخذت الموضوع بإهمال نوعا ما لكن مانسيته ,,

الموقف الثاني .. خويي جاني يقول الأكورد فيها ميزه ان الكفر لو انفقع لاسمح الله مايأثر على ثبات السياره ورساوتها ..
ويستشهد بموقف لقريب له انفقع عليه كفر على خط الدمام - الجبيل ويقول انه مالاحظ الا لما وصل الجبيل :confused::confused:

الموقف الثالث .. كنت راجع من الحسا قبل شهر ونص تقريبا وكنت ماشي 100 وسط التحويله الجديده .. المهم كانت فيه تكسيرات في الشارع فأثرت على الكفر وانفقع الكفر الأمامي لكن مالاحظت بأي شي الا ثقل في الدريكسون وصوت الكفر ..

الموقف الرابع .. كنت في الوكاله أغير زيت السياره وجالس أسولف مع واحد معه أكورد 2008 وواحد من موظفين الوكاله .. سألني صاحب ال 2008 : هل فيه نظام حمايه في الأكورد في حالة انه يضرب علي كفر لاسمح الله بخط ؟

رد الموظف الي كان معنا قال ايه , وحلف بالله انه كان رايح الرياض وكان ماشي 220 :eek: وانفقع عليه الكفرالأمامي وقسم لنا بالله ان السياره ماطلعت عن الخطوط البيضاء الي تحدد المسار :eek:

السؤال المحيّر :

هل فيه أحد من الشباب جرب انه ينفقع عليه كفر وتحوس فيه السياره أو لاسمح الله تنقلب أو سمع بأحد يعرفه صارت له مشاكل أول ما أنفقع عليه الكفر ..

اذا لم تسجل حاليا ولا حاله فأنا أشهد ان الأكورد سيارة جباره بمعنى الكلمه وفي طريقها نحو المنافسه الشرسه للتقنيه الألمانيه ,,

أما اذا فيه حالات زحفنيشن وزحلطه فأنا أعيد النظر في دراستي للموضوع :d

أتمنى التفاعل وتقديم كل مالديكم من معلومات بخصوص هذه القضيه ;)

والله شووف يا غالي

<<< اانا مرتين ينفقع علي كفر وانا امشي 160<<ومره امامي ومره خلفي بس ما شاء الله كلها كوووويسه وكلها وانا محمل السياره مالا تطيق <<< كيف اللغه هههههه

بس ما شااء الله ثبااات الى ابعد درجه

وبعدين السياره بالاصل ما تحذف الا اذا السواق نفسهـ << انخرش وفرمل او لف بقووهـ او شي من هالقبييل

أنا صار معاي موقف و أنا في الخط السريع و متجعه من جدة إلى مكة ...
السالفة طول الله عمركم إني هذاك اليوم كنت ماشي في الطرق حوالي الـ 200 و الـ 180 مانزلت عنها .

في نص الطريق لاحظت إن العزم نزل شوي قلت يمكن لأن الوقت ظهر و صيف فالإنتيك راح يسحب هو حار فالعزم بيكون ماش , المهم وصلت لنقطة تفتيش الشميسي و العسكري أشر بيده و قال وقف , أنا قلت عز الله رحنا الحجز . شوي و يقولي العسكري ترى الكفر نايم .

تخيلو ياشباب نزلت من السيارة أطالع الكفر ألاقيه خلاص ما فيه نقطه هوا و ما حسيت إلا بضعف في العزم بس . هذا أنا ماشي عليه بسرعة كبيرة و في جو زي الظهر .

يعني السيارة ماشالله تبارك الله راسية بقوة ...

