السلام.... ياشباب انا معاي هوندا اكورد2009 واليوم بالغلط قلت الى الهندي يعبي 95 وانا في العاده اعبي91 بس هو عبى ب5 ريال وقلت اليه يوقف هل في ضرر او شي والله اليوم صرت كأيب وبطني عورني وجتني حاله هستيريه :o وشو الحل وهل في ضرر
عرض للطباعة
السلام.... ياشباب انا معاي هوندا اكورد2009 واليوم بالغلط قلت الى الهندي يعبي 95 وانا في العاده اعبي91 بس هو عبى ب5 ريال وقلت اليه يوقف هل في ضرر او شي والله اليوم صرت كأيب وبطني عورني وجتني حاله هستيريه :o وشو الحل وهل في ضرر
شكرا ع الاهتمام أخوي
مافي مشكله :d اول واخر مره
يعني مره واحد ه ماراح يسير شي وطمن قلبك و5ريال كمان مافي مشاكل..
شكرا لك اخوي طمنتني شوي
ياخوي اذانت منت مرتاح اقولك شي يريحك اسحب كل البنزين وارجع عبي من جديد وريح نفسك
لو عبيت نص الخزان 91 والنص الثاني 95 ما يأثر على السياره
عبودي 2009
تتكلم جدا انت :confused:
نعم اتكلم من جد وهذه المعلومه جبتها من ارامكو السعوديه لانني اتعامل معهم نحن عندنا محطه بنزين ونقليات بنفس الوقت ودايم اكون بارامكو واول مانزل البزين 95 و91 عملوا اجتماع لاصحاب المحطات وسألت اذا غلط العامل في البنزين وكان الرد لامشاكل
وانت شفت الحمله الي صارت في الشهر الماضي على محطات البنزين وشفت كثير محطات سكروها عارف ايش السبب يخلطوا البزين 91 مع 95 لانه ما يأثر على السياره
وفي النهايه كله بنزين بس 95 يكون خالي من الرصاص 100% و91 تكون فيه نسبة رصاص قليله جدآ
يعني 95 يكون بنزين مصفى 100 %
إقرأ الكاتالوج راح تشوف العبارة التالية:
إن سيارتك مصممة لتستعمل وقود ذو رقم أوكتان بحثي 91 أو أكثر.
^^^
كلامك صحيح، بس أيضاً تحتاج وقوداً خالٍ من الرصاص ومكتوب عل باب التانكي "unleaded fuel only"
إذا كلن كلام الأخ عبودي 2009 صحيح وبنزين 91 فيه شوية رصاص وليس خالٍ من الرصاص 100%، أتوقع راح تؤثر على السيارة ولو نسبياً على المدى الطويل.
كله بنزين
أخوي البنزين يكون حسب قابلية سيارتك ... يعني اذا سيارتك تقبل الـ91 .. يصير ما فيه فرق لو تعبيها 91 أو 95
أما اذا كانت ما تقبل الا 95 .. فلو تعبيها 91 تسبب لك مشااااكل .. اتمنى اني اكون افدتك :)
انا في الاكورد من يوم ما شريتها و انا اعبئ بنزين 95
و الرجال نفسه اللي في الشركة نصحني بكدا
لا يخوياقتباس:
وفي النهايه كله بنزين بس 95 يكون خالي من الرصاص 100% و91 تكون فيه نسبة رصاص قليله جدآ
يعني 95 يكون بنزين مصفى 100 %
هذي الأرقام تدل على نسبه الأوكتان في البنزين عن الهيبتان
لأن الهيبتان لا يتحمل الضغط العالي والأوكتان أفضل منه في ذالك , فأذا كانت السياره مصممه لـ بنزين 95
فالذي يمكن حدوثه في المحرك عند أستخدام 91 ( حدوث الأنفجار قبل موعده )
أي عندما تغلق الصمامات وتتم عمليه ضغط الغاز فينفجر قبل أن تطلق البواجي الشراره ( سار ديزل على غفله :d )
فأذا السياره مصممه لـ بنزين 91 مايفرق لو حطيت أعلى منه ^_^
ولو تلاحظ أن السيارات الرياضيه أغلبها بنزين ذو أوكتان عالي
