كرهتوووووني في الأكورد...

بسم الله الرحمن الرحيم

إخواني الأعزاء أعضاء المنتدى

هذه أول مشاركة لي في هذا المنتدى

لكن

تمنيت أني لم اطلع على الموقع بالكلية

لأني انتظر انتهاء اجراءات سيارتي الجديدة (أكورد 2009) مع مطلع الأسبوع القادم..

وللأسف من خلال مشاهدتي للمواضيع المطروحة

احبطت احباطا عظيما

وتمنيت أني لم اشتري سيارة جديدة من الأساس

و قد يلومني البعض ويقول أنه من المفترض أن تسأل عن السيارة قبل شرائها

ذلك صحيح

لكنني سألت واستفسرت عن السيارة ولم أجد مثل تلك العيوب التي طرحت في المنتدى

فمشكلة الهوبات والفحمات المستعصية ومشكلة أصوات الديكور والأبواب و الشنطة والمكيف والمسجل ومشكلة صوت المكينة المزعج والعزم الضعيف ومشكلة طقة الجير ومشكلة دودة الدركسون .......الخ

إذا

ماذا بقي في السيارة!!!!

امرك بسيط اخي الفاضل

إلغي الإجراءات وبكذا انت ابعدت عن كل المشاكل لا تعصب الامور على نفسك وعلى الشباب !

وشوف السيارة إلي تعجبك وبالتوفيق :)

نحن مرتاحين ف سياراتنا

اقتباس:

---

المشاركة الأصلية كتبت بواسطة تولوز

بسم الله الرحمن الرحيم

إخواني الأعزاء أعضاء المنتدى

هذه أول مشاركة لي في هذا المنتدى

لكن

تمنيت أني لم اطلع على الموقع بالكلية

لأني انتظر انتهاء اجراءات سيارتي الجديدة (أكورد 2009) مع مطلع الأسبوع القادم..

وللأسف من خلال مشاهدتي للمواضيع المطروحة

احبطت احباطا عظيما

وتمنيت أني لم اشتري سيارة جديدة من الأساس

و قد يلومني البعض ويقول أنه من المفترض أن تسأل عن السيارة قبل شرائها

ذلك صحيح

لكنني سألت واستفسرت عن السيارة ولم أجد مثل تلك العيوب التي طرحت في المنتدى

فمشكلة الهوبات والفحمات المستعصية ومشكلة أصوات الديكور والأبواب و الشنطة والمكيف والمسجل ومشكلة صوت المكينة المزعج والعزم الضعيف ومشكلة طقة الجير ومشكلة دودة الدركسون .......الخ

إذا

ماذا بقي في السيارة!!!!

---

يالغالي انت دافع فلوس و منت مقتنع في السيارة..

اجل لو جيت تتزوج كيف حتقتنع بعيوب الزوجة ؟؟ :p

أولا أغلب مواضيع المنتدى تشاؤم و عالم موسوسة !!

ثانيا.. احنا عندنا اوسخ شوارع و حفر ومطبات.. و الناس تدور اي مكان تشتكي فيه..

و هذا هو المكان.. يعني كل الناس اللي تشتكي تحصلهم هنا.. و اللي مبسوطين.. قليلين..

و ثالثا.. مشاكل الفحمات و الهوبات و غيره.. هذه يا عزيزي سوء استخدام .. لأنه معروف ان فرامل الهوندا و المساعدات قوية.. طيب كيف لو واحد استخدمها بقوة سرعة <<< متعودين على الامريكي كابرس و لومينا

اكيد رح تخرب بسرعة.. لكن لو تستخدم السيارة استخدام نظيف و اهتمام.. صدقني رح تعيش معاك مثل السيارات الألمانية..

حتى الألماني لو اسأت استخدامه.. رح يخلي اللي اشتراه يلعن اليوم اللي فكر يشتريه..

في الأخير.. ترى اللي تشوفه هنا في المنتدى هو الجزء المظلم من هوندا.. و لكل سيارة جزء مظلم فيه ناس تشتكي و تبكي و تسب و تلعن (اللهم اني صايم)..

لا تتعب نفسك.. اهتم في سيارتك.. و لا تجي المنتدى هذا مرة ثانية << نصيحة!!

