محتار بين الاكورد والاوريون

بسم الله الرحمن الرحيم ،،
السلام عليكم ورحمة الله وبركاته ،،

كيف حالكم يالاعضاء ؟ عساكم بألف خير ..
اخواني انا محتار بين الاكورد 6 سلندر فل اوبشن وبين الاوريون فل اوبشن ..

طبعا ً الاكورد مخمل 6 والاوريون بدون شاشة ، ومحتار حيره الله لا يوريكم ..
انا راح اذكر مواصفات السيارتين طبعا ً اهم المواصفات وعطوني رايكم ..

الاوريون
1- تشغيل زر
2- قير تبترونيك
3- 6 سيديات مع خاصية Mp3
4- حساسات مع نظام غسيل الانوار

الاكورد
1- المكينة بنظام تحكم السلندرات
2- 6 سيديات مع خاصية Mp3 & Wma
3- الصناعة اليابانية


طبعا ً الشيء الي خلاني اتردد في الاكورد هو انتشارها السريع ..
بغيتكم تنصحوني ايش الافضل وليش ؟ ..

لحد يجي ويقول اني كاتبه في منتدى هوندا اكيد الكل بيقول اكورد ..
ابي آرائكم ولا احد يبخل علي بأي معلومه او اضافه ..


،، وشكرا ً ،،

أول شي تسويه

انك تستخير ربك ( بكل الأحوال )

وثاني شي ماعليك من كلام الناس

ولو تسمع كلام الناس كان تبي تحتار أكثر

واحد يقول خذ أكورد والثاني يقول أوريون

انا ماراح أقولك الأفضل

بس لو من مكانك كان أخذت أكورد من دون شك

------------

بالتوفيق

صحيح كلامك يالـ King ..
ورضى الناس غاية لا تدرك ..

الف الف شكر لك يالغلى على الرد السريع وعلى كلامك الي يشرح الصدر ..
وان شاء الله ربي يوفق ويسهل علي وعلى جميع المسلمين ..

رح وانت مغمظ وخذ اوريون صراحه سياره اوكي

ويش رايك تجربهم أول يكون أحسن:)
لكن القرار يعود لك في الأخير :)
أتمنى لك التوفيق
وتاخذ إلي يعجبك إن شاء الله
تــحــيــاتــي

Mr.M
الف شكر على رايك ، ويعطيك ربي الف عافيه ..

Jack
لو يحصلون عندي كان جربتهم وارتحت ..
بس وين الي يتبرع ويخليني اجربهم علشان اقرر ..

ويقولون اذا جربت السياره تروح متعتها
ما قصرت على ردك اخوي ، وتسلم يالغلى على هالمرور ..

^^^^^^^^^^^^^^^^

المشكلة اني ما ادري انت من اي منطقة في السعودية ... عالعموم انا خبري ان في الشرقية فرع الدمام في اكورد 6 سلندر حق جربة القيادة ... بس ما ادري عن باقي الفروع .... اما الاوريون اذا ما تعرف احد عنده السيارة فهي منتشرة شوي في محلات الايجار وتقدر تستأجرها يوم كامل وتجربها على كيف كيفك ......... على العموم ... بالنسبة لي انا افضل الاكورد على الاوريون لعدة اسباب .... الاوريون تحس جودة صناعتها خفيفة والديكور فيه اصوات من وكالتها وهالكلام عند اكثر من صديق لي اما الاكورد فصناعتها يابانية ومعروفة بالجودة... ثاني شي من ناحية شكل وديزاين الديكور الداخلي فـ الأكورد احلى بكثييير اما الاوريون نفس ديكور الكامري ... ولا تنسى توفير الوقود بالنظام الموجود في مكينة الاكورد ........ افضل ميزة في الاوريون قوة عزمها وسرعتها ...لهذا اذا انت ما يهمك امر السرعة والمقاوم انصحك وبشدة بالاكورد :)

لو مكانك بأخذ اكورد وانا مغمض:cool:

خل عندك الاوريون:p

السلام عليكم

بصراحة انا افضل الأكورد لثلاث حاجات :

أولاً : الأكورد صناعة يابانية .. أما ألأوريون استرالية ..

