مشكلة غريبة عكس المعتاد !! ( تفاصيل صور وفيديو ) .

السلام عليكم ،، كيفكم شخباركم ..

آهـ يازمن :d،، على اخر عمري بعد ماكنت اكتب حلول للشعب الهونداوي اكتب الحين مشكلة غير اعتيادية وابحث عن حل !! :o

جرت العادة ،، في كل السيارات وخاصة الامريكية ،، ان السيارة تكون ماشية وفجأة ترتفع حرارتها !! صح ولا ؟؟

وتوقف على جنب وتطق الفلشر وتحتريها تبرد وياويلك لو فكيت ذا الغطا مدري وش اسمة لانة بيسوي فيك حفلة وموية حارة .. واذا فكيتة فتحتاج طن موية عشان تعبية ويبرد واقرب ورشة وفحص كامل وغير بلف الحرارة وتعبت وانا اكتب ولا قلت لكم وش المشكلة ،،


المشكلة اللي صارت لي بالعكس تماماً <<<<علامة تعجب كبيرة !

العادة ،، طبعاً السيارة اكورد 2004 - تعرفون كيف يكون الوضع الطبيعي للحرارة ،، قبل النص بشوي ،،

فجأة وانا ماشي ،، ناظرت في العداد جولة تفقدية معتادة وانفجعت ،، لقيت الحرارة اقل من المعتاد بكثير ،،، وارجع اناظر خلال اقل من 30 ثانية الاقيها على الربع !! واناظر الاقيها تنقص شوي شوي !! عما !! وش السالفة ؟؟ عمرها ما صارت كذا ،،
شوفوا هذي الصور ..

في البداية :
http://www.hondaarabia.com/club/atta...1&d=1226917567

الثانية :
http://www.hondaarabia.com/club/atta...1&d=1226917567
http://www.hondaarabia.com/club/atta...1&d=1226917567

وهذا الفيديو :

[ame]http://www.youtube.com/watch?v=hA6CqwpUnBk[/ame]

ملاحظات :

* جميع الصور والفيديو هذي بعد ما مشيت مسافة عشرين كيلو تقريباً والحرارة عادية اقل من النص المعتادة .
* الحالة هذي للحين ما صارت لي الا في مكان جغرافي واحد فقط !! يعني موب كل يوم تصير .. هذي ما صارت الا في نزلة الزدية مدري المزاحمية سموها ما تشاؤن .. النزلة المعروفة عند بوابة الرياض وتفتيش الرياض على خط مكة يعني .. وقد جربت نفس النزلة بأكوردتين مختلفتين 2006 ولا عمرها صارت !
* السرعة عادية جداً من 100 الى 140
* صارت لي مرة في خط سريع برا الرياض على سرعة 170 ..
* الفيديو واضح فية ان النزول ملاحظ بالعين !


احد قد صارت لة المشكلة ؟

الحمد لله اعرف ورشة شغلهم مضبووووط ،، بس ابي اعرف وش اللي صار بالضبط ،، ما احب اي شي يخرب ارح اصلحة ولا اعرف وش السالفة وش الخربان ،،، بكرة بمسك خط ويخرب فيني مرة ثانية على الاقل يصير عندي خبر واخذ احتياطي ،،


تكفون اللي عندة رد سامج ولا يقول والله ما ادري ، الاعضاء يفيدونك يفكنا من ردة :p

اتوقع تكون من بلف الحراره

ماتشوف شر

اانا تصيرلي بالكامري حقت الوالد بعض الاحيان ودورت عنها وقالولي انه شي عادي ترتفع الحرارة بعدين تشتغل المروحة وتبردها

والله يعينك

^^^^^^^

هذي الكامري ترتفع حرارتها بعدين تشتغل المراوح وتنزل :p

الأكورد حرارتها ثابته ما ترتفع ولا تنزل :cool:


>><<

ما عليش مصعب :d

هذي اكيد من البلف

اكيد ان البلف مغير وصاير يفتح على طول

يعني تاكد من البلف طال عمرك:d

البلف ياعمري :) و 999 % إيش رايك :d

هذا شي عادي جدا لما تكون مسرع في منطقه باردة وجو بارد تنخفض الحرارة ولو خفضت السرعة تلاقيها ترتفع صارت معي انا عندي 2007