الحمد لله مرتااااااح 100% ماعندي اي مشاكل

ياغالي كل واحد وتجربته وكل واحد استخدامه
أنا عندي سيارتي أكورد 2004 ولا مشاكل ولا شي الحمد لله
وأقدر أحلف لك إنها أحسن وأنظف من بعض الأكوردات اللي أشوفها 2009
مع ناس ما تستاهل أكووووووورد
إنت خذ السيارة خلك مهتم فيها صيانتها وأمورها
وربي ماتندم وتذكر كلمتي جيدا
ومن اليوم ورايح
لا تطب في شي إلا أنت مقتنع فيه شخصيا أيآ كان
ولا عليك من كلام الناس,,,,

يااخوي

انا بقول نفس كلام اخوي أغار ياهوندا
انا معي 2004 وماشيه مثل العسل مشاء الله

انت ماعليك من الهرج الزايد انت اهتم في موترك وماتشيل هم

السلام عليكم ورحمة الله وبركاته
اخي ( تولوز ) ، أولاً عالبركة السيارة ،ثانياً لو كنت مكانك لأصابني شعور مخالف لشعورك ... وهو أني سأكون سعيداً بوجود مكان - منتدى - أتبادل فيه خبراتي مع مالكين آخرين لنفس موديل سيارتي ، وقد أفاد هذا المنتدى العديد منا في حل بعض المشاكل وتعلم بعض مهارات الصيانة ، بدلاً من أن نكون حقل تجارب لأصحاب الورش ، فأنت تجد هنا خلاصة تجارب اخوانك في المنتدى.
ولا تنسى أن كل شخص لديه أسلوب في قيادة السيارة والمحافظة عليها ، بالاضافة إلى حالة الشوارع والجو ، وهذه كلها عوامل تؤثر في أداء السيارة وسلامتها.
وكما أقول دائماً - بالاضافة إلى العوامل السابقة - هناك جانب الحظ فأنت ربما تستلم سيارتك وتجلس معاك سنين دون حاجتك لعمل اصلاح واحد - وهذا ما نتمناه لك -، ومن جهة أخرى قد تأخذها من باب الوكالة وترجع لهم في نفس اليوم - لا سمح الله -.
الله يعطيك خيرها ويكفيك شرها ، وبالتوفيق للجميع

أخوووي ..

كل واحد واستخــدامه للســيارة ...


يعني مو كل الاشخااص زي بعض ..

فيه ناس تحافظ عالسيارة وفيه ناس تكرررفها كررف ...




وانا سيارتي لها شهررين معي ...

والله لا صوووت ولا هم يحــزنووون ..








دمت بود

مشكورين إخواني..

شف بقولك شي
اذا انت حاط ببـالك ان السيـاره سيئه
ترى مستحيـل تشوفها زينه حتى لو مافيها عيوب
بتكون بعينك كلهـا عيوب
علعموم ابعـد عنك الوسوســه او اصبر
لموديـل 2010 ويمكن يحلون المشـاكل البايخه
اللي موجوده بالموديلات 08 - 09 وبس

والله انا الى الان مرتاح
والله هي على حسب الاستخـــــدام؟

الدعووهـ حظ ونصيب !! والي يشكي من السياره صدقني سووء استخدام والدليل ان اي مشكله من المشاكل الي تقوله ما تطلع بكل الاكوردات يعني بعضها وبعضها يعني ماهو خراب مصنعي صدقني!
لأنه لو خراب مصنعي كان كلها نفس المشكله ونفس العله ..وثانيا شف عيووب السيارات الي بنفس فئتها تحب الاكوورد :cool:

قريبي عنده 2008 واستخدامه اكثر من نظيف عمره ما تعدى 120 وتخفيف عند المطبات وكلووو
عنده هذي المشاكل كلهآ ما عدا مشكلة الهوبات واللي يقول ما فيها مشاكل يلعب على روحه

شف انا أقولكــــــ (( الحين الاعضاء كرهوكــ بالسيارهــ صحــ ))

نصيحهـــ لا تشتري الاكورد ليهـــ ؟؟

خلاص بكرا كل ما ركبتهاا تذكرتـــ (( قسم الصانهـــ )) ولا راح ترتاحــــ

انا اعرف الناس معــ همــ أكورد واجد ساربيت ما يعرفون وش هو المنتدى

شفهمـــ مرتاحينــ ويركبــ عيال الحارهــ كلهمــ وانواع التفحيطــ وكل يوم البثمامهـــ وهي فلــ كاملـــ ولا أشتكو من شي

