والله مره منزعج بليز ساعدوني

انا عندي اكورد 2009 اللون الفضي اخذت هذا اللون وانا مقتنع فيه تماما

بس من كثر ما انتقدوني الناس والاهل على اللون صرت منزع جدا جدا
بالاضافه ايش من الزينه او الاكسسوارت تصلح لهذا اللون؟
افيدوني بليز يا اخوان
ابغى رأيكم بدون مجامله وهذه صوره لنفس لون سيارتي...




تحياتي لكم

اخوي انا توني مطلع اكورد اسود 2008 v6 اقسم بالله ان كان في نفسي اللون الفضي وانا اهنيك علي ذوقك والله اللون جنان بعدين اللي علي الهوندا موفضي اسمه سموك سلفر يعني فضي لماع واعيد واقول اهنيك علي اختيارك:cool:

اخوي انت ماخذه عن قناعتك مو قناعتهم


ماعليك من احد مادام ان الموتر معجبك



الف مبرووووك

اللون الفضي مايحتاج ضللها تضليله خفيفه كل السياره وتطلع توب

شف حبيبي اهم شي انت مقتنـع
وبعدين ترااه لون مميـز..
صح انه مايعجبني بس اهم شي انت :d
اانا مثلك يوم طلعت 2007 انتقدوني العالم
قـالوا حرام عليـك. بس اهم شي اكون انا مقتنع
ومااناظر بكـلام احد ..

يعطيك خيرهـا ويكفيك شرهـا..
تحيتي :)

وأنا لوني فضي ^_^
ولي كان يقلي طلع أحمر أو طلعلك أسود (( محد قلي خذلك فضي ))
ومع ذالك طلعت الفضي (^_^)
.
في مثل يقول كل الي يعجبك وألبس الي يعجب الناس
بس نصيحتي أذا تبي ترتاح <<< كل الي يعجبك وألبس الي يعجبك ~_^

يا حبيبي وربي الون الفضي جناااااااان أنا معي فضي فل ومعطيها كتم قسم أن كل العالم يقولون لي نهنيك على الون لنه فيه لمعه مجنونه ماهو منتشر بس غسله يا سلااااااااام يطلع:cool: وما عليك من
أحد وربي أنه أووووووووكي وأهم شي أنك مقتنع......

والله بدون مجامله لك والله الفضي لون حلو

حتى دائما اشوف عندنا بالكليه سيفيك فضي فل وماشاء الله طالع عليها اللون حلو جدا

بتقولي ليه انا ماخذت اللون الفضي مدام انه عاجبني

وبقولك انا ماحب الداخليه الرماديه

:cool:

اللون ما عليه كلام

اهم شي انك مقتنع فيه

بالنسبه للزينه تقدر تركب :

تظليل اسود خفيف - زينون 4300 كالفن - اسطبات خلفيه led وربي تطلع جنان

اللون هذا دمااااار شامل يطلعها اكشن..

ومبروك السياره

حتى حسيت بنشاط وربي من ردودكم

الف شكر لكم
وانا مقتنع في اللون الحمد لله

تحياتي لكم.............برب برووح اضلل واركب زنن
تحياتي لكم مره ثانيه

^^^^

تعال ياياشا وين رايح خلينا ندلك على الاشياء الزينه مو تركب اي شي :d

انا واللهي كنت اباخذ فضي

بس بصراحه ماعجبني من داخل رصاصي فاتح
لأني أنا أحب البيج وعجبني العسلي وخذيته

انا ماعرف بالتعبيث

لكن عندي لك راي يمكن يعجبك
ركب جنوط ورش نفس الجنوط اسود

وزنون وتظليله خفيفه تطلع خقق

وذا ماتبي جنوط ركب تظليله نيكل وزنون برضوا تطلع خالعه

احسد لونك على ان تظليل النيكل يركب عليه بقوه

~

واللون روووعه ماع ــيك

.
.
.
فضي يابطل ,,,, ح تكون مميز ,,,, الشعب كله يا اسود او ابيض !!!


