السماعات وتغيرها ابي رايكم

السلام عليكمم ورحمة الله وبركاته
كيفكم شباب انشاء الله تمام
ندخل بالموضوع انا من النوع الي يحب صوت يكون بجوده اعلى من الممتازه واحبه ببعض الاحيان يكون عالي
لذالك قررت اشتري سماعات واشتريت باينير على ما اعتقد كذا اسمها امامي وخلفي الخلفي قوته 260 والامامي مع نظام الجينز 150 واط واشتريت ام بي فاير عشان قوة السماعات قوته 800 شباب ايش رايكم صراحة انا متخوف من الموضوع صار لي شهر شاريها ولا ركبتها
ياليت تفيدوني علما سيارتي الفين ثمانيه اكورد

ركب وماعليكـ ..

انا مركب امامي بايونير 260 واط ثنتين وخلفيه كنوود 450 واط ثنتين طبعا كلها جنز ..

وامبلي فاير كنوود 600 واط والسماعات اووكيهـ ..

وافكر بعد اركب اووفر عشان الطرب :d ..

ولعلمك انا مركبها من يمكن 10 اشهر الحين ..

بس نصيحه لاتركب الا عند محل صح ..

انت بأي مدينه عشان نقدر نفيدك اكثر ..

انا بالرياض ياغالي بس ممكن سؤال وين تبي تركب الاوفر ماله مكان انا فكرة احط بدال الاوفر بازوكا 500 مكان التكايه الخلفيه

طيب رح لأحد ولا للجديعي بالغرابي ..

هم افضل المحلات بالتشبيكـ ..

وخله يركب لك فاصل ( فيوز امريكي ) .. قيمته بـ 80 -90 ريال ..

والاوفر ناوي اركبه مكان الفتحه الخلفيه في نص المرتبيهـ. .

البازوكا مع واحد من اخوياي وهي جاامدهـ. . لكنها فوق اللي انا ابيهـ ..

البااس فيها جدا يكون عاالي زياده عن اللزوم ..

البازوكا اللي اقصدها هي جي بي ال ..

طيب فك وتركيب تقدر تقولي اسعاره بالي ركبتها انت لان ماحب اجادل كثيرالله لا يهينك ومشكور جداً ياخوي

انا بالرياض ياغالي بس ممكن سؤال وين تبي تركب الاوفر ماله مكان انا فكرة احط بدال الاوفر بازوكا 500 مكان التكايه الخلفيه[/qu
ترها موكويسه وثقيله في الشنطه وتخلي السياره نازله
اقول لك سوي صندوق صغير على قد الاوفر وحطه في الوسط وفي الوسط في درج افتحه واسمع الصوت
والبازوكا ترى صوتها تعبان وكبيره على الفاضي وكمان لماترفع الصوت قوة دفع الهواء تسمع رجه في الشنطه عشان هي طووويله

^^^^^^
البازوكا ثقيلة و تنزل السيارة<<<كلام فاضي
أنا مركب بازوكا مهب 500 واط مركب 1000واط يعني أكبر مقاس
ماهي ثقيلة على السيارة ولا شيء اللهم إنها تاخذ مساحة في الشنطة فقط
ومين قال إن البازوكا سيئة؟
البازوكا الواحدة 1000 واط= قوة أوفرين بقوة 800 واط ويمكن أقوى
البازوكا تحتاج واحد فاهم في الوزنية و أمبلي فاير قوي عشان تسمع الدق مزبوط
ياريت الواحد يتأكد من كلامه قبل لا يفتي من عنده

انا اعدت التوصيل للسماعات اللي كانت عندي في مركز احد ..

وكلف الشغل تقريبا 340 .. 250 شغل يد و90 ريال الفيوز الامريكي ..

طبعا الشغل راضي عنه جدا والسعر على حسب الشغل اللي سواه يستاهل ..

لكن انت منت مركب من قبل فاتوقع بياخذ عليك شغل اليد يمكن 350 لانه بيمد الاسلاك من اول وجديد ..

والفيوز 90 كلها على بعض ممكن 440 -500 ريال شغل يد فقط ..

