عرض للطباعة
ارجوكم المساعده ....
سيارتي هوندا أكورد 99 القير توماتيك ..
السياره الاحظ عليها العزم ظعيف ويالله يطلع الطلعات الخفيفه ...
والمشكله الأكبر عندي السياره اذا احتمت قام البنزين يفصل ويرجع يشبك مره ثانيه الامبير الثاني الي جنب البنزين حق معدل الدوران اذا فصل البنزلين ينزل تحت وفجأه يرجع فوق على طول....
هل المشكله القير ؟؟؟
علما بأنني فحصت السياره في الوكاله كمبيوتر وقال القير مايمشي 160 يحتاج توظيب....
وين المشكله ؟؟؟؟؟
معقوله ماحد رد !!!!
يا شباب ابي نصائحكم ؟!
انصحك تسوي فحص كمبيوتر يمكن حساس شيك علا زيت القير لايكون ناقص او انك ماتغيره
اتوقع مشكلتك من حساس وزن الهواء او حساس الاكسجين
وهذي ما تقدر تفحصها الا بالكمبيوتر
بس غريب ان الوكالة قالوا لك القير يبيله توضيب .. ليه انت ملاحظ فيه شي ؟!
شكرا على الرد..
يا اخوان مثل ماقلت لكم فحصت السياره بالكمبيوتر في الوكاله قال عند القير مايمشي 160 !!!!
الموتر للأمانه عزمه مو مثل اول ضعيف ...
واذا هديت وانا مسرع ورجعت ادعس مره ثانيه الموتر بطيء ماينزل ياخذ النمره الي تحت ويطلع مثل أول ...
ارجو الفائده ...
مشكلتي الكبرى في الحر واذا مشيت كثير يقوم البنزين كأنه يفصل كاني رافع رجلي من البنزين ادعس البنزين كله ولا فائده ولا يوجد هناك حننننه على المكينه ليش ماسمع حننننع وانا داعس البنزين كله ....بعدها يرجع يستجيب .....
افيدوناااا......
اللي فهمته منك ان القير اذا سخن يبدا يفلت ويصير كأنه في الفاضي
اذا كانت هذي مشكلتك فكلام الوكالة صحيح والله يعينك مالك حل الا التوضيب
طيب يا اخوان اذا احتمى القير وصار فاضي هل من الضرورياني اسمع حنننهفي المكينه وانا داعس البنزين كله حيث اننيلا اسمع شيء وكأنني لم أدعس على البنزين نهائيا ؟ هذا السؤال الأول .
السؤال الثاني :-
ماهي افضل ورشه تعمل توضيب مضبوط لقير الهوندا في الرياض هل ورشة الجنوب افضل ورشه ؟
افيدونااا
بالنسبة لسؤالك الاول المفروض تسمع صوت المكينة لان القير يفصل وما يصير على المكينة اي حمل
بس على العموم القير حالياً لازم له توضيب وبعدها ان شاء الله تقدر تلتفت لباقي المشاكل .. هذا طبعاً اذا ما انحلت مع التوضيب
وبالنسبة للورش ان شاء الله يفيدونك بها اهل الرياض
شيك على فلتر البنزين وطرمبة البنزين ممكن يكون منهم واذا سخنت السياره الطربه ماتضخ البنزين زي الناس
شيك عليهم اول وتأكد منهم احتمال تكون المشكله فيهم - خلي القير اخر احتمالاتك لانه راح يكلفك كثير
اخوي فلتر وطرمبة البنزين مالها اي علاقة بحرارة السيارة ولو كانت الحرارة تأثر عليهم كان بتتعرض السيارة لخطر الاحتراق او الانفجار في اي لحظة . طرمبة البنزين والفلتر ما تبان مشاكلها الا وقت التشغيل .. اذا كان فيهم اي عطل بتلقى السيارة تتأخر في التشغيل او ما تشتغل ابد !!اقتباس:
المشاركة الأصلية كتبت بواسطة gray2008
صحيح توضيب القير مكلف لكنه من المشاكل الدارجة في الاكورد وخصوصاً في موديلات الـ 98 - 02
تم توضيب القير ولكن للأسف المشكله لازالت قائمه !!!!!!!!اقتباس:
المشاركة الأصلية كتبت بواسطة b unique
الموتر اذا مشى في النهار في الحر ولمدة تقريبا ساعه ونصف وانا ماشي البنزين كأنه يفصل من المكينه بمعني كأني لم ادعس البنزين علما بأنني ادعس البنزين بقوه ولايوجد اية استجابه...