خالف تعرف

انا كنت دايخ ومتقطع اني اطلع لون لؤلؤي
بس المشكله عندنا في امريكا الؤلؤي مايجي الا على ال ٦ سلندر فل كامل وبس وغيره مايجي

كان اختياري الثاني اني اطلع الفضي ..

تبي الصراحه ... اشوى اني ماطلعت الؤلؤي .. اذا خلصت ملمع الجنوووووط من داخل ومن برى
وجبت الستب الامريكي .. وستبت الكفرات .. ومركب شمعات ال اي دي .. يارجال ..

اتسدح قدامه انا ادوووووووخ ماغير اقول ماشاء الله تبارك الله

تلقاني ماغير اتفل عليها

بس الى الحين ماضللت .. اليوم رحت لم شركه بس دوخوني لانهم
يحطون لك السياره على الكمبيوتر ويركبون التضليله لين تكون انت مقتنع اي درجه تبي تركب

هو غامق ولا فاتح

فضي وبس

اذا ضللت .. الله لا يهينك .. ارفع كم صوره للسياره

انا الى الحين مادري وش احط عليها تضليله

ولا احب اني اكتمها اسود كلها .. ماشوف من زين عنوني :d

العيال عندي يقولون لي كتم اسود كتم اسود انا ماقتنعت فيه ابدن

أوووووووول شي : الله يعطيك خيرها ويكفيك شرها يااخوي ،،،

وثانيا: أهم شي انك كنت مقتنع باللون لمن اخدت السيارة ،،،

ووالله ثم والله انو اللون روعة ،،، اغلب الاكوردات في البلد لؤلؤي و أسود ،، فانت كدا حتكون مميز ،،، ;)

بس يبغالها تضليل عازل حراري أسود وتطلع السيارة 100%:cool:

( لولا اختلف الأذواق لبائت السلع )،،،

موفق يااخوي ،،،

أول شئ الله يعطيك خيرهـ ويكفيك شرهـ ..

ثاني شئ .. اناا اعرف لك كم واحد معه أكورد 2009 و 2008 .. بعضهم ذهبي وبعضهم أسود وفضي .. وانا معي اللؤلؤي ..

طبعاً ارووح لهم وانتقدهم على اللون على اني اعرفهم من الصغر << حلووة ذي :rolleyes:

اكتشفت ان الذهبي للرسميين والشيبآآن :d .. والأسود والله بالنسبة لي مآعجبني .. لكن النآس آذوآآق :)

والفضي اذا جيت للتضبيط وخر عنه ;) .. خصوصاً اذا ركبت له جنووط 19 سوداء .. وتضليلة عآزل زيرو زيرو .. أو زيرو وآن .. واصطبآت LED .. اقسم بالله يااهي تطلع شكل .. وزنون 4300 .. واذا قدرت كشآفات ..

وعن نفسي أخذت اللؤلؤي لأنه ينفع بكل وقت .. ولونه مآشي عند البيع .. هذا رأيي ..

وأهنيك على الآختياار .. ومبروك عليك المـوتر .. وخلك على المثل اللي يقول "لو لم تختلف الأذواق لبارت السلع" .. عشآآن كذا انت عجبك هاللون وغيرك مآعجبه .. والنآس فيهم طبع من الله بالآذواق ..

احس اني طـولت .. :(

بالتـوفيق :cool:

والله اخوي الون روعه والله عجبني فيه لمعه غريبه والله مشاء الله ذوقك روعه
وحاب اعطيك نصيحه شي صار لاتتحسف عليه وش نتيجته الهم والغم ولا راح جيك الشي الي تبغاه لانه صار
وتقبل مروري
وثاني مره اقول ذوقك روعه

اخوي انا بس اقول
(( ارضا الناس غايه لاتدرك ))

اهنيك على اختيارك انا كنت نفسك بطلع فضي لان الداخلي في الفل نفس الخارجي

بس في الاخير خذت الفيراني ولين يومك اشوف الفضي واقول لو طلعته بس اهم شي ان كلهم داخليهم فضي لاني مااحب التخشيبه احب النياكل لانها سبورت اكثر

اول مبروووك على الموتر الله يطعمك خيرة ويكفيك شرة
وثاني شي انت مقتنع لا يهمك احد وبعدين ((((ارضاء الناس غاية لا تدرك ))))
ولو كان معك لون أسود أو لؤلؤي قالو لك ليش ما شريت فضي

اللون الفضي من احلى الالوان على الهوندا وماعليك من الي يقول لك مو حلو الفضي والذهبي احلى الالوان ..