ثانياً : الأكورد مواصفات داخلية وخارجية روووووووووعة أكثر من الأوريون
(( الفرق ان الأوروين فيها زر التشغيل .. وباب السائق والشنطة بالبصمة ))

ثالثاً : الأوريون بصراحة هي نفس الكامري (( من الجنب ومن الداخل )) تشبه الكامري بشكل كبييييييييييير
وانا قريب لي واحد معاه كامري 2007 (( شاشة ))

لكن الخيار لك أخي الكريم والله يوفقك

ومبروك مقدما

محجوب
انا الله يسلمك من الشرقيه ، تحديدا ً بالاحساء والصراحه ردك وسام في صدري ..

دامك قلت ان في بالدمام تجربه للـ 6 سلندر ممكن تتأكد الله لا يهينك علشان المشوار ..
والاوريون من ناحية اجار ما اظن اني راح احصل على فل اجار (تراها مو لكزس) ..

تسلم يالغلى على ردك والله ان ردك وراني اشياء كنت غافل عنها ، الف شكر يالغلى ..
وبعدين انا مجنون سرعه بس ما اقدمها على الشكل والفخامه ، تراهم اولى من السرعه ..

ارجع مره ثانيه واشكرك مرره على ردك المتواضع ، ولو بيدي احط لك عشرين شكرا ً :rolleyes: ..

--------------------

@ اكورد وبس @
تسلم يالغلى على ردك ، ومرورك اسعدني وافرحني عساك دوم فرحان ..


---------------------

ABO_HOSIN
كل كلامك الي قلته صحيح ولا فيه اي نسبة من الغلط ..

بس لو تدقق بالمواصفات تلقى الاثنتين متقاربين مع فرق بسيط بينهم ..
الف الف شكر على هالطله الروعه والمرور المذهل ، تسلم يالغلى ..

مثل ما قالو الاخوان اول شي استخير الله سبحانه وتعالى في كل الامور وتاني شي انا مجرب التويوتا ومجرب الهوندا فررررررق السما عن الارض من حيث الرساوه وجوده المواد الداخليه ويكفيك انك بتشتري ياباني اصلي مو استرالي والخيار راجعلك والله يوفقك ومبرررروك مقدما ويعطيك خيرها ويكفيك شرها

accord king of road
الف الف شكر لك يالغالي على ردك المميز ومرورك السريع ..

ويوفقك ويوفق المنتدى يارب ، الله يبارك في حياتك وجزاك ربي الف خير ..

(الاوريون تحس جودة صناعتها خفيفة والديكور فيه اصوات من وكالتها وهالكلام عند اكثر من صديق)
فعلا
أنا معي أوريون قيها أصوات ديكور
أنا جربت السيارتين بس الهوندا أربعه لذا لاأملك
القرار لك

تسلم اخوي ابو مرام على الافادة ..
بس دامك جربت الاكورد والاوريون عطني رايك بالافضل ..

حتى لو الاكورد 4 سلندر يكفي انك جربت السيارتين وعلى علم بالافضل ..
الف شكر على ردك يالغالي واتمنى منك ترجع وتنور الموضوع ثانية ..

السلام عليكم,,,,,:d

لو مكانك بأخذ اكورد وبس.....:cool:

أكشن
وعليكم السلام ، يالله حي عيال عنيزه واهلها ..

تسلم يالغالي على ردك ، والف شكر على هالمرور ..

صراحة لو تبغى العزم خذ الأوريون بس لو تبغى الرساوة والفخامة والأمان خذ الأكورد
والله يوفقك.

خذ الاكورد افضل باكثير ^.^

اقتباس:

---

الاوريون
1- تشغيل زر
2- قير تبترونيك
3- 6 سيديات مع خاصية Wma + Mp3
4- حساسات مع نظام غسيل الانوار

الاكورد
1- المكينة بنظام تحكم السلندرات
2- 6 سيديات مع خاصية Mp3 & Wma
3- الصناعة اليابانية

---

^^

تعديل بسيط بالصيغ الموجوده بمسجل الاوريون :)

ثانيا استغرب الردود اللي تقول لو تبي رساوة خذ الاكورد .. وكأن الاوريون مهي راسية :mad:

الاوريون و بشهاده اثنين اولاد عم واحد معاه اكورد 2008 و الثاني اوريون 2008

ان الاوريون ارسى من الاكورد .. والسبب ( الاوريون اثقل + مهبطة شد بلد + كفرات مفروشه )

ورساوة الاوريون لا تقارن برساوة الكامري اطلاقا .. لاني مجرب الكامري وفرق السما عن الارض مع الاوريون

ثالثا .. الجوده الداخلية للاوريون ممتازة .. لكن سبب صوت ديكور الجير هو ان الديكور مكون من 6 قطع هي اللي تسبب الصوت

مع العلم ان الصوت مو عند الكل .. بس عدد قليل وغالبا من ملاك 2007 و قليل من الدفعه الاولى من 2008

رابعا صناعه الاوريون يابانية لكن بتجميع مصنع تويوتا الموجود باستراليا

والدليل على جوده المصنع ... الكامري من موديل 99 وهو باستراليا وماشاء الله عليه تلقاه بكل مكان :cool:

انا ماراح اقولك خذ الاوريون ولا خذ الاكورد ..

