تم تركيب كفرات برجستون ( تورنزا ) ولاكن
بسم الله الرحمن الرحيم
بعد معاناه سنه كامله والبعض يذكر سالفتي قبل 9 شهور حيث كنت ناوي اركب كفرات و متردد جربت في ذلك الوقت نوعين ( دنلوب + سوموتومو ) رجعت للمحل و قلت مااا بيها رجعلي المشلان و بعد 9 شهور الكفرات مــــهي هذي المشلان اللي اعرفها اصوات و قااااااسي مره وعرفت وقتها ان المشلان يختلف من صناعه لصناعه لان اللي كان جاي شد بلد عليها اعتقد اسباني او فرنسي
المهم اليوم الاربعاء تاريخ 22/7/1430هـ قدر الله علي وفركت من عملي و ما ردني الا وكالة الطلائع بطريق خريص القريبه من حي النسيم . وكان عندهم خصم ركبت مقاس 15-60-205 قالي سعرها 1380 بعد الخصم 1150+هواء نيتروجين40 الاجمالي 1190 ريال بصراحه ممتاز السعر .لاكن وقتها كنت متردد بارتفاع الكفر ما بين 65-60
وتوكلت على الله و ركبت 60 لان اكثر الشباب مركبين 60
...................
مشيت من عندهم اول شي صوت الكفرات تـــمـــام ما فيه صوت :cool: لاكن العيب اللي انا كنت خايف منه صاار:mad:
وهو نفس مشكلة الرساوة على بلاطة نفس كفرات السوموتومو وانا امشي 80 اهز هزه بسيطة بالدركسون احس تلعب السيارة اجل لو انا مركب ارتفاع 65 :confused: و من ناحيت اللفات يعني مقبول ولاكن مــهـــي زي المشلان كلمة حق :confused:
بصراحه ولا تزعلون تحطمت شوي . يمكن عشاني متعود على المشلان القاسي أو يمكن فتره بسيطة وتضبط معي البرجستون عشانها جديده مااااا ادري ابصبر 10 ايام واشوف اذا ما تغيرت بصراحه ببحث عن ميشلان الفرنسي
وللمره الثانيه ما ابي احد يزعل من كلامي و الناس اذواق و اللي مجرب الميشلان من ناحيت الرساوة فقط ما اصوات و قاسي نعم هذي عيوب المشلان وهي اكثر من عيوب البرجستون .
هــــــذي وجهت نظري وارجو ان يتقبلها الجميع
