محتار بين الافالون والاكورد

السلام عليكم ورحمة الله وبركاته

كيف حالكم ياخواني الاعزاء

صباح النور/مساء النور

طبعا انا داخل وانا ما اعرف عن السيارات غير الشي اليسير الذي لا يكاد يذكر..

طبعا انا وافقة وزارة الداخلية على اني اشتري سيارة
رحت لم الوكالات طبعا بدينا بالتويوتا(لو تسال راعي الغنم والبعارين يعرفها خخخخ)

طبعا ما دخل براسي غير سيارتين وحده نص ونص وهي الاوريون والثانية الافالون رووعة ما شاء الله تبارك الله
طبعا انا اشوف الاكورد بالشارع ما شاء الله تبارك الله رووووووعة
دلني واحد من الشباب على هذا المنتدى وما شاء الله مدح فيكم وباذن الله انكم قدر هالمدح (قدها وقدود)
وانا الان متحير بين سيارتين الافالون والاكورد
انتم وش رايكم فيهم ممكن تعطوني المحاسن والعيوب فيها لو تكرمتوا

وهل فيه منتدى مثل هذا يهتم في الافالون فقط

انا دورت منتدى محبي الافالون ماطلع لي شي..
قلت ممكن تعرفون لو تعرفون لا تقصرون معي

**اعرف طولت عليكم بس لا تدعون على الي دلني لكم ههههه

وشكرا لكم

اعتقد لو تاخذ لك اكورد 4 سلندر فل ابشن مع زيادات ال6 سلندر في الشكر الخارجي لون اسود

تعيش ملك :)

انا لو باخذ ياخ باخذلي ستة سلندر


** ما احد جاوب على اسئلتي

ما فيه احد رد ليه..!

مالك الا حين

تشتري اليومين هاذي خذ لك اكورد فل كامل 6سلندر

بتصبر كم شهر افالون 2010 الجديده كليـا

يعني متى تبي تنزل؟

ياخوااان فيه احد يقدر يحللي الموضوع حقي كامل لانه للحين مروا اثنيين ما احد رد


و انتم ما تقرون الموضوع كامل

اخوي والله هوي يعتمد عليك
اذا انت كبير في السن خذلك افلون
اماذا كنت شباب فانصحك بالاكورد
والله كل السيارتين حلوين
وكل وحده تقول انا

الافالون افخم واحسن

بس عيبها الوحيد ماهي شبابيه

وفيه منتدى تويوتا العربية فيها قسم خااص للافالون تقدر تروح تستفسر عنهااا

روح جرب السيارتين وانت احكم في النهاية انت الي تبي تسوق السيارة مو نحن

ومبروك مقدما

تبي نصيحهــــ

أفلونـــ بس أنتضر 2010

وعليكم السلام ..

نصيحة لك انتظر إلى شهر رمضان هذا وبتنزل الأفالون 2010 وبتشوف اذا شكلها بيتغير ولا لا ،

وممكن راح تنقطع وتنزل بدالها الكراون ،

واذا عندك فلوس الأفالون الليمتد ، لا تفكر تاخذ لك أكورد ، !!

والأفالون أنا أشوفها رسميه ،

ترى فروقات 6 سلندر عن الفل كامل 4 سلندر في الأكورد ، تنعد على الأصابع ومن رأيي ما تستاهل السعر ، !

والمنتدى المهتم ، تويوتا العرب ..

عيوب الاكورد ، الفحمات بسرعه تخلص ، أصوات الديكور الخلفية ، رجّه لما تحط على d وتكون السيارة واقفه ( ضاغط على البريك )

هذا أغلب العيوب ،

لكن ما يميّز هوندا هو صيانتها ، أنا أشوف أنها أفضل من تويوتا ( من واقع تجربه )

والله قهر:. اشكرك على الرد الرائع انا عمري 18 سنة


م ج ر د حلم :. اشكرك من كل اعماق قلبي وباذن الله راح اطلع على المنتدى


حبيب هنادي:. متى تطلع الاكورد والافالون 2010
واشكرك على المرور الرائع


kakashi-san :. بعد ردك الرائع الظاهر باخذلي افالون
وانا ما فكرت في الاربعة فكرت في الستة

وبعد كل هذا ايضا اعيد اشكر لكل من جاوبني

افـــالون بدوون تردد

يكفيك مرتبة الراكب كهرباء
والتشغيل الذكي والحجم اكبر

نصيحه لا تاخذ الا ليمتد واذا اكس ال
انا انصحك بالاكورد 6 سلندر لون اسود

تحيتي

V6 2007 :. اشكرك على الرد الرائع

وعليكم السلام

والله انصحك تنتظر وتشوف الافالون اذا تغيرت خذه واذا واستبدلوه بسياره ثانيه مالك الى اكورد سته سلندر ويكون سعر 2009 نزل واذا تبي رائي عن الافالون صراحه ماتصلح مع واحد شباب ماتضبط الى مع واحد ابوعيال:d

طبعا مايبغ ليها كلام افالون بدون ما تفكر الافالون افخم واقوى واكبر واهيب ومواصفات اكثر ومشاكل اقل