وصف المشكله أكثر..
يفصل البنزين لمدة 3 ثواني ويرجع يشبك مره ثانيه بعد 3 ثواني تقريبا علما بأن السرعه تتباطء الى ان يقف الموتر نهائيا ولا يتحرك ...
ملاحظات :-
حرارة السياره زينه على الثلث لم يتعداها ..
اذا وقفت السياره بعد حدوث المشكله اخليها نص ساعه واقفه واعيد تشغيلها ويمشي امورها تمام ولكن ترجع المشكله بعد مرور فتره من الوقت ...
يااخوان افيدوني !!!!!
طرمبة البنزين غيرها
المشكلة سارت في سيارة الوالد قبل كده
إذا سخنت الطرمبة السيارة تقطع و في الأخير توقف و أحيانًا ما تشتغل إلا إزا نزلت دقيت الطرمبة من تحت
انا موضب القير عند ورشة الجنوب,,اقتباس:
المشاركة الأصلية كتبت بواسطة أبوكرم
جبت طاري الطرمبه له قال الطرمبه مالها دخل ابد يقول المشكله عندي كهربائيه !!!1
للأمانه الموتر يرجع يمشي بعد ماخلي الموتر واقف لمدة نص ساعه او ساعه بدون طقت طرمبه ولا شيء...
ارجو التوضيح اكثر..
معلم ورشة الجنوب يقول انه بيسأل احد في الوكاله لانه مو عارف المشكله بالبضط .!!!
نبي ردود أهل الخبره !!!!
وين الخبراء !!!!!
عطوني رأيكم !!!
اقتباس:
المشاركة الأصلية كتبت بواسطة mansour7070
طيب إنتا كدا كأنك تستنى الطرمبة لين تبرد
طيب مو يمكن شيء ثاني الين يبرد !!!اقتباس:
المشاركة الأصلية كتبت بواسطة أبوكرم
ياخوي بعد ماوظبت القير بمبلغ عالي ولا صارت منه المشكله احبطت !!!!
انت متأكد انها طرمبه !!!! معلم الجنوب ماعطى الطرمبه اي احتمال نهائيا !!!!
سؤال اخر كم سعر الطرمبه الجديده ؟
سعرها حوالي 182 ريال
غيرها وأقطع الشك باليقين
اخوي انا اعطيتك ردي بناءاً على كلام الوكالة ووصفك للمشكلة
نفس الوضع واجهته في كم سيارة منها اكورد واحد من الشباب هنا . كان القير اذا سخن يفصل وما يغير وبعد التوضيب انتهت مشاكله ولله الحمد . مشكلتك غريبه والله لكن سوو اللي قالك عنه ابو اكرم وجرب تغير الطرمبة . واذا ما ضبط الوضع جرب تعيد برمجة القير في الوكالة اعتقد بـ 200 ريال ..
واذا ما انحلت مشاكلك لاهنت ارسل لي رقم جوالك على الخاص
يالحبيب تأكد من زيت القير
اخوي
تأكد من زيت القير . لان اللي بالوكالة النوع الجديد لا يناسب موديلات 98 الى 2002
انا عن نفسي قبل سنه تقريباً جيت للوكالة ابغير الزيت اللي اذكره 40 ريال او 45 هذا اللي اذكره قالي المهندس فيه نوع افضل ويعيش اكثر وسعره غالي شوي 90 ريال يعني دبل وبعدين عرفت انه حق الموديلات الجديدة
المهم
غيرت من النوع الجديد وانا اطلع السيارة كان يأذن المغرب يعني الوكالة خلاص بطلع من عندهم و تقفل الى يوم السبت لاني جايهم يوم الخميس. المهم طلعت ومشيت حوالي 8 كيلو حـــسيت السيارة تغيرت التغيير القير غير طبيعي واذا وقفت الانبير حق الابنص يلعب يطلع و ينزل انا مشيت شوي ووقفت نفس الشي
وقفت السيارة الى يوم السبت ورحت للوكالة وشافها مهندس ثاني قااااااال من اللي غير لك الزيت؟؟ هذا لا يناسب الموديل هذا ولو مشيت عليه مسافه طويلة كان خبط القير ؟؟
المهم غيرت الزيت القديم و الحمد لله
هــــــــــذي تجربتي انت تأكد من نوع الزيت . ممكن تكون نفس المشكلة
ياشباب معلومه يمكن تساعدوني فيهااا
انا وقفت السياره وحطيته على n . بعدها قمت اضغط على البنزين البنزين يفصل ويشبك الامبير الثاني الي جنب امبير السرعه يطلع وينزل بمعني يفصل ويشبك مره ثانيه !!!