أو تأكد من المراوح تفصل ولا لا

:dهذي تذكرني بسيارة ابوي ^.^ شفرليت المقطنه ها ها ها

الياباني نادر

انا اتوقع من الامبير حق الحرارة

صارتلي في بي أم موديله 2000 السنه الي راحت في البرد عند مزارع ودرجه الحراره يمكن 5 أو6 وحرارت السياره تنزل لين الc أما الهوندا ماقد صاارت

تبي الجد ..... تعبت وانا احاول اتوقع من ايش المشكلة بس ماقدرت

المشكلة حتى لو رحت لكهربائي بيعطيك من الشلخ حقة لين يفقع راسك وهو ماعندة سالفة

مالك حل الا مثل ماقالوا الشباب تغير البلف بجديد لايضرب مضبوط بعدين .. واذا صارت نفس المشكلة عاد وقتها الله يعينك تشوف وش السالفة

لحسه لحسه بالنسبه لهوندا :eek::eek::eek::eek::eek::eek::eek::eek::eek::eek: :eek::eek::eek::eek::eek::eek::eek::eek::eek:

شوف يا صديقي كوكو،

صارت لي نفس مشكلتك بس مو بسيارتي الاكورد صارت في سيارتي الاوبل اوميقا كلما ازيد السرعه او انزل نزلة طويييييييييلة تنخفض درجة الحرارة

بس من ناحية علمية وميكانيكية في رأيي ان الوضع طبيبعي ليش؟

اضرب لك مثال عشان توضح الصورة : (فقط استنتاج من مشاكل سابقة)
تخيل ان عندك حديدة حااارة وجيت تفخ عليها هوا اكيد شوي وبتبرد صح،، طيب لو نفخت عليها بسرعة زاااايدة اكيد حتبرد بسرعه، اعتقد هذا اللي صار مع المحروسة حقتك ،،،،،،،،،، بس هذا ما يمنع انك تكشف عليها وتتأكد

بس طال عمرك

أمير

اقتباس:

---

المشاركة الأصلية كتبت بواسطة امير الهنادي

شوف يا صديقي كوكو،

صارت لي نفس مشكلتك بس مو بسيارتي الاكورد صارت في سيارتي الاوبل اوميقا كلما ازيد السرعه او انزل نزلة طويييييييييلة تنخفض درجة الحرارة

بس من ناحية علمية وميكانيكية في رأيي ان الوضع طبيبعي ليش؟

اضرب لك مثال عشان توضح الصورة : (فقط استنتاج من مشاكل سابقة)
تخيل ان عندك حديدة حااارة وجيت تفخ عليها هوا اكيد شوي وبتبرد صح،، طيب لو نفخت عليها بسرعة زاااايدة اكيد حتبرد بسرعه، اعتقد هذا اللي صار مع المحروسة حقتك ،،،،،،،،،، بس هذا ما يمنع انك تكشف عليها وتتأكد

بس طال عمرك

أمير

---

لو على كلامك كان كلما اسرعت زياده حتى في عز الصيف الحراره راح تنزل لان الهواء راح يزيد ويبرد!!!!!!

اجل وش فايده البلف؟

^^^^

بس هذا اللي صار معي في الاوبل :rolleyes:

وياليت اللي عنده خبرة في المجال ذا يجي ويسدح الحل هيييييينا

ياااخوى شيك على البلف
انا كان عندى لانسر 2002
مررره ارتفعت الحراااره وشيكت على اللديتر مافيه شي
طلع المشكله من البلف
فصلت ابووووه والحين تصير معى نفس السالفه حقتك
إذا مسكت خط تنزل الحرااااره
وإذا كنت داخل المدينه تكون درجه الحراااره الطبيعيه
وعااادى اسافر فيها ارووح واجي مافيه اي مشاكل
وانا انصحك تشيك على البلف
ولاتغيره حتى تشوووف هو منه المشكله ولا من حاجه ثانيه