نصيحه اخووووو لا اخوووووه خذ افلوووون وانت معمض عيونك انا من النااااس الي تعشق الاكووود بس مشكلتهااا مافيهااا مواصفااات زي الافلووون
الافلووون تشغيل بصمه والباب يفتح لمس وسته سلندر وتبريد بالمراتب واشياء كثيررره الاكورد مافيهاا ميزه حلوووه حتى الحسسات الي طلعها بسيارات 95 مافيهاااا مو معقوله

االافلووون كل شي فيهااا اخت الكزس زي مايقلووون وانشالله راح تدعيلي

يالبى الاكورد بس بلا افلون بلا كلام فاضي والله الأكورد لها هيبه اكثر من الافلون وهذا الكلام عن تجربه مع اكثر من واحد كل ما شافو الاكورد قالو الملكه جت واذا شافو الأوريون او الأفلون قال ياشيخ اذونا تويوتا بسيارات الريموت

اضغط ع الرابط اسفل

منتديات تويوتا العربية

اخوي المسافر اشكرك من كل اعماق قلبي

اقول لك الافلون حلوه والاكورد حلوه بس لكل شخص حرية الاختيار لولا إختلاف الاذواق لما باعت السلع الصراحه وبدون تعصب شفت السيارتين من وجهة نظري ان شكل الاكورد من الداخل جميل وخاصه الطبلون المسجل عكس تمام الافلون وهذا موقع إنشاء الله يفيدك http://www.hondaarabia.com/club/showthread.php?t=20125

شوف وانا اخوك مافيه مقارنه بين هوندا والأفالون6/0 لللأفالون فخامه هيبه مواصفات ...............

هوندا وبس والباقي يندس


راعى الموتر


اشكركم على الرد

نصيحتي لك أكورد 6سلندر
لك وللزمن
وأبتعد عن سيارات التجميع

^^^^^^^^^^^^^^^^^^^^^^^^^^^^^^^^^

اشكرك على ابدا الراي

الف مبروك مقدما

وانصحك لاتاخذ الا الافلون وارفق عليها ترا مواصفاتها كثيره


ولا تأخذ الا الشكل الجديد الي يمكن ينزل في 2010

وموعد نزولها راح يكون في اخر شهر رمضان او في العيد

الغالي السيارتين روعه بس بلنسبه الى الاكورد فول افضل واكشخ وبعد انت ورايك

اعتقد الكل اتفق عالآفالون ليمتد , وانا من ضمنهم و لو اقدر عليها مافكرت بالآكورد :)

الله يوفقك للي فيه الخير

أكيد أفلون ما يبيلها تفكير

اذا كنت تهتم للاداء و المواصفات و القوة و الرساوة أكيد أفلون :cool:

لكن بالنسبه اليي الأكورد أحلى

مافي مقارنه اكيد افاااااااااااااااااااااااااااااالون

انصحك بالافالون
لانه من ضمن اقوى المميزات في الافالون المراتب فيها تكييف بارد وحار
وبصراحة السيارة انها اعتبرها لكزس بس بدل شعارها من تويوتا الى لكزس بس مشكلة الافلون ما فيها تشغيل ملفات mp3 wma

حــــــــــــــرام عليكم تقارنون الأفالون با الأكورد ..
والله حرام ..
فرق السماء عن الأرض .. والله فرق شاسع ..

اسخف المواضيع الي ما راح تنتهي

انا راح اشتري اكورد او اورين ومحتار انا محتار بين الفيراري والكورلا هع هع يا ناس الناس طارت فوق وصنعوا وانتوا هوشه بايخه وربي

يا ناس في حاجة اسمها

لو ما االاذواق ما مشت الاسواق

وفي النهايه

لا حد يكثر كلامه وعن القلة الادب من الطرفين :rolleyes: >> محايد

أفلون ولا تشاور ( البنشري ) >> ماله دخل

أصلاً ماتقارن أبد

أفلون وبس بس أصبر 2010

صح أني أحب الأكورد بس الحق ينقال

ماتقارن الفلون ماشاء الله لين ركبتها كأنك داخل صالة بيتكم

وسيعه جداً

يكفيك بس لو تشيل شعار تويوتا من على الفلون وتحط لكسزس

لأنها أصل الظاهر هي لكسزس بس يمكن أنهم مخبطين >>> أمزح هههههههه

أفلووووووووون ولا تشاور ولد جرانكم ههههههه

^^^^^^
الأكورد حلــــــــوة ..
بس أنت متعصبين لها كثير كثير كثير والله ..

كنت أتابع هذا موضوع من فترة

ولكن مع الآسف الكثير مناا يخرج عن نطاق هذا الموضوع

كما تعلمون توجد سياسة للنادي وهي التعصب مرفوض , السب , الشتم , إسائه ... ألخ

كلها مرفوضه في نادينا , قوانين النادي واضحه جدا ً

http://www.hondaarabia.com/club/rules.php

الردود التي تم حذفها , تعتبر مخالفة !

وأي رد مستقبلا ً سوف يحذف من غير سابق إنذار , وإن تكرر يعطى تنبيه للعضو

اتمنى ان محد يوصل للمرحلة هذه , إحنا اخوان وجمعنا النادي للمساعدة والتعاون في مابيننا , وليس العكس !!

يغلق