وكذلك نفس الحركه على وضعيت ال p البنزين يفصل ويرجع واذا ضغط قوووه في النهايه يطفي الموتر..
افيدوناااا !!!!
للتذكير سيارتي هوندا أكورد 99 القير توماتيك ...
افيدونا يا اهل الخبره ..
طيب جرب تفحص البخاخات
وهل بدلت فلتر البنزين كما أشرنا سابقآ؟
اقتباس:
المشاركة الأصلية كتبت بواسطة المباشر
فلتر البنزين تم تبديله والبخاخات تم تنظيفها من قبل الورشه !!
طيب وش صار على حساس الأكسجين مثل ماقال أخوي بي يونيك هل تم تبديله
وماحاولت تعمل فحص كمبيوتر لتبيان السبب ؟؟ :)
فحص الكمبيوتر سويته وماطلع فيه الا توظيب القير الباقي اوكي.. وظبنا القير ولكن للأسف المشكله مازالت قائمه !اقتباس:
المشاركة الأصلية كتبت بواسطة المباشر
المشكله , ان هذه المشكله ماتطلع الا في الحر وبعد مشوار ساعه او اكثر !!!
والله مشكلتك غريبة وتحتاج مهندس يطلع على السيارة ويجربها
وبما أنك من الرياض حاول تمر على الورشة اللي راح اقولك عنها وجرب حظك معها وترى كثير يمدحونها ويقولون فنانين بالهوندا
الله يوفقك وتنحل مشكلتك
اقتباس:
المشاركة الأصلية كتبت بواسطة كوكو كورد
قبل كان عندي فورد في الحر يسوي مثل مشكلتك واذا دعست بنزين مايمشي وتسمع البلوف تخرش خرش ومايعدي الـ 60 واذا وقفت وقت الظهر والجو حار على طول يطفي علي والحل كان وزن بلوف فقط
انت جرب هالورشة وشوف وش يقولون لك يمكن تكون مشكلتك من شي بسيط جدآ ومايخطر على بال احد
ومثل ماقلت لك انا أيام الفورد كان بعض المهندسين اللي يقول عندك الكويل واللي يقول مادري ايش واخرتها وزن بلوف
وصفك هذا هي نفس الورشه الي اجيها وانا وياه في هالمشكله اسم الورشه ورشة الجنوب !!!اقتباس:
المشاركة الأصلية كتبت بواسطة المباشر
اخوي اذا مشيت بالسيارة هل تجيك نفس المشكله؟وانت تمشي
تأكد من زيت القير نــصــيحة تأكد انه النوع القديم لانه هو اللي يناسب سيارتك وسيارتي واعتقد انه كاسترول
المشكله ليست من القير ...!! انا وظبت القير والمشكله قائمه للأسف !!
وين المشكله !!!
المعطيات السابقه :-
- المشكله تأتي بالحر اذا مشيت تقريبا ساعه . البنزين يفصل ويرجع مره ثانيه علما انني عند دعس البنزين لايستجيب الموتر !!!
- المشكله تأتي وانا ماشي ... واذا وقفت الموتر ووضعته في الفاضي وقمت بدعس البنزين نفس المشكله .
- الموتر اذا برد بعد ساعه تقريبا اموره تكون تمام وترجع المشكله مره ثانيا وهكذا ..
- حرارة الموتر زينه على الثلث ولم يتعداها....
