عرض للطباعة
السلام عليكم
شباب انا احتمال اشتري هوندا اكورد كوبيه موديل 2001
4 سلندر
مواصفاتها :
كراسي جلد
الكشنات نص كهرباء
رنجات type R
جناح رايضي
مثبت سرعة
فتحة في السقف
المكيف اوتو
السياره ماشيه 22 الف فقط
السياره لونها ابيض والجلد لونه بيج
وشرايكم فيها تنصحوني اشتريها وشلون صايره قطع غيارها يعني اسعارها شلون
الرجاء من خبراء الهوندا النصيحه جزاكم الله خير
السياره بحالة الوكاله
وطالب فيها 32000 درهم اماراتي
توكل على الله
الموتر ماشاء الله يعتبر جديد وغير كذا نادر
وشي طيب انه في 6 سنوات ماشي بس 22000
مبروك مقدمآ والله يعطيك خيرها ويكفيك شرها :)
Go ahead حبيبي
لكن من ناحية اسعار القطع للأسف ماعندي اي خلفيه
أنا أشك بمصداقية العداد!
لأنها لو كانت مستخدمة لمدة 6 سنوات والعداد 22000 يعني أنه كان يمشي باليوم 10 كيلو مترات فقط!!
إلا إن كنت تقصد 220000 كيلو
أو أن السيارة كانت متوقفة لفترة طويلة.
لكن بشكل عام السيارة رائعة لا أعلم عن قطعها تستطيع التأكد من الوكيل في بلدكم.
هذا من ناحية أما من ناحية أخرى أرى السعر مرتفع قليلاً، لكن إن كانت نادرة في بلدكم فهذا يفسر الأمر، بالغالب الكوبية أغلى من السيدان في هوندا.
فنصيحتي لك إن تأكدت من نظافتها فعلاً ومن صحة العداد وكنت ترغب بالأساس بكوبية فتوكل على الله، أما إن كنت ترغب بسيدان وهذه ماوجدتها فأنصحك بالصبر لأن أسعار السيدان أقل بكثير..
بكل الأحوال هذا رأيي الشخصي لك أن تستخير وتستشير، والله يوفقك..
مشكورين على الردود الطيبة والاهتمام الزائد
أخوي هوندا الراجل فاصلته وقالي اخر شي 31.500 يعني ما فرقت وايد بس السيارة يقول انه هو صارف عليها لما عدلها , شو رايكم اتوكل على الله
اخوي ن ك د ما مسكت الخطأ المطبعي اللي ارتكبته انا فوق(جناح رايضي)بدل رياضيصادووووووووووووه
توكل على الله :)
و انت عندك هوندا و انت أدرى ......
و السيارة سعرها ممتاز
و ترى الممشى قلييييييل ...
يووووووووووووووووووووه يانكد وشلون ماشفت الخطأ المطبعي :)
ماش الظاهر الموهبه بدت تروح ولا يبو >>>> اكيد ياشيخ بس قبل ما هذا يبيلنا هذاك ;)
عاشق اكورد اقول مبروك عليك السيارة مقدما شكلها ماتتعوض
بس شكلها مخزنه تأكد ماجتها صدمات او يكون فيها صدأ من تحت وتوكل على الله
والله يا أخطبوط انا بفحصها عند واحد عندنا بالمنطقة وبخليه يشيك عليها بالكمبيوتر وانشالله يطلع ما فيها شي..... قول يا رب
أكورد كوبيه نادر في الإمارات :d ... صلى علي النبي
الشباب عندنا مايجبوها من غير البحرين والإمارات واشوف هاليومين زايده شوي
أنا انقل لكم تجربتي على نفس هذه المواصفات وأمريكي وسته سلندر
موتر مو صاحي أبد تسارع روعه وشكل أروع
نصيحتي
لو كانت امريكيه تأكد بأن الوكيل يستطيع توفير القطع وإصلاحها لأن الي عندنا مايقبل امريكي
أهم شي تفحص المكينه (تأكد مافيها كرسي منكسر) والقير وتشوف السقف من الداخل وصوت المحرك عند التشغيل
السعر غريب صاحبي أخذ الأمريكيه سته سلندر بـ 24 ألف ريال ومن الإمارات شوف المعارض يمكن تحصل شي
في الأخير خيار الكوبيه موفق وعلى البركه مقدماً
شكرا على المعلومات اخوي اكورد وانا اليوم وديتها الفحص وانتظر النتيجة وانشالله تتطلع سليمة ,بس انا شاكك ان فيها شي ما اعرف ليش مو مطمن لها ,بس تتطلع من الفحص بخبركم
اتوكل على الله ولكن تاكد من سلامة الموتر من جميع النواحي امابالنسبة لقطع الغيار فا اسعارها عادية مهي غالية وعلى فكرة ترى الاكورد2001جدا ممتازة ورائعة....