شوف يخوي اول حاجه تسويها طبعا التظليل العازل للحراره طبعا في كول الانسب في السعر والجوده يعطيها منظر ويمنع حرارة الشمس الحارقه
ولو حاب تحط لمسات خفيفه مو مشكله بس ما انصحك انا اكوردي فل ابشن 2008 بس تظليل عازل للحراره ومعطيها منظر رهيب

طبعا لا تنس الحمايه السفليه للسياره والعازل على الانوار والكشافات لانها راح تفيدك كثير

اخوي واحد معاهـ اكورد

اولا: الف الف مبروك والله يعطيك خيرها ويكفيك شرها

ثانيا: بالنسبه للون الفضي هو صح انه صار لون مستهلك بس مازال يفرض هيبته ومتمسك بحلاوته

ثالثا: بالنسبه للتظليله انا شفت اكورد فضي مركب تظليله ام وجهين هي اسمها كذا والبعض يسميها تظليله مخلوطه
طبعا التظليله هذي تجمع لونين الاسود والنيكل يعني راح يطلع الموتر اوكي وفله .. شوف انا سيارتي مركب تظليله ام وجهين بس لون ذهبي مع نيكل وشوف كيف طالعه ماشاءالله (صورة السياره في الاسفل بالتوقيع) بس لاتركب كاتم لانه بيخرب عليك شكل السياره ركب الدرجه الخفيفه وبيطلع اوكي ان شاءالله على فكره ترى هذي التظليله ام وجهين عازل يعني منها شكل وعمليه

رابعا : اتمنى لك التوفيف واتمنى اني افدتك

خامسا: اي شي تسويه وانت مقتنع فيه لحد يهمك ولا تخلي احد يأثر على قراراتك :d >>>>>>>> ينفع للتحريض ;)

سادسا: تقبل تحياتي ومروري واسعافي :d

أول شيء مبروك عليك السيارة... و الله يعطيك خيرها و يكفيك شرها

أخوي الغالي: ما يهمك أحد...أما بالنسبة للون... لون رهيب و ماعليه كلام ويكفيك لمعته بس...

و أنا عن نفسي اللون الفضي أعتبره لون معتدل قريب من الأبيض, فيه ميزات اللون اللؤلؤي و يفرق عنه بأنه ما تطلع السيارة معه كأنها تاكسي
و كذلك تقاسيم بودي السيارة تشوفها واضحة بعكس اللون الغامق >>> أقصد الأسود

أنا شخصيا ً,,, وأعوذ بالله من كلمة أنا,,, عندي لون فضي و بصراحة ما ندمت أني أخذتة...
أما عيبه البسيط والوحيد هو الداخلية الرمادية... و تختلف درجة اللون الرمادي الداخلي حسب مواصفات السيارة (سياحي * سبشل * فل)...و كلا ً و ذوقه
لكن إذا رَكبت السيارة تنساه و ما يجي على بالك!!!

***لكذا أفتخر أنك مميز***

و أخيرا :ً أهنيك على اللون و السيارة الرائعة :cool:

هذا و تقبل مروري ;)

هلا والله اخوي زي ما تكلمو الشباب اذا انت مقتنع بلون لايهمك احد
والله يعطيك خيرها وكفيك شرها
..................

عزيزي راح اقول لك شي
ارضاء الناس غاية لاتدرك

حتى لو طلعت لون ثاني راح يخالفونك :mad: ولكن انت وقناعتك هي سيارتك ماهي سيارتهم;)
واللون جميل والداخليه محلوه بالون الرصاصي وكلااااااااااااااااااااااااااااااااااااااااام:eek: :eek:
لكن اذا عندك فولس اضف تضليل عازل زير ون وزينون وليد وخلك بعيد :cool: :cool: :cool:هع هع هع