آريل هوندا أكورد أرجو المساعدة

عرض للطباعة

22-07-2009, 01:02 PM
موسيقار

آريل هوندا أكورد أرجو المساعدة

السلام عليكم شباب

سيارتي أكورد 2003 كان موجود فوق التندة قطعة بلاستيكية أو فيبر ما أدري بالضبط وتكون موجودة بالخلف بالقرب من الزجاجة الخلفية للسيارة .
الموضوع ومع مرور الأيام فجأة القطعة ما لقيتها بالسيارة يمكن انسرقت أو طاحت من السيارة
وبعد مرور أسبوع تقريباً شعرت بأن الراديو تأثر قليلاً ولكن مع مرور الأيام أحس أن الوشوشة في زيادة
بمعنى لما أضغط تردد أحدى القنوات على سبيل المثال ( mbc fm ) أشوف رمز st يظهر وتختفي
بينما لما أدخل على قنوات أخرى أجد أن الرمز st ثابت مكانة و لا يتحرك

فما أدري شنو المكشلة

هل بسبب القطعة وماهي وظيفة القطعة وبكم يبيعوها

أنتظر ردكم
22-07-2009, 01:16 PM
Accord_Akkawi

البث الخاص بهم ضعيف انا عندي توشششششششش ويرجع صفاوة الصوت حسب المنطقه اللي أنا فيها
22-07-2009, 01:17 PM
موسيقار

يعني مالها دخل بالقطعة اللي تكلمت عنهاا
22-07-2009, 01:28 PM
Classic Design

لا مالها دخل
22-07-2009, 01:42 PM
موسيقار

طيب شنو وظيفة القطعة البلاستيكية أو الفيبر

ممكن تفيدني بها و هل وجودهاا ضروري
22-07-2009, 02:08 PM
ن ع ر السعودية 0005

وعليكم السلام ...........
طيب أخوي موترك خليجي ولا أمريكي ؟؟؟؟؟
لأن الأكورد المواصفات الخليجية وبالأخص السعودية ما يجي على التندة شيء تكون فاضية ومالها أريل زي ما تقول ......
أما الأكورد الأمريكية فيوجد لها زي الأريل أو بشكل أسرع زي إلي في الأفلون على التندة موديل 2009 لاكن ما عندي خلفية عن وضيفته أو حق إيش وإن شاء الله الشباب يفيدونك أكثر ..............
23-07-2009, 02:18 AM
موسيقار

بالصراحة ما ادري هل هي أمريكية أو خليجية

بس أنا اشوفها من ناحية الشكل الخارجي و الداخلي و حتى قطع الغيار نفس الشي
بس أنا شفت سيارة واحد من الشباب لون شاشة المسجل صاير لونها أخضر بس أنا لونها أسود مثل اللي موجود في توقيع العضو ( مباشر ) أو المدير العام وكذلك المكيف اللي عند واحد من الشباب تختلف الازرار يعني ما فيها أوتو بس انا فيها و الأخ المباشر موجودة بسيارته

هل المواصفات اللي عندي أمريكية أو لا

أخوي من الأفضل الخليجية أو الامريكية

هنا سؤال للأخ ( المباشر )

هل سيارتك امريكية أو خليجية وأيهما افضل

مع العلم أن سيارتي استقبلتها الوكالة لما رحت اغير هوز الباوزر

لو امريكية يمكن ما يستقبلوهاا

الله اعلم

انتظر اجابتكم
23-07-2009, 02:29 AM
accordyon

اقتباس:

المشاركة الأصلية كتبت بواسطة موسيقار

بالصراحة ما ادري هل هي أمريكية أو خليجية

بس أنا اشوفها من ناحية الشكل الخارجي و الداخلي و حتى قطع الغيار نفس الشي
بس أنا شفت سيارة واحد من الشباب لون شاشة المسجل صاير لونها أخضر بس أنا لونها أسود مثل اللي موجود في توقيع العضو ( مباشر ) أو المدير العام وكذلك المكيف اللي عند واحد من الشباب تختلف الازرار يعني ما فيها أوتو بس انا فيها و الأخ المباشر موجودة بسيارته

