عرض للطباعة
محتار بين كامري Glx 2010 اللون اللؤلؤي فتحة وجناح
X
هوندا أكورد 2009 سبيشل اللون اللؤلؤي
ياليت الكل يعطيني رايه من خلال تجربة .... أكيد يصعب تواجد شخص مجرب السيارتين يعني إلي جرب الأكورد يعطينه رايه في الاكورد
وأنا راح أحط هذا الموضوع في منتدى نادي تويوتا لكي أحصل على نصيحة من خلال تجربة.....
ياشباب إلي يعرف مواصفات أي من السيارتين ياليت يذكرها لكي تعم الفائدة لي وإلى كل مرتادي هذا المنتدى والشكر لكل من سوف يساهم في الموضوع......
اخوي اللي اعرفه ان سعر الكامري جي ال اكس فل كامل ب88 الف
والله حرام تشتريها يا شيخ
زود عليها بس 5 آلاف وخذ لك فل اكورد
اقسم بالله فرق كبيييير في الفخامة
وانا متأكد ان الاعضاء راح يأيدوني في كلامي
صحيح انهم زادو في الكامري بلوتوث ، بس مهما كان هذه ميزة بسيطة يمكن التعويض عنها
شوف هذه الروابط وان شاء الله راح تفيدك
http://www.accord08.com/
.
.
.
http://www.toyota-mideast.com/ar/index.htmlوتقبل تحياتي....
مشكور على الرد...
*عندي ملاحظة سعر الكامري 2010 glx فل ( فتحة وجناح ) = 85 ألف عبد اللطيف جميل - الدمام
أما بالنسبة للأكورد الفل والله لو كان عندي زود كان وضعتها في المقدمة بس الميزانية ما تسمح...
حتى إني راح أخذ من المعارض و في النهايه أجدد لك الشكر وأتمنى من الجميع المشاركة.
رح للوكاله ., وجرب كل السيارتين .,
وبعدها أستخيـــر .,
* لاكن من وجهة نظري الاكورد أفضل من الكامري في مراحل :)
والله يكتبلك الي فيه الخير
والله الاكورد شي والكامري شي ...
بس ترى الكامري مو قليل بصراحه اللون الؤلؤي موديل 2010 حلو واجد
انا الي مكرهني بالاكورد شي واحد بس لحد الحين
صوت البريكات ياخي والله حرام
وبالنسبه لي انا ماجربت الكامري الجديد فعشان كذا ماراح افتي لك
بالتوفيق لك
شف ما راحـــ تاخذ الجواب الكافيــــ
كل واحد يمدح السيارهـــ الي يحبهااا
جرب كل السيارتينـــ
صحيحـــ ان الاكورد تتفوق على الكامري
بس يمكنـــ انت ما ترتاحلها نفسينــــ
وترتاحـــ للكامري أكثرررر
جرب السيارتينـــ ولا راحــ تندمـــ (( خذها من مجربـــ ))
ااااااااه بس يمين بالله اللي يجرب الاكووورد مايخليها وان يحمد ربه انه قرر يشتريها عز الله انها سياره وبس
والله الكامري 2010 اللون العودي او البني الجديد والله الييييييييييييييييييييم خاصة الفل شف شراها ولد عمي امس ورب الكعبه اني حسيت بفخامه يوم سقتها وبصراحه سيارة دعستها قوية والاكورد فخمه وحلوة وانت ونفسيتك بس لو بتاخذ فل خذ اكورد او خلك على الكامري احسن
اصبر الا 2010 وخذ اكورد وبعدين اللي مكرهني بالكامري دعاء السفر مركبه ابو جميل زر عند حك ترفيع النور يعني لاعب فيها وبعدين شكلها زي الكرولا بايخ يعني خذ 2009 احسن
أشكر الجميع على التعاون :thanx2::thanx2::thanx2:
والله من رأيي ياخوي
85 ألف<<< حطها في اكورد 2009 فل كامل دفعة اولى و قسط الباقي
مافي مقارنه
الاكورد افضل
ههههههـ والله الكامري 2010 شفتها تكسي قبل كم يوم :d..
خلك على الاكورد ياخوي أحلى لكـ :cool:..
تحياتيـ)~
@اكورد وبس@.
