عرض للطباعة
شباب معروضة أكورد 2003 كحلي
ماشي تقريبا 65.000
السيارة نظيفة الخارجية والداخلية
بس فيها طقتين خفيفتين من جدام ومن وره وبسيطه
الريموت خربان والسي دي
السيارة كحلي داخل بيج مافيها مواصفات
4 سلندر
مطلوبة 900 دينار كويتي قسط تقريبا بالسبعين
فوق الطلب 1800 دينار كويتي
عطونا رايكم بالنسبة لسعر سوق الكويت
وبالنسبة للسي دي والريموت كم تقريباً تصليحهم بالوكالة كل واحد بروح
ومشكورين من اللحين
تحياتي :)
السيدي ب 800 العدسة
والريموت ب 900 و طقم المفاتيح ب 1700
السيارة في سوقنا تسوى 33000 ماتزيد
اللون مايساعد ومافيها فتحة
922
الله يجزاك الخير على هالمعلومات
وإذا في أحد بعد من الأخوان عنده راي يعطينا إياه كسوق بالكويت
مشكور أخوي مرة ثانية ما تقصر :)
اقتباس:
المشاركة الأصلية كتبت بواسطة 922
أخوي السيارة نظيفة و ماشية 65 ألف بس !!!!
وش دعوة .. ما عطيت السيارة حقها .. انا من رايي ان السيارة في سوقنا تسوى بين 36000 - 41000 الف في سوق السعودية واذا على السيدي والرموت فأمرهم هيناقتباس:
السيدي ب 800 العدسة
والريموت ب 900 و طقم المفاتيح ب 1700
السيارة في سوقنا تسوى 33000 ماتزيد
اللون مايساعد ومافيها فتحة
طيب يا جماعة على خراب الريموت والسي دي
وسيرفس ال 60 الف مو مسويه
شرايكم سعر حلو ؟؟
أتوكل على الله ؟؟
تحياتي :)
صراحة ما أدري ما أقدر أفيدك بالضبط
طيب كم السعر النهائي ؟؟؟
و سويت لها فحص تشوف وش المشاكل الي فيها ؟؟؟؟
و متى آخر صيانة كانت لها ؟؟
آخر صيانة بالوكالة مسويها على 40 الف
بعدين يقول ماسوالها شي
اعتقد يبيلها سيرفس أو على الأقل تصفية
السيارة استخدام نظيف أعرف صاحبها ملتزم ورجال كبير بالعمر
وأعرفه معرفة طيبة ماراح أفحص السيارة يعني ثقة الرجال إن شا ءالله
والسعر النهائي 1800 دينار فوق الطلب ((واحتمال أقدر أطيح بعد 100 ))
مطلوبة 900 دينار تقريبا
فشرايكم ؟؟
خذ بالك اخوووي زين ترا قطع الهوندا رخيييصه :d قصدي غاليه
اهم شي المكينه مافيها اي مشاكل ....
بس من تجربتي مكاين الهوندا تتعب من بعد 150 الف كيلو متر
معنى كلمة تتعب : يعني القطع الاستهلاكية تبدأ تنتهي .... والله يعينك عليهم ...
مشورتي لك يالغالي شوف لك موديل اجدد شوي لان 2003 مثل ماتدري اول موديل ... يمكن يكون فيه عيوووب .... والله يعينك
صار السعر فوق الطلب 1700
يعني السيارة صارت مطلوبة 900 دينار
فوق الطلب 1700 دينار
شرايكم ؟؟
بعدين في شغلة السيارة فيها عيوب مصنعية ؟؟
والله اخوي ماعندي علم بالعيوب المصنعيه بس اللي اعرفه تنسيم بالهواء في باب الراكب ومشكلة في البريكات ...... وبس
والله بصراحه مانا فاهم شي بالسعر ياريت توضح لي او احد الاخوان يوضح
دامك تعرف راعي السيارة
توكل على الله :)
مثل ماقال اخوي بلك
اذا تعرف راعيها توكل على الله
الله يجزاكم الخير جميع إن شاء الله
وادعولي بالتوفيق
واللحين بصلي استخارة وبتوكل على الله
أول مرة بجرب الهوندا والكل يمدح فيها بس الكل أجمع على غلاوة قطع غيارها
ادعولي يا جماعة
بالنسبة للأخ الي يسأل على سعرها
السيارة مطلوبة للأقساط كل شهر ادفعلهم تقريباً 73 دينار ابتداءاً من 23/1/2007
لين يصير المبلغ 975 دينار هذي بالضبط يعني تقريبا سنة وشوي
طبعاً اهيا بالأساس على صاحب السيارة بس بتصير باسمي
واهوا يبي فوق الطلب 1700 دينار فوق الطلب هذي اسلمها كاش
إن شاء الله يكون وضحت الصورة
شاكر لكم ولاتنسونا من الدعاء
تحياتي :)
أخوي بالنسبة للتنسيم مو مشكلةاقتباس:
المشاركة الأصلية كتبت بواسطة عاشق هوندا اكورد
بس البريكات شفيها شنو الي فيها ؟؟
اخوي حاس اني خربت عليك السيارة ؟؟؟؟
المهم انا عندي اكورد 2006 البريكات فيها صوت مزعج بكل ما للكلمة من معنى وهذا يجي بس بعد 130 اذا ضغطت عليه ....
سألت الوكالة قالو عيب مصنعي من 2003 .. هذا اللي اعرفه بس
واسف اذا خربت عليك السيارة
لا بالعكس أخوي انت قاعد اتنبهني على أشياء ما أعرف عنها شي
صراحة بروح أسأل الأخ وإذا طلع فيها هالشي شنو الحل ؟؟
يعني يتصلح ولا مافي أمل منه ؟
وجزاك الله خير
بصراحه اخوي عندنا بالسعوديه
الوكالة تغير لك العيب المصنعي ولكن مو من اول مرة ...