السلآلآم عليكم

انا اثبت لك واقول ان كلامك ميه بالميه

وانا كنت مع وااحد يقربلي اكورد 2006

كنا رايحين الجنوب من الريااض وانا جاالس ورى السواق

واحنا مااشين والله 180 الا سمعت صوت طقه يعني السوااق مايحس فيهاا

المهم انا شكييت قلت يمكن ويمكن لا قلت صفط خلنا نشوف يقولي انت مجنون يبنشر ولا تزحف ولا شي وترى ماشي 180

قلت وقت صلاه خلنا نصلي ونطمن والله يا شباب وقفنا عاادي والسواق نسا موضوع الكفر قلت انا بشوف والله طلع الكفر مبنشر

لاحسينا بأي زحفه او اصواات عليه كل شيء تماام يمكن بس الطقه والرجه الخلفيه مايحس الا الي راكب وراا


ركبنا الاسبير ووصلنا الطائف


وبس

مشكوور على تنزيل الموضووع

وانا مع كلامك كله ومشككووور

انا كنت اسوق الاكورد حقت خالي 2005 وكنت ماشي 160 حسيت زي الرجة خفيفة طلعت فجأة فقلت خلني اوقف اتاكد يوم نزلت لقيت الكفرمبنشر والله ما حسيت بشي وكل ما قلت لاحد قال نصاب :d

عندي 2005
وفي موديل سنتها انسلخ علي الكفر الأمامي على سرعة بين 140 و 160
رجه بسيطة بالدريكسيون بدون اي اضرار

والله انك صااادق

انا معاي 2008 انسلخ الكفر وانا ماشي تقريبا 140 وماحسيت بيها ابدا

نتائج مرضيه جدا :rolleyes:

يعطيكم ألف عافيه على الردود والتجارب والله لايوريكم مكروه بسيارتكم ’’

ولاتنسون قبل كل شي ان الحفظ بيد الله والشكر له عزوجل على حفظه ورعايته ولا بكلمة (كن) نروح في خبر كان ,, لكن اتخاذ الأسباب مطلوب والحمد لله ان سياراتنا آمنه بعد الله ’’

انا ولله الحمد ولا مرة بنشر علي كفر .... بس صراحة بعد كل هالشهادات أبمشي بدون خوف .... صدق من قال صحيح الهوندا مواصفاتها مو ذاك الزود لكن ميزاتها ثلاث : الفخامة والراحة والأمان :cool:

كفــــو يالأكووورد :cool:

كبرتي في عيني :rolleyes:

السلام عليكم
:/:/:/:/:/:/:/:/:/:/:/:

وأنا أيضاً من أحد المعجبيــن بـثبآت الهوندا أكورد ...

ولكن ماذا عن أصحآب السيفيكـ ؟ :confused: ..

ولـكن يا أخوان .. تفرق كثير جداً يوم انّ الكفـر يبنشر (لأنه يكون بشكل تدريجي)
ويوم ينصلخ (بشكل مفاجئ.. وأحياناً يطير الـكفر ويبقى الجنط .. وهنا المصيبه )
يعني تبقى السياره تمشي على الحديد .. وبس ..!!

(( اللهم لا تبتليــنا ... ))

:rolleyes:
:)

والله يا شباب الحفظ بيد الله عز وجل

والسرعة مافيها خير

لو معك بي ام وانفقع الكفر وانت ماشي 200 وضربت على الفرامل بقوه مع الربشه ولفيت الدركسون راح تحوص فيك
انا مره كانت معي افيو <<<شفر صغيره كفراتها تقول كفرات دباب وكنت جاي من الشرقيه وانسلخ الكفر فجأه كل الي سويته مسكت الطاره بقوه ورفعت رجلي تدريجيا من البنزين وما ضربت فرامل ابد طبعا كنت ماشي 160 او اكثر ليييين نزلت السرعه عن 100 ضربت فرامل عادي حتى لو زحفت اردها بعكسيه<<<<<<<وش عنده بدر عوض:eek:

^^^^^^^
بس فرق بين انك تتعلق بالطاره علشان تمسكها وبين انك تمسك عادي وانت مرتاح;)

'
'
'

بسم الله ابداء

انت تتكلم عن ميزه تمتاز بها الأكورد منذ فتره طويله
الرساوه هي احد اهم العوامل في السياره والتي تجعل السائق اكثر اطمئنان
وعن تجربه اكثر الامور المهمه من اجل الرساوه وعند انفجار الاطار

كلما كبر الجنط وصغرت سماكة الكفر
و
كلما كانت السياره قريبه من الارض زادت رساوه

المهم هذه الامور مهمه لا اكتر السيارات لفقدانها ميزت الرساوه
اما لا الاكورد فـ انا اعتبرها مجرد امور اضافيه

