صدمت بحادث!!!!!والمشكلة الواسطه !!!!! وعند دخول 2007 بربع ساعة !!!!

السلام عليكم ورحمة الله وبركاتة

أما بعد :-

فأنا كنت طالع مع واحد من اصدقائي في سيارتي (اكورد 2006) وكان اليوم 31/12/2006 الساعة 11:30

وكنا نسير بهدؤ حول شوارع الرياض (يعني فاضين وقاعد اسولف انا وياه) المهم عندما اقترب

الساعة نحو 12 ليلا وعند دخول 2007 دخلت على شارع العليا العام من طريق الامير عبد الله

وعندما اصبحت المملكة على يدي اليمين كانت الساعة تشير نحو :_

00:08:15 1/1/2007 وعندما أقتربت من الفيصليه و كانت على يدي اليمين كانت الساعة تشير نحو:_

00:14:23 1/1/2007 وبعدها بدقيقة وفجا لقيت سيارة توقف بسرررعة رهيبة (ابو الشباب اللي قدامي ضرب على الفرامل بقوة فجا وبدون اي مبرر ولم يوجد امامه ولا سيارة )

طبعا انا ضرب على الفرامل لكن كان اسرع مني بالوقوف وصتدمت سيارتي بسيارته

ونزل صاحب السيارة (وكان ثقيل اللسان وعيونه حمراء اللون) بالعربي الرجال مأجر الدور العلوي

فيوم شفت الدعوى كذا اتصلت بالمرور ع طوول ولم اتكلم مع الرجل هذا ابدا نهائيا سوى صديقي قام يتكلم معه

ولم يتاخر المرور حيث اتى بعد 10 دقائق من اتصالي عليهم وعندما راى الى حال الرجل

همس بإذني وقالي ابشرك الخطا علية 100% ويم قصيت القصة عليه همس مرة ثانية بإذني وقالي

أبشرك 100% علية فيوم قال لخوينا عطني الرخصة والاستمار قام هذاك وطلع بطاقة العمل

وتطلع المفاجأه ومتوب في البطاقه (نائب مدير بالأمن العام ) :eek:

وفجأ ناظني المرو وبأعينه حرارة الكلام وقالي بالحرف الواحد :mad: (انت الغلطان 100%)

وخل هذاك (اللي مأجر الدور العلوي) يمشي وأخذ رخصتي واستمارتي وقالي راجعنا بكرى الصباح في مرور الشمال

ولما ذهبت إلى مرور الشمال وجدت الخطأ علي 100% ومكتوب بالتقرير انه اللي صدمة غير مذكور وانه هارب

يعني رجل المرور لم يكتب عنه شيئا فاقلت للنفيب اللي مداوم هناك والله القصة كذ وكذا

قالي اللي جاء لمك مقسم قبل التخرج وهو مصدق وخذ ورقة إصلاح ولا عاد تجيني هنا وانت الغلطان


ومن بعدها وانا بس قاعد ادعي عله .......

والحين قاعد أدور ورشة علشان يصلحون الصدمة :confused: :confused:


وغن شاء الله يعذرني اخوي ن ك د اني ما اتصلت علية يوم ارسلي الرسالة لأني والله العظيم مالي نفس اتكلم مع احد وحاط الجوال على صامت وتاركه بالغرفه :(

يالله ومعليش أني تأخرت على المنتدى كل الفترة هذي ....

وشكرا اخوك

هـ ن و العودية 699

اذا كان كلامك صحيح 100 %

ارسل برقية لصاحب السمو الملكي الامير نايف بن عبدالعزيز ال سعود وزير الداخلية

وتاكد انه ماراح يضيع حقك ان شاء الله

أفا :eek:

حتى بالذمه والضمير دخلت الواسطه :(

العسكري خاف من الرجال ولا خاف من رب العالمين

الله حسيبه يوم القيامه

بس عسى الاضرار ماكانت كبيره اخوي هنو

لاحول ولاقوه إلا بالله... الله يأجرك في مصيبتك وانشاءالله حقك مايضيع.

تقريبا صارت لي نفس المشكله في الخبر قبل 4 سنوات. العسكري خطط الحادث 75% على الطرف الثاني و25 علي أنا.. بس بعد واسطته قلبوها حسبي الله عليهم... وعارف والله شي يقهر من جد.. انشاءالله تكون مأمن السياره بس.

:eek: الحمد لله على السلامة (لا حول ولا قوة الا بالله اللهم اجرني في مصيبتي واخلف لي خيرا منها)
الله يعينك اخوي ه ن و هذا حال الدنيا الواسطة ما خلت شيء:( .
ان شاء الله ما تضررت السيارة واجد...................................