صقيقي
سألت واحد(ن) من الربع عن الي صار لكـ

وقال يشوف انها طبيعيه .. لانها صارت له . بنفس مكانكـ وصار بالطايف
على اكورد 2002 .. وبعدها ماصارت .. فـممكن يكون الضغط له دور
(تراك نازل مع التزديه)

امبراطور الاكورد
Classic Design
The Accord V6

شاكر لكم المرور ،، والمشاركة ،، وسيتم تفقد البلف ،،

AlGaTTaS
ما اتوقع انها كذا ،، من تجاربي السابقة ،، لكن بشوف المراوح !! مع اني احس مالها دخل :)

rnkb2004
باللهي


accord 2010
اقول اكورد يقول كامري ،،
اقول تيس يقول احلبوة !
الاكورد من تجاربي السابقة الحرارة فيها عمرها ماترمش ماشاء الله تبارك الله .
بهذة المناسبة يسرني ان ادعوا اي شخص كان معة كاش واحتار بين اكورد وتاكسي عفواً ،، قصدي كامري ،، ادعوة يشوف لة اقرب جبل ويطب من فوقة :d

wahd
الالماني سمعت عنة واجد ان حرارتة حفلة ،،

المباشر :
اصلاً مدري وش يحس فية اللي يودي هوندا لأي واحد اي كهربائي اي مكيانيكي ،، اجل ظنك بوديها عند يمني اقول لة عندي مشكلة في الحرارة يقولي الزيت محروق غيرة ،،
زي ما ذكرت بالموضوع :

اقتباس:

---

الحمد لله اعرف ورشة شغلهم مضبووووط ،، بس ابي اعرف وش اللي صار بالضبط

---

^^ ورشة العمال فيها كانو يشتغلون سابقاً في الوكالة ،، ادري من يوم مابشرح لة المشكلة بيعرف وين الخلل فية ،، لكني احب استفيد واستشير ،،

ثــلــج مــشــوي:
الا والله لحستين مخ ،،
حرارة وانت ماشي تنخفض ! >>> 1
هوندا >>>> 2

امير الهنادي ومحمد بن عبد العزيز :
لازم احكي سالفتي من البداية ؟؟
تراها ميب اول هوندا اجربها !!
http://www.hondaarabia.com/club/pict...&pictureid=156
^^يا لبا قليبها ،،^^
http://www.hondaarabia.com/club/pict...&pictureid=172
^^ وذي بعد ^^

ترا ميب اول مرة امتك اكورد !! وش معنا ما صارت الا في هالثالثة ؟؟ <<<<خلاص بشيك على البلف ،،

فاقد قمر :
تقريباً هذا اللي صاير معي الحين ،،
ملاحظة جديدة اليوم : شغلت السيارة جا الامبير لين c حركت ماني فاضي لة ،، وصلت اشارة بعد 7 كيلو تقريبا ،، اكتشفت ان الامبير ( المفروض يوصل للطبيعي قبل النص بشوي ) بس ماوصل ،، صار مثل الصورة الثانية ،،، الاشارة 30 ثانية ،،، الحرارة صارت طبيعية لين قبل النص .. لكن تظل هذة المشكلة غريبة ع الهوندا .

عطر الحكي :

سم طال عمرك ،، ابتأكد منة

اما العداد خرب

او البلف بعيد قبل العيد بشوي

وبخصوص السالفة الأوله اعتقد بسبب التيار الهوائي البارد عندما تقابل مع وجهيه المركبة حصل ماحصل .<< مادري احس اني صرت دكتور جامعي :d

السلام عليكم ورحمة الله وبراكاته
اخوي انا اعطيك الحل ولا تتعب راسك وتوجع راسك خلي في بطنك بطيخه صيفي
انا استخدم الهوندا من عام 81 يعني خبره في السيارات الهوندا
بس الجديده شوي خبرتي ضعفه
لا التقنيه اختلفت شوي
بنسبه للحراره هذي طبيعي جدا لان هذا الحراره نزلت وانت نازل من نزله وفيه مشكله انت ما كانت داعس بنزين يعني رافع رجلك عن الدعسه وفي هذي الحاله يكون الحمل على القير وهو يحرك الميكينه يعني العمليه عكسيه بطبيعة النزول فيكون الاحتراق في المحرك صفر مافيه اي احتراق وقود والمحرك يدور بسرعه عاليه بفعل الجيربوكس ويكون الضعط السياره تقريبا واقف على ثلاثه الف دوره في الدقيقه ولا يوجد احتراق في غرفة الاحتراق مع ان المويه داخل المحرك تدور ويقوم بعملية التبريد كااااالمعتاد وفي هذه الحاله يبرد المحرك بفعل الدوران
مع جزيل الشكر ياخوي كلام ثقه وجرب بنفسك في نفس الموقع ومع اي نزول في عقبة او اي نزول في اي مكان بس يكون طويل شوي
تحياتي لك