انا بقولك استخر ربك وجرب السيارتين .. وموفق بالاختيار :)

ما هو معيار الرساوه في أوريون ؟
وما هي انظمة الرساوة فيها ؟

اكورد سته سلندر يوجد بعا نظام Vsa لثبات السياره في المنعطفات بينما لا يوجد هذا الشيء في أوريون ...

الأوريون سياره عزمها جبار وسرعتها قاتله لعدم توفر احتياطات السلامه مثل نظام ثبات المركبه ..

في الأول وفي الأخير استخر ...

وترى كل سياره لها مواصفاتها .

^^^^

للاسف كلام من غير دليل

انا مجرب سيارتي الين الفصله الالكترونية 235 .. والرساوة ممتااازة جدا وهذه بكفرات يوكوهاما فما بالك لو ركبت الميشلان ولا البرجيستون ..راح تزيد الرساوة بشكل افضل

اما بالنسبة لأنظمة الاوريون كالتالي ( طبعا في انظمة ثانية خاصة بالرفاهية و الفخامة ماراح اكتبها لانو مالها دخل بالسلامة)

1- VSC وهو نظام التحكم في ثبات المركبة

*يساعد هذا النظام السيارة على ثباتها داخل المنعطفات من خلال تخفيف الانزلاق الجانبي للعجلات اثناء المنعطف مما يجعل التحكم اكثر راحه و يقلل من توتر السائق...

2- ABS اشهر انظمة الفرامل وهو غني عن التعريف...

*نظام الفرامل الرئيسي للأسطوانات الواحده خلف الاخرى هو نظام هيدروليكي يتمتع بنظامين فرعيين منفصلين..واذا تعطل احدها سيستمر الاخر بالعمل ألا انه سيكون من الصعب ضغط دواسة الفرامل...

كما انه ستظهر علامة انذار بشاشة المعلومات...

*جهاز منع احتباس الفرامل مصمم لمنع اقفال العجلات اثناء التوقف الفجائي او التوقف على سطح طريق زلقة. وهذا يساعد في تأمين الأستقرار الاتجاهي وتوجيه عمل المركبة تحت هذه الظروف...

* يصبح نظام ABS جاهزا للأستخدام بعد ان تصل السرعة الى 10 كلم ويتوقف تحتها..

*قد تسمع صوتا او تقطع صوتي في مقصورة المحرك لعدة ثواني عند تشغيل المركبة او حالا بعد التشغيل وهذا يدل ان ABS في وضع الفحص الذاتي ..ولا يدل على وجود عطل...

3- Break Booster ( معزز الفرامل)...

*يستعمل هذا النظام فراغ المحرك لدعم المكابح بالطاقة...فأذا توقف المحرك وانت تقود مركبتك فقد تستطيع توقيف المركبة عن طريق ضغط دواسة الفرامل بصورة عادية...حيث يوجد هناك ما يكفي من الفراغ الاحتياطي

4- EBD نظام توزيع الفرامل الالكتروني...

*يعمل هذا النظام على توزيع قوة كبح الفرامل على العجلات الاربع وذلك اعتمادا على حمولة المركبة وظروف الطريق والسرعة...

حيث انه كلما ازدادت حمولة المركبة زادت قوة التوزيع والكبح على العجلات الخلفية وكلما قلت الحمولة خف الكبح عليها

5- HID نظام التفريغ عالى الشدة

*هذا النظام يعتمد اضائة الهالوجين و الزنون بالأنوار الامامية والتي تتيح رؤية واضحة للسائق ولا تسبب ازعاجا للمركبات القادمة من الاتجاه المعاكس..