صارت لي او السنة هذي


صدمني الرقيب **** من مرور الدمام بس من الخلف >>عكسك

وجات المرور ومشوه واخذ رخصتي واستمارتي واقوله خذ استمارته يقول الغلط عليك

وهو الي صاقعني من ورا

بس ماتركت حقي واشتكيت عند الامارة ودخلت الوالد والاهل والواسطة وعيال العم والربع والخوال >>>> حشا كل الدنيا جابهم


المهم الحمد لله عوضوني بالمبلغ

فلاتترك حقك اخوي وترا في ناس ماتخاف شرع الله



اخووك المدمر

حسبي الله ونعم الوكيل
ناس ما تخاف ربهم
بس انت لا تسكت
قدم شكوى في امارة الرياض والله ان شكوتك توصل للأمير سلمان في يوم
وصدقني بإذن الله سبحانه ما يضيع حقك
لكن من بكره السبت اطلع للإماره و قدم اذا تأخرت راح يضيع حقك
والله يعينك

على فكرة دعاء المظلوم مستجاب 100% والله ما بيضيع حقك وانت ما علك سوى تصبر وتحتسب
والحمدلله على سلامتك

والله قصة غريبة ماادري هذي الفئة من المجتمع ماتخاف الله .

لاحول
قسم قهر لكن الله يعين بس

ان شاء يستجاب دعاءك ومثل ماقلتوا مايخافون الله هالطبقه هاذي

922 http://www.hondaarabia.com/club/imag...er_offline.gif vbmenu_register("postmenu_24771", true);
SoundSystems|Electronics






ــــــــــــــــــــــــــــــــــــــــــــــــــ ــــــــــــ

وين ارسل برقية ومتى تجي ..؟ وبعدين هذا قبل التخرج مقسم بالله يعني مصدق !!!

واحد عرض علي قالي ابدخلك على الأمير محمد بن نايف بس يبلها شغله

وترى كلها على بعض 2000 ريال الله يعوضك خير ... وعلى فكرة ما امكلك من الادلة اي شي

حتى رقم الدورية ما اعرفها ورقم هذاك ما اعرفه ما املك سوى ورقة الأصلاح فقط !! ومشكور

على المرور اخوي



الاخطبوط http://www.hondaarabia.com/club/imag...er_offline.gif vbmenu_register("postmenu_24775", true);
أخطبوط مدمن بيبسي



ــــــــــــــــــــــــــــــــــــــــــــــــــ


يا فيه ناس ماتخاف من ربك الأيام هذي بس اذا ما عنده حسي ان الله رقيب علية ممكن يعمل اي شي


والحمد الله الأضرار بسيطه جدا يقولي واحد ممكن تكلف عليك 2000 ريال



M/// http://www.hondaarabia.com/club/imag...er_offline.gif vbmenu_register("postmenu_24784", true);
عضو دائم


ــــــــــــــــــــــــــــــــــــــــــــــــــ ــ
حقي موجود عند رب العالمين أن شاء الله ما يضيع .......

والله اني ا لى الان مقهور بس خساااارة ما امنئت على السيارة بس ان شاء الله الوالد

مو مقصر معي


م م و السعوديه 5 5 7 http://www.hondaarabia.com/club/imag...er_offline.gif vbmenu_register("postmenu_24789", true);
عضو



ـــــــــــــــــــــــــــــــــــــــــ
ما اقول إلا لا حول ولا قوة الا بالله اللهم اجرني في مصيبتي واخلف لي خيرا منها

الصدام دخل شوي والمروحة ما تشتغل اضنها ضغطت على المروحه


A l m o d a m e r http://www.hondaarabia.com/club/imag...er_offline.gif vbmenu_register("postmenu_24795", true);
عضو



ــــــــــــــــــــــــــــــــــــــــــــــــــ ــــــــــــــــــــــــ
حقي عند الرب العالمين ان شاء الله ما يضيع وانا الأن ما امكل سوى اني ادعي علية

واللي ما يخفون الله واجد


FaHaD http://www.hondaarabia.com/club/imag...er_offline.gif vbmenu_register("postmenu_24812", true);
عضو



ــــــــــــــــــــــــــــــــــــــــــــــــــ ــــــــــ
والله واحد نصحني قال ترها ما تسوى انك تروح تبلغ وتعب حالك وترها 2000 ريال ماتسوى تركض وراها