على سبيل المثال انا اكوردي ال2006 فيها مشكلة بالبريك مثل ماقلت وصار لها 15000 ومن الالف وانا اشتكي في الصيانه ... بس يقولون لازم توصل الشكوى 3 مرات وبعدين تغير
بصراحه الاكورد سيارة قوية وتتحمل كثير ... وبالنسبه للاعطال كل شي يتصلح اكيييد .... وخاصة اذا كانت عيوب مصنعيه اعربو عنها واكيد شافو لها حل ... وشكرا ...
واذا مافيها شي توكل على الله
باركولي يا شباب وادعولي
استلمت السيارة واطلعت علي بالكامل 2600 دينار كويتي
يعني تقريبا بالسعودي 31200 ريال
وبالمرفقات صورة العدادات وابي رايكم إذا في شي غلط :cool:
http://www.hondaarabia.com/club/atta...2&d=1167024163
يعني الضغط والحرارة :d
ماشاء الله السيارة نظيفة
بس في مشكلة الريموت يقولي راعيها يعلق مأذيه فحاليا مفصول
يعني يقولي كل شوي يشتغل الإنذار أحد يعرف شنو حل المشكلة ؟؟؟ :confused:
لاتنسونا من الدعاء
تحياتي :)
10000000000000000000000 مبروووك اخوي
بصراحه ماعندي خبره بالرموووت
بس اهم شي لاتنسى تربط الحزاااام:d
الله يبارك فيك إن شاء الله
بالنسبة للحزام
في أحد يلبسه اللحين :d
إن شاء الله انحاول نتعود عليه ضروري صراحة
تحياتي :)
الله يبارك لك فيها ان شاء الله
المؤشرات الا اشوفها كلها طبيعية ولله الحمد .. لكن اربط الحزام :)
مشكورين ياجماعة على تجوابكم
وإن شاء الله بربط الحزام واللحين بروح اسويلها سيرفس 60 الف علشان أفتك
بالكويت راح يكلفني بحدود 140 دينار بالسعودي تقريبا 1680 ريال
مشكورين جميع وماتقصرون يا شباب
تحياتي :)
الحزام هو أساس الإنذار :d
بالتوفيق أخوي و الله يعطيك خيرها و يكفيك شرها .....
و إن شاء الله نكون وفقنا في مساعدتك :)
و السعر مرة حلوو ....
وين اللى يقول ماعطيت السيارة حقها شف بكم اشترى السيارة :mad:اقتباس:
المشاركة الأصلية كتبت بواسطة r9onaldo9
خخخخخ امزح :d:d
البريكات اخوي حظوظ
انا ماعندي اي مشكلة منها
التنسيم لايذكر او مو واضح ابدا الا للى بيدقق مررره "موسوس"
الريموت ماتقدر تفصلة من السيارة
يمكن قصد راعيها شال البطارية من الريموت
يمكن يحتاج برمجة بس
مر علينا في منتدى الانظمة الصوتية والكهربائية ونساعدك باللى تحتاجه >>> دعايات :d
وهذا راوبط لبرمجة الريموت
الله يعطيك خيرها ويكفيك شرها
وبالنسبة للحرارة والضغط ؟
كلها طبيعية :)
اهم شي لاتنسى تربط الحزام :d
شاكر لكم جميع يا شباب
وبالفعل استفد منكم استفادة كبيرة
الله يجزاكم الخير جميع
وبالنسبة للريموت قلت حق الوكالة يشوفون العلة لأنه راعي السيارة كان فاصلة حتى الهرن مو شغال الي اهوا الزمور أو ماأدري شتسمونه :confused: وقلتله إذا تصليحه غالي لاتصلح شي
وإذا صلحوه من ضمن السيرفس ننتهي من المشكلة وإذا يبون سعر غالي عليه بجرب طريقة البرمجة الي حطها الأخ 922
بس شلون برجع أوصل الريموت اهوا مفصول حالياً احد يقدر يفيدني بصور مشروحه :d
قالولي في سلك موصول براس البطارية يفصله ويفصل كل شي ودورت مالقيت شي :)
وبالنسبة لحزام الأمان خلاص إن شاء الله رابطه إن شاااااااااااااااااااااء الله بربطه بربطه أبشروا
وشكلي بروح أحول على قسم المشاكل والحلول وانتابع اهناك :)
بس لما تطلع السيارة من السيرفس وانشوف شنو فيها ومافيها
ايه صح قالي راح يسوي سيرفس كامل ... يعني راح يغير كل شي ولا شنو معنى سيرفس كامل ؟؟ :confused: :d
تحياتي :)
والله ادعيلكم يا شباب من قلبي
توني طلعت السيارة من سيرفس 60 الف
وكلفني 107 دنانير يعني بالسعودي 1284 ريال
يعني والله احسه سعر حلو وايد إذا بسويلها تصفية برة واتغير أشياء عادية يكلفك هالمبلغ
ومعاملة حلوة وسيرفس كااااااااااامل
حتى قالي في مجمع السكان أو مجمع ما أدري شنو مكسور وصلحناه بالكفالة
يعني تشمله الكفالة ماحطيت عليه شي
طبعاً عطوني ورقة طويييييلة فيها كل شي صار تبديل وتغيير وفحص وماأدري شنو
الله يجزيكم الخير ياشباب جميييييييييع
وخلاص بطلع من هالموضوع لقسم ثاني إن شاء الله
تحياتي :)