لأن قبل عمليه الأنفجار يكون الضغط عالي ولازم يكون الأنفجار في الموعد ^_^
^^^^^^^^^^^^^^^^^^^^^^^^^^^^^^^^
كيف ينفجر الغاز قبل ان تطلق البواجي الشراره :confused:
اصلا هي شرارة البواجي اللي تخلي الغاز ينفجر
^
^
نفس السؤال أسأله ( وقول كيف يعمل محرك الديزل بدون بواجي )
والأجابه نفسها حتكون ^_^
لقيت شي يوثق كلامي
لأن البعض مهو مقتنع ( ويحقله , لأنها كانت معلوماتي من غير مصادر)
شوف هذا الموضوع في الويكيبيديا
رقم أوكتان
وهذا أقتباس من الموضوع
فأنا أقول أن سيارتنا مصممه لـ بنزين 91 ومحركها مضبوط على أن لايتم الأشعال المبكر مع هذا المقداراقتباس:
يعتبر المشتق إيزوأوكتان مقاوم للاحتراق المبكر في محرك السيارة ، في حين أن n-هيبتان يشتعل مبكرا أثناء عملية ضغط الوقود في أسطوانة الموتور .
لذلك يستعمل مخلوط الوقود بحيث يحتوي على الصنفان بغرض ضبط وقت الاشتعال وتفادي الاشتعال الذاتي المبكر .
فأذا زت الأوكتان , تقريباً مافي مشكله ( بس تخصر جيبك )
وأذا قللته هنا نقول وقف , ومو لصالح سيارتك
صح البنزين اللي تقييمه أقل من القيمة المقترحة للمحرك راح ينفجر قبل أوانه لأنه المقاومة لديه أضعف من الضغط الذي يقبع تحته في المحرك، وقد ينتج عن ذلك أصوات طقطقة في المحرك.
حبيبنا النزين اللي في السعودية خالي من الرصاص من عام 1999اقتباس:
المشاركة الأصلية كتبت بواسطة musouka
وأنا والله أقسم أن الأكورد ما تبغى إلا بنزين 91 وعندي بحوث تثبت كلامي ياناس ريحونا بليس
^^^
عارف هالكلام بس البنزين السابق كان 95 وما أذكر أن أحد تكلم عن 91 الجديد ولهذا افترضنا أنه خالٍ تماماً من الرصاص، ولكن لا أدري.
اخي العزيز خذ المعلومة الاكيدة
بنزين 91 يعمل كربون في الشكمان مما يسبب اتلاف في حساس الشكمان
بينما 95 صافي ولا يعمل مشاكل
حصلت معي بالسيارة ونصحني مهندس في شركة عبد الله هاشم فقال لي غير النزين من 91 الى 95
شباب انا قال لي مهندس في الوكاله يوم جيت اطلع السياره قال لي بالحرف الواحد (دام سيارتك 6 سلندر لازم تعبيها 95 بس لو كانت 4 سلندر لازم تعبيها 91) بس مدري وش السر او الفرق ... هل قوة الماكينه لها تأثير مباشر في هالاختلافات بين 91 و 95 ؟؟
اذا احد عندهـ اجابه ياليت يفيدنا لأن بصراحه راحت عن بالي اني اسأل المهندس عن السبب :(
تحياتي :d
استخدمت 91 فترة تمرين1000كلم وذهبت للصيانه بالرياض طريق خريص وسألت المهندس وقال الكتالوج من الشركة محدد 91فأكثر لكن ال95 أفضل
اقتباس:
المشاركة الأصلية كتبت بواسطة عبودي 2009
عفوا عزيزي من قالك انه بنزين 91 فيه رصاص :mad:رجاء من الاعضاء لحد يصرف من كيسه وماعنده خلفيه كل كلامه مبني على استنتاج شخصي منه
اولا انا موظف بشركه ارامكو السعوديه وبالنسبه للبنزين بكلا نوعيه خالي من الرصاص واشكر العضو ادميرال ماقصر وضح الصورة
أمس عبيت موتري 95 .. بعد مافضيت التانكي من الـ 91
طبعاً قلت تجربة وانا مدري وش اضرارهـ .. او فوائدهـ ..