كما انه لا يستهلك الكثير من الطاقة - فقط 35 واط - بل على العكس يتسبب بتوفيرها حتى ثلاث مرات مقارنة بأنوار الهالوجين التقليدية :

6- SRS نظام الكبح الاضافي

يعمل هذا النظام بالتزامن مع الوسائد الهوائية وهو يساعد على كبح احزمة الامان بصورة اسرع منها بدون هذا النظام...

7- WIL نظام تخفيف الاصابة

*يعمل على تخفيف الاصابة اثناء الحادث - من خلال اختبارات التصادم - وذلك لمعرفة اكثر اجزاء السيارة خطورة على الركاب.. وتدعيمها بمواد اكثر صلابة من بقية اجزاء السيارة...

8- GOA التقييم العالمي لهيكل السيارة

*تم تطوير هيكل السيارة الخاص بتويوتا على اساس معايير السلامة الخاصة بالسلامة و التى تفوق معايير معظم البلدان حول العالم...

9- 8 ايرباقات متوزعه بكامل السيارة من الداخل

::::

اعتقد كده كلامي يكفي لكل المشككين بالاوريون :p

وسلامتكم .. :)

ما عندي علم بالأكورد الستة..بس الأكورد الأربعة سلندر الجديدة، تسارعها جدا ضعيف...تسارع السيفيك افضل كتير، السيارتين بالكراج و كل فترة اسوق وحدة..ما بتحس بمكينة الأكورد الا فوق ال ٨٠...

الآكووووووووووووووووووووووووووووووورد ولآ تفكر بعد
أولآ تحس انك دافع مبلغ فيها... لآنه لو بتركب أللآوريون وتركب الموديل القديم أخس درجه مبتحس بالفروقات
هذا سبب وثاني شي سعرها موب فيها الاوريون من جد كلش تفشل اما الاكورد تحس انك دافع فيها لو بتركب الدرجه الاولى بتحس انك دافع مبلغ واذاركبت الي تحتها بتحس دافع أقول من مبلغ الدرجه الاولى
.
.
وثاني شي تويتا نصاااابه متغليا في الآسعار
.
وفي البدايه والنهايه شي يراجعلك

اقتباس:

---

.

---

اقتباس:

---

وثاني شي تويتا نصاااابه متغليا في الآسعار

.

---

واااضح و الدليل

http://www.hondaarabia.com/club/showthread.php?t=13662

+

سعر فل الاكورد 4 سلندر = سعر فل الاوريون 6 سلندر بدون شاشة

معليييييييييييييييييييييييييييييش احط مبلغ زي ده على 4 سلندر مخبووول انا

طيب نسيت شغلة ثانية .. مين بيمسك سعره بعد 5 سنوات ;)

تويوتا = شيك بالجيب :cool:

الله يعينك تتعب شوي وتحوس لين تقتنع

شوف طال عمرك في موقع مابي اقول أسمه خاص بـــ تايوتا مادري هو مسموح اقوله ولا لا المهم

1- شوف هنا بالنادي واقرأ عن الاكورد والأفضل تجربها من الوكالة

2- تزور الموقع الخاص بتويوتا وتدخل قسم الاوريون وتقرأ عنها وتاخذ فكره اذا مشاكلها كثيرة او لا وقابلة للأصلاح او لا.

وشوف احد عنده اوريون من اخوياك واطلب تجربها ومايمنع تمر الوكالة تشوف عندهم سيارة تجريبيه ولا لا.

يارجال خذ الاكورد وانت مغمض

بصراحه هي احسن من الاوريون

واذا تبي نصيحتي جرب السيارتين واحكم

وتذكر ان الرساوه والامان لصالح الاكورد

وهي من آمن 36 سياره في العالم بحسب كلام الامريكان

ولا تنسى النظام اللي يخلي السياره 3 و 4 و 6 سلندر :)

و 6 سماعات مع سابوفر و و و و و

وغير الشكل اللي لصالح الاكورد 100%

اتمنى اني ما اكون طولت عليك .. :o

سؤال يطرح نفسه تقارن الملكة الاكورد بالخادمة تويوتا اورين هع :d
وانتا مغمض عينك اكورد وبس :d
قال اورين هع لو التيما بقول تتقارن :p

انت معاك اوريون صح

طيب ليش ماتستاجر اكورد

وتجربها ومنها تعرف ايش الي ترتاح معاه اكثر


:cool:

قد جربتها زينه بس عيبها رساوتها خفيفه مقارنه بالأوريون ، ايجابيتها1اصوات ديكور لاتوجد عكس الأوريون2مكيف بارد ماشاءالله3جمال الداخلية باستثناء شكل المكيف مع المسجل قبيح عكس الأوريون جميل3تحس بالفخافة وقربها للبي أم الأكورد ماشاءالله كتوزيع ألوان البيج مع الدركسون الأسود الجميل ماشاءالله.

^^^^

ماشاء الله على الكامري اقصد الاوريون ,, وين الفخامه الي بالاوريون بالله عليك ؟؟؟

لاتظلم حالك الاكورد افخم بكثير سواء بالداخليه او بالشكل الخارجي :)

ارشح اكورد

>>وجهه نظر خاصه

خذ الاوريون نصيحه لو عندي فلوسها لطقيتها
هي في الاصل كامري قراندي 6 سلندر
فيها نظام الملاحه من المصنع وخامتها من دخال افضل من الاكورد v6 لأنها قريبة من خامة اللكزس الصراحه ما كأنه تويوتا
بالعزم الاكورد اقوى

بس عيب الاوريون وكيله الزفت وانتم بكرامه وشاهد هذا الموضوع بنفسك
http://www.assayyarat.com/forums/sho...d.php?t=100972

وليش ترمي فلوسك على كارتونه استرالي :p

اكورد وبس :cool:

وعليكم السلام ورحمة الله وبركاته شوف أخوي أنا ما راح أتكلم عن الاكورد لأني بكل أمانة ما جربت السيارة لــكن أقدر أتكلم عن الأوريون لأنها سيارتي حالياً وبدون تعصب عيوب السيارة قليلة جداً و الأهم انها خالية من العيوب الميكانيكية والكهربائية و إذا على صوت الديكور فـــ حله سهـل والله حتى بالبيت تقدر تضبطه أو بالوكالة أيضاً وإذا على الرساوة أنا قارنت بين الأوريون والكامري والاوريون أرسى وعندك المعلومات و أنت شوف بنفسك :وزن الأوريون = 1625 الإجمالي = حوالي 2095 وتحتوي على نظام ثبات Vsc وهو نفس الموجود بالكزس فــ القرار الأول والأخير لــك وإذا كنت راح تجي الدمام حياك تعال جرب سيارتي الأوريون 2009 وأحكم بنفسك بدل الأجار والخسارة

'
'
'

فوق اني اكرهـ، التويوتا واعشق الهوندا
إلى اني افضل الأوريون على الأكورد 08 و 09
بصراحه اراها تستاهل في امور كثيرهـ، منها الشكل الخارجي والقوهـ، والمميزات الترفيهيه

فكر مليئاً قبل ان تقبل على الشراء

اقتباس:

---

المشاركة الأصلية كتبت بواسطة b я H O ற

إلى اني افضل الأوريون على الأكورد 08 و 09

---

طبعا ًستفضلها على الأكورد 08 و 09
لأن موديل مركبتك 07 << رائعة صفر سبعة ;)

حبيبي راعي الموضوع انا مجرب الاوريون ترا تويوتا في قيور التوربتينك بتتوهق معاها هذه اهم واول نصيحه
ثانيا التهبيط اللي في الاوريون موب لصالحها ابدا خاصه مع المطبات والحفر في مملكتنا الحبيبه
ثالثا فراملها مهي بتلك القوه وهذه من تجربه فعليه بطريق المدينة
رابعا صرفيتها للبنزين بشكل كبير
خامسا السياره في قطع غيارها مقاربه لقطع غيار الاكورد 08 و 09 لان هذين الموديلين الاخيرين بالذات تم تخفيض اسعار قطع الغيار الخاصه فيهم
سادسا البدي وقوته وما ادراك ماقوته يعني لاتقارن قوة البدي حق الاوريون مع قوة البدي حق الاكورد
لان الاكورد اقوى
هذا غير ان الاكورد من قيرها يعتبر قوي جدا ومكينه رائعه ماتحتاج كلام وغير ان الاسبيشل من 2009 مزوده بنظام مانع للإنزلاق وهي ميزه رائعه
الاوريون حق خط ومقاومات هذه ماحد يقدر ينكرها
مع احترامي لجميع ملاك الاوريون هذه النقاط ليس من التقليل من قيمة السياره ولكن هذه من تجارب قمت بها
لانها كانت احد السيارات التي وضعتها في لائحة الشراء ومن ثم تراجعت عنها بعد التجربه واراء ممن اقتنوها على ارض الواقع :)