[فكرة تحتاج للتنفيذ] تركيب مكيف هواء للاكورد في الخلف

بسم الله الرحمن الرحيم



السلام عليكم ورحمة الله وبركاته



اليوم يايب لكم فكرة ( تركيب مكيف الهواء في الخلف )


الصراحه وانا يالس ادور واخربط في الانترنت .. كنت ادور على شيء (ناوي اسوي فكره في الاكورد لوول .. ما بخبركم .. :p .. لا تسرقون افكاري)

حصلت شيء ثاني وفكرت فيها .. وعرفت انه من الممكن تركيب مكيف في الخلف بتغيير كم قطعة وتركيب قطع اضافية .. ومن دون تغيير اي شيء اساسي في مكيف السيارة :rolleyes:

بتقولون لي كيف؟ وشو يخربط هذا :confused: ؟؟




المهم .. براويكم صورتين اللي فيهم القطع وبنشوف ..


http://img39.imageshack.us/img39/5308/40984421.jpg



القطعة رقم 1 اللي على اليمين .. هذي موجودة اساسا في السياره وهي توزع الهواء على الركاب في الامام..

اما القطعتين اللي رقمهم 12 - 13 عاليسار .. فهذي هي الانابيب اللي توصل الهواء للخلف ..

بالاضافة الانبوب رقم 11 الموصل بين القطعة رقم 1 و (12+13)







الحين ننتقل للخلف



http://img517.imageshack.us/img517/8770/ac1w.jpg

القطعة رقم 62 الموجوده عاليسار ..

نقدر نركبها بدال اللي موجوده حاليا في السياره + القطعة 61 و 63



وبنحتاج لقطعتين رقمهم 64 + 65 عشان نوصل الانابيب رقم 12 + 13 لفتحات التهوية ..




وفي اعتقادي .. ان اسعار القطع كلها .. تقريبا ما يتعدى ال 1000 درهم .. (مجرد توقع)





الصراحة انا ما اعرف اشرح .. بس اتمنى انكم فهمتوا فكرتي ...

وان شاء الله قدرت افيد احد ويقدر يطبقها عمليا ان شاء الله


أخــــــوكــــم
( الجوكر )
MR-ALJOKER

يعطيك الف عافيه اخوي

الصراحه فكره ابدااااع

ومجهود تشكر عليه

تحياااااتي لك ..

اخوووك :: فيوزات رحيمه ِ

يعطيك العافيه يا الجوكر
واتمنى الاعضاء يقدرون يستفيدون ويطبقونها ...

وعليكم السلام ورحمةُ الله وبركاته ،

هلا فيك اخوي الجوكر ..

بصراحة هالفكرة كانت في بالي من فترة بس ما فضيت لها ..

ودّي لو أجرّب وأشتري التكاية حقت 6 سلندر ،

وأركبها بدال التكاية اللي عندي بس التمديدات أتأكد منها ،

يبي لي أشوف واحد عنده 6 سلندر وأتأكد من التمديدات ويمكن نسويها وتطلع ممتازةْ ،

لي رجعة للموضوع اِن شاء الله ، :happy:

مشكوووور اخوي فكره ولا أروع ..بصراحه شي يقهر ليه يعني موو من الواكاله تجي بـ مكيف بالخلف !!
<<اتكلم عن 4 سلندر

وتقبل مروري اخوي ويعطيك العافيه

فيوزات رحيمه

الحظ الميت

مشكوورييين ..
الله يعافيكم يا رب


kakashi-san

ما يحتاج تاخذ التكاية كلها ..
خذ بس ال cover اللي ورى .. تقدر تغيره بكل سهولة ..
واتريا رجعتك للموضوع



ABO.YOUSEF

هذي المواصفات اللي الوكلاء طالبينها ..
وطبعا كل شيء له سعره ..
الله يعافيك ان شاء الله

ابداع ارجاء تثبيت للاهمية

مشكور اخوي على ها الفكرة

فعلاَ ابداااااااااااااع

:d فديتكـ والله تعيبني بتفكيرك
يابوي

واذا راح تسويها احنى نتريا منك الصور والطريقه
الان انا ناوي اسوي هي الحركه
تحيتي لك
ياجوكر :d
بس لو في احد يروح الوكاله يسأل عن القطع كم سعرهم !!
:d

tfah
تسسسلم .. بس احس ماله داعي تثبيت لوول

max_max
:o


سعودي ستايل
خلاص نترياك تسويها عشان نسويها من بعدك ههههه
خلاص .. انا ان شاء الله اذا فضيت يوم السبت بمر على الوكالة

والله الفكره مره حلوهـ
وانا فكرت فيها لانه المكيف بعض اوقات مايوصل للخلف تمام
فأفضل حل اني اركب مكيف خلفي
بس اتمنى احد من الاعضاء يطبق الطريقه ويفيدنا ..

