لاحظت انه ما في احد بالمنتدى مركب الكت الأصلي، و لا يمكن انا غلطان؟
ياريت اذا حد عنده الكت الأصلى يشاركنا و يعطينا قائمة تعديلاته،،
على فكرة الكت الأصلي المصمم من ميوجين باليابان ينطلب عن طريق هوندا ب ١٢٠٠٠ ريال،،
الكت التقليد ينكشف من وجود و عدم وجود الشعارات و مواقعها و انحانائت الجناح و السبويلر الأمامي، و من مادة و شكل الشبك الأمامي،،
ياريت اللي عندهم الكت الأصلى يشاركونا،،، :rolleyes:
مو شكله...
ماتوقع في احد يشاركك :d
هلا والله
انا حبيت اشارك واقول لك الي يفرق بين الأصلي والتجاري ولا شي غير العلامات حق ميوقن وكلها تقدر تشتريها
والسعر والجوده بس
اما الشكل كله نفس الشي 100%
:rolleyes:
شدعوه 12,000 والله لو انجن ما ادفعها على بدي كت بسيارة قيمتها 70,000 ... احس ان كل شي بالنسبة والتناسب ... لو السيارة قيمتها 200,000 اركب بدي كت بهالسعر لكن بالعقل الناس تاخذ اللي مو اصلي فرق عشة الاف عن الاصلي ... وبالشكل فرق جدا جدا بسيط ... السالفة ما تسوى ......... وللا انا غلطان <<<<<<<<<<< يبق رأي شخصي ولو عندي 12,000 اجيب لسيارتي تيربو او اي حاجة سعرها فيها :)
و الله كل واحد له رأيه، انا بالنسبة لي احب يكون عندي قطع اصلية بس، شوف المنتديات الأجنبية و تفهم قصدي،،
اكثر شي يضحك اللي عنده كت بو ٢٠٠٠ و يقلي كت ميوجين...لووول
:cool:
إذا قلت لي شنو الفرق بين الأصلي والتجاري غير السعر اعطيك الي تبيه ...
إذا على علامات ميوقن ترى حق الأصلي تركب على التجاري...
:rolleyes:
المادة المستخدمة غيرة و بالتالي اداء الكت نفسه غير و التجاري بالنتيجة ماراح يساعد على ايرودينماكية السيارة مثل الأصلي، التجاري الشبك الأمامي يجي معدني مش بلاستيك مثل الأصلي، و اذا كان بلاستيك بيكون شكله غير، الزوايا في السبويلر الأمامي على الجوانب تختلف و قصة فتح الكشافات من جنب بتختلف، الجناح بالعادة ما بيكون موجود، و اذا موجود ما تكون عكفته بالوسط مثل الأصلي،اقتباس:
المشاركة الأصلية كتبت بواسطة Mr.Civic
تحط شعارات ميوجين على شغلة مش ميوجين هو قمة في الهبل مع احترامي لك، تماما كأنك تحط شعار GTR و لا Type R على سيارتك..
شركة ميوجين معروف بالكواليتي تبع قطعها و معروفة بأسعارها، شوف الميوجين RR سعرها بحدود ٢٠٠،٠٠٠ ريال بس لأنها معدلة عن طريق ميوجين.
المنتديات كلها الا هالمنتدى، يسموا التجاري "كت ميوجين تجاري" أو "Replica Mugen kit" إلا هالمنتدى يضحكوا على نفسها و بسموا ميوجين..
اتوقع بس sparda عنده الكت الأصلي بالمنتدى، و الباقيين عندهم تجاري و للأسف يسموه " ميوجين "..
و على فكرة انا حاولت اطلب التقليد من الإمارات مع الشحن طلع معي ارخص من الأصلي ب ٤٠٠ الاف بدون جناح و لا شبك...و السبب الثاني اني باذن الله بسير سبونسورد لشركة تعديل عندنا اسمها EZ و لازم التعديلات تكون على مستوي،،
فطلبت الأصلي عن طريق هوندا و ان شاء الله بركبه مع الرنجات Advan RZ و السسبنشين HFP قبل ما يجي العيد :d
سيارتي بتسير مكلفة اكثر من الفل بكثير، بس عندي التعديل احسن من اضافات الوكالة...
الشارع كله فل فل فل بس المعدل تعديل (مرتب) نادر جدا.
وجهة نظر،،
8888888888
اكيد والله يوفقك واع لنا بالشاشع قريبا للكوكو :)
شوف انا ما قلت لك من قبل الماده تختلف
والله يوفق روح ركب الأصلي :)
:d:d
^^^
ههههههههههههههههههههههههههههههههههه
يعني وش نسوي اذا كنا مركبين تقليد ؟؟؟
نرميه يعني ؟؟؟:confused:
^
لا ما ترمي، التقليد مو غلط ابدا، بس ما تسمي "كت ميوجين" و تضحك على نفسك...في ١٠٠٠٠ ريال فرق...