لا تخاف في رب فوقك غن شاء الله ما يضيع حقك


عاشق الأكورد06 http://www.hondaarabia.com/club/imag...er_offline.gif vbmenu_register("postmenu_24818", true);
عضو دائم



ــــــــــــــــــــــــــــــــــــــــــــــــــ ــــــــ
الله يسلمك وانا كل يوم ادعي على كل اللي ضلمني



دحوم http://www.hondaarabia.com/club/imag...er_offline.gif vbmenu_register("postmenu_24821", true);
مراسل النادي في منطقة الرياض



ــــــــــــــــــــــــــــــــــــــــــــــــــ ــــــــــ
يا كثر الفئة اللي ما تخاف ربها اليومين هذي


S T ! N G http://www.hondaarabia.com/club/imag...er_offline.gif vbmenu_register("postmenu_24824", true);
راعي حركات




ــــــــــــــــــــــــــــــــــــــــــ
إذا انت منقهر انا وش اقور والله ودي انفجر من القهر بس لا تخاف في رب العالمين



ــــــــــــــــ

شكر لكل اخواني على تفاعلهم مع مصيبتي

لكن وييين ن ك د ترها هو السبب الرئيسي بالصدمة تدرون ليييية؟؟؟؟؟

لاني من يوم حطيت hondaarabia.com على زجاج السيارة من ورا وانا صدمت أجل لو اني

مركب ن ك د معي بسيارة وش كان صار معي :p :p ؟؟؟؟؟؟؟؟؟؟؟:d

لاحــــــول ولا قوة الاباللــــــــه

اللــــــــــــه يعوض عليـــك


لا تخــــــاف اللــــــــــه يمهل ولا يهمل

اســــــــفي وتحيتي

حسبي الله عليهم ..:mad:

والله شي يقهر قسم بالله .. والله يشل لسان هالعسكري الخاين لدينه ووطنه ..:mad:

وان شاء الله حقك مايضيع بس انت مثل ماقالوا الشباب أرسل برقيه للأمير نايف أو الأمير سلمان وصدقني ان شاء الله حقك مايضيع واصلا هم مايرضون ان الأمور تصير سايبه كذا فماراح يقصرون ولا يتأخرون

وانت عليك بالدعاء على هالخونه الي على قولت ضابطهم الفله انهم أقسموا قبل التخرج مادرى ان 50 % منهم براطم تتحرك بس ..

اقتباس:

---

المشاركة الأصلية كتبت بواسطة هـ ن و السعودية 9 9 6

922 http://www.hondaarabia.com/club/imag...er_offline.gif vbmenu_register("postmenu_24771", true);
SoundSystems|Electronics






لكن وييين ن ك د ترها هو السبب الرئيسي بالصدمة تدرون ليييية؟؟؟؟؟

لاني من يوم حطيت hondaarabia.com على زجاج السيارة من ورا وانا صدمت أجل لو اني

مركب ن ك د معي بسيارة وش كان صار معي :p :p ؟؟؟؟؟؟؟؟؟؟؟:d

---

:eek:

يؤ

سلامتك الف سلامه حبيبي ه ن و

والله توني اشوف الموضوع

طيب انا وش دخلني :( <<<--- مصدق

اسمع باقول لك شي برقيه لسلمان الله يحفظه وبيروح فيها العسكري اهم شي انت اخذت اسمه واللا رقم الدوريه؟؟؟؟

الله يساعك ويعينك :(



( ولا تيأسو من رحمة الله ) ;)


تقبل تحيات راعي الاكورد :cool:

اقتباس:

---

المشاركة الأصلية كتبت بواسطة ن ك د السـعــــوديه 3 5 7

:eek:

يؤ

سلامتك الف سلامه حبيبي ه ن و

والله توني اشوف الموضوع

طيب انا وش دخلني :( <<<--- مصدق

اسمع باقول لك شي برقيه لسلمان الله يحفظه وبيروح فيها العسكري اهم شي انت اخذت اسمه واللا رقم الدوريه؟؟؟؟

---

وبعد مكالمة طويلة حث فيها الأخ ن ك د على رجل المرور (الخائن لعملة ) فلقد اتخذت

:mad: :mad: والله لاكلم خويي وادخل على الأمير محمد بن نايف


خلاااص شباب ولا يهمك البرقيه ابكتبها بكرى ثم ابطبعها على الكمبيوتر

ووأقع عليها وش رايك الحييين


راضييين ؟؟؟؟؟؟؟؟؟؟؟؟؟؟؟؟؟؟؟؟


اهم شي إذا قالكم شي حبيبي( ن ك د) لا تسمعون كلامه واكثر شي في الستكر اللي على السيارة من ورا