وفرحانين انهمــ معهمــ أكورد (( طايرين من الفرحهــ )) مو مصدقينـــ

واذا انت أشتريت اكورد لا تخش المنتدى ولا لاتخش قسم العيوبـــ

وشكرا

مــــــــــساء الورد

شوف ترى السياره ماعليها كلام وممتازه مع انه انا سيارتي مو اكورد
لكن واحد من اصحابي معاه اكورد 2008 وربي ماعمره اشتكى منها
بالعكس مرتاح معاها حتى مشكلة الفحمات او الاقمشه يقول للان ماعمره غيرها يعني ماشيه تمام
والله شوف انا قريت اكثر من موضوع من بعض الاعضاء انه دايم يفحط بالسياره ويسحب بريكات وخربطه
لا ويفتخر يجي في المنتدى ويسرد الموضوع ويقول ايش رايكم سحبت بريك بس عيبها ثقيله :mad:
وغيره يقلك اليوم سحبت بريكات وسحبت السياره معاي وين نظام vsa يابرادت وجهك
وربي بعدها عرفت ليش اكثر الي في المنتدى يشتكو من سياراتهم
انا اقلك اشتريها وتوكل على الله وراح تفتكر كلامي واسف على الاطاله

انا زيك
خلوني اوسوس
ورحت منتدى كامري نفس الي هنا بالضبط

قلت انا بنزل والي القاها نظيف باخذها
الي بالمنتديات موسوسين
موفق

شيء طبيعي محد راح ينزل موضوع يقول انا سيارتي زينه ومافيها مشاكل >> بتقول طيب ليه منزل موضوع

انا سيارتي الحالية (ماهي هوندا) قبل مااشتريها دخلت المنتدى حقهم واشوف انواع المشاكل والمواضيع وكل واحد يشكي وينتحب خلوني اوسوس وبغيت اهون الين كلمت واحد معي بالدوام من الاعضاء بمنتداهم ومعه نفس السيارة قلتله باجربها وطلع معي الصراحه ماشفت ولا شيء من اللي يتكلمون عنه الاعضاء

يعني على سبيل المثال كانوا يقولون تنسيم فضيع كأنك فاتح الشباك ويوم جربتها طلع موب تنسيم بل صوت الهواء الخارجي موجود بكل السيارات وكانوا يقولون القير تغييراته غريبه ومن هالاشياء ولاشفت منها شيء كلها تضخيم

يعني عندك عالم بعد تسوي من الحبه قبه ومن الملاحظه مشكله والحمد لله شريت السيارة ولاشفت منها الا كل خير

تدري الحين وش المشكله اللي بتصير معك

انت قريت كل المشاكل اللي صارت للاعضاء والحين بتطلع السيارة الله يعطيك من خيرها ويكفيك شرها وبتبدأ بالوسوسه كل ماطلع صوت ولا شكيت بصوت بتقول اكيد هو الصوت اللي تكلموا عنه الاعضاء وبتبتلعلى هالمنوال

عالعموم هي فيه نصيحه حلوه بس يمكن راحت عليك اللي هي قبل لاتشتري سيارة جديده جربها من احد تعرفه او حتى استأجرها يوم وأكرف والدينها بتصير تاخذها عن اقتناع

يا اخي انا من الاحد الماضي معي الاكورد الجديدة والحمدلله
لا مشاكل

شوووف اخووي ما عليك من الكلاام هذا

انا الحين معااي لومينا و الحمد لله مرتااح و منبسط من السياره بشكل مو طبيعي

قبل ما اشتريها سجل بمنتدى ss4ever و دخلت قسم الورشه

و كنت اشووف مواضيع القير ما يتحمل و لازم تركب مبرد قير و ترانزقو

و اصواات الديكورات و الثروتل يتوسخ بسررعه

و لا اهتميت بهذا الكلاام كله و اشتريتها و مهتم فيها و الحمد لله مبسووط من السياره

تحياتي ,,, ^_^

عادي تقدر تلغي الاجراءت

وانتهينا

ماعندي اي مشاكل غير مشكلة الديكور

ياخوي هاذا الكلام ينتهي بكلمه وحده كل واحد على حسب رجلوو
انا طلعت كورولا 2009 قير عادي ثاني يوم بايعها كل شي فيها صيني المسمار يجيك من مدري فين وكل شي من بلد غير
هاذا الي يقلك تيوتا تعيش كل السيارات تعيش بس كل واحد على حسب استدخدامو ليها وانا انصحك خذها وكل شهر ودي صيانه وبدل فحمات وكل شي والسياراه تعيش معاك وقطع غيارها مي غاليه والله ركبت مع خوي مافيها لا صوت ولا اي شي ويسرع بيهاا بس كل شهر راح بدل شي والسياره اهي الحمد لله ماشيه معاك انا اقلك خذها واتوكل على الله وبلا تيوتا تعيش بلا نمك يفككونها في الخمره
خذلك اكورد نصيحه ومعليش على الاطاله