الكامري حلوه بس الاكورد أحلى بكثيييييييير
كل السيارتين فيها عيوب ومزايا بس إللي اشوفه الاكورد أفضل بعيوبها
للأحاطة توي شاري أكورد وبايع الكامري بعد تجربة الأكورد مستحيل ارجع للكامري إلا لما تصير رساوتها وجودتها مقاربة للأكورد
ذكرت لك عيوب الاكورد بالبداية وهي الفحمات على كلام الشباب هنا تخلص بسرعة
فيه ناس معهم 2008 يقلون مشينا عليها 20 الف طبعآ الكلام على الخلفية بس
الكامري ماجلست معاي 4 شهور وخلصت ولعلمك الكامري الفرامل فقط أمامية
بالخلف مافيه شي يعني بس للجلنط إذا مسكت بريك المقدمة إحتمال تضرب من قوة البريك
أما الاكورد الاربع كفرات تمسك في وقت واحد فهمت قصدي
وإستشر ثم استخر والله يكتب لك إللي فيه خير
أجدد الشكر إلى الجميع ,,, على فكرة أنا حطيت الموضوع في منتدى نادي تويوتا ووووو... لكي أحصل على معلومات لكلا السيارتين.....
طيب عندي استفسار :confused: ليه في إقبال كبير في بيع الأكورد خصوصا الموديل 2009 حتى الممشى قليل !!!!
يعني ما تعدي السيارة حتى 15 ألف ويجي صاحبها يبيعها ...... لا وصاحبها شاريها كاش.
كيف عرفت و حكمت على انه اقبال كبير ؟!اقتباس:
ليه في إقبال كبير في بيع الأكورد خصوصا الموديل 2009 حتى الممشى قليل !!!!
والله ياخوي الكامري مره لاتقارن مع الاكورد<<<<والله مو تعصب
اول شي الوكيل عبدالله هاشم يجيبها جاهزه مايلعب فيها
وعبداللطيف جميل يجيبها اقول نوع ويلعب فيها يفتح تنده ويسوي تخشيبه ويركب جنوط
وخلك من الي فوق
الاكورد لو تمشي 200 تكون مرتاح بس لو بالكامري تدور واحد يمسك معك الطاره<<<لاتدقق
لانه الكامري يلعب فيها الهوا حتى لو شطفك واحد تهز يمين يسار
وعندك بعد الجوده
يباني اكورد
واسترالي ويباني كامري
والشكل
والديكور والله حق الكامري رصاصي نفس لون المسجل يسد النفس والله كانها سياره لعبه مع احترامي لاصحاب الكامري
والسرعه وهذا السي انا ما اطالع فيه
الاكورد تماتيك انا شفت تسارع اقوى من الكامري تمايتك بس لاتاخذ على كلامي في هذي لاني ماني متأكد لاني ماشفت قدام عيني
وعندك المكيف الاكورد افضل
وعندك المساحه الاكورد اكبر
وعزل الهواء الكورد افضل
انا والله حبيت اساعدك ولاتاخذ كلامي على انه تعصب
واهم شي الاستخار وجرب السيارتين
والله يكتبلك الي فيه الخير
اقتباس:
المشاركة الأصلية كتبت بواسطة برق
ماشي عليها إلى الحين 28600 < ماشاء الله > والى الحين ما غيرتها
قبل ما آخذ الأكورد إستأجرت أكورد وكامري بصراحة العزل في الأكورد أحسن
الــسســلآآآم ..
والله انآ قبل لآ اشتري الاكــوورد كنت مــتحيـرر مثلك بالضــبط بين الكــآمري والأكــورد 2009
والحمد الله شرـريت الأكــورد ومــآآندمــت آبــد .. بالعــكس لمآ اشووف كــآآمري بالــشآآرع أقول الحمد الله أنــي شرريت الــملـكه ..
