وبعد السرقه ... كيف أصبحت معشوقتي ..
بسم الله الرحمن الرحيم ...
بعد حادث السرقه الي تعرضت له سيارتي في شهر رمضان المبارك ... ومثل ماتعرفون كيف تكون أخلاق الحرامي واهتمامه بالسياره وحرصه الشديد على ممتلكات الآخرين (( طل :p ))
وبناء على الأخبار الي كانت توصل لي عن سيارتي ... مثل بلع الأرصفه والحفريات التي تعدم السياره اذا كانت معك فكيف اذا بيد واحد حرامي لا ومطارد ... توقعت ان السياره راح تنعدم نهائيا من ناحية مساعدات وعكوس واذرعه ومن هالشغلات الي يحبها قلبك ... وقلت ماهي مشكله دام التامين حلف انه مايحاسب الا هو ... لكن في قرار نفسي انه مهما صلحوا فيها لازم يبقى فرق عن قبل السرقه ... المهم تخيلوا معي سياره مسروقه أسبوع كامل ولعبوا في ابو حسبتها تفحيط وتكسير بها لأرصفه وبلع حفريات ,,, كيف تكون ؟
ممكن تحتاج تغير بطن السياره كامل أو جزء منه ...
أو ممكن تحتاج تغير كراسي ماكينه ...
أو ممكن تغير شي ماتتوقعه ولو بسيط ...
أو على الأقل ممكن تحتاج تغيير قماشات بحكم ان السياره ماشيه 50000 كم ولا تغيرت قماشاتها نهائيا ومع التفحيط أكيد راح تنعدم أكثر ...
لكن هذا الكلام مايشمي على الهوندا .....:eek:
يعني من يشكك في مقدرة التحمل في الهوندا أتمنى ان رأيه يتغير بعد مايقرأ الي صار بسيارتي ..
الي يقول ان سعر الأكورد مو على قدها ياليت يقرأ ...
الي يفكر يبيع سيارته (( الهوندا )) ويشتري اي سياره ثانيه بحكم ان الهوندا ماهي مريحه او او او ,,, إقرأ وان شاء الله يتغير رأيك...
والله ياناس اني ماراح أستفيد لو أكتب لكم الى بكره عن الهوندا ... الا اني انقل لكم واقع تجربه عشتها ... وللمعلوميه سيارتي هي أول سياره أشتريها من هوندا ... ومالها معي الا سنه وأثبتت خلالها الكثييييييييير من المميزات الي مايعرفها الا أصحاب الهوندا ..
والله مالي ولا ريال من عبدالله هاشم على كلامي هذا ولا لي أي تسهيلات أو مميزات منهم بالعكس انا اكتب كلامي واحتسب اجري من الله ...
http://www.9q9q.org/index.php?image=ix5CC6sOnWVs
شفتوا الصوره هذي ....؟
هذا الوضع الي تركوا عليه السياره وهربوا ...
يعني متى صارت هالمشكله في سيارتي ...؟ في آخر يوم لهم في سيارتي ... وكان السبب الي خلاهم يتركون السياره ولو كان عندهم اسبير كان ركبوه وكملوا ... لكن بسبب هذا ماقدروا يكملون ..
طيب تتوقعون وش صار في السياره ....؟ (( أنا أتكلم من ناحيه ميكانيكيه ))
كل الي صار في السياره يامن يشكك في الأكورد الي شفته في الصوره ..
مجرد أنفقع الكفر عند سرعه عاليه على خط سريع وطاحت السياره على الجهه الي تشوفونها وسبب مشكلتين بسيطه جدا
الأولى / انقطع السلك الخاص ب نظام ABS الي يوصل للكفر المفقوع .,..
والثانيه / دبة الماء حقت الردايتور انكسرت ...
بس هذا الي صار فيها ... الوكاله توقعوا ان التكاليف توصل الى 5000 ريال ميكانيكا فقط ..
توقعوا فيها مشاكل الدنيا ... ولما فحصوها وطلعوا عليها وسووا فحص كمبيوتر .. تفاجأوا بأن السياره سليمه ماعدا من هالمشكلتين فقط ... جربوا أكثر من مره ... يحاولون يطلعون شي ثالث رابع خامس ... وكأنهم تناسوا انهم ميكانيكيين في شركة الهوندا وليسوا في شركة (( .... )) ,,
أسبوع كامل تفحيط ومطاردات وأرصفه ومع ذلك ماشاء الله تبارك الله ..
بس أنتم لاتنسون تذكرون الله ..:cool:
وأنا تأكدت أكثر لما طلعت السياره وجربتها على الخط وداخل حواري واكلت كم مطبه عشان أتاكد ان مافي أصوات نهائيا ... وطلعت النتيجه ولله الحمد 10 على 10 ..
هذا ماحبيت ان أنقله لكم ولكم مني جزيل الشكر ,,,