هل المواصفات اللي عندي أمريكية أو لا

أخوي من الأفضل الخليجية أو الامريكية

هنا سؤال للأخ ( المباشر )

هل سيارتك امريكية أو خليجية وأيهما افضل

مع العلم أن سيارتي استقبلتها الوكالة لما رحت اغير هوز الباوزر

لو امريكية يمكن ما يستقبلوهاا

الله اعلم

انتظر اجابتكم

ياحي بي على الكلام الي قلته سيارت فل كامل يعني 6 سيدي ومثبت سرعه ماله دخل خليجيه اوامريكيه
والغالب انها سعوديه وبالنسبه لللأريل في الأكورد يجي في الزجاجه الخلفيه
23-07-2009, 03:01 AM
memories

مايجي فيه اريل اصلا

يمكن انت اشتريتها مستعمله وراعيها كان مركب القطعه للزينه او ممكن تكون مقوي لإرسال الراديو

ولكن استقبال الراديو يتم عن طريق الكويلات النحاسيه المدمجه مع الزجاج الخلفي زي حكاية السخان تبع الزجاج الخلفي لإزالة الرطوبه

اما المواصفات فأكيد معك فل اوبشن عشان كدا يختلف لون المسجل وازارير المكيف

شكرا
23-07-2009, 11:05 AM
المباشر

اقتباس:

المشاركة الأصلية كتبت بواسطة موسيقار

هنا سؤال للأخ ( المباشر )

هل سيارتك امريكية أو خليجية وأيهما افضل

سيارتي وارد عبدالله هاشم يطولي بعمرك :)

6 سلندر

وفي موديلات 2006 و2007 وفوق مافي أختلاف بالشكل الخارجي للخليجية أو الأمريكية
الا أشياء بسيطه جدآ ..
طيب وش رايك تصورها من داخل ومن الخارج من الخلف وتصور الماكينة ونشوف وضعها لك :)

واللي يسأل عن القطعة فوق التنده للسيارات الأمريكية فهي لجهاز الملاحة ( النافقيشن )
24-07-2009, 02:43 PM
موسيقار

هلا المباشر
شيكت على السيارة وفتحت باب السواق ولقيت قطعة ألمنيوم لونها أحمر مكتوب فيها مطابقة للمواصفات الخليجية يعني مو أمريكية
بالنسبة للقطعة اللي أسأل عنها (آريل) سألت محل قطع الغيار
قال يمكن ديكور

عندي سؤال
ام بي سي اف ام موشوشة معي صار لها ثلات أيام أو اكثر
هل صادفتكم المشكلة
وشنو السبب
24-07-2009, 02:52 PM
المباشر

طيب أنت شريت السيارة من وين ؟؟

من شخص ولا من معرض ولا صالة عرض ... ؟؟؟

والأكيد أنها ياسعودية من أبو هاشم ولا خليجية من الأمارات مثلآ .

ومادام أستقبلتها الوكالة فحط في بطنك بطيخه صيفي وريح بالك والله يهنيك بالموتر

اذا الموتر مافيه مشاكل والوكالة تستقبله فهذا أهم شي عندك

والطبلون أحد الاختلافات بين الأمريكي والخليجي اذا مش مبدل
24-07-2009, 05:17 PM
B Useful

اسهل طريقة تعرف فيها ان الموتر خليجي ولا امريكي :

شوف عداد السيارة ،، ارقام الطبلون هل هي بالميل ولا بالكيلو <<< داري ان الاكورد تجي بالميل والكيلو ، لكن الارقام الكبيرة هل هل هي بالميل ؟

http://hondaarabia.com/club/picture....&pictureid=147

هذا طبلون اكورد 2006 خليجي ، لاحظ الارقام الكبيرة بالكيلو وآخر رقم 240 .
واذا كانت امريكية الارقام الكبيرة بالميل وآخر رقم 160 << على ما اظن .