وخــذ المــووتر لي تــرتـآآحله أنــت ومـآعليـك مـن أحد ,,
وأهــم شــي وأنآ اخــوك الأســتخـآآرهـ ,,
استخر انت وش الي يصلحلك بس على ما قلو بتاخذ هوندا سبشل ما يصلح لا فول كامل
وكمان الكامري حلوه/
بالنسبة إني كيف عرفت ؟؟؟ من خلال أحد الأشخاص في منتدى آخر هو الذي تطرق إلى هذه المسألة في البداية لم أصدق وظهرت لدي علامات ؟؟؟؟؟ وبعد ساعتين من البحث خلال الإنترنت
محرك بحث google للبيع أكورد 2009 فل راح تلقى الكثييير
طبعا هذة مشاركة أحد الاعضاء في نادي تويوتااقتباس:
المشاركة الأصلية كتبت بواسطة وهـ بسٌ
أرى أن هناك فارق كبير في المواصفات متجة إلى الكامري بالأفضلية -
(طبعا هذة مقارنة كامري الفل كامل مع أكورد سبيشل)
عندي سؤال ؟؟
كم سعر هوندا أكورد الفل في المعارض ياليت إلي عندة معلومة دقيقة*
والله ياخوي سواءا الأكورد او غيرها ان بحثت، شي طبيعي راح تظهر لك نتائج كثيره :)
و اذا كـانت صحيح حقا فيه اكورد 2009 فل كثيره للبيع بدون سبب فهذي مستحيل
فـ خذها مـني و ابصم لك عـ العشره هذول حاطينها فقط لـ يشوفوا كم تجيب و ليس للبيع
للأن الشخص بعض الأوقات تجيه حاله انه يبي يبيع سيارته
فـ ينزلها للبيع لعل و عسى تـجيب لها سعر بالي حاطه في باله
لكن في النهاية ما راح يبيعها ,,
و انا اقول هذا الكلام من خلال مروري بهذي الحاله و مرور اكثر من شخص في هذا الموقف
و حتى عندنا في المنتدى كمان ...
و السموحة ياخوي عـ الإطالة
:)
ممكن يكون كلامك صحيح!! أنا حطيت مقارنة من أحد الأعضاء في منتدى تويوتا قبل الرد الآخير لك
وعندي إستفسار ياريت إذا عندك معلومة تفيدني ؟؟
تفضل ياخوي كل الي اقدر عـليه راح افيدك :)
طيب ليش ما تقارنووون فل الاكوووور v4 مع فل الكامري ........ راح تلاقي فرق كبير
الكامري مع احترامي لها ما تقارن بالاكووورد...
الاكورد تقارن مع الاوريون والالتيمااا اما الكامري معليش؟؟
شوف روح جرب السيارتين وريح بالك
خووووذلك اكورد
صحيح هناك مقارنة غير عادلة من ناحية الفئة لاكن هذة المقارنة من ناحية السعر فقط*
عندي سؤال؟؟؟
كم سعر الأكورد فل طبعا 4 سلندر مخمل؟؟؟
سعر الاكورد فل كامل 95-96 مخمل
انا كأني سمعت واحد يقووول ان سعر المخمل مع عرض الصيانه يوووصل لـ91الف...........
والله يا غالي بإختصار شدييد جداً ولا نطول عليك
إذا كنت راعي رساوه و خط و جوده خذ الأكورد
و إذا كنت تبغى موصفات فأتوقع العكس لأنك هنا تقارن فل بسبشل
و أنت و راحتك و شي طبيعي لو تروح لمنتديات تايوتا بقولون الأكامري
و هنا بيقولون الأكورد و هذي كلها وجهاة نظر لكن أفضل وجهة النظر الي تكون
محايده :)
أخوي علاء
أنا من ناحيتي ماراح أتكلم عن المواصفات والفخامه
أنا راح أتكلم عن شي واحد .. وهو البدي
قسم بالله العظيم إني كنت مودي واحد من أقاربي لورشه تعديل وسمكره سيارات مسوي حادث ويبي يطلع سيارته الله يكفينا وياكم الشر
وحلصت راعي كامري 2008 .. يلعن اللي صنع وباع وورد الكامري
يقول قسم بالله هذي قرطاسه مهب سياره .. الوجه كله فيبر .. كأني مشتري لعبه
قلت ليه عسا ماشر .. قال تعال شف موتري