^^ يعطيك العافية ^^

شوف ردي رقم 18 جربت باكوردتي السودا سبشل ثم البيضا فل كامل والاوضاع والظروف والجو متشابة تماماً ،،، ولاحصلت المشكلة الا في الحالية الثالثة.

ان شاء الله بكرة امر الورشة واوافيكم بالخبر الاكيد .

ان شاء الله عوافي مافيها الا العافيه

بشرنا وش يصير معك :)

وعليكم السلام
يالله حيووووه

مثل ماقالوا الشباب ، اما بلف حراره أو فيوز حق الحراره او حساس وان شاء الله انها بسيطه

OK
بكره بسنتر هنا اشوف وش يقولون لك وشسموده ذا الورشه اللي تقول :d

انتا منتا خسران حاجه غير بلف الحراراه وجرب :)

والله مشكلتك من جد غريبة

بس حسب تخميني ان المشكلة متعلقة بالمروحة

لو افترضنا ان ان المروحة عطلانة السيارة بتحتر صح

طيب لو دارة المروحة اكثر من المطاوب بتوصل برودة السيارة الى مستوى اكثر من الطلوب

في نظري ان المروحة اثناء السير تدور دوران ضعيف لان الهواء يقوم بالازم

اما اثناء الوقوف تشتغل المروحة (دوران سريع)بعد كذا ترجع لوضعها الطبيعي (دوران ضعيف)

فاتوقع ان المشكلة تكمن في دوران المروحة (دوران سريع) اثناء السير فقط

يعني المشكلة في حساس حرارة المكينة ;)

معليش على الاطالة والفلسفة الزايدة
وانشاء الله اكون افدتك

ننتظر ردك وش صار معك

السلام عليكم

اخوي انا معاي بيجو 206 :d

المهم وسط البلد الحراره الطبيعيه 90 << النص

واذا مسكت خط مهما كانت السرعه الحراره تنزل ل 70 <<الربع



اتوقع الشي هذا طبيعي

زي ما قال اخوي النمر الاسود

أتمنى تشيك على البلف ثم على سرعة المراوح

اخاف الامبير يكون عندك عكس بدل ماتسخن وترتفع تنزل وتبرد:(

لاتصدق:d تراني امزح معاك بس حبيت اشارك

البلف هي المشكلة عندك لانه فاتح وما صار يقفل معك لان فيه حساس في الكوع السفلي اللي يدخل منه الموية من الرديتر للمكينة والحساس هذا يقيس حرارة الماء فيها واذا وصل حد برودة عالية فهو يطفي المراوح وغير كذا البلف جهاز ميكانيكي وليس الكتروني وهو ينفتح بفعل التمدد وضغط البخار يعني اذا الموية بردت ومافيه ضغط وايضا مافيه حرارة تقوم وتقفل نظام دورة الماء تماما لاجل تعطي توازن لحرارة المحرك لان محرك الهوندا ما يقدر يمشي صح وبسلاسة الا في درجة الحرارة الطبيعية اللي هي قبل النصف بقليل يعني بس اشتري البلف بـ 100 ريال اصلي من الوكالة وان شاء الله تطيب معك وما تلقاها تسوي الحركة هذه

يوووه انتو باقين تحتروني ارد عليكم !!!