لكن مثل ماقال المباشر دام الوكالة استقبلتها ، فهي خليجية ،
ومثل ما انت قلت :

اقتباس:

شيكت على السيارة وفتحت باب السواق ولقيت قطعة ألمنيوم لونها أحمر مكتوب فيها مطابقة للمواصفات الخليجية
24-07-2009, 05:51 PM
Mo3az

لا تنسى اذا مركب زينون ... ترى يشوش الراديو ..!!
24-07-2009, 10:31 PM
موسيقار

هلا
آخر رقم في الطبلون 240 وهي أرقام كبيرة
الحمد لله خليجية يعني سعودية
انا مو مركب زنون
بس انا ابي اعرف هل البث ضعيف
بالنسبة ل ام بي سي اف ام
بالرغم ان جميع القنوات واضحة
24-07-2009, 11:11 PM
المباشر

يارجال قنوات الراديو تعبانة من شهرين بشكل سيء جدآ وأتوقع بسبب الأحوال الجوية مأثرة على الأرسال

وأذا أنت ملاحظ بعد فهي من شهرين على هالسالفة تشويش وخرابيط وموجه داخله على الثانية

وأبد اذا الأرسال ممتاز ماراح يتأثر الراديو لا بزنون ولا بغيره

انا مضلل الزجاج الخلفي عازل وكنت مركب زنون قبل وما تأثر بشي وكان الراديو صافي مثل الحلاوة ولكن هاليومين رايح فيها

وبخصوص ام بي سي اف ام اليوم حاط عليها بعد صلاه الجمعة علشان أسمع الخطبة والصلاة الظهر ولكن مشوشه ومتداخله عندي مع محطة ثانية

الخلل منهم مش من موترك :)
25-07-2009, 02:42 AM
THE SILVER ACCORD

اللي أعرفه االلي تقول هذي شكل يبيعونها الزينه وتكون حسب لون سيارتك (تركيبه بشطرطون وجهين اللي يعرفه اللي يكون أسود أو أخضر غامق حق تركيب اللوحات الملكيه الأماميه)
يمكن انقلعت أو طارت مع السرعه أو سرقت
وهي تركب فوق القزازه الخلفيه آخر التنده
الآريل بالقزازه الخلفيه يكون ,, أو تكون قطعه سوداء على ما أظن ((بالسياحي)) أو تلصق على القزازة الخلفيه الظاهر
بالنسبه لي عندي بجانب باب الشنطه مكان لتركيب أنتل آريل :confused: سياحيه موتري
وفيه قطعه سوداء بالقزازه بالسابق قبل الحادث اللي صار لي ما أدري الحين راكبه أو لا بعد ما صلحتها
لأن بالحادث تكسرت القزازه الخلفيه
وغيرتها الحمد لله ما أذكر ركبت القطعه السوداء
طبعا انا ما اهتم بالراديو كثير (سيديات) أكثر شيئ
تبون صوره أنا حاضر لمكان الأنتل حول الشنطه (طبعا مابه أنتل مفكوك من حينه) وما أدري ألقى القطعه السوداء اللي تكلمت عنها انا الظاهر اللي ركبت قزازة فل كامل (حتى السياحي فيه تسخين)
والراديو :
يمكن من الإرسال من القناة ضعيف أو فيه مشكله أو يكون الجو مغبر
أو من الآريال فيه مشكله أو القزازه الخلفيه

أبحاول أحط صور
25-07-2009, 09:07 AM
موسيقار

هلا والله اخوي

ننتظر الصور

الله يجزاك خير
25-07-2009, 12:05 PM
THE SILVER ACCORD

هلابك
وياك ان شاء الله
اذا كانت سيارتك فل كامل فالظاهر الآريل بالقزاز الخلفي
أخوي معه فل كامل ما به مثلي (سياحيه أنا) انتل على جانب الشنطه الظاهر راعي السياره السابق هو اللي مركبه