هههههههههه
لا تعليق
^
من جد قهر...دافع ١٢ الف...يجي واحد دافع الفين و يقلي كت ميوجين؟!
مثل اللي عنده كورولا و يحط عليها شعار لمبورجيني :d
انا اشوف سعر الكت الأصلي مناسب جدا !!
12 الف مو كثير على شي من شركة ميوجن ,,
وع فكره كت الـ E55 - Amg - بـ 32الف ريال تقريبا من عند شركة الجفالي !!
وفعلا المواد الخام المستخدمة و الزوايا والتشطيب الخارجي يختلف بكل تأكيد ..
دمت بود
^
و اخيرا في احد متفق معاي...مافي شي من شركة ميوجين الا غالي و سعره فيه..
مستغرب ليش مافي حد لليوم ما فكر بكت ميوجين و الرنجات للأكورد يطلبه من النت..
طبعا الموضوع هذا ما بيكلف اقل من ٢٥ الف ريال، بس و الله يستاااااااااااهل!!!
http://www.thetorquereport.com/2008_...en_2_small.jpg
نستناك تركب كت ميوقن على سيارتك حق نشوف الأداء الخيالي هع
:cool::cool:
:rolleyes:
^
أي أداء؟؟!! سيارة ٤ سلندر 1.8 مافيها اداء ابدا، اللي اقدر احسنه هو الشكل و التحكم handling و بس ;)
و ما بخبي عليك، السيارة مو سريعة ابدا! بس التحكم مثل ما قلتلك هو هدفي الرئيسي بعد الشكل.
هدفي من الموضوع كله اني اتعلم شغلات تساعدني اذا شريت بيوم سيارة سبورت، أكون فاهم ايش الموضوع، و هي الشغلات مستحيل تفهمها الا لما تشتغل على سيارتك و تشوف اخطائك و تعالج المشاكل اللي تجيك و تحسن بشغلات بتحكم السيارة،،
موضوع التحكم هي شغلة على الأخييييييير مهملة بالخليج، الناس تفكر ان هدف السسبنشين هو شكل و تهبيط و بس...و الناس تفكر ان هدف البودي كت هو بس شكل..
و على فكرة الموضوع بالضبط مثل الفرق بين اللي يشتري الرنجات الأصلية و اللي يشتري التقليد...
ممكن الإثنين يكونوا نفس الوزن و الأداء و القوة و الشكل..بس الفرق وين؟!
Rota سعرها ٢٠٠٠ ريال كاملة... Volk سعرها ١٢ الف...
الفرق بالإسم، لما تكون مركب شئ اصلي تحس احساس ثاني...لما تركب بالسيارة تكون عارف ايش هي سيارتك و ايش هي كل قطعة بسيارتك...الموضوع اذا ما كان "أداء" فهو شغلة نفسية...
ليش في ناس تشتري ايبود ب ١٣٠٠ ريال و ناس تشتري جهاز الصيني و فيه مزايا اكثر بنص السعر؟!
لو كان جنون الواحد يشتري الغالي الأصلي كان ما كان في غير تجاري بالسوق...
و خلص كفاية فلسفة اليوم، اكيد فهمتوا قصدي :rolleyes:
شوف انا فاهم الموضوع من اول انك تبي ثبات وتحكم هذا هو القصود بالبدي كت اعرف
بس شوف الناس أراء يعني انا ما باخش بسيارتي سباق ولا حاجه علشان اقعد اتفلسف تحكم وثبات
في ناس يهمهم الشكل اما اذا ناوي انت تروح تشارك في سباقات وووو روح ركب لك بدي كت اصلى جنوط اصلي
ركب تيربو ركب الي تبيه..
وانا اشوف الموضوع انقلب مناقشه مع ان بعض الأعضاء فيه ما تعرف تناقش مع احترامي الشديد لجميع الأعضاء...
:rolleyes:
ههههه اذا عندك شي بتقول عني لا تستحي لاني احسك تحب تلمح :) ...
المهم، لما تعدل تحكم السيارة، في تعديل للتراك و السباقات و في تعديل للقيادة اليومية،
تعديل السباق بيخلي التحكم اقسى و السيارة الراحة فيها تقل عند المنعطفات و إستهلاك الكفرات اكثر، بس الأداء يتحسن، و هذا هو الشي المهم بالسباق،،
تعديل السواقة بالشوارع، يكون فيه توازن بين الإستهلاك الطبيعي او القريب من الطبيعي للكفرات، و توفير اكثر راحة ممكنة بالسيارة.
