السلام عليكم
انا والله عارف اني مكثر عليكم المواضيع استحملوني
المهم شباب الي شار اكورد 2008و 2009 تقصيد
يقولي كم يزيدون عن سعرها كاش
وهل الدفعه الاولى يجب ان تكون اكثر من 10000
وشكراً
عرض للطباعة
السلام عليكم
انا والله عارف اني مكثر عليكم المواضيع استحملوني
المهم شباب الي شار اكورد 2008و 2009 تقصيد
يقولي كم يزيدون عن سعرها كاش
وهل الدفعه الاولى يجب ان تكون اكثر من 10000
وشكراً
ايه والله ليت تفيدونا
لاني بإذن الله راح اشتري
وهل هي تقصيد ولااجار منتهي بالتمليك
مشكووووووورين مقدما
السلام عليكم ورحمه الله وبركاته
انا يا عزيزي شاري اكورد سبشل 2009 بالتقسيط عن طريق شركة اليسر
وبالنسبه للدفعه الاولى الظاهر انت الي تحددها انا دفعت 25000 الف وكان القسط 1460 لمده اربع سنوات والدفعه الاخيره20000 الف ريال والظاهر انك تقدر تقسط الدفعه الاخيره طبعا الدفعه الاخيره هي المبلغ الي يزيد عن سعر السياره (الفوائد) ياريت اني قدرت اخدمك
تحياتي
اخوي مشكور
بس وش ذي شركة اليسر وكيف الطريقة وهل التقصيد من الوكالة نفس الزياده ولا لا
انا كمان طلعتها من اليسرر .. ونفس كلام اخوي بس انا دفعت 25000 مع الرسوم الاداريه 2000 يعني طلعت الدفعه 23000 ...المهم تراها زيينه ..وكمان تقدر تطلعها بدون دفعه بس راح يطلع القسط حوالى
\1900--2000
يا اخوي طلعها عن طريق شركة هوندا اقضل لك مليون مره
انا دفعت دفعه اولى 35000 ريال و 1270 في الشهر
و لا في دفعه اخيره و لا اي شي اللهم زياده 10000 ريال عن سعر الكاش
و اذا التزمت بالسداد اخر شهرين يدفعوها عنك
مشكور اخوي بس يليت تفيد وش الي يطلبون الوكالة
وهل الزياده ثابته ولا لايعني بس 10000 وهل يحتاج كفيل
اخوي الطلبات :
1_ كفيل لازم طبعا (حكومي)
2_ مسير الرواتب لاخر 3 شهور
هذا اهم شي و باقي الطلبات عاديه
طيب اخوي الزياده بس 10000
ولو دفعت 10000 كم التقصيد يكون ؟؟
اخوي بس حبيت اسالك وش نوعها 6 سندر ولا 4 سندر
انا اعرف اكورد اقل الانوع
لو تبي تعرف قولي
عشان اسال اخوي واعطيك الخببر
اخوي اقصد اربعه فل اوسبيشل
مدري لك اذا حطيت الدفه 10000 ممكن يطلع عليك القصد 1990 او 2000 على ما اعتقد
بس كم تكون الزياده
استفدت كثيرآ
يعطيك العآفيه وعسآكم عالقوه
انا طلعت سبشل 2009 عن طريق بنك الاهلي
لمدة خمس سنوات
طبعا خذيتها 122000 تقسيط لمدةخمس سنوات
ودفعت لهم 26 الف ريال
وطلع علي القسط 1282 في الشهر
اخوي اتحادي كم طلع سعرها بعد الزياده
اخوي حاير الاهلي ارخص ولا الوكاله والله كثيره 12200
انا اليوم رحت الشركه سألت عن الاكوورد 6 سلندر فل
قيمتها كاش 115000 (( 155 الف ))
وقيمتها تقصيد 171300 (( ميه وواحد وسبعين الف وثلاث ميه ريال )) <<< والله زياده عن الكاش كثييررررررر قهر
اهم شء طلع قصد على الوالد قيمته 2803 << جالسين على الثلاث ريال ذي ههههههه
خمس سنين ...
....
