صوّر مفتآحـك For all Honda owners [دعوه للمشاركه]

عرض للطباعة

عرض 40 مشاركات من هذا الموضوع لكل صفحة

24-03-2009, 06:13 PM
باريس نجد

صوّر مفتآحـك For all Honda owners [دعوه للمشاركه]

يالله حي الشباب كلن بسمه وكلن بنيمه
اذكر مرتن من المرايت .. في عام 1999 وبالاخص
في ولايه القصيم
صارت هنالك موضه وهي الميداليات والمفاتيح
وكل واحد تلقى معه ميداليه ومعه مفتاح .. بعضهم تلقى مفاتيح البيت لحال والسياره لحال
وبعض الناس تلقى معه مفاتيح حاره
وانا جالس اشرب الكووووووفي الصباحي .. وجالس اقرى جريده ارب نيوز
<<<<< منتب عاقل :)
قلت ياولد ليه ماتنزل موضوع لجميع ملاك هوندا بدون تحديد
وتقولهم كل واحد الله لا يهينه .. يصور ميداليته بالمفتاح
خلوووونا نشوف وش هي ابداعاتكم

بس هاه .. مهوب تروح تاخذ ميداليه اخوك ولا ابوك وتجخ عندنا
بعض الناس حتى ميداليه ماحط .. معه مفتاح نصله *
------------------------------------------
* معاني الكلمات :
نصله : اي مفتاح لحاله بدون حتى حلق
-----------------------------------------
كاني احس اني بشوف ميداليات .. مثل خيط .. سيم حق الفزعات ولا موس حق التضليل
مادري احساس داخلي .. <<<<<<<<<< متعوب عليه

------------------------------------------
وقلت خلن ابدى بنفسي .. انا الى الحين الطفه تخبرون السياره جديده .. والى الحين
ورقه الوكاله حقت المفتاح ماخربت .. وبعدين الوكاله مواعدتني بميداليه
علشان كذا مخليه على حاله

وهذي صوره ميدليتي مع المفتاح
http://www.hondaarabia.com/club/pict...pictureid=2891
http://www.hondaarabia.com/club/pict...pictureid=2892

ترى عادي مهوب شرط يكون معك ميداليه جيمس بوند
ولا هوب لازم تروح تشري
ورنا وش اللي دايم متلحط بجيبك

يالله من اللي بعدي هاتو خلونا نشوووووووووووف وش عندكم
24-03-2009, 06:17 PM
O m a r

بالنسبه لي تحمّست للموضوع .. ومنها نشوف أفكار الشباب إبداعاتهم مو بس بسياراتهم ..
وترى على فكره ما طلعت صورة مفـتاحك! ( تأكد مره ثانيه )

وانا لي عودة إن شاء الله .. وأنزل الصوره :o
24-03-2009, 06:34 PM
meshoo

مفتاحي ساده بدون ميداليه ولاشي ولحاله عشان مايتحرشون فيه مفاتيح البيت :d

ويعطيك العافيه على الموضوع :)
24-03-2009, 06:53 PM
Z U H A I R

وش فيكم ياشباب ..
يقول لكم الرجال صور مفتـاحك..
يعني لو سمحتوا .. الي ماعنده صورة لا يحط رد < طرده :d

المهم هذا صورة مفتاحي ..

http://www.hondaarabia.com/club/atta...1&d=1237910015

..
24-03-2009, 07:21 PM
B Useful

هذي صورة لمفاتيح الاعضاء في اول تجمع في كيف الشيوخ قبل اكثر من سنة و 3 اشهر ،،
مفتاحي كان الوحيد المتميز :cool:

http://hondaarabia.com/club/attachme...1&d=1237911454

مفتاحي (المرحوم ) كان مختفي في جراب خاص فية .. ويظهر علية مفتاح اكورد 1996 حق مطنش ..

تدرون وش المشكلة ،، الحين كل اللي مفاتيحهم في الصورة عندهم نفس الجراب الا انا :rolleyes:
24-03-2009, 07:23 PM
باريس نجد

اقتباس:

مفتاحي ساده بدون ميداليه ولاشي ولحاله عشان مايتحرشون فيه مفاتيح البيت

يابو مفتاح نصله .. ولو حط مفتاحك .. نبي نشوف جايه حرش .. متمخش .. لاعب فيه بالمزيل
تنضف فيه اذنك اذا ماليقيت عود اذان ..
جب مفتاحك هنيا الله لا يهينك :d
24-03-2009, 07:26 PM
باريس نجد

اقتباس:

ذي صورة لمفاتيح الاعضاء في اول تجمع في كيف الشيوخ قبل اكثر من سنة و 3 اشهر ،،
مفتاحي كان الوحيد المتميز

منتب سهلين .. علبه عبدالله هاشم لمفاتيح السيارات .. ولا الصوره مكفوشه في بيت شعر :p
24-03-2009, 07:31 PM
B Useful

^^ كيف الشيوخ <<< من اسمة حق قهوة عربية وجلسات عربية على الارض ^^
24-03-2009, 07:45 PM
caramel

وهذي صورة مفاتيحي وشرايكم فيها :dhttp://up2.m5zn.com/photo/2009/3/24/...lscngw.jpg/jpg
24-03-2009, 08:16 PM
B Unique

http://www.hondaarabia.com/club/imag...910f7373ca.jpg

اول لقانا

:rolleyes:
24-03-2009, 10:31 PM
تويتي

وانا ابي اسووووووووووي مثلكم
شوفووووووا المفتاح كيف بالله وش رايكم خطيرررررر صح

http://up2.m5zn.com/photo/2009/3/24/...1t05gg.jpg/jpg
25-03-2009, 12:08 AM
أبو الريش

هعهع ما شاء الله في كل شي مطقمين الشباب

المفاتيح الى كل من

الإعصار - cr@sh- محجوب - black heart- جاك (Jack) - أبو قطر

لحد يسألني عن مفتاحي ذاك اليوم :(

http://hondaarabia.com/club/picture....&pictureid=921
25-03-2009, 12:17 AM
T H A M E R

والله فله نستفيد اللي مظبط مفتاحه نقلده هههههههههههه
صورة مفتاحي بكرا باحطها هنا عجزان والله الحين ،،

بس لاحظت مفتاحك فيه زر احمر !! وش وظيفته وليش انا ماعندي !!
25-03-2009, 12:37 AM
الـمـسـافـر

^^
الدولة: U.S.A:d
السيارة: ACCORD
المحرك: EX 4 Cylinder
25-03-2009, 12:43 AM
MaLiK1987

( panic )

8

الزر الأحمر بالأكورد الأمريكي

( PANIC )

تضغطه وتطول
~ تشوف أنواع البواري والتكبيس خصوصا إذا الواطي زينون

* المهم ترقبوا مفتاحي *

.
.
.
:d
25-03-2009, 01:04 AM
T H A M E R

اهاااا .. ما انتبهنا ع U.S.A :d ،،

وهذي صورة مفتاحي :

http://hondaarabia.com/club/picture....pictureid=2893

::
:
25-03-2009, 01:11 AM
المباشر

http://hondaarabia.com/club/attachme...1&d=1238158851

http://hondaarabia.com/club/attachme...1&d=1238158851
25-03-2009, 02:02 AM
باريس نجد

اقتباس:

وهذي صورة مفاتيحي وشرايكم فيها :d

صح ياقلب الحب ... ادوخ انا .. :)

اقتباس:

اول لقانا

ماشاء الله تبارك الله كل المفاتيح مع بعض .. لا تقولي الى الحين مع بعض ... يعني لو يضيعن رحت بطاطس

بس لاحظت مفتاحك مثل مفتاحي غير الشباب .. شكله امريكيه :d

اقتباس:

وانا ابي اسووووووووووي مثلكم
شوفووووووا المفتاح كيف بالله وش رايكم خطيرررررر صح

صح عليك ياحركات .. ايه كذا طلعوووو الحركات .. طلعو الابداعات .. طهبلووووووووو
نبي نشوف وش عندكم من حركات

اقتباس:

هعهع ما شاء الله في كل شي مطقمين الشباب

المفاتيح الى كل من

الإعصار - cr@sh- محجوب - black heart- جاك (Jack) - أبو قطر

لحد يسألني عن مفتاحي ذاك اليوم :(

ماشاء الله تبارك الله .. انواع واشكال .. بس لاحظت جولات بعد .. وراك مبعد الجوالات ... خلنا نشوف
يمكن يجوز لنا شي :d

اقتباس:

والله فله نستفيد اللي مظبط مفتاحه نقلده هههههههههههه
صورة مفتاحي بكرا باحطها هنا عجزان والله الحين ،،

وشوله حاطين الموضوع الا علشان النقش ياحبيبي .. بس لا يدري احد <<<<< جالس يخطط ;)

اقتباس:

الدولة: U.S.A:d
السيارة: ACCORD
المحرك: EX 4 Cylinder

تسنه معلومات موتري يالحبيب .. حاكم الله تسانكم تبي تجتمعون عندي الاسبوع الجاي .. على الفرشات والشاهي والقهوه .. والقدوع .. مايبيلكم الا انكم تدقون سلف .. صح انه مشوار بس يستاهل صدزون

اقتباس:

بس لاحظت مفتاحك فيه زر احمر !! وش وظيفته وليش انا ماعندي !!