و الي اقصده بالراحة هو نقشة الكفرات، قساوة اليايات اللي مركبها و الكامبر (ميلان العجلات للخارج او الداخل بدرجة معينة)
الهدف من ان التحكم يتحسن بالشارع هو المتعة بالسواقة...لما تلف السيارة معك بشكل اسهل و اسلس و اسرع هذا يعطيك المتعة و الثبات...و هذا موضوع كتييييير طويل صعب اشرحه برد واحد..
يمكن الموضوع هذا موجود بالدول الأجنبية اكثر من العربية، بس الفكرة عجبتني و بالفعل حسيت كيف ممكن بشغلات صغيرة تسير سواقتك للسيارة ممتعة و ما تتملل.. و انا من النوع اللي يحب ياخد الزوايا و اللفات بسرعة بدون هالبريك الثقيل..
و اذا حاب تشوف هالشئ، اركب سيارة سبورت معدل السسبنشين و التحكم فيها، و راح تحس السيارة ما تميل، و كانك ماشي على سكة حديد..و راح تحس بقمة المتعة و تتذكر كلامي وقتها :cool:
اذا حاب تعرف اكثر عن هالموضوع بعطيك لينكات من مواقع اجنبية تتكلمك عن التحكم بالسيارة في القيادة اليومية..و ان شاء الله بوصلك الموضوع احسن..
اما اذا الشئ هذا ما يهمك مثل معظم الناس و لا يهمك تعرف شي جديد، فمافي مشكلة، كل واحد و له اهتماماته :d
و ارجع اقلك ان انا ابدااا مو ضد فكرة الكت التقليد بس الموضوع نفسي اكثر، و ما شاء الله سيارتك حلوة و اكيد ذوقك حلو بالتعديل،، :cool:
اول حاجه لا تفهم غلط انا قصدت بعض الأعضاء :)
بعدين اعرف ان المنعطفات في السياره الرياضيه غير عن السياره العاديه
ولو على موضوع الإكسبنشنات الرياضيه اقرى اسم الموضوع ؟؟
بدي كت ميوجن الأصلي
انا اعرف بتقول لي البدي كت يعطي ثبات للسياره ويخليها احسن من ناحية ال Aerodynamic زي ماقلت انت
وانا اقول لك مرة ثانيه الفرق الي بتحس فيه بالبدي كت بتلاحظه في سرعه عاليه مو حق سرعه 50 ولا 60 ولا 100
يعني السؤال انت ناوي شنو ؟؟
ودي اشرح لك عن وجهة نظري بس بتطول السالفه لكن خلاص هذا اخر رد لي هني لأن الموضوع انقلب مناقشه إذا راح قسم المناقشه
راح ارد
:confused:
اقرى الرد ٢١ بتعرف قصدي، الكت غالبا مافي له الا على السرعات العالية، و المكينة الصغيرة و الدفع الأمامي ماراح تساعد..
الموضوع صار مناقشة خذ راحتك ههههه
مافي حد عنده كت اصلي يعني صار الموضوع مناقشة...:d
^^^^^^^^^^^^^^^^^^^^^^^^^
نقاشك جميل جدا وكلامك منطقي حبتين :d .... اللي حبيت اطلبه منك .... ممكن تجيب لنا صور للكت الاصلي وتورينا نقط الاختلاف عن التجاري ؟؟ ..... صور للتجاري فيه كثييييييير وخاصة في الموضوع اللي انت كتبته عن اللي عنده بدي كت يحط الصور ..... أنا ما احس ان ذاك الفرق موجود بين الاصلي والتجاري ... والى ان احس ان الفرق بينهم كبير ...يمكن اقتنع ان 12,000 مناسبة لزوايد للسيفيك :)
اقرأ الرد ٢١ اخوي محجوب، في فروق بسيطة بس الموضوع هو انو في ناس تحب تركب اصلي و بس،،،
شوف الرد و بتفهم قصدي اكثر،،
و اذا كان الفرق فهو بالوزن و نوعية المادة المستخدمة و الشعارات و عكفة الجناح و احيانا التجاري فتح الكشافات تفرق شي بسيط و يبين اطراف اجزاء من صدام الوكالة و السبويلر او الجناح صعب تلاقي تجاري بشكل عام،،
ماجا في بالك انك تفصل الكت تفصيل كامل عند اي محل ورشة مختصه ؟؟
بحيث تختار الخامه المناسبه وتجيب الزوايا بالقياسات الفعليه للكت الأصلي ..
طبعا دا حل بديل لااكثر ..
دمت بود
^
بصراحة انا نفسي يكون الكت ميوجين و بس، يعني التقليد ماراح يحببني بالسيارة مثل الأصلي، هذه طبيعتي :rolleyes:
و اهم شي السيارة تكون عاجبتني، يعني حتى لو ركبت التقليد و الناس ما عرفت، فانا صاحب السيارة عارف انه مو اصلي..
