الأسعار الجديده لتغيير الزيت في فروع شركة عبدالله هاشم

بسم الله الرحمن الرحيم

صباحكم / مساءكم ورد وكادي <--- راح تسبون الورد بعد شوي :d

في خطوه مفاجئه من شركة عبدالله هاشم (وكيل هوندا في السعوديه ) وبمناسبة السنه الجديده :p تم رفع أسعار الزيت لجميع السيارات وكذلك توحيدها بسعر واحد وهو 110 ريال .. ولكن بزيادة الخدمه المقدمه نوعا ما لتشمل الآتي /
( تغيير الزيت + الفلتر + الصرّه + الواشر (الورده) <--- ماقلت لكم بتسبونها :d )

وأيضا هناك احتماليه كبيره جدا لارتفاع أسعار قطع الغيار بصفه عامه :mad:

والقادم أذهل :confused:

وقفه
اللهم انصر اخواننا الستضعفين في غزه .. اللهم كن عونا لهم .. اللهم رد كيد أعدائك في نحورهم وأرنا فيهم عجائب قدرتك

:confused:

انا اغير الزيت

4 لتر + فلتر الزيت يطلع علي كامل بحدود 600 ريال

ومع اجرة العامل بيطع 700 ريال

مع اني ولا مرة وديته الوكالة

ويوم حبيت اعمل اليهم زيارة حق فحص شامل :d

فاجاني الموظف بان اجرة الفحص فقط من 500 الى 800 ريال :eek:

بعدها نسيت الفكرة اني اقرب من الوكالة :o

لاابوهم من وكالة يعني يوم مشت السيارة خمس الاف رفعوا الاسعار :mad:
طيب وشهي الوردة :o:confused:

يالله صباح خير يا اكورداوي
الواحد يبي يصحا على اخبار حلوة وانت جاي تقول الورد صار غالي !!

:d

اتوقع الهدف من رفع اسعار القطع واجور الصيانة هو محاولة تعويض الخسائر في مبيعات السيارات

ينعل ابوهم من وكالة

والحل احين

قولوا لي محل تغير زيت ممتاز في الدمام وشنو نوع الزيت اصلا ما اعرف شنو نوعها وكيف

ممكن تفيذوني عيل ما بطب الوكالة ونصب ومسخره

وبلاش ختم على الكتيب الضمان :p

يعطيك العافيه اخوي اكورداوي على الخبر الفرررش ..
واذا كان صحيح هالكلام .. من 91 سابقاً الى 110 حالياً .. فالفرق بسيط 19 ريال قيمة الصرّه والورده !!



:d

اقتباس:

---

المشاركة الأصلية كتبت بواسطة MOHAMMED SS

انا اغير الزيت

4 لتر + فلتر الزيت يطلع علي كامل بحدود 600 ريال

ومع اجرة العامل بيطع 700 ريال

---

زيت وفلتر بـ 700 ريال :eek:

شكل المحل اللي تروح له مستاجر بالدور الاخير ببرج المملكه (على الجسر ) :d

السلام عليكم

أبشرك يا بعدي الأسعار طلها بترتفع بمناسبة السنة الجديدةْ ،،

صديقي عنده بقالة ويقول اشترى أمس جالكسي ، كتكات ... ألخ بمبلغ 1000 ريالْ ،،

ويقول ان سعر التويكس كان شاريه في بحر الثلاثين وبيصير سعر الكرتون بـ 51 ريالْ بماسبة السنة الجديدةْ ،،

يعني الواحد من جد ما يدري من وين ياكلها وكيف راح يعيش مع جشع التجارْ ، !

ناس تزيد نعمتهم وينعم الله عليهم وناس يالله تلقى فلوس عشان تصلّح الدفايه عشان البرد ، !

الله يستر بس من الجايْ ،،

،،

اقتباس:

---

المشاركة الأصلية كتبت بواسطة O m a r

يعطيك العافيه اخوي اكورداوي على الخبر الفرررش ..
واذا كان صحيح هالكلام .. من 91 سابقاً الى 110 حالياً .. فالفرق بسيط 19 ريال قيمة الصرّه والورده !!



:d

---

أنا الشيء اللي قاهرنيْ مو الـ 90 ريالْ ،،

اللي قاهرني هالـ ريالْ ، :d

ما أدري حق وشْ ،، :p

^^^^^

مكسبهم ريال واحد بس


غريبه ياشباب انا اغير الزيت بـ 109 ريال عادة ,,
.
.

يعطيك العافيه اخوي اكورداوي ع الاخبار المتميزه

الله لا يوفقهم

استغلال الله يهديهم وينزل أسعارهم ويعيننا ...آمين

اقتباس:

---

المشاركة الأصلية كتبت بواسطة MOHAMMED SS

انا اغير الزيت

4 لتر + فلتر الزيت يطلع علي كامل بحدود 600 ريال

ومع اجرة العامل بيطع 700 ريال

:o

---

وشو نوع طيارتك ؟

ايرباص لا بيونج 747 :d

ويييييييين قاعدين يبو 700 ريال :eek:

اقتباس:

---

المشاركة الأصلية كتبت بواسطة amer09

لاابوهم من وكالة يعني يوم مشت السيارة خمس الاف رفعوا الاسعار :mad:
طيب وشهي الوردة :o:confused:

---

قطعه قريبه من الصره .. مدري وش تبي بالحياه ,

اقتباس:

---

المشاركة الأصلية كتبت بواسطة B Unique

يالله صباح خير يا اكورداوي

الواحد يبي يصحا على اخبار حلوة وانت جاي تقول الورد صار غالي !!

