اكورد v6 او اوريون v6

السلام عليكم ورحمة الله وبركاته

ياجماعه بصراحه محتار بين الاكورد 2009 والاوريون 2009

وبصراحه الاكورد سعرها غالي ال6 سلندر

وانا عاجبتني الاوريون

أتمنى وبدون تعصب ايهما افضل اكورد v6 او اوريون v6 كلها 2009 ؟

هلا وغلا اخووي

من ناحيـة الشكـل انا افضل الاكورد
ومن ناحيـة المواصفـات الاوريون افضـل

وغير كذا ترى التويوتـا قطعه ارخص من الهونـدا
وانا اشووف التويوتا عملي اكثررر...< رأي شخصي

تحيتي

من ناحيتي .. انا افضل الاكورد عن الاوريون

بالنسبه للاكورد .. صناعه وتجميع ياباني .. لمسات هوندا المعروفه ..

اما بالنسبه للاوريون .. صناعه وتجميع استراليا .. لمسات تويوتا .. او بالاحرى عبداللطيف جميل

اللي يفرق السيارتين عن بعض .. قوه العزم .. وكلها ٦ سلندر
وكلها فيها شاشه ومواصفات عاليه

فرق الفين ثلاثه عن الاوريون .. بس تركب موتر يستاهل

انا انصحك بالاوريون بدون تردد

من جميع النواحي
1- السعر ارخص من الاكورد
2- القطع برضه ارخص
3- عمليه وقويه

انصحك بدووووون تردد

والله يختار ما فيه الخير

لدي اعتراض كبير بحكم أن أخي لديه أوريون ،

العملية لا تفكر أن تجد كفاءة مثل كفاءة هوندا إطلاقاً ... تويوتا كاملة الآن مليئة بالعيوب ناهيك أن كافة اكسسوارات الاوريون ستضعك في وضع محرج بعد مرور عام في المحركات والقير الكفة شبه متساوية لكن هوندا تتفوق من ناحية القير بالذات والتألق بعمق ما يهم المستخدم الواعي وليس المستخدم التسويقي الذي تبهره الكماليات .

من ناحية قطع الغيار فهذه حيلة يتم تدريسها في كلية الإقتصاد وتستخدمها تويوتا في قطع غيار تعطي نصف عمر فتعكس انطباع انها جيدة وهي في الحقيقة تستنزف أموال أكثر من القطع الأخرى وبذلك تدر ربح كثير للشركة المصنعة .

هوندا تستخدم سياسة الوضوح قطع غيار باهظة لكنها مريحة فإن كنت ممن يحافظون على السيارة واستخدامك أنيق وستدفع كاش إياك وتفويت فرصة الاحتفاظ بسيارة بدون مشاكل لمدة خمس سنوات وهي الأكورد ، لكن تويوتا أتحدى أن يمضي عام بدون أن تمر بمشكلة تعكر مزاجك .

كانت معي اكورد 2002 استخدمها استخدام ابو كلب والمكيف مرهون بالسويتش وخط الشرقية الرياض أكثر من 40 مرة تقريباً خمس سنوات يا سيد لم أضع بها إلا فحمات مرة واحدة فقط إلى أن بعتها واخذت 2007 ثم تنازلت عنها واقتنيت البايلوت .

الملخص : استخدام شخصي وسيارة تدفع عليها ثمن متعوب عليه لا تفكر أن تهدره في غير محله الأكورد سيارة تصد عنك احساس الندم ليس جميلاً أن ترى لمبة نقص الزيت مضاءة كما في سيارات تويوتا الأخيرة وسير السيارة لم يتعدى 30 الف كلم .

تويوتا لم تعد أهل للثقة كما في السابق وخصوصاً في السيدان .

باستخدام خاصية البحث :rolleyes:
777

http://www.hondaarabia.com/club/show...5054&highlight

http://www.hondaarabia.com/club/show...5697&highlight

http://www.hondaarabia.com/club/show...5160&highlight

http://www.hondaarabia.com/club/show...4069&highlight

http://www.hondaarabia.com/club/show...3350&highlight

http://www.hondaarabia.com/club/show...6465&highlight

اخوي بدون ترد والله اكورد يكفيك انها يباني والله وشكل روعه من داخل ومن براء
والله الاوريون من جوه خايسه فاضيه ما فيها شي الى شاشه بس من براء واللله حلوه
بس انت يهمك الكرف والله اكورد بدون مقارنه علماً بان الاورين استرالي

اقتباس:

---

المشاركة الأصلية كتبت بواسطة zaeem 4ever

انا انصحك بالاوريون بدون تردد

من جميع النواحي
1- السعر ارخص من الاكورد <<<بس الجودة اسوأ من الأكورد ;);)
2- القطع برضه ارخص <<<أتحداااااااك :eek::eek:!!
3- عمليه وقويه <<< كل السيارتين ما عليها كلام :):).