أرجو الافاده ؟
بصراحه
انا اتوقع المشكله عندك بطرنبة البنزين
اذا مشيت بالحر مسافه طويله شوي . وقف السيارة بمكان هادي مثل مواقف مغلقه
طف السيارة وخلك وسط السيارة
هـــــل تسمع شي يطلع ونه ؟؟
اذا سمعت الصوت هذا فهو الطرنبه حقت البنزين . طبعا الصوت من الخلف تحت الشنطة بضبط
طيب يا منصور
دحين مشكلتك ممكن تكون أحد الأسباب التالية:
1-القير -------------- تم توضيبه و المشكلة ما انحلت
2-فلتر البنزين ------------------تم تغييره و المشكلة ما انحلت
3-البخاخات -------------------- تم تنظيفها و المشكلة ما انحلت
4-حساس الأوكسجين -------------------------- تم فحصه بالكمبيوتر و طلع سليم
5-الطرمبة حقت البنزين -------------------- المهندس اللي تقول عليه كشف على الطرمبة ولا من حالو لـ لبالو قلك الطرمبة سليمة:confused:
6-برمجة القير ------------------------- ممكن يكون منها و أمرها هين حسب ما سمعت
أنا قلتلك من الطرمبة لأنو اللي سار معاك بالضبط سار معاية في سيارة الوالد
والطرمبة حقت البنزين سعرها مو غالي لديك الدرجة فأنا أشوف إنو من الأفضل إنك تغيرها (بعد الكشف عليها طبعًا)
تم في هذا اليوم تنظيف حساس الهواء ( المنظم )
نتمنى ان تكون هذه هي المشكله !
الله يعينك يالغالي وبشرنا اذا حصلت الخلل
بعد الحوسه والمعطيات الغالب ان مشكلتك كهربائية
طيب احتمال اخير ..
جرب تفحص اسلاك البواجي لان حسب كلامك وقت ما تدعس ما تستجيب معك السيارة وهذي وحده مشاكل اسلاك البواجي
افصل الافياش ، تأكد مافيه شي منها مقطوع ، نظفها ، وركبها
الله يعينك على اللي انت فيه ولاهنت عطنا خبر باللي يصير معك
جرب افحص كمبيوتر مره ثانية
في مركز المفتاح خلف ميزان اليرموك شارع بلقيس _الصناعية القديمة<عنده برنامج الوكاله
الله يعينك
السلام عليكم
المشكلة هذي صارت لي بالضبط وكرهت الحياة
السيارة ما تمشي و تقطع وامبير السرعة يرتفع لحالة حتى لو كانت على n وكذلك امبير الضغط يرتفع وينزل
بس سيارتي كان لما ادعس بانزين احس بصوت كأنه صوت الماكينة سواء لما تمشي أو واقفة احس بتقطيع
ولما أمشي أحس أن هناك شي يحك .
رحت ورشة بالدمام بالخضرية اسمها ورشة السعادة عرضت عليها المشكلة
قال لي : مشكلتك سهلة جداً ( حساس بالضبط ما أذكر اسمه ) قال لي افتح الكبوت
فتحت الكبوت ودخل أيده بين الوايرات و قال لي شغل السيارة و أدعس بانزين
وصارت السيارة 100 % .
أخذ علي 20 ريال أو 10 ريال .
يعني التعب و دورة الرأس شاف المشكلة و حلاها 20 ريال .
تدري شنو المشكلة ( فيش مو مركب عدل والسبب أني مركب هوز باور للسيارة في الوكالة وبالغلط الفيش تحرك شوي وصار يوصل كهرباء ويفصل , بس الميكانيكي اللي رحت له بالخضرية عرف المشكلة بثواني حلاها وهو يضحك
الحساس اللي أتكلم عنه يعرفوه الميكانيكية ( هو فيش ) قول للميكانيكي السيارة ما فيها عزم و الامبير يتحرك لحالة
وهو يعرف المشكلة على طول ، لا تقول له قير أو أي شي هو راح يعرف كل شي .
اشكر الجميع على التجاوب والمشاركه في ابداء الحلول ..
عموما الورشه نظف لي حساس الهواء (المنظم) واذا رجعت لي المشكله راح يبدل لي المنظم بواحد مستعمل عنده ..
يالله انواع التجارب الين نعرف وبن المشكله ....
احب ان انوه على نقطه عزم الموتر ضعيف مادري ليش احس كأني قاعد اسوق فورد ثقيل !!
نتمنى من الجميع ابداء الرأي ...
للأسف المشكله مازالت قائمه حتى بعد تنظيف حساس الهواء ...
رجعنا للورشه مره اخرى قال المشكله حساس غير الحساس بالسياره وحط حساس مستعمل عنده وقال جرب كم يوم .. وهذا بنجربه هالايام والله يعين ....