يسلمو على الفكرة الحلوة والله جهد الله يعطيك العافية ويكثر من أمثالك

اقتباس:

---

المشاركة الأصلية كتبت بواسطة Mr-AlJoKeR

سعودي ستايل
خلاص نترياك تسويها عشان نسويها من بعدك ههههه
خلاص .. انا ان شاء الله اذا فضيت يوم السبت بمر على الوكالة

---

انت اسألي عن القطع واذا كانت موب غاليه ان شاء الله راح اسويها :d

مشكور اخوي ... الفكرة حلوه لكن المشكلة وين تلقا لك واحد يضبط الشفل
المهم أنا شفت الصور لكن انلحس مخي ما فهمت :d
تتوقعون اذا رحت للوكالة و عطيتهم الصور ممكن يعلموني وش هي القطع اللي أحتاجها ...
والا بيلعبون علي :rolleyes:

طيب المكيف مايقل تبريده

والله فكره حلوه واتمنى من الاعضاء يفيدونا فيها


ومشكور على طرحك الرائع

اقتباس:

---

المشاركة الأصلية كتبت بواسطة tfah

طيب المكيف مايقل تبريده

---

???:confused:

اقتباس:

---

طيب المكيف مايقل تبريده

---

اتوقع يقل تبريدهـ .. ~


لكن فكره ذكيه .. ~

http://img39.imageshack.us/img39/5308/40984421.jpg



يعني محتآجين 11 و12 و13 .. ؟

غير الديكور الدآخلي .. ~

الجوكر شكله شاف الاسعار و انصرع خخخخخخخخخخخ
وينك يا الجوكر ؟؟

انا انصحكم تركبون مراوح بالزوايه من ورى تشتغل على البطاريه:p

ما في حدا جرب الفكرة ؟

لكم الحين 4 شهور ما أحد سواها

والله من جد شكل الجوكر شاف الأسعار وجايته سكته قلبيه عند الكونتر حق قطع الغيار :d


وفكرة اخوي A-C-C-O-R-D


بأن الواحد يحط مراوح أظنها أحسن :d

ماشاء الله عليك
يعطيك العافيه

واللهى عن جد فكرة مراااا حلووووووة
تسلم يا جــــــــــوكــــــــــــــر
بس ما فى حد جربها .....؟؟؟؟
ايش فيكوا يا شباب......؟؟؟؟
خايفين من الفشل.....؟؟؟؟؟

والله فكرة جدا رائعة وغير مستحيلة بنفس الوقت:rolleyes:
بس ماتعتقد انها تحتاج لمروحة اكبر واقوى لزيادة دفع الهو

وشكرا على المجهود

طيب ما ممكن حدا يشوف الموضوع بالتشليح ؟

فكره حلوووووووه انا اليوم بروح للوكاله وبشوف الاسعار وهل ينفع نسويها ولالا

شباب الشرقيه عندكم محل السلام اللي في شارع تويوتا يسويها لكم على مااظن

لأني قبل فتره مسير عليه وشفت ان عندهم تركيب مكيفات مركزيه يمكن بعد يركبون مكيفات ورى مو بس مركزيه

ما حدا شاف الموضوع لسا ؟

تسلم على الفكرة الحلوة يعطيك العافية بس أعتقد انها راح تكلف كثير بالاضافة الى انها قد تخرب عليك الديكور الخلفيوالتبريد مافي شك راح يقل كثير

مشكور أخوي الجوكر .
الصراحه انت انسان ذكي :cool: .
ونا أشهدلك انك لك لمسات ساحره بالنادي وقليل تحصل ناس مثلك ومثل تفكيرك . مشاء الله تبارك الله
تحياتي لك وللجميع :o

بصراحه فكره حلوه وأنا ودي بالمكيف الخلفي من زمان
المهم
أنا رحت الوكاله ألي على طريق الدمام الخبر وقابلت مدير الصيانه(شوكت) وكلمته عن المكيف الخلفي
وقالي ترى راح يكلفك كثير وقلت له يعني تقريبا بكم
قالي بــــ12 ألف :eek: والسعر الاكيد بقولك بعد يومين علشان أتأكد من القطع لأنه في ثلاجه خاص بالمكيف الخلفي وقطع ثانيه
المهم بعد يومين كلمني وقالي للأسف المكيف ما يركب:(
وألحين أنا أدور عن أي ماكان يركبه

بتكلف واجد ومكيف الكورد اللي قدام الصراخه يكفى للورى