انصحك بدووووون تردد

والله يختار ما فيه الخير

---

بحكم اننا في البيت نملك السيارتين انصحك والله بالأكورد بدون ما تتردد
وان شاء الله راح تدعيلي ;);)

111 الف ريال سعر الاورين بشاشه

100 الف بدون شاشه والشاشه موجده بلغرابي ما تتعدا 1500 ريال

الفرق ان الاورين تشتغل بزر

انصحك الاكورد بدون وجه مقارنه

انا معي اكورد 2008 فل

نصيحتي لك لاتغلط مثل غلطتي وتاخذ الأكورد


الأوريون أطلق بكثير

وأكيد بتلقى التعصب دامك في هوندا

يعني الكل معه هوندا طبيعي بتلقى التعصب

أسمع كلام الشيبان<---ترى عمروه 23 هههههههه


بالمواصفات
الأوريون اطلق

بالسعر
الأوريون أحسن حسب علمي

بقطع الغيار
تويوتا ياعمي

بالشكل
الأورون أطلق

انا لو ماني دافع دفعه اولى
كان بعد 4 ساعات ونص بالظبط أرجعه للوكاله


وبالأخير الأختيار لك

انت اللي بتدفع الاقصاد

لزوم تاخذ شي مقتنع بوووه


شف الأكورد أحسن مافيها انها صناعه يابانيه بحته

اتوقع هي والمتسوبيشي اللي تتصنع اصلي لحد الآن


تكفى خذ اوريون<---:(


والخيار خيارك
:rolleyes:

~

اسمعني اذا كنت حق مقاومات خذ اوريون وانت مغمض قبل شوي اتقوم مع اوريون مهزلني لين قلت بس حسيت انا سيارتي ددسن:cool:

خذ اللي يريحك ..

بس بنظري وجهية الأوريون الامامية سقيمة ..

موفق بالاختياآر ~

آنصحك بالاكورد وبقوه:cool:


الاوريون داخليته بايخه وشكلها بايخ مرررره

ولا تنسى تستخر

ولا تنسى الاكورد ياباني والاوريون استرالي

اقتباس:

---

المشاركة الأصلية كتبت بواسطة K.H.A.L.I.D

انا معي اكورد 2008 فل

نصيحتي لك لاتغلط مثل غلطتي وتاخذ الأكورد

الأوريون أطلق بكثير

وأكيد بتلقى التعصب دامك في هوندا

يعني الكل معه هوندا طبيعي بتلقى التعصب

أسمع كلام الشيبان<---ترى عمروه 23 هههههههه

بالمواصفات
الأوريون اطلق

بالسعر
الأوريون أحسن حسب علمي

بقطع الغيار
تويوتا ياعمي

بالشكل
الأورون أطلق

انا لو ماني دافع دفعه اولى
كان بعد 4 ساعات ونص بالظبط أرجعه للوكاله

وبالأخير الأختيار لك

انت اللي بتدفع الاقصاد

لزوم تاخذ شي مقتنع بوووه

شف الأكورد أحسن مافيها انها صناعه يابانيه بحته

اتوقع هي والمتسوبيشي اللي تتصنع اصلي لحد الآن

تكفى خذ اوريون<---:(

والخيار خيارك
:rolleyes:

~

---

ياسيد انت تقول انك غلطت في الاكورد طيب الاكورد اللي عندك 4 سلندر كيف تقارنها باوريون 6سلندر قارنها بكامري :mad:وياخي انصحك بالاكورد والله انها سياره من ذوق رفيع يكفيك فيها جودتها ويكفي انها ياباني اصل مش استرالي وثاني شي انظمتها ممتازه جدا ولاتفكر والله ان الاكورد اسرع من الاوريون عندي وحده اسأل مجرب ولاتسأل طبيب:cool:

هلا سامي

اقتباس:

---

ياسيد انت تقول انك غلطت في الاكورد طيب الاكورد اللي عندك 4 سلندر كيف تقارنها باوريون 6سلندر قارنها بكامري :mad:

---

طيب يابعدي وشفيك معصب
واللهي وجهة نظري بس

اقتباس:

---

الاكورد اللي عندك 4 سلندر كيف تقارنها باوريون 6سلندر قارنها بكامري :mad:

---

يعني الاربعه سلندر اقارنها بكامري
والسته اقارنها بأوريون
ماهي تروح وترجع اكورد
ولا آآهـ صح
يمكن أنت تتكلم عن السرعه يعني
:rolleyes:

السرعه آخر هم العقلاء لبى قلبك
ونت اكيد منهم
:cool:

اقتباس:

---

وياخي انصحك بالاكورد والله انها سياره من ذوق رفيع يكفيك فيها جودتها ويكفي انها ياباني اصل مش استرالي وثاني شي انظمتها ممتازه جدا ولاتفكر والله ان الاكورد اسرع من الاوريون عندي وحده اسأل مجرب ولاتسأل طبيب:cool:

---

لبى قلبك
واللهي ماأتكلم عن السرعه ابد
الله يكفينا شرها

بس انا عن نفسي عآآآآآآآآآآجبتن الأوريون
طبعا اتكلم عن الفل
.
.

كلن وذوقووهـ

.
.


متأسفين ياصاحب الموضوع
بس حبيت اوضح

~:001:

طبعا انا اقولك وبكل صوت مرتفع خذلك اكوووووووووووووووورد شفها معي 6 سلندر والله مريحتني وبعدين صح القطع غاليه شوي بس تستمر مو التويوتا تغير القماشات وتجي بعد فتر الا يبلك تغيرها تنعدم بسرعه انصح بالاكورد واسأل مجرب والخيار الأول والاخير لك


تحياتي

شوف يالغالي أنا بعد أحترت زيك بين الأكورد الستة سلندر والأوريون
بس شفت أنه المواصفات تصير من صالح الأوريون

هوندا اكورد v6
بدون تردد

وجهة نظر
انا عندي أكورد v6 2007
واكبر غلط اني ما مريت التويوتا لاني ما احبها
والصراحه لما شفت الاوريون إلي بل اساس كامري عجبتني موووت
شكل حلو - موصفات حلوه - عزم المكينه قنبله
ومن ناحيه ان الاكورد جابني 100% مو صحيح تحت 2002 ok
بس 2003 مو كلها يابانيه على كلام المهندس إلي في الوكاله
لما سئلته عن مشكله البريك قالي لانها امريكيه مو مثل اول ياباني
وصحيح الهوندا عملي اوتكسر الظهر بس فتره الصلاحيه اطول مو مثل التويتا
الصلاحيه لفتره محدوده
مثل ما قلت هاذي وجهة نظر ومن راي خذ السياره إلي تعجبك انت ولا تاخذ كلام فلان وعلان
واسف على الاطاله

والله أنت ورايك يا الغالي بس اذا تبي ما تحتار ولا تتحسف في الأخير أقدر أفيدك سمواصفات الأوريون
http://www.toyota4arab.com/forum/t41554.html

اقتباس:

---

المشاركة الأصلية كتبت بواسطة k.h.a.l.i.d

انا معي اكورد 2008 فل

نصيحتي لك لاتغلط مثل غلطتي وتاخذ الأكورد

الأوريون أطلق بكثير

وأكيد بتلقى التعصب دامك في هوندا

يعني الكل معه هوندا طبيعي بتلقى التعصب

أسمع كلام الشيبان<---ترى عمروه 23 هههههههه

بالمواصفات
الأوريون اطلق

بالسعر
الأوريون أحسن حسب علمي

بقطع الغيار
تويوتا ياعمي

بالشكل
الأورون أطلق

انا لو ماني دافع دفعه اولى
كان بعد 4 ساعات ونص بالظبط أرجعه للوكاله

وبالأخير الأختيار لك

انت اللي بتدفع الاقصاد

لزوم تاخذ شي مقتنع بوووه

شف الأكورد أحسن مافيها انها صناعه يابانيه بحته

اتوقع هي والمتسوبيشي اللي تتصنع اصلي لحد الآن

تكفى خذ اوريون<---:(

والخيار خيارك
:rolleyes:

~

---

انت يمكن عشان اخذ اقساط مسوية معاك حسبة شوي

لكن دايم فكر اخوي في ان كل سيارة لها غرض

مثلا انا اخذت الاكورد ستة سلندر 2009 وبعد اقل من شهر قفلت 1000 كم ودخلت الشاطي وغرزت السيارة

وسحبتها وحفله ذاك الوقت انقهرت تمنيت اني اخذت البايلوت

لكن اسمع كلام اخوك شيئان إذا اخذتها لا تطالع لغيرها

المراءة (الزوجة ) انا اقصد يعني تبي تتزوج إلي الرابعة مفيش مشاكل

والسيارة

وانا افضل الاكورد عشان صارت لي مشاكل مع تويوتا ووعدتهم بعدم الشراء منهم اي سيارة في المستقبل

شركة ماتهتم بعملائها ما تستاهل اكون زبون لهم


ابو مجاهد

نسيت اقول لك ترى كلنا راح نقول كلام ولا نعلم الغيب وش مقدر او وش افضل خيار لك

مالك إلى انك تصلى صلاة الاستخارة ولا مانع انها تكون اكثر من مرة


ابو مجاهد

عزيزي بكل هدوووووووء
هل انت راعي قومات اذا خذ لك اوريون
هل انت راعي سواقة هادئة ورزة خذ لك اكورد

ياشباب
ترى الرجال أشترى السياره (( Aurion ))
والله يعطي خيرها ويكفي شرها

مبروووك الاميره يالامير ،، :)

مبرووك الله يعطيه خيره ويكفيه شره

انا عن نفسي

بصراحه
ادفع في اكوووووووووووورد وحتى لو فرق السعر 10000 عادي


ولا اخذ شي كله تلفيق عبداللطيف

مستحيل


ولا مقارنه صراحه


ولك تحياتي

اقتباس:

---

ياشباب
ترى الرجال أشترى السياره (( aurion ))
والله يعطي خيرها ويكفي شرها

---

ودي ابتسي

والله انك كفو وعرفت تختار

حققت امنيتي فيك ههههههههههه

الف مبروك
ويعطيك خيرها ويكفيك شرها

بس ماندري فل ولا ستاندر

على البركة والله

يعطيك خيرها ويكفيك شرها يارب

مبروووووووووووووووووووووووك :)


بس احساسي الرجال راعي طيران .....

مبـــــــــــــروك على الأميرة يا الغالي ولا راح تتحسف إنشاء الله يكفي بس اذا جيت تدخل السيار والمفتاح في جيبك بمجرد مسك مقبض الباب
والله الأوريون حلـــــــــــــــوة وروعة بعد واذا كان فيها عيوب تراها تافهه والله

^
^
^
ويلوموني بالاوريون بعد
انشاء الله بطقها على المديل الجديد:o

اتمنى من المشرفين أغلاق الموضوع
الرجال خلاص اشترى أوريون

والله يعطيه خيرها ويكفيه شرها

انا انصحك قبل لا تستعجل تمر محل تأجير سيارات وتأجر الأكورد استخدمها يوم يومين
وتأجر الأوريون بعد يوم يومين علشان ما تاخذ الشي الى من قناعه تامه

اذا حبيت المواصفات الأوريون احسن
الأكورد شكل من برا وتصميم داخلي ومساحه اكبر واكثر تماسك
الاوريون ارخص قطع غيار وسعر بعد البيع اعلى

القياده والثبات ماحسيت فرق بينهم كبير الثنتين مستواهم مقبول

الله يبارك له في الموتر إنشاء الله

اقتباس:

---

المشاركة الأصلية كتبت بواسطة سلملم

انا عن نفسي

بصراحه
ادفع في اكوووووووووووورد وحتى لو فرق السعر 10000 عادي


ولا اخذ شي كله تلفيق عبداللطيف

مستحيل


ولا مقارنه صراحه


ولك تحياتي

---

با الغالي والله الأوريون لا تلفيق ولا شي والله واذا بتقارن بتشوف المقارنة بدون كلام من صالح الأوريون

اخوي اذاانت محتار سويلك قرعة والله يكون في عونك