اما الايجار منتهي بالتمليك
الدفع الاولى 16300 ريال
بدون دفعه اخيره
قيمتها 115000 << لغه عربيه ههه
قيمتها بالايجار المنتهي بالتمليك 165220(( ميه وخمسه وستين الف وميتين وعشرين ريال ))
طلع القسط بـ 2482 لمده خمس سنين
اتمنى اني افدتكم
تحياتي
والاقساط لازم يكون راتبك فوق الـ 4500 ريال :)
مشكورين على الردود استفدنا كثير والله بس اخوي الأكورد عالم جميل اذا باخذها من شركة اليسر كم الدفعه الاولى وكم اقساطها كل شهر لأن اخوي يبي اكورد v6 وراتب اخوي 5200 ريال
^^
^
والله اخووي مدري
بس احاول اسألك
شباب زيادة على الاسبيشل كم من الوكاله
ماسألت عن الوكاله بس موظفين الوكاله ينصحون بالاهلياقتباس:
المشاركة الأصلية كتبت بواسطة والله قهر
بس اخوي كيف الطريقة في الاهلي وهل هي حلال ولا لا
الاهلي يستند الى فتاوى شرعية في تعاملاته وروح لاقرب وكالة واسأل عن مندوب الأهلي واسأله عن الطريقة في البيع وعن الفتوى المرتكزه عليها وهوراح يعطيك التفاصيلاقتباس:
المشاركة الأصلية كتبت بواسطة والله قهر
اسأله الله ان يسدد خطاك
ولد عمي مقسط له من الوكالة اكورد 2009 فل كامل 4سلندر طلعت عليه بــ 140.000 ((تقريبا فرق 40.000)) عن قيمتها كاش والقسط الشهري 2015
طبعا بدون دفعه هذا الكلام على ايام العرض
الميزه الحلوة بالتقسيط ان يمديكــ تبيع السيارة على عكس نظام التاجير المنتهي بالتمليكـ
اتمنى اكون افدتكـ
يا شباب الوكاله ارخص بكثير و لكن يقولك روح لبنك عشان طلباتهم اقل من الوكاله
يعني مي معقده كثير
و لا تنسى البنك يقسطك على 5 سنوات نفس السعر اللي تقسطك الوكاله 4 سنوات فرق سنه في السعر و الزياده
مشكور اخوي اتحاي بس ياليت تحط كل الطلبات الي يطلوبونها الوكاله
والله عارف اني تعبتك معي بس تحمليني
والله يعطيك العافيه
السلام عليكم ... حياكم الله جميعا ً ....
الإخوان ماشاء الله ماقصروا بتعليقاتهم ونصائحهم الرائعه .
أنا حبيت أزيد معلومه غايبه عن غالبية الناس وهي إنك كل مازودت قيمة القسط
تقل مدة الأقساط وبالتالي تنقص فايدة الشركه .
مثال : إذا السياره قيمتها كاش 100000 ريال ونسبة الجهة المقرضه أيا ً كانت وكالة
أو غيرها غالبا ً : 8 % في السنه الواحده .
يعني 8 % من سعر ال100000 ريال = 8000 ريال في السنه الواحده
وتتكرر بعدد سنوات القسط .
يعني لمن تاخذ السياره أقساط لمدة 5 سنوات
5 * 8000 = 40000 ريال صافي الربح بدون الدفعه الأولى او الأخيره .
4 سنوات : 4 * 8000 = 32000 ريال .
3 سنوات : 3 * 8000 = 24000 ريال .
2 سسنتين : 2 * 8000 = 16000 ريال .
1 سنه : 1 * 8000 = 8000 ريال .
( * ) علامة الضرب .
يعني بعبارة ثانيه كل مازودت الدفعه الأولى وقللت عدد سنوات الأقساط أنت المستفيد أكثر من جهتين :
أولا ً : إنك تخلص إلتزاماتك الماليه في أقصر ممكن وقت وماتتحمل عبئ الأقساط لسنوات كثيره
لأن الأقساط تقص الظهر للي مجرب وأنا واحد من هؤلاء .
ثانيا ً : تطلع عليك ( الفائده ) حقت الوكاله أقل ومافرقت عن سعر الكاش إلا شي بسيط .
ان شاء الله تكون إتضحت صورة الأقساط وكيفية التعامل معها بذكاء .
وبالنسبة للشروط تختلف بين التقسيط والتأجير المنتهي بالتمليك .
التقسيط على كلام مندوب الوكاله أصبح نادر جدا ً وشروطه أصعب
منها وجود عدد 2 كفيل غارم حظوريا ً وتحويل راتب .
التأجير أسهل لا كفيل ولا غيره كل اللي يبون شيكات
من رصيد بنكي معتمد بعدد الأقساط + الدفعه الأولى .
تحياتي للجميع .
مشكور اخوي بس لو دفعت دفعه اولى 20000 كم تكون الزياده
وبيض الله وجهك الصراحه كفيت ووفيت
السلام عليكم
أخواني ،،،
أنا أعمل في البنك الأهلي - قسم تأجير السيارات
ولي علاقات حلوة في شركة اليسر،،
أي واحد منكم يبغاله حسبه أو شروط يراسلني ع الخاص،،،
تحياتي
ماقول الا الله يعننا وياكم على شركات التقسيط .. والاسعار الخياليه المبالغ فيها
قسط سياره ب الفين ولا الف وسبع .. وش يبقى من الراتب على ك
ماقول الا الله يعننا وياكم على الاقساط
اسعار مبالغ فيها صراحه .. وش يبقى من الراتب على كذا
تشتغل وتكد على الاقساط .. علشان تقدر تسدد
الله يطيح ديننا ودينكم يارب .. ويشيل عننا وعنكم الحمل هذا
حبيبي ..
أنا اشتريت اكورد عن طريقة الوطنيه للتقسيط
دفعة دفعه اولى 23 ألف و 1300 شهري
واقساطهم لمدة 3 سنوات