طريقه شبك الأيبود على سمعات السياره على طول وبوضوح عالي وايضا القدره على مشاهده الفديو كليبات والتحكم في الأيبود من غير الحاجه الى المسجل ((سهله وفي منتاول الجميع)).
سلام عليكم جميعا
انا واحد جديد مررررررره في المنتدى
لكن عندي خبره عن الأيبودات وقلت خللني افيد اخواني الهنداويين
انا واحد معه هوندا 2006 طيس وفتحه <<اموووت على الطيس يا شيخ
طبعا بعد سنه من المحاولات الفاشله في البحث على طريقه تخلليني اقدر اشغل الأغاني في الأيبود على سماعات السياره بوضوح الأيبود اوالكمبيوتر, اخيرا لقيت طريقه من اختراعي ويمديك تسويها في اي سياره تقريبا والأشياء اللازمه :
1- تشتري جهاز يسمى امبليفاير النوع الكبير ((اللي يشغل على اربع سماعات مو ثنتين بس )) (يوجد في جميع محلات المسجلات وايضا يوجد في اكسترا و الكترو وسعره من 350 الى 400 ريال(هذا سعر نوع اكسبلود سوني, لكن فيه انواع ارخص وتسوي العمليه نفسها)
http://www.flashfp.net/uploader/modu...e3958659ea.jpg
2- تشتري سلك تشغيل فديوات الأيبود على التلفزيون (تلقاه في المحلات المشهوره ببيع اكسسورات الأيبود ومنها : اكسترا ,ابل سنتر(الرياض والخبر), كمبيو مي.وغيرها الكثير
http://www.flashfp.net/uploader/modu...053c5755fa.jpg
سلك الأيبود هي الثلاثه البيضا
3- تشتري شاشه سياره ((اختياري ))اذا تحب تشوف فديو كليبات ,بس انتبه لا تسرح وتصدم ونبلش بك ,انا شاشتي شريتها من اكسترا ونوعها ((newstar))
شرح التركيب:
اولا اللأمبلفاير : طبعا صعب تركيبه اذا انت تبي تركبه بنفسك , لكن جميع المحلات المتخصصه يركبونه لك
ملاحضه هااااااااامه : خللهم يحطونه تحت مقعد الراكب الأمامي ,لأنه لو حط ورا في الشنطه ما راح توصله الأسلاك , وايضا خللهم يشبكونه على جميع السماعات الأربع ((قدام وورا))وليس ثنتين منهم فقط
ثانيا سلك الأيبود :الصور:
الله يسلمك راح تشوف في الأمبليفاير اربع فتحات ثنتين بيضا وثنتين حمرا , اشبك سلك الأيبود الاحمر والأبيض في الفتحين البيضا ((انا مسوي كذا )).ولا يهم الترتيب , وهالشي راح يخلليك تشغل اغاني الأيبود مباشره من الأيبود اللي في يدك على سماعات السياره دون الحاجه حتى الى تشغيل المسجل
قبل الشبك:
http://www.flashfp.net/uploader/modu...9acea574d2.jpg
بعد الشبك :
http://www.flashfp.net/uploader/modu...bda958cd29.jpg
ملاحضه : لا تخاف المسجل تقدر تشغله متى ما تبي حتى مع الأيبود في نفس الوقت لأن كل واحد منهم مشبوك في فتحته الخاصه فيه فا عادي يشتغلون سوا لكن لو كان مسجلك مشبوك في الفتحات الحمرا والبيضا افصله واشبك بداله الأيبود واذا بغيت تشغل المسجل افصل الأيبود واشبك المسجل .
ثالثا : الشاشه ((اذا تحب))http://www.flashfp.net/uploader/modu...ceac299a97.jpg
الله يسلمك حاول انت تشتري شاشه يكون معها سلك طويل زي اللي تحت او ريح عمرك واشتر نفس نوع حقتي (newstar) من اكسترا وبيجي معها السلك
http://www.flashfp.net/uploader/modu...8734079b7b.jpg
طبعا السلك الأبيض والأحمر حقت الشاشه اسحب عليها لأنك اصلا قد شبكت سلك الأيبود الأبيض والأحمر على سماعات السياره ,فا خل سلكين الشاشه الاحمر والابيض غير مشبوكه في اي شي
لكن السلك الأصفر حق الشاشه اشبكه في السلك الأصفر حق الأيبود زي كذاhttp://www.flashfp.net/uploader/modu...daa7d51a0c.jpg
واشبك فيش الشاشه في الولاعه اللي جوا المركى اللي في النص ((الاكورد2006 ))
وكذا تقدر تمسك الأيبود في يدك وتقعد تدور في ذا الاغاني وتشغل اللي تبي
واذا حبيت تشغل فديو كليب ما عليك الا انك تختار الفديو اللي تبي وتحط وضع تشغيل الأيبود في مخرج التلفزيون on
النتيجه النهائيه :
http://www.flashfp.net/uploader/modu...7faf2dedf8.jpg
فديو كليب الواوا ((اللي بس يبي يعرف))
الاشياء اللي انا استعملها وسعرها
ومحل ما اشتريتها :
1- ايبود 30 قيقجا (1300ريال)(كمبيو مي)
2- سلك تشغيل التلفزيون حق الأيبود (100 ريال<<غالي جدا لكن فيه انواع ارخص بكثير )(شريته من ابل سنتر )
3- امبليفاير سوني اكسبلود (400 ريال) ( شريته وركبته عند رد كاب على شارع الضباب –السليميانيه )
4- شاشه نيو ستار(400 ريال)(من اكسترا )
ملاحضه هامه : ترا الأسعار اللي حطيتها هي اغلا شي ممكن انك تلقاه في السوق
يعني بأمكانك انك تلقا هالأشياء ارخص 50% او كثر من اللي انا شريته <<ما يعرف يكاسر
عيوب وميزات هالحركه اللي فوق:
الميزات :
1- تشغيل الايبود على السماعات على طول والتحكم فيه بدون الحاجه لمسجل السياره
2- تشغيل الفديو كليبات والأفلام سوا على شاشه الأيبود او على شاشه السياره
3- وضوح الصوت عالي جدا ((زي ما تشغلها على الكمبيوتر او زي السيدي ))
4- مريح ولا يحتاج مساحه كبيره
5- يمديك تحط الأيبود وين ما تحب : في حضنك ,على المركى , في حامل الكوب, على الطبلون ,في مسكه باب السواق <<عشان محد يلعب في ايبودك , او في اي محل ثاني تحبه
6- مسجل السياره هو هو ما يتغير فيه اي شي ابدا ولا يتأثر
العيوب:
بالنسبه لي هو عيب واحد ما له اهميه لكن لازم نقوله :
مثلا اذا كان عندك اغنيه فيها طبل يدق في السماعات اللي على اليمين وطبل يدق في السماعات اللي على اليسار
في هذي الحركه الطبل اللي على اليمين يصير على السماعات اللي قدام والطبل اللي على اليسار يصير على السماعات اللي ورا
واللي ما فهم هذا العيب ما يحتاج لأنه ماهو بذيك الأهميه علما بأن المسجل ما راح يصير له اي تغير سواء قبل او بعد التركيب
اتمنى ان شرحي كان وافي واللي عنده اي استفسار يكتب رد
او اذا سحبت عليك في المنتدى هذا ايميلي واضفني على المسنجر ((ما افتح ايميلات ))
الأيميل mhaster87@hotmail.com