خلص الكت و الرنجات و كل شي شرينها و ان شاء الله بحط اغراضي على التأمين لما اركبها حتى اكون مطمن عليها :d
ان شاء الله نص شهر واحد بركبها، اكون مخلص الكورس و متفرغ عالأخيييير :cool:
best wishes for u ,,
خلاص ادا حطينها ورينا الصور وقولنا كيف كان الاداء معاك ....
^
ليش زعلان انت؟!؟!
اذا انت ما تقتنع تدفع ١١،٠٠٠ على كت انت حر، فلوسي و حر فيها، ووضحت مليون مرة ان الموضوع اني ناوي اركب قطع اصلية و بس، و مستحيل احط شعار ميوجين على السيارة اذا ما كان الكت ميوجين...
الرجاء حذف الموضوع، ما له اي لازمة، كل واحد داخل و مسويلي فيها فهيم....
و اوعدكم اني ما عاد تشوفوا وجهي بهالمنتدى و ترتاحوا من فلسفتي الفاضية.....هذا آخر رد لي بالمنتدى....كل واحد حاط فكرة براسه و مسكر على راسه بقفل فولاذ عشان ما يدخل و لا يطلع و لا يغير بشي من راسه....
و الردود المفيدة اللي فيها معلومات كنت اتمنى حد يساعدني فيها بيوم من الأيام بتطنش تماما....مالي لازمة بالمنتدى...ازعاج عالفاضلي...من جد....
طيب هد بالك يا هارتكوربوي .......
لما سراج قال
انت قلتاقتباس:
خلاص ادا حطينها ورينا الصور وقولنا كيف كان الاداء معاك ....
بينما انا اشوف ان انت الزعلان مو احد غيرك :confused:اقتباس:
^
ليش زعلان انت؟!؟!
واعتقد بعد ان هالكلام ينطبق عليك بعد
انت حاط الموضوع للنقاش ... وبما انك المعارض لفكرة الكت التجاري ... طلبنا منك تثبت لنا ان شكله غير ويفرق عن الاصلي ... رحت تلف وتدور و(تكتب) وصف للشكل وكلام عقيم ... وقلبت السالفة للسسبنشن سستم ويمييييييييين ويسااااااااار ...اقتباس:
كل واحد حاط فكرة براسه و مسكر على راسه بقفل فولاذ عشان ما يدخل و لا يطلع و لا يغير بشي من راسه....
بوضوح .. اشوف انك انت اللي معصب ... وبصراحة من رودك كلها اللي في الموضوع (انا) ما اقتنعت ولا بحرف لأن الادلة (المادية) مو موجودة ............................................
كلامي كله بصرحة تامة وبدون مجاملات واعتقد اني قاسي عليك ... بس علشانك مو اكثر ولا اقل :)
صحيح كلامك محجوب شكله هو إلي زعلان سراج ما قال شي الصراحه
اقتباس:
المشاركة الأصلية كتبت بواسطة xHeartcoreboyx
:confused: وويش لي يخليني أزعل !!!!!
أتوقع أنك قلت هاذا الموضوع لنقاش ... وانت من أساس ماتعرف رايي في الموضوع .. عشان تقول انه انا مو مقتنع أدفع هلمبلغ.
واضح من ردرودك أنك (( أنت من أساس ماتعرف ويش الفرق بين الأصلي وبين التجاري )) أنت جالس تحطم في التجاري مع العلم انك ماجربته ولا سألت عنه بس تعرف انه هو تجاري وذاك أصلي ... والاصلي لازم يكون أفضل!!
والمشكلة انت كلامك مو مقنع أبدا مجرد كلام واقتراضيات بنيتها من خيالك وجالس تفرضها على الناس وتبيهم غصب يقتنعون بها .
مثال على كلامك: لكولتي والمتيريل حق الأصلي أفضل
طيب انت شفت التجاري ويش نوع المتيريل ليستعملوها وهل يوم شفتها قارنتها بلأصلي
ايرودينماكية السيارة حق الأصلي أفضل من تجاري
هل انت جربت هل سألت وليش حكمت عليه..
اتمنى انك تجاوب على الأسئلة بينك وبين نفسك و تراجع ردودك بترتيب وبهادوه وبتلاحض ان معضم كلامك ماله داعي مجرد تعصب لشيء لاأكثر. (( راجع رد 30))
تفسير ردي:
ورينا الصور والأداء :
يعني الفرق بينه وبين التجاري وقولنا هل هلأشياء هادي تستاهل انك تدفع 11000 زيادة
هاذي مشكلتنا احنا نتكلم بدون علم وبدون تجربة ونريد نقنع الأخرين ..