طيب يالغالي حسب ما اتوقع السماعات الي مركبها بيضاويه الخلفيه صح 440 ما يجي دائري لاني رحت رد كاب قالي غير السماعه وجيب دائري لان الي مركبه دائري وانا ابي الي شاريها البيضاويه لان قوتها 440 بايونير احسها جاامده

اقتباس:

---

المشاركة الأصلية كتبت بواسطة Zero Cold

^^^^^^

البازوكا ثقيلة و تنزل السيارة<<<كلام فاضي
أنا مركب بازوكا مهب 500 واط مركب 1000واط يعني أكبر مقاس
ماهي ثقيلة على السيارة ولا شيء اللهم إنها تاخذ مساحة في الشنطة فقط
ومين قال إن البازوكا سيئة؟
البازوكا الواحدة 1000 واط= قوة أوفرين بقوة 800 واط ويمكن أقوى
البازوكا تحتاج واحد فاهم في الوزنية و أمبلي فاير قوي عشان تسمع الدق مزبوط

ياريت الواحد يتأكد من كلامه قبل لا يفتي من عنده

---

ممنجد اللي ما جرب لا يفتي .. وترى لا تاخذ وزن ولا يحزنون .. :cool:

ايه نعم بيضاويه .. وانا قاص شوي في الحديد اللي هو قاعده السماعه عشان يكون على شكل البيضاويه ..

ولحد يلعب عليك ويقول لك ماتنفع ولاشي .. انا مسويها من تقريبا 5 او 6 اشهر ماني متأكد بالضبط والاوضاع تمام ..

بس نصيحه محب .. لاتركب التشبيك الا بواحد من المحلين اللي قلتهم لك .. احد او الجديعي ..

قص في الحديد وقص في الديكور وسماعات ثقيلة وتجريح اسلاك وسماعات تهز البودي


تعذيييييييييييييب



عذبتوا سياراتكم ما تبونها اعطوني اياها

انا دائما اذا امتلكت سيارة دائما اخليها كما هي مثل ما طلعت من المصنع

اذا سلك احترق غيرت الظفيرة كاملة مهما تكلف

خرب عندي راس العكس جبت عكس كامل

لو جت ضربة في الرفرف قمت وغيرت الرفرف كااامل


ما عندي تجريح اسلاك ولا عندي زينون ولا تركيب اشياء غريبة وكل سياراتي كذا علشان كذا كل ما ابيع سيارة يرتاح اللي ياخذها


كان عندي كامري 1997 بعته قبل سنة ونص ب18000 ريال


تشوفها كما هي من المصنع

طيب والحكمهـ من ردكـ !! ..

طيب هذا انت وهذا انا وهذا صاحب الموضوع كل واحد وله رايه وجوهـ. .

انا ابي طرب ابي اغير السماعات اللي بالسياره سامجهـ تجيب المرض ..

تبينا نخليها على ماهي عليهـ !! ..

على العموم هذا رايكـ ولكل واحد رايه بهالدنيا ..

اقتباس:

---

المشاركة الأصلية كتبت بواسطة a c c o r d 0 8

طيب والحكمهـ من ردكـ !! ..

طيب هذا انت وهذا انا وهذا صاحب الموضوع كل واحد وله رايه وجوهـ. .

انا ابي طرب ابي اغير السماعات اللي بالسياره سامجهـ تجيب المرض ..

تبينا نخليها على ماهي عليهـ !! ..

على العموم هذا رايكـ ولكل واحد رايه بهالدنيا ..

---

طيب ما تحس بالم لما يقصون الحديد ؟؟؟؟؟


طيب ونظام سماعات الهوندا مو حلوة ؟؟؟

يا حبيبي انت شاري موتر عشان تمتع نفسك فيه مو تحرم نفسك وغير كذ1 لو الشغل مو مضمون وشغل شركات ماحد ركب شي على العموم اكورد 08 تعبتك معي صراحه واشكرك على تعاونك معي :)

^^

لا بالعكس مافيها شي ..

لا والله جدا سامجه .. وعلى قوله واحد من الشباب .. لو ترفع للاخير ويرن جوالك صار الجوال اعلى من السماعات ..