واولاً واخيراً هي ترجع للسائق لو معه دباب بيثبته ;)
و
دمتم في حفظ الله ورعايته

والله انا صارلي موقف على طريق الخرج بنشر علي الكفر وانا امشي 150 تقريبا

ماحسيت إلى بونه قوويه مشيت على عيون القطط وطلع صوت قوي عرفت انه كفر ولا والله مادريت عنه

ماشاء الله شيء جميل والله :)
هنياً لكم ياملاك الأكورد :cool:

اخوي راعي السوناتا السيفيك ارسى من الاكورد شوف قربها من الارض وتصميمها كيف جاي :)

^^^^^^^^^^^^^

لا تعليق .. :d

موضوع ممتاز ويستحق الشكر عليه

لكن لاحظت ملاحظة القليل منكم قد لاحظها

أن أغلب ردود الشباب أنهم يسرعون لدرجة الهلاك

160 -150- 200 - 220


لماذا لماذا السرعة والعجلة بالأمور

قد تصاب بالموت أو كسور أو تكون سبب بموت أحد

:(

اقتباس:

---

المشاركة الأصلية كتبت بواسطة محجوب

^^^^^^^^^^^^^

لا تعليق .. :d

---

لاعلق مو مشكله :d

اذا كلامي خطا وضح لي :rolleyes:

طيب بعلق ... بس مو تفهمني غلط وانا مو قصدي السخرية او التكبر او شي من هالقبيل ...

تصميم السيفيك انسيابي على عيني وراسي ... قريبة من الارض على عيني وراسي ... بس أنها أرسى من الأكورد علشان هالسببين !! ... هذي ما تخش العقل ... يمكن ..اقول يمكن هالحاجتين لها دخل في الرساوة والثبات لكن مو هي الاسباب الرئيسة في موضوع الرساوة بشكل عام ...أمثلة حلوة من الحياة الواقعية : الجيب الرنج روفر : شكلها بعيد كل البعد عن الانسيابية وارتفاعها عن الارض يوصل الى كبوت السيفيك ... لكن ما يختلف اثنين على انها اثبت من السيفيك والاكورد وبمراااحل ... تقريبا نفس الكلام ينطبق على سيارات ثانية مثل الرولز رويز او انواع البي ام دبليو والمرسيدس وجيب البورش وغييييييييييييييرها ...

خلنا نكون عقلانيين ... الرساوة والثبات تعتمد على حاجات كثيرة غير اللي ذكرتها منها وزن السيارة وحجمها ونظام التعليق ومنظومة الدفع وأنظمة الثبات وممرات الهواء في السيارة(من جهة الشبك الامامي والسفلي .. وحول الاطارات انتهاء بالصدام الخلفي) .. وحاجات كثيرة وصولا الى نوعية كفرات السيارة وتصميمها ... ....... انا مو خبير في هالسوالف لكن بكل صراحة انا جربت اكوردات من جميع الموديلات على الخط منها 95 و2001 و2004 و2007 و2008 ..... وجربت سيفيكات موديل 2005 وموديل 2006 .... وبصراحة الكفة تميل لصالح الاكورد في الرساوة ... السيفيك ممتازة بالنسبة لقريناتها من الشركات الثانية لكن صغر حجمها يخليك تحس بكل شي في الطريق مثلا اذا الهواء جاي عكسك او مايل تحس ان السيارة تميل معاه او تثقل .... او اذا تمر جنب شاحنة تحس ان السيارة تميل مع ان الدركسون ثابت للأمام ............. كلامي من واقع تجربة وأرجو أنك ما تزعل منه .. :rolleyes:


سلااااااام..

:cool:
أنا صار لي موقف بعد بس ما يحتاج أقوله لأنه نفس المواقف السابقه :d ما في شي أزيده

اقتباس:

---

المشاركة الأصلية كتبت بواسطة محجوب

طيب بعلق ... بس مو تفهمني غلط وانا مو قصدي السخرية او التكبر او شي من هالقبيل ...

تصميم السيفيك انسيابي على عيني وراسي ... قريبة من الارض على عيني وراسي ... بس أنها أرسى من الأكورد علشان هالسببين !! ... هذي ما تخش العقل ... يمكن ..اقول يمكن هالحاجتين لها دخل في الرساوة والثبات لكن مو هي الاسباب الرئيسة في موضوع الرساوة بشكل عام ...أمثلة حلوة من الحياة الواقعية : الجيب الرنج روفر : شكلها بعيد كل البعد عن الانسيابية وارتفاعها عن الارض يوصل الى كبوت السيفيك ... لكن ما يختلف اثنين على انها اثبت من السيفيك والاكورد وبمراااحل ... تقريبا نفس الكلام ينطبق على سيارات ثانية مثل الرولز رويز او انواع البي ام دبليو والمرسيدس وجيب البورش وغييييييييييييييرها ...

خلنا نكون عقلانيين ... الرساوة والثبات تعتمد على حاجات كثيرة غير اللي ذكرتها منها وزن السيارة وحجمها ونظام التعليق ومنظومة الدفع وأنظمة الثبات وممرات الهواء في السيارة(من جهة الشبك الامامي والسفلي .. وحول الاطارات انتهاء بالصدام الخلفي) .. وحاجات كثيرة وصولا الى نوعية كفرات السيارة وتصميمها ... ....... انا مو خبير في هالسوالف لكن بكل صراحة انا جربت اكوردات من جميع الموديلات على الخط منها 95 و2001 و2004 و2007 و2008 ..... وجربت سيفيكات موديل 2005 وموديل 2006 .... وبصراحة الكفة تميل لصالح الاكورد في الرساوة ... السيفيك ممتازة بالنسبة لقريناتها من الشركات الثانية لكن صغر حجمها يخليك تحس بكل شي في الطريق مثلا اذا الهواء جاي عكسك او مايل تحس ان السيارة تميل معاه او تثقل .... او اذا تمر جنب شاحنة تحس ان السيارة تميل مع ان الدركسون ثابت للأمام ............. كلامي من واقع تجربة وأرجو أنك ما تزعل منه .. :rolleyes:


سلااااااام..

---

يب تميل شوي وبعدها تحسها تثقل لكن هذا مايعني انها ريشه او ان الاكورد ماتميل بعد ولكن السيفيك سياره ممتازه بكل المقاييس وجيب لي سياره في نفس فئتها فيها كل هذي الراحه والرساوه والهدوء بالخط ماشاء الله ;)

ولكن اغلب كلام مهندسين الصيانه والمعرض يقولك السيفيك ارسى في الخط :rolleyes:

انا ملاحظتي واستغرابي من راعين ال2008 كيف الكفر ينسلخ وهي مالها كم شهر معك!

اقتباس:

---

المشاركة الأصلية كتبت بواسطة King

موضوع ممتاز ويستحق الشكر عليه

لكن لاحظت ملاحظة القليل منكم قد لاحظها

أن أغلب ردود الشباب أنهم يسرعون لدرجة الهلاك

160 -150- 200 - 220


لماذا لماذا السرعة والعجلة بالأمور

قد تصاب بالموت أو كسور أو تكون سبب بموت أحد

:(

---

أعجبني ردك أخوي King

والله لو الواحد يفكر ويحسبها صح أن يعرف انه ما راح يستفيد من هالسرعات الجنونيه
أعرض نفسي والناس للخطر عشان اوصل بفرق ربع ساعه أو نص !!

الله يهدي الجميع

^^^^^

كلامك صحيح مادري ليه الواحد مايفكر بعقل !!

الله يهدي الجميع ان شاء الله :)

اقتباس:

---

المشاركة الأصلية كتبت بواسطة meshoo

يب تميل شوي وبعدها تحسها تثقل لكن هذا مايعني انها ريشه او ان الاكورد ماتميل بعد ولكن السيفيك سياره ممتازه بكل المقاييس وجيب لي سياره في نفس فئتها فيها كل هذي الراحه والرساوه والهدوء بالخط ماشاء الله ;)

ولكن اغلب كلام مهندسين الصيانه والمعرض يقولك السيفيك ارسى في الخط :rolleyes:

---

اذا تروح تسأل عن السيفيك أكيد الموظف رح يقول لك الكلام اللي يحب يسمعه الزبون .... جرب رح الوكالة كأنك بتشتري أكورد واسأله أي أحسن في الخط هي لو السيفك بيقول الأكورد ولا عنده فيها وخل أي أحد يسأله بعد يوم عن السيفك واسمع الكلام الزين .....:p