اقتباس:

الزر الأحمر بالأكورد الأمريكي

( PANIC )

تضغطه وتطول
~ تشوف أنواع البواري والتكبيس خصوصا إذا الواطي زينون

اقتباس:

اهاااا .. ما انتبهنا ع U.S.A :d ،،

وهذي صورة مفتاحي :

مفتاح مافي يطلع .. مافيه صور ياصقيقي
---------------------------------------------------

يستاهل التعب على الميدليه .. المباشر .. بس تدري وش اللي خقيت معه اكثر

خقيت مع الكيبورد العربي .. من زمان ماشفت كيبورد عربي
<<<<<<<<<<< يقالك على سطح القمر يعني :)
لا هين بالنسبه للعربي اكتب بدون الحروف على الكيبورد تعلمتها غصب يارجال
مافيه الا كيبورد انقليزي وبس .. وتخب بعد .. وعسانا نفلح يارجال

اقتباس:

الصوره طالعه يالغالي متأكد 100% ،،

حطها بالمرفقات .. حاولت اشوفها قلت عندي اكيد مشكله بس ماطلعت مادري ليه
25-03-2009, 02:13 AM
المباشر

:d

الله يعينك تسوي مثلي .. بالعمل ماعندي كيبورد عربي ( Dell ) كله انجليزي بحكم الشغل لكن الحمدلله حافظ مكان الحروف بس ساعات اخورها شوي
25-03-2009, 02:37 AM
مجرد رأي

يا الله .. تصدقون مفاتيح الاكوردات طلعت شبه بعض .. <<< لا يا شيخ .. :d

موضوع حلو وخفيف ..

...
...

اليكم صورة مفتاحي ..

مع لزوم الدشارة ( مفتاح الموتر + مفتاح البيت + مفتاح الشقه + فلاش ميموري )

..

http://www4.0zz0.com/2009/03/24/23/784517726.jpg
25-03-2009, 03:38 AM
T H A M E R

/

الصوره طالعه يالغالي متأكد 100% ،،

\\
25-03-2009, 04:01 PM
أبو الريش

^^^
يشيخ قلنا لك مافيه صوره الا غصب فيه :mad:

:d هع هع :d

-----------
و لا يهمك يا اكورد 09 نسدح لك الجوالات مع المفاتيح

عندنا كم اكورد 09 ؟؟ <<< ثلاث بيض و وحده سوده :d<<ظريف الاخ:o
26-03-2009, 06:51 AM
باريس نجد

اقتباس:

يشيخ قلنا لك مافيه صوره الا غصب فيه

مهوب على كيفك .. مدري ليه احس مفتاحك بالذات .. من المفاتيح اللي مكسور وملصق عليه شرطرون <<<< متعوب على الشرطرون
هات مفتاحك وجوالك بعد .. ولا تخلينا من المحفظه بعد كان ودك
مصور مصور انت حطهن جميع :p
26-03-2009, 08:01 AM
O m a r

مبــآشر .. تصدق! عندي نفس الميداليه
بس ما كملت معاي شهر ورميتها ، تسبب قلق ثقيييله مره! وانواع الاحتكاك بالديكور
بس والله الصور تحفـه .. بإنتظار مشاركـة بآقي الشباب :cool:
26-03-2009, 08:35 AM
ن ع ر السعودية 0005

الله يعطيك العافية على الموضوع الحلو هذا بصراحه موضوع شيق ومثير بس أنا مفتاحي متلحف الجراب حقه ونايم ولا هوراضي أصورة لاني كل أمس وأنا كارفه بمسكت خط لما يصحى نشوف عنه :dههههههههههه .........لي عودة بعد مانشوف باقي الشباب......
26-03-2009, 09:04 AM
K.H.A.L.I.D

تفضل

http://hondaarabia.com/club/picture....pictureid=2911

ويارب يوصل الموضوع لألف رد وألف مفتاح
:d

~
26-03-2009, 09:28 AM
محجوب

احم احم ...
طبعا ابو الريش ما قصر وحط صور مفاتيح قروب ولا حط صورة مفتاحه خخخخخ
على العموم ... هذي تكملة الصور ... المفاتيح + الجوالات والخير كله :d