اقتباس:

---

المشاركة الأصلية كتبت بواسطة بلال العلمي

طيب ما تحس بالم لما يقصون الحديد ؟؟؟؟؟

مهو شرط إنه يقص الحديد عشان السماعة تركب في الف طريقة غيرها
طيب ونظام سماعات الهوندا مو حلوة ؟؟؟

---

سماعة بقوة 20-30 واط مهي مثل سماعة بقوة 450 واط
غير الأمبلي فاير إلي يصفي الصوت
غير الأوفر إلي يعطي الدق أو البيز

بما اني صملت انشاء الله اركبها اليوم ابي اعرف وين قصيت الحديد يا هوندا 08 :)

والله قصيت الحديد عند يماني اعرفه الكلام هذا قبل 5 اشهر ..

لكن الحين اكتشفت انه الله يهديه كان قاص الحديد للسماعات ومن دون ماينتبه

ركب السماعات وركب غطا الديكور الداخلي اللي لونه بيج وواحد من الكلبسات خرم السماعه

وماانتبهت له الا يوم اعدت التوصيل في محل احد ..

لكن اتوقع القص سهل وماهو ذاك الشي الصعب ..

لكن انت سوها كلها من الى في محل احد صحيح بيصلخك بالسعر لكن يستاهل ..

واكد عليه ينتبه ان مايكون واحد من الكلبسات فوق السماعه عشان اذا تحركت السماعه مع الصوت

ماتنخرم عليكـ ..

==

بس يازيرو كولد انا مجرب اني اركب 4 سماعات جنز في صندوق خلف المرتبه

وحتى بعض الاحيان انزل المرتبه عشان ابي الصوت يطلع وبرضوا ..

الصوت وبدون مبالغه وهو سماعتين جنز داخل الكبينه ( داخل السياره ) اعلى من 4

سماعات في صندوق خلف المرتبهـ .. وانا مااقولك فلان قال لي ..

انا مجرب هالشي ..

ذلك انا الحين قاص الحديد واقول ياليتني مسويها من اول ..

يعني قصدك ياليت حطيتها بصندووق؟

لا ياليتني من اول قصيت الحديد ..

تحسفت اني جلست يوم واحد وهي بصندوق ..

صاحبنا العضو Meedo عنده أكورد ٢٠٠٨ مركب صندوق سماعتين وأوفر وأمبلي
ماشاء الله الصوت يطرب
هو ١ من ٢
يا إن العدة إلي مركبها ميدو نوعيتها جيدة
أو يكون السر في الوزنية
والله أعلم

ممكن ان العده اجود من اللي كانت عندي ..

انت ماتدري هو ايش مركب بالضبط وايش الانواع ؟؟ ..

ممكن زي ماقلت اختلاف نوعيه العدهـ .. لان الوزنيه متأكد انها ممتازهـ ..

وماهي اول مره اوزن عدهـ ..

والله اثاريك خبير بالسماعات على طاري الموضوع رحت لريد كاب قالي يكلفني كامل 400 بس وش المشكله مايبي يقص واذا قص يقول مو مسأوليتي الفلبيني مو متاكد جاب لي الطفش مشيت وخليته طبعاً تركيب واسلاك فقط

اسحب على رد كاب ورح لاحد .. وشف كم يقولون لك ..

صحيح احد يمانيه اللي يشتغلون فيه بس عيال اللذينا ..

شغله صح الصح .. ومعروفين بهالشي ..

انت رح له العصريه وشف المحل وقل له ابي اشوف السيارات اللي جوا عندكم

يشتغلون من داخل هم ترى ..

بس مادري انت عرفت وينهم فيه ولا لا ؟

لا والله اول مره اسمع اسمه

رح للغرابي واسأل اي احد عنهـ وبيدلكـ ...

هو مشهور وواضح المحل ..

لكن مبدئيا انت تعرف الاشاره اللي بالشارع ( شارع الغرابي ) ..

وانت جاي من فوق من عند (( البريد السعودي )) تجيك الاشاره لف (( يسار ))

يجيك هو على اليمين ثالث او رابع محل ..

مشاء الله عليك متواجد دائماً يعطيك الف عافيه يالغالي وماقصرت وبيض الله وجهك :)

حياكـ اللهـ بأي وقت ياغالي ..

موضوع شيق اني بعد ناوي اركب سماعات مشكورين على النصيحههههههههه