يا ميشو افهمني .... انا مو قصدي السيفك مو راسية بالعكس رساوتها ممتازة بس لما تقارنها بالأكورد تتفوق الأكورد ... هذا قصدي وبس.. واختلاف الرأي لا يفسد في الود قضية;)

وبالنسبة لأخوي سيتي ... ترا في ناس تمشي السيارة في الشهر 10,000 كيلو يعني لا تستغرب شي

^^^^^
بختصار كل سياره رساوتها على قد حجمها المقصود الاكورد والسيفيك وبالاخير كلهم اخوان من ابو واحد :p

واقولها وكلي ثقه مصير السيفيك تتفوق على الاكورد :cool:

موضوع جميل وإبداع من هوندا!

حيو الاكورد وحيو السيفيك والمهلي ما يولي :d

اقتباس:

---

المشاركة الأصلية كتبت بواسطة أسد

أعجبني ردك أخوي King

والله لو الواحد يفكر ويحسبها صح أن يعرف انه ما راح يستفيد من هالسرعات الجنونيه
أعرض نفسي والناس للخطر عشان اوصل بفرق ربع ساعه أو نص !!

الله يهدي الجميع

---

بصراحه أشكرك من كل قلبي

لدعمك لردي بخصوص السرعة

وصدقت والله بقولك

القليل منا يفكر بعقلانيه

صحيح أننا كلنا نخطئ ونفعل أشياء جنونيه

لكن العاقل ان يتعلم من خطأه ويتخذ العبره من غيره

تحياتي

والله انا صار لي موقف الاسبوع الماضي وصدقت ان الاكورد ثابت محله
انا صبني بنشر وانا داخل الدوار ومشيت عادي وامشي 130 ولم وصلت المحل الي ابي اروح ليه لقيت التاير مبنشر و عادي السيارة الحمدلله ما تغير فيها شي:cool:

ما عندي شي اقوله
الا
الحمد لله على السلامه

2007 سته سلندر

كفر امامي صيني

انسلاخ على سرعه فوق 190

ويادار مادخلك شر

رجه خفيفه بالطاره + خساره الجنط من ضربه في عيون القطاوه + والسياره مسيطر عليها بسهاله

والثقه فيك كبيره يالاكورد

2009 بالحووش واقفه

كبرت في عيني ولله

المفروض تسما فولفو اليابان؟؟؟

بس المفروض تطلع علامه انك مبنشر لان خطر انك تكون ماتدري عنها

صح انها تريحك بس خطر على الاقل هزه تبين عشان تقدر تتحكم

موضوع جميل بارك الله فيك ^_^

أخي meshoo لا أزيد على ماقالهُ محجوب

ولاكن لو سألت جميع الذين قالو تجاربهم على الأكورد في الردود السابقه
من أرسى الأكورد أو الأودي سيقولون بكل تأكيد الأودي

فليس يعني أنك تمتلك سياره هي أحسن سياره بين السيارات
ولاكن لا يمنع أن تكون أحسن سياره في نظرك ^_^

وهذا هو المطلوب (فالقناعه كنز لايفنى)

انااا بصرررررراحة قريت رد رد وبصراااحة ميزة حلوة في لاكورد ولكن رحت قلت الى احد اصحابي وقال لي هذا الميزة موجودة في كل اليسارات :confused: قلت لة كيف قال تعرف فلان قلت لة الي عندة كورلا؟؟؟ قال لية اي
قال لي هذاا بنشر علية كقر ومشى مشى وماوقف الى في البلد ولما وقف حس الى الكقر مبنشرررررر طول الطريق ماحس :( على حسب كلام صاحبي الكورلامديل 2005 فيها هذا الميزة؟؟؟؟:eek:

حتى الصني وكل السيارات الألمانيه فيها هالميزة :rolleyes::rolleyes:.
ياعيال مال امها داعي لا يجون حقين المنتديات الثانيه ويضحكون علينا ترى نتكلم عن أكورد مب بي ام!

انا سمعت ان الاكسنت ينسلخ عليها الكفر على 200 ولا تحس فيه

صح عزوز :d

انا اشهد انك يالاكورد سياارة



اكورد رمادي