مشكور أخوي foxdie على المعلومات
هاه بشرنا ابوحميد وش صار عليك اشتريت ولا هونت
واذا قدرت تجيب صورة للسيارة حتى لو ماشريتها
والله اخطبوط الظاهر ما في نصيب , لاني اكتشفت ان فيها بعض العيوب مثل
المكينة مغيرة قبل يعني كانت مضروبة
من تحت فيها صدا شوي يعني مغشوشة
وغير كمان كام شغلة ما عجبتني فيها , بس انا كنت الصراحة حابب اني اقتنيها بس الظاهر ما في نصيب وزين اني وديتها الفحص , خيرها بغيرها
معوض خير وبتلقى احسن منها إن شاء الله
دمــت بـود :cool:
مشكور اخوي هوندا وانشالله بحصل دعواتكم
يبن الحلال كل شي مقدر ومكتوب
ان شاء الله ان الله بيعوظك خير >>>>>>>>>اكورد 2007 كوبيه :cool:
واصبر ترى الصبر مفتاح الفرج لكن مافي مانع انك تاخذها وتزود عليها وتنتف خلق الله ...
ما فهمت عليك اخوي شو قصدك
يالله معوض خير ابوحميد وزين اكتشفت فيها هالاشياء قبل ماتشتريها
أبحث عن غيرها في المعارض وبتشوف شي يعجبك إنشاء الله
الله يعوضك عنها بأكورد جديدة انشاء الله ...وحاول تصبر لأن الصبر فيه الخير والبركة والصبر تراه مفتاح الفرج..واذا تامرني بشي ثاني انت بس اامر وسلامي..
نصيحه مجرب لا تاخذ سياره بدون ماتجيك تحت السياره مثل الشاصي هاذا اهم شي ;)
تقبل تحيات راعي الاكورد :cool:
السلام عليكم
السيارات عادة في الامارات ماتجي ماشية كثير عكس السعودية
لكن حتى بممشى قليل تجي مكروفة مرره
اهم شئ تاخذ احدث موديل ممكن وتكون شد بلد مررره بدون اي تعديل نهائياً
كذا تضمن انها ماجاها تعديل وتلغيم لانه يبين في الشكل والمظهر العام "الوقفه"
وعلى مااظن التامين على السيارة في الامارات الزامي
فالكوبية تكون اغلى حطها في بالك
تحياتي
محمد
شكر خاص :1_ أخطبوط:الله يخليك حبيبي وانشالله بنعوضها بسيارة ثانية
2_ accord_se: انشالله واقدر لك اهتمامك
3_ foxdie:انت الخير والبركة حبيبي وحنا ما النا غير الصبر
4_راعي الاكورد: لك مني جزيل الشكر على النصائح
5_ 922: كلامك صحيح 100% والتأمين عندنا مرتفع جدا وخاصة الكوبيه بس يجي على حسب نوع السيارة وموديلها
الله يصبرك حبيبي والله يعوضك خيرها واعذرني على التأخير بالرد حبيبي:o
أعرفك ما تقصر يالغالي
تحياتي لك
مشكور يالغالي وانا بحوسلك الدنيا على شان اطلعلك موتر .... وانشاء الله ألقى واحد اوووكي من اللأكوردات ..وسلامي
مشكور حبيبي كلك ذوق ما تقصر