الله لايوفقه الي أخذهم

السلام عليكم ورحمة الله وبركاته

كفارات الاكورد انسرقت اليوم الفجر الار بعة
اكورد 2009 فل مخمل
ابغى اشتري لي كفارات يليت تساعدونني ياشباب
انا من اهل الرياض
ولكم مني جزيل الشكر

يستاهل قطع يده

الله لا يوفقه

عيب عليه والله

:mad:

وش فيهم العالم صـاروا كذا .؟؟:confused:
مايتسحون ولا يخافون الله .؟

اخوي ان شاء الله ربك مايضيع
حقك والله لا يوفقهم :mad:
في بالوكـاله قيمتها 1500 ريآل
بس مدري مع الكفرات او لا..؟
ان شاء الله الاعضاء يفيدووك

تحيتي

الله يعوضك بأحسن منها ويأخذ لك حقك من سارقها.

بالنسبة للجنوط تقدري تشتريها من الوكالة، بس في عضو عارض جنوط أكورد جديدة للبيع تجدها في هذا الموضوع

بس لا تنسى تمر الوكالة وتشتري قفل للجنوط

بالنسبة لمقاس الكفرات، إن شاء الله الإخوان اللي معهم أكورد جديدة يفيدونك.

لا حول ولا قوة إلابالله
الحمد لله أنهم لم يسرقوا السيارة كلها
أوصيك بتركيب أقفال أصلية على كل الكفرات.

الله يعوض عليك

احسن حل تشتري جنوط (درجه ثانيه) من الوكاله ب1450 ريال
الكفرات تقريبا ب2000 ريال <برجستون تورنزا
قفل جنوط تقريبا 200 ريال من الوكاله

او انك تروح للغرابي وتشتري جنوط اصليه <اذا فوق 1500 اشتريها من الوكاله

الله يعوضك

كل شيء يسرقونه

حتى الناس في هذا الزمن يسرقوهم

يا ساتر استر على عبيدك

حسبي الله ونعم الوكيل

الله يعوضك ان شاء الله بخير منها ,.

وللمعلوميه سعر الجنوط حاليا في الوكاله بحدود 1800 ريال بدن كفرات ,, وانصحك بكفرات تويو لأنها مناسبه في السعر وجودتها عاليه وعازله للصوت ,,

واذا فيك حيل تلاحق ورى جنوطك فانصحك تروح للمحلات الجنوط الكبيره لأن عادة يبيعونها عندهم الله لايوفقهم ,,

الله يفضحه ان شاء الله ,

يارب يندم سارقها ندم ماينساه طول حياته
كـ الأمساك به وتطبيق الحكم الشرعي عليه

اقتباس:

---

بس لا تنسى تمر الوكالة وتشتري قفل للجنوط

---

رحت الوكاله الي بخريص قبل ثلاث أيام
وقالولي مخلصه وتقدر تشتري شبيه لها من الغرابي ×_×

أذا أحد راح يشتريها وحصلها في الوكاله يعطينا خبر ^_^

حبيبي انا مثلك والله سيارتي اكورد v6 2009 سرقو جنط واحد من سيارتي و رحت للوكاله قيمة الجنط 1800 طبعا اصلي .... الله لا يوفقهم لا دنيا ولا اخره وربي ما يحس بالقهر الا الي انسرقت جنوطه وهذي صورة سيارتي حسبي الله عليهم :mad:

الناس صارت تاكل فلوس حرام ماتدري ان الحرام محاسب عليه يوم القيامه و يضر جسمه

احسبها دافعة بلا وانا اخوك وروح اشتري لك غيرها

كلامي موجه للحرامي ان شاء الله صاحب الجنط يلاقي جنوط سيارته في التشليح راكبه على سيارتك المعجونه عشان يبرد قلبه
حسبي الله عليكم :mad:

يا شباب انتبهوووووووووووا من السرقات

وكل واحد يحاول باقرب فرصه يركب قفل حمايه

تحصلونه بالغرابي وعند السليماني افضل بـ 80 ريال

لاحول ولاقوة الا بالله
والله اشتري قفل للجنوط

الله يعوضك
في ناس مايخافوربهم الله ينتقم منهم

الله المستعان
من جد وصلنا للحاله هذي أعوذ بالله
المهم لا تشتري إلا وكاله أضمن لك وأحسن لك
وكفرات الدنلوب يمدحونها لي شباب كثير
وحط لها قفل وريح بالك

الله ياخذة الذي سرق الجنوط

الله يعوضك والله لا يوفق اللي سرقها ولا يبيحا منها وكل مال السرقات تزيد الله يكشفهم

الله يعوضك خير ان شاء الله

وياشباب قفل الجنوط الي بالوكاله يفرق عن الي بمحلات الزينه ؟؟

قفل الجنوط بمحلات الزينة راح تكون متشابهه وممكن أي مفتح من أي محل يفتحها

لكن اللي بالوكالة تتعب معها - ونصيحة الحقوا اذا موجودة لايقولك خلصت وتضطر تطلبها من الخارج

الله لا يوفقه ولا يعافيه و ربي يعجل بعقوبته ...ذبحونا بالسرق الله لا يوفقهم وياخذهم ومايبقى منهم احد

جنط الأكورد 17 الصيني بـالغرابي بـ 1300 ريال للطقم اربع جنوط بدون كفرات

إذا ودك بأصلي مستعمل مع الكفرات تلقى عند المحلات اللي عند مدخل الغرابي من جهة الجنوب ماأدري عن الأسعار

وأسأل الله العلي الكبير أن يسلط على السارق مايستحق من العقاب

الله يهديه شباب فاضيية

وماتصلي الا من رحم الله

وماتبيه تسرق

اللي مايخاف من الله خف منه

ثانيا

اخوي لاوكالة ولاغيره

شوف الغرابي

او حراج بن قاسم

فيه محلات عندهم اخو الجديد


حتى راح تشك ان الجنوط مسروقة

لانها اصلية واخت الجديدة

ياما سرقوا مننا قبل كفرات كرسيدا وجنوط

وقبل مااشتري اكورد

كان معي فورد طلعت من العمل وكان يفك بصواميل الجنوط وماانتبهت الا لما مشيت حصلت الجنط يطالع شوي عن الهوب وقفت على طول

ورجعت لمكان سيارتي حصلت الصواميل

رفعنا السيارة انا وبعض الفزعات بالشارع وركبناها

وبعدها على طول اول قطع غيار سيارات وقفت عنده واخذت قفل جنوط

صار اهم من السيارة قفل الجنوط

اشتره قبل ماتطلع السارة من الوكاله

والله يصلح الاحوال شباب بشهادات وعاطل

ان الشباب والفراغ والجده *** مفسدت للمرء اي مفسده

التآمين يغطي الجنوط المسروقه؟؟
وكم تدفع للتأمين إذا كان يغطي أحد له تجربة ؟؟

والله كثر السرقات هالايام الله ينتقم من كل سارق ويجعله بلاء عليه
يا اخوان قفل الجنوط هذا كيف يجي وكيف يتركب ؟

لا حول ولا قوتة ألا بالله
هذول بشر شباب ( لا والله مهو بشر و حوش وش صرنا فيه )
الله يعوضك بأحسن منهم =======((( الله ينتقم من كل مجرم حرامي سيارات أو غيرة في الدنيا قبل الأخرة))======
و لا تنسو القفول يا شباب
تحياتي لكم جميعاا..............

اقتباس:

---

المشاركة الأصلية كتبت بواسطة GameOver

والله كثر السرقات هالايام الله ينتقم من كل سارق ويجعله بلاء عليه
يا اخوان قفل الجنوط هذا كيف يجي وكيف يتركب ؟

---

هذا ياطويل العمر صاموله لكل جنط لها شكل مختلف بحيث انه مايفكها الا مفتاح معين مثل هالصورة

http://www.handa-accessories.com/crv/wheellocks.jpg