المقصود سيارة أخوي فل كامل والآريل بالقزازة الخلفيه
اللي خبره بالقزاز يعرفها اذا بغيت تركب قزاز لازم يوصلون بالقزاز الخلفي لحق التسخين والراديو

الصور أبشر على هالخشم ماطلبت شيئ يالغالي
بس اللي آخر التنده يركبونه من عند الزينه موب عندي هذي تلقاه بالزينه سعره 15 تقريبا ماتتعدى ال 20 بالكثير
25-07-2009, 12:43 PM
THE SILVER ACCORD

هذي صوره لسيارتي:d
أيام المطر والأرزاق (ياسلام)
كما هو موضح
أكورد سياحيه 2006 موجوده الصوره بالمرفقات

الفل كامل
2006
بدون هذولي تكون بالقزازه الخلفيه بس

وان كانت غير اللي ذكرت فهي زينه تركب آخر التنده من جهة القزازه الخلفيه

اي استفسار أنا حاظر

الصوره اللي ابرفعه جودته عاليه
وطلع لي الخطأ عند الرفع
Fatal error: Allowed memory size of 33554432 bytes exhausted (tried to allocate 7680001 bytes) in /home/aban/public_html/club/includes/class_image.php on line 2401

بس رافعه يعني رافعه:mad: راح اقلل جودته شوي أو أصغرحجمه
قللت جودته شوي خليتها متوسطه (الى النصف قللت الحجم)
Fatal error: Allowed memory size of 33554432 bytes exhausted (tried to allocate 7680001 bytes) in /home/aban/public_html/club/includes/class_image.php on line 2401
طلع لي هذا الخطا
؟؟؟؟
علما أني أريد رفعا بالمرفقات

خلاص حليت المشكله
عند الرفع بالمرفقات الصور فيه طول حد أقصى وفيه عرض حد أقصى والحجم الأقصى
المهم ضبطت حجم الصوره والحين :cool:
26-07-2009, 09:59 AM
موسيقار

هلا والله أخوي : أكورد فضي

شكراً على الصورة وشكراً على التوضيح

اللي عندي مختلف تماماً الظاهر الآريل اللي عندي في القزازة الخلفية

واللي أسأل عنه أعتقد أنه زينة وماله داعي .

عساك على القوة

والله يجزاك خير
26-07-2009, 03:33 PM
المباشر

انت اللي تقصده مثل هالصورة وهو للسيارات الأمريكية فقط

وعندك زينه مركب من أي محل :)

http://www.edmunds.com/media/il/feat...d.det1.500.jpg
26-07-2009, 04:12 PM
THE SILVER ACCORD

اقتباس:

المشاركة الأصلية كتبت بواسطة موسيقار

هلا والله أخوي : أكورد فضي

هلابك

شكراً على الصورة وشكراً على التوضيح

العفو
اللي عندي مختلف تماماً الظاهر الآريل اللي عندي في القزازة الخلفية

نعم بالقزازه الخلفيه اذا مافيها اللي بالصوره فوق (1 و 2)
واللي أسأل عنه أعتقد أنه زينة وماله داعي .
موجود بالزينه وألوان

عساك على القوة

والله يجزاك خير

الله يسلمك
وياك ان شاء الله
27-07-2009, 01:48 PM
الـمـسـافـر

الاكورد من موديل 2003 وطالع مالها اريل للرادو ابدا

سواء الخليجيه او الامريكيه

اذا كان فيه اي قطعه على التنده فتكون للنفيقيشن بالسيارات الامريكيه

بالنسبه للـ st دائما تجي وتروح حسب صفاوه القناه
27-07-2009, 02:00 PM
موسيقار

أخوي المسافر

الله يجزاك خير على المعلومة

أن شاء الله نفيدك في المرات القادمة
16-01-2019, 08:55 PM
editor

اضغط هنا
17-01-2019, 11:02 PM
gallardolover

هذي القطعه حق gps

تكون موجوده ف سيارات

الفل

هوندا اكورد الامريكيه فيها 6 سلندر

حسب علمي ولا لها علاقه ب الراديو

لانها مستقبل خرائط gps