<<<<اسئلو مجرب ولا تسال طبيب رح وسو استكر لوحدك أنتبه تأخذ راي ن ك د

المرة جت سليمة بالنسبة لي ما تدري يمكن حادث ومبقرة النسيييم ع طووول


هههههههههههههههههههههههههههههههههههههههههههههههههه هههههههههههههه
7
7
7
7
7
7
7
امزح لا احد يصدق ن ك د على عيني وراسي واللي يامر انا حاضر وغذا قالكم شي سوه وانت مغمض عيونك :o


وش رايك ن ك د ؟؟؟؟؟:d

اخوي ه ن و

في مبنى الأمن العام ( في شارع الناصرية ) يوجد قسم خاص لاستقبال الشكاوي

بس لازم تكون عارف اسم العسكري أو رقم الدورية ( يفضل الرقم اللي يجي في جنب الدورية مع رمز المنطقة )

ماتشوف شر حبيبي .... والحمد لله على سلامتك .

الحمد لله عل سلامتك اهم شى ..
حقك ان شاء الله مايضيع من رب العالمين..

حمدلله على السلامة أخوي

شي يضيق الصدر من جد ...

الله يعينك ..

أنا أشوف إنك تريح مخك وتدخلهآ لأي ورشه أفضلك ..

والله مآيضيع حق مظلوم ..

بسيطه

ركغتين في اخر الليل وبعدها ادعي عليه لين تتعب

والله ماراح يضيع حقك

والله اخوي الشباب ما خلو شي الله يعطيهم العافيه ...

وما اقول الا انك تصبر وعليك بالدعاء وحقك ماراح يظيع عند رب العالمين ....

وتقبل مروري

الله ينصرك على من ظلمك .

انا اقول من رايي انك تسوي زحمه وتطلع ريحة العسكري

مهب عشان فلوس ولا تصليح سياره بس عشان تبهذله زي ما اوجع راسك وضيق صدرك

ابد اندمر مستقبلي :(

خلاص

ياشباب ترى باقي فيه كم استكر اللي يبغى :d والله مالي دخل في حادث ه ن و :( <<<--- تعقد المسكين


توكل على الله حبيبي ه ن و :cool:

ولاتنسى اذا ماقدرت تأخذ رقم الدوريه تقدر تحجر له عن طريق ورقة التخطيط حق الحادث تلقى اسمه مكتوب بس الخوف انه مخطط الحادث وحط الخطأ عليك لكن توكل على الله

أخوي الله يعوضك ، ولكن لا تترك حقك ولو بريال ، لا معنى للمبلغ ولكن المعنى لإظهار الحق فلو تماديت عن حقك فقد يتكرر الخطأ وبجسامة مع غيرك في حالة ما لو كان كحالك
فأنا أنصحك بمتابعة شكواك وهناك بالمرور لجنة " تسوية الخلافات المرورية " أو نحو ذلك المسمى ، فتوكل على الله ما دمت متيقن بصدق دعواك .

الله يكون بعوووووووووونك

ولاتنسى تاخذ حقك من المرور مثل ماقال لجنة تسوية الخلافات


واذا ماقدرت لاتنسى البرقيه ترسلها

بس اهم شي تحصل اسم العسكري

والله يكون بعونك
وسلملم

لاحول ولا قوة إلا بالله
الله يأجرك بمصيبتك ويعوضك خيراً بالدنيا والآخرة، أعذرني لتأخري بالرد.

حزنت لأجلك فعلاً فحادثة مشابهة حدثت لأخي قبل عدة سنوات انقلب بها الحق عليه بعد أن كان معه!
لكن وبما أنك لا تمتلك أي دليل عليهم أو حتى اسم الشرطي أو رقم الدورية فليس لك إلا الدعاء والله يعوضك..

السلام عليكم ...

والله شيء يقهر فعلاً .. ولا أؤيد الأخوان اللي يقولوا لك ما عليك إلا بالدعاء .
لأنك بهالشكل ما جربت تتحرك أبداً ، وتحاول قدر الأمكان تعاقب العسكري بالدنيا !
فأنت عليك أنك تستهم بتقديم شكوى ، على الأقل هالعسكري ياخذ جزاه ...
وثاني شيء ، مع التحقيق تتضح الصورة 100% ..!
يعني لو ما كنت عارف الشرطي وطالبت بتحقيق ، بتتضح السالفة مرة ..
وآخر شيء لو ما فادت الروحات والجيات ، أتجه لله سبحانه وتعالى بدعاء المظلوووم ..
وبالتوفيق خيو !