في هذي الصورة مرتبين بشكل مو طبيعي

http://www.hondaarabia.com/club/pict...&pictureid=920

وفي هذي الصورة مسويين شعار الـH بالجوالات والمفاتيح محاوطين

http://www.hondaarabia.com/club/pict...&pictureid=922

للي ما لاحظ ... أكثر الجوالات سوني اريكسون :cool: ... والملاحظة الثانية ان ما فيه ولا جهاز مكرر :cool:
26-03-2009, 10:34 AM
A N M A R

حرام يفوتني موضوع متل هيكك وماكون في الصفحات الاولى

لي رجعه ان شاء الله
26-03-2009, 03:46 PM
كلاس وولد ناس

ههههههههههههههههههههههه
موضوع تحفة
7
7
7

http://hondaarabia.com/club/attachme...1&d=1238150868

http://hondaarabia.com/club/attachme...1&d=1238150868

مفتاح السيفيك+مفتاح البيت+مفتاح الكابريس:p
26-03-2009, 04:49 PM
AL_ADMIRAL

^
^
في أكتشاف أسمه تصغير الصوره
.....................................

محجوب

اقتباس:

للي ما لاحظ ... أكثر الجوالات سوني اريكسون :cool: ... والملاحظة الثانية ان ما فيه ولا جهاز مكرر :cool:

صدق حتى جوالي سوني أركسون ^_^
بس أن شاء الله ما أحصله في الصوره أشان يكون مافي تكرار حتى مع الأعضاء <<< W810i
(( وللأسف ولا صوره طالعه في ردك ×_× ))
26-03-2009, 05:32 PM
A N M A R

هدي كم صورة للمفتاح حقي

http://photos-g.ak.fbcdn.net/hphotos..._6439053_n.jpg

http://photos-b.ak.fbcdn.net/hphotos..._6650570_n.jpg

"نايم المدلول...هاهاهاهاهاها"

http://photos-a.ak.fbcdn.net/hphotos..._7770278_n.jpg

هدا وانا معلقه من ادنه
27-03-2009, 12:11 AM
oden

انا مفتاحي سفري

تبون الصوره بعد ؟؟؟
27-03-2009, 01:12 AM
باريس نجد

حتى لو انه سفري هات صوره ..

حنا اصلن جالسين نحتري المفاتيح السفري .. :d
27-03-2009, 11:14 AM
كلاس وولد ناس

اقتباس:

المشاركة الأصلية كتبت بواسطة al_admiral

^

^
في أكتشاف أسمه تصغير الصوره
.....................................

طيب واللي مايعرف وش يسوي؟؟؟
تعطيه دروس خصوصية ولا؟؟؟
27-03-2009, 01:54 PM
AL_ADMIRAL

يازين الفوتوشوب ^_^

وهذي الصور صغرتلك أياها
<<< حجم الصورتين الي حاتطها أنت 5MB ×_×

http://hondaarabia.com/club/attachme...1&d=1238150868

http://hondaarabia.com/club/attachme...1&d=1238150868
27-03-2009, 04:25 PM
oden

اقتباس:

المشاركة الأصلية كتبت بواسطة accord_09

حتى لو انه سفري هات صوره ..

حنا اصلن جالسين نحتري المفاتيح السفري .. :d

خخخخخخخ

اتفضل

بس خابرين تصوير الايفون مش ولابد
27-03-2009, 06:16 PM
باريس نجد

اقتباس:

اتفضل

بس خابرين تصوير الايفون مش ولابد

تسني شايف المفتاح هذا من قبل .. مهوب هذا مفتاح الاخطبوط اللي ضاع منه هاك السنه .. مدري بس تسنه يشبهه

<<<<<<<<<<<<<< والله من الشر .. يعني مفتاح الاخطبوط يخلتف :d
27-03-2009, 07:41 PM
oden

الله يغربل شيطانك الحين

ايش يفكني من الاخطبوط
سنتين صارلي سارقه منه وتجي بكل سهوله تفضحني
خخخخخخخخ
01-04-2009, 01:52 PM
AHN

يالله هذا مفتااحي ,.,, :)

http://i684.photobucket.com/albums/v...4/DSC00392.jpg
01-06-2009, 07:35 AM
ابو سعود

طيب انا وش تبون مني (ما عندي مفتاح :()

بس بحاول اطلعه (ضاع ما ادري وين راح )

عرض 40 مشاركات من هذا الموضوع لكل صفحة