تركيب الجناح الصغير على اكورد 2008

إخواني الأعضاء بعد التحية

أنا امتلك اكورد فل اوبشن لؤلؤي 2008 وارغب في تركيب الجناح الصغير المعروف بـ (ذيل البطة) لأني شفته على بعض الاكوردات ومعطي السيارة جمال أكثر من الخلف والسيارة أصلا بدونه جميله وبااضافته تزداد جمالا هذي وجه نظري وسألت عنه بالوكالة طلع سعره (1047) ريال طبعا بدون رش وسألت عن رشه وتركيبه عندهم طلع بـ(450) ريال يعني الإجمالي كله (1497) ريال سعودي فسؤالي هو مار أيكم بالجناح هذا وهل تنصحوني بتركيبه ولا لا بصراحة أنا شايف مبالغه بالسعر مع إني مقتدر عليه ولله الحمد بس هل يستاهل السعر ذا ولا لا وإذا احد يقول لي اشتره من عندهم ورشه وركبه برا الوكالة بقوله أخاف من التخريم الخاطي وردائه الوزن, انتظر ارآئكم

تحياتي للكل

والله يا اخوي انا ما انصحك به,
انا معي 2007 وركبتة وطلع فاشل
وركبناه على 2008وطلع حلو على الاكورد السبشل العادية

لكن الفل انا ما انصحك لانها بدونة افخم

طبعا الفرق واضح بين السبشل والفل من ناحية الجنوط واللي تفتح الباب النيكل

عشان كذا الفل ماتحتاج لاي اضافة سوى المحافضة عليها
والله يعطيك خيرها ويكفيك شرها

هذا رأيي الشخصي وانتظر رأي الاخوان اللي بعدي وفكر

شكرا لمرورك ولادلائك برأيك

تحياتي

انا رأي اشوف انه السياره احلى بالجناح

و ممكن كلام اخوي اكورد الرياض صحيح

الاكورد حلوه بـ جناح وبدون

بس احس الحركه ماتستاهل انك تخرم الشنطه

وجهت نظر :d

مشكورين حبايبي على المرور وعلى ارائكم

أخوي .. لو تنزل صور للجناح . حتى نقدر نعطيك رأينا
أنا مركب جناح .. بس بصراحة ما اعرف اسمه :o
وكلفني 900 درهم من الوكالة مع الرش والتركيب
ولو تريد تفضل شو المواضيع اللي منزلها .. بتحصل صورة سيارتي من ورا
وبين شكل الجناح

انا مركب جناح تجاري نفس حق الوكالة يعني من ناحية اللون والحجم وبصراحة ما تفرق بينهم.. وعليه ضمان
وصدقني الجناح إكسسوار يعني إذا ما نفع السياره ماراح يضرها..وعلى فكره حتى حق الشركة فيه تخريم للشنطه.

قيمة جناح الشركة 1497 ريال
قيمة التجاري 200 ريال

الفرق 1300 ريال

تصدق بالباقي عشان الله يبارك لك فيه

شكرا على النصيحه اكورد واتطلع لاراء بقيه الاعضاء
وللي سأل عن صورته

http://file12.9q9q.net/img/77941872/----------.jpg

خـــــــــــــلاص بعد الجنــــــاح هذا بنسمي الأكورد البطه بدل المـــــــلكه وشرايكم حلو :d
ياإني حــــــــــــــــــاقد على اسم هالجنـــــــاح يعني مالقوا شي غير البطه
من رأيي المتواضع الجناح حليو واعطيه 6 من 10 بس السعر مره غالي ومايستاهل
يعني تقدر توفر هالمبلغ لشراء زنون عليه الكلام احلى واطلق وانفع لك طبعا ع الواطي
او مثل لصيانه السياره بين الفينه والاخرى او حتى تلميعها او تركيب حمايه للوجهيه
والراي الاخير بيعود إلك .

بصراحه انا شفته على كم اكورد وشكله مميز جداً وهو راكب

وبعد التقصي حصلت واحد بقيمة 350 اتوقع بدون تركيب << التركيب تبي خرم او لصق اللي تبيه

ونفس لون السياره اللي تبيه واصلي سوق نسخه من الأصلي وماراح تفرق بينهم ابد انا شفته بعيني

وهذي القطعه انا شفتها بالعليان

وناوي عليها بس انتظر الميزانية تظبط معي بس

في سوريا سعره حوالي 827 ريال اذا ممكن ساعدك ؟ :)
راسلني عالخاص
و أنا برأي روح شوف التجاري اذا كان مثل الأصلي ركب لأنه قطعة زينة يعني ما يضر السيارة:confused:
و اذا كان السعر رخيص مثل ما قالوا ممكن تساعدني و تشحنلي لأن بصراحة ناوي من زمان بس الميزانية!!!:p

مشكورين حبايبي على النصائح وبالنسبه لك توني اذا قدرت ليش لا بس اتمنى انك تسال الاخ محجوز يمكن يساعدك في وقت قياسي

على الاسبيشل ممكن :cool: لكن الفل وخاصه السته سلندر مع الشكمين صراحه اشوفه :mad:

اقتباس:

---

المشاركة الأصلية كتبت بواسطة ::: كـاكـا :::