:d

اتوقع الهدف من رفع اسعار القطع واجور الصيانة هو محاولة تعويض الخسائر في مبيعات السيارات

---

تدري ليش لي نفس أكتب الموضوع ؟

لأني غيرت الزيت ب 35 ريال :d ولا لو ماعندي الكارت كان صارت علوم ثانيه :p


وبصراحه تحليلك للإرتفاع منطقي جدا وهذا الي فكرت انا فيه ’

اقتباس:

---

المشاركة الأصلية كتبت بواسطة أكورداوي

وشو نوع طيارتك ؟

ايرباص لا بيونج 747 :d

ويييييييين قاعدين يبو 700 ريال :eek:

---

انا من البحرين وكذا محل شريت من عنده الزيت وارخص شي طلع ب700 ريال :(

يعني بالله انا ابي اعرف النصب لييش

اغير الصره كل مره ليش :confused:

الصره ماتغيرها الا اذا خربت

مو كل مره

يارجال

انا السيفون اشتريه من قطع الغيار بـ 15 لان البناشر يبيعونه بالسعر الي يبونه :p

واقرب بنشر غير عندهم الزيت وخلاص

;)

حتى لو ان السعر اعلى من الوكاله

بس اهم شي الوكاله ماتكسب على حسابنا :mad:


كفايه نصب واستغلال

يارجال خلك ساكت
مريت على الوكالة ابعمل صيانه
وموتري ماشي 200000
قال لي:
الموظف الصيانه بس من 1300-1400 فقـــــــط (يابلاش):mad:

يعطيك العافيه حبيبي ع الخبر

والشكوى لله <<

شكراً لك

والله يعينا عليهم

اخونا عبد الله هاشم يربح في السياره 20000 الف ريال ويربح من صيانتها 5000 الاف ريال ويربح من قطع غيارها 10000 الاف ريال هدا ربح مضمون عنده في السياره الوحده :)

اقتباس:

---

المشاركة الأصلية كتبت بواسطة الــمــســافــر

زيت وفلتر بـ 700 ريال :eek:

شكل المحل اللي تروح له مستاجر بالدور الاخير ببرج المملكه (على الجسر ) :d

---

:d

والله ياضحكت عليك .. والصراحة بطني اليوم فيه كل شي يؤكل وهو موجود على سطح الارض >> الله يديمها من نعمة ويحفظها من زوال ..


سلطانوهـ .. لو تكرمت وشفت مكان الإقامة للعضو محمد SS كان عرفت السالفة ..
والغريبة حتى أكورداوي .. كان مستغرب من مبلغ تكلفة تغيير الزيت .. :d

صدق إنكم شعب لايقرأ إلا مارحم الله .. :mad:

وين يا ناااااس
انا مغير زيت مع فلتر يوم الاحد في وكاله هوندا بالدمااااااام
ب 90 رياااال فقط
و شيكو البطاريه والكفرات وعبو المسااااحات

خلوة يصدي ..

المشكلة الزيت ما يصدي ولا يخرب الا في المكينة :d

أنا اليوم غيرت عندهم الزيت والسيفون
بــ 110 ريال
والأسعار هاذي من بداية اليوم
واللي مغير أمس مغير بـ 91 ريال
حتى الفواتير تغيرت وطلع كل شيء بالكمبيوتر
وتفاصيل الفاتورة
كالتالي
أجور = 48 ريال
قطع = 62 ريال
المجموع = 110 ريال
يعني الله يسلمك اشتر الزيت والسيفون بـ 62 ريال
ورح لأبو يمن وخله يركبه وعطه 10 ريال أو 20 ريال
أنت وكرمك
والإجمالي 72 أو 82 ريال

أنا أقول كذا
أول شيء علشان فيه فرق 30 ريال
يعني مرتين تغسل سيارتك
وثاني شيء
يا أخي زحمة
أنا اليوم رحت عندهم الساعة 9.30
وطلعت من عندهم الساعة 11.30
ولو أني رايح لأبو يمن كان ربع ساعة وأنا مخلص من زمان .......
ما أقول إلا انسى الوكالة

يوم الاثنين غيرت زيت فقط بـــ 60 ريال بالشركة بجدة

طق كرتون زيت وكرتون فلاتر وعلى ابو يمن بـ15 ريال

الحسبه ماتزيد عن 80 ريال

الواحد سار وين مايروح يلقى الاسعار نار

السلام عليكم

والله بصراحه شي متوقع من الوكلاء وليس من وكاله هوندا فقط. مثل ماقال أخوي بي يونك يبي يغطون على خسائرهم

تقبل مروري ياخالد:)

اقتباس:

---

المشاركة الأصلية كتبت بواسطة mohammed Ss

انا اغير الزيت

4 لتر + فلتر الزيت يطلع علي كامل بحدود 600 ريال

ومع اجرة العامل بيطع 700 ريال

---

.. يا خي ذكرتني بواحد الله يستر علي ..

مغير الزيوت مثلك
عند علي بـ 880

وربي زحمه على قلت فايده

زايدين ريال وزداو لكم خدمتين وطايرين فيهم ؟ خخخخخخ

غريبه ياخوي انا اليوم كنت في الوكاله وسألتهم وقلي لا بـ 91 ريال الزيت والسيفون والورده ..

ويقول ماتغيرت اسعارنا ....

انا رايح لهم بكره بعد اغير الزيت وبشوف :o

تشاااااااااو

ملاحظ اختلاف الاسعار اللي يغيرو في الوكاله

سيارتي 6 سلندر اغير بـ 89 مع الفلتر + تشييك على البطاريه واجزاء داخل الكبوت وتحت السياره يبخو عليها بمزيل الصداء

وانا اغير عندهم عشان يختمو على دفتر الصيانه ........ يعني مستفيد شغلتين

وبالتوفيق للجميع

انا غيرت الزيت مثلكم بـ 91 ريال طبعا قبل عام 2009م :) اخر مرة قلت بروح للبنشر بغير عنده بجرب الفرق قال علبه الزيت بـ 15ريال والفلتر بـ20 ريال يعني 80 ريال وشغل يده 20 ريال المجموع 100 ريال قلت له الوكاله ارخص قال ايه احنا علب والوكالة توانك يعني ارخص لهم والمفروض يرخصونه اكثر :mad:


وغيرت فلتر الهواء بـ 90 ريال بس ما ادري هذا سعرة ولا لاعب على ابويمن ..:confused:

وبعدين وش الصرة والوردة ؟ فاتحين حديقة تحت السيارة ؟؟

^^^^^^^^^^^^^^^

الزيت بـ 14 ريال ( 4,2 علبه مع السيفون .. يعني اكثر من 4 علب بشوي )
الفلتر بـ 13.5 ريال
ما ياخذ شغل يد ولا ريال اذا غيرت الزيت من عنده (شغل يد ياخذ اذا جبت الزيت من برا )

يعني ابو يمن .........:d

ياشباب حسبة بسيطة جدا

الحين سعر علبة الزيت 15 ريال ==== وانت تحتاج 4.2 علب = 5 علب
5*15 = 75
الحين الفلتر اللي عند ابويمن اتحداك اذا كان نفس العلبة اللي عند الوكالة. روح اشتر من الوكالة ورح شوف حق ابو يمن وراح تلاقي فرق واضح حتى في جودة الفلتر تقريبا السعر 25 الى 20 ريال
الصرة عشان تغيرها عند ابو يمن 10 ريال وبعض المحلات 2 ريال !! شفت العجب .. وقول كمان حقت مزيل الصدا 3 ريال ..
المهم :
75 +25+10+3=113 ريال
ولو قلنا بالحسبة الرخيصة ..
75+20+2+3 =100 ريال
بس اش الفرق بين الوكالة وابو يمن انه يوم يحصل لاقدر الله تهريب في السرة تقدر تراجع الوكالة لانها شغلها تضمنه لمدة 3 اشهر تلاقيه مكتوب خلف ورقة التشغيل ...
انا ما اقول ان الوكالة احسن لانك لو تاخذ كرتون كامل للزيت وتسويه عند ابو يمن اوفر لك بكثير ممكن تزيد عن 100 ريال لكن اذا انك تغير كل مرة من عند ابو يمن فروح الوكالة احسلك ...
لكن عشان اكون صادق ما غيرت عند الوكالة الا مرة وحدة يوم التشيك على السيارة ..
شكرا لكم جميعا...:rolleyes:
:cool:

وصل الخبر

وصراحه مالهم داعي

اقتباس:

---

المشاركة الأصلية كتبت بواسطة A h M 3 D

طق كرتون زيت وكرتون فلاتر وعلى ابو يمن بـ15 ريال

الحسبه ماتزيد عن 80 ريال

الواحد سار وين مايروح يلقى الاسعار نار

---

والخوف انه بعد يومين يجيك ابو يمن ويزيد الاسعار كمان وتكمل :d

حسبي الله عليهم

شاكر لك على هالخبر ,

وانا سألت أحد الربع يعمل في صيانة السيارات بوكالة هوندا ,

وقلتله ليش تغيرون الصرة والوردة عند كل تغيير زيت وفلتر ,

قال لأن الصرة والوردة حقت جميع سيارات الهوندا مصنوعة من الألومنيوم , وماتتحمل زي الحديد , يعني ماتتحمل الربط الشديد وكذلك ماتتحمل الزيت اذا ضغط على الصرة , ولذلك يغيرونه منع من تهريب الزيت , لأنه قد صارت معي وانا سياراتي جديدة وماكملت 5000 ,

لأن أغلب السيارات الآخرى , الصرة والوردة فيها حديد , مثل تويوتا ونيسان الخ...

وطبعاً الحديد أفضل ,

لاهنت ~