رحت شفت موتره .. اللهم ياكافي الوجه كله رايح والعكوس والدنيا كله
قلت وشلون صار الحادث
قال كنت أمشي في منعطف وقدامي فورد .. فأجه وإنحرف الفورد من قدامي وجاني مع الوجه حاولت أبعد عنه .. وضربني وضربت الرصيف بعد .. يقول والله العظيم إنه بعد ماصدمنا وجا المرور .. إن راعي الفورد شغل سيارته ومشى
والكامري تدري كم كلفت ؟؟؟؟
قطع غيار ٨ آلالف وشغل يد ألفين
وش رايك ؟؟؟
وبالنهاية .. الحافظ الله
وعذراً على الإطاله
اقتباس:
المشاركة الأصلية كتبت بواسطة iMac
اللهم سلم سلم :eek:
الكامري موجوده في ورشة الهويشل بصناعية الرواف بالقصيم .. يمديك تمر عليهم
بصــراحه وبدون تعصب
انا اشوف الكـامري 2010 فــل
اطلق من الاكورد 2009 سبشـــل
يخوي الاسبشــل خاليه من المواصفـــات
اذا فل انا معـك الاكورد احسسسن بمراحـل
اما اسبشـل الكامري افضــل بسنين
وسـلامتك
ياخي شلون تركب سياره لخدمات المجتمع
تاكسي = كامري
دوريه = كامري
دوريه الاسعاف = كامري
سيارات الشركات = كامري
الهجوله والتفحيط والسرقات = الكامري
مالها داعي تطلع اخر الليل تحصل موترك الكامري على بيبانه ناطلين عليه ههههههه
الكامري مع الهنود اكثر من السعودين
ياخي
ميز نفسك شوي وحتى لو مواصفات الكامري احسن شوي من الاكورد بس الاكورد مستحيل تحصلها تاكسي ولا مع هندي
كذلك اكورد وريح راسك
سعر الكامري 88 الف وكاله
سعر الاكورد الفل كامل مخمل 91 الف ريال ينطح ريال
الفرق 3000 ريال لكن فرق الارض عن السما
انا اقول اذا تفرق معك الميزانيه خذ لك كامري افضل فل ولا تاخذ سبشل اكورد ..
الاكورد اذا مو فل لا تاخذ << وجهة نظر
وترى الي يقول ما تتقارن ومدري ايش انا ضدهـ وش الي ما تتقارن كلها نفس الفئه بس ممكن الاكورد افضل بس تتقارن لا يقول ما تتقارن !!
واذا انت راعي كرف وميزانيتك محدود زي ما تقول ريح راسك وخذ كامري وتبي ترتاح معها خاااااصه بقطع الغيار ... تقبل مرووري و وجهة نظري يا الغالي
الاكورد فل كامل 4 سلندر مخمـلاقتباس:
المشاركة الأصلية كتبت بواسطة كونآآآن.....)
بــ عرض الصيانة 95,500
بدون عرض الصيانة 91,500
اول شي انت وش حاط في بالك في السيارة الي بتاخذها يعني وش المهم يكون فيها
انا ماراح اقول مواصفات الأكورد افضل ولا بقول افخم ولااي شي من الي قالوه الشباب
بقولك شغله او شغلتين واحد انظمة السفتي وحمايه الركاب في الأكورد يـبطون يسونها بالكامري
يعني الأبواب ومقصوره الركاب كلها مدعمه بدعمات تمتص الصدمات في حال وقوع حادث لاسمح الله
فليش اخذ سيارة مافيها أمان بعد الله طبعاً واي ظربه في الباب شوي والآ الباب داخل عندك
والثانية نظام ثبات المركبة يعني السيارة مو بالسهوله تنحرف بتقول هذا هم يفحطون فيها يقولك حتى الـ بي ام الفئة السابعة فحطو فيه
انت فكر وش المهم عندك وبعدين قرر واكيد القرار لك بروحك
تقبل مروري واسف ع الأطالة
الشكر الشكر لكل من ساهم في الموضوع :thnx1::thanx2::thnQ:
عندي سؤال ؟؟؟؟
سعر هوندا أكورد فل كامل مخمل 4 سلندر = 91,500 ( بدون عرض ) كم سعرة في المعارض؟؟
يعني أقل سعر ممكن أحصلة في المعارض كم؟؟؟ أقصد المعارض الخارجية وليست التابعة للوكالة!!