على الاسبيشل ممكن :cool: لكن الفل وخاصه السته سلندر مع الشكمين صراحه اشوفه :mad:

---

وجهه نظرك واحترمها شاكر مرورك

والله يا شباب انا نفس الشي معايا فل 2008 ومتحير اركب الجناح الصغير ولا لأ:(

اقتباس:

---

المشاركة الأصلية كتبت بواسطة مفجر الهوندات

والله يا شباب انا نفس الشي معايا فل 2008 ومتحير اركب الجناح الصغير ولا لأ:(

---

انتظر الين اقرر انا وبعدين سوي زيي هههههه

جناح البطه روعه على اي فئه ............. انصح بتركيبه مهما كلف

شكر خالد على النصيحه
تحياتي

أخوي بسنس يسعد مساءك بكل خير
أنا ركبته أمس وبدون تخريم وكلفني تريبا 285ريال سعودي كالتالي
100 ريال سعر الجناح
45 ريال سعر البوية
90 ريال سعر الرش (واحس انني مغششوش:d)
50 التركيب بدون تخريم قال لي السمكري انا اسويها لك بدون تخريم لان حرام تخرم السيارة وهي جديدة فثبته بغراء نوعيه ممتازه وثابت ما يهتز ولا يروح :)
شكرا اخي لك
للتواصل ahmed14077@hotmail.com

شكرا على مرورك انتظر رسالتي بالخاص
تحياتي

الاعضاء والزوار الكرام
لقد تم إضافة صورة للجناح
آمل ان ينال اعجابكم:cool:

حبيب قلبي انا صار ليي سنه مركب جناح الوكاله وما صار فيه شي وكلفني 1300
وانا مخرم الشطنه ومحطوط الوزن ,, يعني ما تتأثر ولا يدخل ماي وكله السالفه شغل وكاله شريته ورشيته وركبته
وكان تركيبهم نظييف جدااا
وادا تبي اتشوف صور للجناح ادخل على ألبومي
تحياتي :)

ماهضمته ابد

ولولا اختلاف الاذواق لبارت السلع الاكورد لاتلعب فيها من برا ابد غير التضليله الخفيفه

احب اضيف شي مهم الجناح اكيد يزيد من جمال السياره

انا رحت اليوم اسال عنه لقيت في نوعين واحد فيبر و التاني بلاستك >> نفس اللي يجي من الوكاله بس تجاري طيب

وممكن يركب بدون تخريم ومع التركيب والرش 300 يكلف والفيبر 250

وناوي اركب ابو 300 وان شاء الله احط الصوره بعد التركيب

انا شريت واحد من الغرابي 180 بدون رش ورشيته 70 وركبته بلزق ابو وجهين امريكي الاصلي طااالع حلوو بصرااحة لو تبي صور حااضر

اختلاف الآراء لا يفسد الموضوع بل يزيده روعة
تقبلوا تحياتي

انا كنت ناوي اركب جناح بس هونت عقب ما سمه بالجناح البطه :d

ههههههههههههههه حلوة محب اكور بس لا تعيدها
مشكورين حبايبي على التفاعل وحبيت اقولكم اني ركبته ولله الحمد طالع:cool: واكرر شكري على تفاعلكم
تحيه طيبه
عبود

ممكن وين احصله بالشرقيه شباب؟

الشباب هنا بيفيدوك اكثر كان ودي اساعدك لكني من جده وانا ركبته وكاله الجناح والرش والتركيب .

تحياتي للكل

انا اليوم حصلت واحد بالدمام مصبوغ (( ذهبي )) فيبر بسعر 180 ريال بس !!

حصلته يبيعوه في شارع الي موجودة فيه وكالة تيوتا بالدمام الي كله اكسسوارات


وسعره 170 ريال ويمكن يخفض بعد وجميع اللوان


تحياتي

انا مركب جناح لصق m3
بـ170 ريال
وان شاء الله بركب شكمان ثاني عشان تطلع خوقاااق << يدعس سيارته
والصور في البومي
تحت التوقيع

ولد عمي عنده فل اسود ..اشتراه من محلات الزينه ..واقرب محل سمكره..وركبه ب اللزقه الأسطوريه 3M .. ولا له دخل ان السياره فل ولا سبشل ..الخلفيه كلها وحده ... :d

مبروك عليك الجناح و يتربى بعزك إن شاء الله :rolleyes:

و أتوقع يكلون لايق 100 % على السته سرندل

جناح + شكمانيه = شكل جوناااااان :d

و على الربعه سرندل مو بطال :)

تحياتي لك :)

والله بصراحة أخوي فكرة تركيب الجناح حلوة مرة

وأنا ناوي أركب الجناح من زمان

مع العلم أن سيارتي اكورد 2009 فل كامل

رحت للوكلة بسأل عن سعر الجناح أو مثل ماتسمونه ( ذيل البطه )

قالي بـ 4000 $ rs +_+

<<خير أن شاء الله بأربع ألاف ريال والله مانهبلت أركبه

بعد تفكير قلت خلني أروح لمحل زينة ألقاه مرشوش وأحسن

وبـ 170 ريال .. يالله من فضلك

لكن الله يعين


trane