لكن كل اللي شفت عزم الموتر صار أفضل .. وطبعاً صارت ماتصرف أكثر ..
استمر على الــ 95 اصرف وانظف
أنا قبل أشتري موتري 09
قالي واحد من الشباب معاه 08 .. لاتعبي إلا 95 قلت ليه .. قال أعرف واحد صار يقطع معه موتره عند التقويمه " بعض الأحيان " لأنه يعبي 91
هل المعلومه هذي صحيحه ؟؟
طبعاً أنا من يوم أخذتها ما أعبيها إلا 95 .. بس ودي أحد يعطينا خبر أكيد .. هل الـ 95 مافيه أي مشاكل على الأكوورد
اللي يقول ( لا تصرف من عندك )
ياشباب من واقع تجربة حصلت لي في سيارتي الاكورد 2003 وعرضتها على مهندس خبير موظف في شركة هوندا الصيانة وقام باصلاح سيارتي والمشكلة كالتالي:
لمبة مبين القصور اضاءت معنى ذلك وجود مشكلة بعد فحصها بالكمبيوتر اتضح ان حساس الشكمان لا يعمل مع ضعف في دفع البنزين بسبب ترسبات في المنظم وذلك لوجود كربون وعلى قول المهندس ان سببه بنزين 91 وغير الى 95 وفعلاً تم تغيير البنزين ومشيت عليها لمدة يومين وتم اعادة الكشف بالكمبيوتر راحت مشكلة الكربون في الشكمان والحساس رجع يعمل طبيعي بمعنى الحساس شغال وبقي المنظم يجب فكه وتنظيفه من اجل دفع البنزين أكثر وفعلا تم تنظيفة من الكربون بسبب بنزين 91 وبقي كربون داخلي ومشينا عليها لمدة يومين من اجل ان يتم اخراج الكربون الداخلي وتم ذلك وانحلت مشكلة السيارة بالاضافة الى زيادة قوة دفع السيارة وعدم وجود تقطيع بالسيارة .
من واقع تجربة وليس من قراءة معلومات من كتلوجات ( أسأل مجرب ولا تسأل طبيب ) .:cool:
اقتباس:
المشاركة الأصلية كتبت بواسطة fantastic man
ارجع للكاتلوج واذا مكتوب 91 عبيها 91 لأنه الاكورد ال6 سلندر مو قويه ولا تحتاج انك تعبيها 95 ما بتخليها تنافس التيما او ليجاسي او اوريون وفر على نفسك وممكن ترجع للمهندس واذا قال الكاتلوج 95 خلاص عبي 95
91مخصص ل 6 سلندر عشان هي قويه وكمان تصرف كثير عشان كذا تعبي اخضر
95 مخصص ل 4 سلندر عشان يعطيها قوه عشان المحرك صغير:d
^
^
{وَمِنَ النَّاسِ مَن يُجَادِلُ فِي اللَّهِ بِغَيْرِ عِلْمٍ وَلَا هُدًى وَلَا كِتَابٍ مُّنِيرٍ }
صح الموضوع مهو في الدين , لاكن تنطبق عليه الآيه
اقتباس:
المشاركة الأصلية كتبت بواسطة حبي هوندا
اسمحلي هذي قويه شكلك جايبها من جعبتك
للحين الموضوع ماخلص :confused: