السلام عليكم ورحمه الله وبركاته
سمعت كثير من الشباب يشتكون من صوت بمكيف الاكورد (صفير)
طبعا انا واجهت نفس المشكله واشتكيت منها على صيانه الـ 40 الف ولا صلحوها
اشتكيت بصيانه الـ 60 الف وصرفوني قالوا عبينا فريون
زاد الصوت عندي بعد الـ 63 الف كيلو
رحت لهم يوم الخميس الماضي وقلت للمهندس<<قصدي الشخص المسمى مهندس:d
قلت له عن المشكله ..قالي كم ماشيه سيارتك ؟؟ .. قلت له : 63 الف
:d<<وجه المهندس بعد ما سمع ان سيارتي تعدت الضمان (اكورد2007)
قال طيب المشكله عندك بـ بلف المكيف ويكلفك 1240 ريال تقريبا بدون شغل يد
قلت له لا يكون تحسبني سواق ابوك تلعب علي
المهم طلعت له الفواتير اني مسوي الصيانه 40 و 60 الف وفيها ملاحظه عن المشكله نفسها ونفس المهندس اللي مدخلها عنده
:(<< وجه المهندس يوم عرف انه مب لاعب علي وانها ع الضمان يشملها
المهم انهم غيرو لي البلف حق المكيف وعبو الفريون جديد ;) ع الضمان بعد ما اخذت موعد ودخلتها الاحد امس
* الخلاصه : الي عنده نفس المشكله يروح ينشب بحلوقهم لان المهندسين المحترمين الي بهوندا ينتظرون الضمان يخلص عشان يدفعونك قيمتها مع علمهم انها عيب بالاكورد
اقتباس:
المشاركة الأصلية كتبت بواسطة B Unique
يا شباب هذا عيب مصنعي في ثلاجة المكيف وماله حل الا التغيير
الصوت الغريب اللي تسمعونه صوت تهريب الفريون كل ما يشتغل الكمبريسور ويزيد الضغط في الثلاجة
اللي سيارته مازلت تحت الضمان يروح للوكالة واللي انتهى ضمانه الله يعينه يغيرها على حسابه
طبعا اخوي بي يونيك قالي الثلاجه قبل ما اروح لهم بس المهندس :dركب راسه ان المشكله مب بالثلاجه
قلت العوض ولا القطيعه غيرو البلف والحمد لله ما سمعت الصوت من امس
وان شاء الله يكون حلها البلف ولا نظطر نغير الثلاجه