معليش ،، ما نسيتكم بس قلت دام الموضوع مختفي ،،

والحين ارتفع ،،

رحت ورشتي ،، قلت لهم السالفة قالو جب بلف حرارة ،،
مدري كم قيمتة بس تركيبة 60 ريال ،،، قلت يارجاااااال بعدين ،،
سافرت بالموتر وجيبت ،،، الحرارة زي ذا الصورة وانا ماشي 150 كيلو/س لمسافة 400 رايح و20 كيلو لين توصل السينما ورجعت :d

http://www.hondaarabia.com/club/atta...1&d=1226917567


فلللة ،، الله يهديني واغير البلف ،،، :d

كل ما في السالفه يا صديقي "

# بلفك أو عدادك بردان

:d

^^ خلاص يالحبيب ويالحيايب ،،
عرفت المشكلة بلفي خربان وماراح اصلحها عاجبتني المشكلة ،،، فلللللة تبرد السيارة ازين من ترتفع حرارتها :d يعطيكم العافية جميعاً ^^

اقتباس:

---

المشاركة الأصلية كتبت بواسطة كوكو كورد

^^ خلاص يالحبيب ويالحيايب ،،


عرفت المشكلة بلفي خربان وماراح اصلحها عاجبتني المشكلة ،،، فلللللة تبرد السيارة ازين من ترتفع حرارتها :d يعطيكم العافية جميعاً ^^

---

بس ممكن الحرارة ترتفع والبلف ما يقوم بعمله لانه معطل وماتحس الى وهيا في ال H وممكن المراوح تتعطل وانت ماتدري وممكن تترك سيارة والمكيف شغال والجو حار وسيارتك تصبح مثل السيارات القديمة اللى يضرب فيها راس المكينة تلقا عندك دبة مويه في الشنطة للحالالت الطارئة

اكسر الشر وروح اشتري بلف

اقول خلي السياره تحتمي وانتهينا >>> وش ذا اللي بيتشوت

من باب الطفش الاليم في الرياض واذا انك ماتحركت كثير بتجمد من البرد وماعاد تقدر تستخدم يدك في الرد ع المواضيع ،،

رحت الوكالة ،،

وشريت بلف الحرارة على امل ان المشكلة تكون منة مثل ما قال بعض الاعضاء وحسب التحليل الاولي من ورشتي اللي دايم عندهم << تراي اذا صرت طفشان مرررة والبثر مايرد علي واخوياي نايمين ولا فية اي موضوع تلاقوني بالورشة او الحلاق :d

المهم ،، وصلت الورشة وشوفوا الصورة وشوفوا سبب المشكلة !!

بلف الحرارة الجديد لونة جديد والقديم لونة مشهب <<<< باللهي ؟ <<< جبت شي جديد والله <<< ممكن رقمك ؟ <<< ممكن توقيعك لو سمحت <<< :rolleyes:
http://www.hondaarabia.com/club/atta...1&d=1229804524

^^ المشكلة الصغيرة ^^
ان الدرج اللي استخدم السيارة قبلي شال << وخر << ابعد << فصل بلف الحرارة !!! :mad:

* الاعراض قبل حل المشكلة :

- في السرعات العالية تنخفض درجة الحرارة
- السيارة تاخذ وقت اطول في الاحماء يصل الى 8 دقايق
- وانت ماشي داخل البلد اخر الليل هالايام وشغلت المكيف ع الحار بتنزل درجة الحرارة تحت c كنت توك مشغل السيارة !
- المراوح تشتغل وتفصل اكثر من المعتاد ،

^^ بعد تغيير البلف وحل المشكلة ^^

- المراوح رجعت للوضع الطبيعي .
- الباقي اخبركم فية في وقتة ان شاء الله .

اقتباس:

---

المشاركة الأصلية كتبت بواسطة كوكو كورد

^^ المشكلة الصغيرة ^^
ان الدرج اللي استخدم السيارة قبلي شال << وخر << ابعد << فصل بلف الحرارة !!! :mad:

---

شكل الدرج كان معه ددسن ومتعود انه يشوف امبير الحرارة منسدح ،، وعشان كذا فصله . :d

^^مجرد توقع^^

اقتباس:

---

المشاركة الأصلية كتبت بواسطة الشمــــالـــي

شكل الدرج كان معه ددسن ومتعود انه يشوف امبير الحرارة منسدح ،، وعشان كذا فصله . :d

^^مجرد توقع^^

---

وانت الصادق شكل الدرج كان معاه قراندي:d