تحياتي :

مشكورين بس أخ سعدون ماتلاحظ أن شهريا صيانة كثيرة شوي

انا انصحك تشتري شاص 2009 وادعس فيه وكل مطبات لين ماتقول امين ولا فيه اصوات ولا شي ولا فحمات وحتى لو ماتبي تغير الزيت لاتغير:d

ياعمي روقنا هاذي الهنادي معاي وش زينه سم الله عليها مشاء الله تبارك الله ماشكيت منها ابد

بسم الله الذي لايضر مع اسمه شي بالارض ولا بالسماء وهو العلي العظيم

مرحبا أخي الكريم
بغض النظر عن ردود الأعضاء أنا ردي لك
السيارة ممتازة ولكل شي عيوب
السيارة معي من سنة ونص والعيوب اللي لقيتها
- الأصوات
- طقة القير
- الهوبات
- العزم ( بس في القومة )
وترى الهوبات غيرتها مرتين على الضمان
والصوت في الشنطة مدري بس أحسها من الأسلاك لأنها تجي وتروح

مدري بس أتوكل على الله الله يبارك لك فيها أهم شي اللي مقتنع فيه ولعملك لما جيت أشتريها الكل عارضني بس أنا مقتنع

ناس موسوسه شي طبيعي جدآ .. ~

:d

انا سيارتي 2008 مثل العسل الحمد لله

وماشيه 60 الف ماشفت فيها شي الا القماشات الخلفية هي الازمة بصرااحة

تووكل على الله وخذها وماراح تندم

ريح رااسك و اقرب وكاله ابو جميل و طق الاوريون 2010

ترا صارت افضل و احلى :)

واذا ع الاصوات .. اللهم صوت ديكور الجير الخفييييييييف جدا جدا فوق ما تتصور و حله من ابسط ما يكون ولا يأخذ معاك 5 دقايق

ومافي اي صوت ثاني غيره :)

< من مجرب 2007 اول الدفعات ~

بصراحه يا أخوي الأكورد ما عليها كلام توكل على الله

معي أكورد 2007

ماشاء الله زي العسل

غيرت أقمشة بس

ياخوي اذا انت مقتنع لايهمك احد اشتر السياره ونت مطمن مافيها اى عيوب انت حافظ وان شاء الله ماتشوف الا كل خير اكورررررررررررررررررررررررررررررررررررد وبس ومبروك مقدمآ:cool:

الأكورد وبس ههههه

ويااااااااااااكثرهم إلي يبيعون الأكورد وإذا منت مصدق خذلك فره في المعارض وإلا أقول لك خذ لك فره في المنتديات ( عروض البيع والشراء )


بس كم ياشباب لا تورطون أحد بشراء الهوندا والله لو أنا ماسئلت كان رحت في بلاوي الهوندا

وإلي معترض على الكلام أنا مستعد إني أنزل موضوع كامل بهذا الخصوص

لا وبعد لمن يبون يبيعون لمن تسألهم عن السبب واحد يقول:
1- للتغير هههه أكورد 2009 ماشي 11500 وللتغير
2- لا وثاني يقول حصلت سيارة من الشركة أكورد 2009 ماشي تقريبا 17000
3- ومن المنتدى أكورد 2009 فل وشاريها بي 100 ألف وسبب البيع خايف من السرقة هههههههه قوية
4- وووووو ما يخلصون ومستعد أحط إليكم الروابط بعد إذن المنتدى
5- واحد يبي يبيع الهوندا أكورد 2009 وماشي 45 ألف للتغير لا وبعد فل كامل وإلا وأدخل على مواضيعة في المنتدى وإلى ألقى مواضيع يآخذ إستشارة للبيع الأكورد وهي ماشية 15 ألف وواحد من إلي ردوا على الموضوع يقول أنا بعت الأكورد 2009 وكانت ماشية ماني ذاكر بس كان الممشى قليل سبيشل وبايعينها بي 74,500 ويقول الحمد لله إفتكيت منها

بسم الله الرحمن الرحيم
أخي الكريم كما قال الأخطبوط برده، الناس تبالغ ولا تأخذ كل مايقال على أنه صواب!، مشكلة الهوبات صحيحة، لكن الشركة ملزمة بحلها وهي تبحث عن حلول لها بالفعل، والمشكلة ممكن إصلاحها كل فترة على الضمان، أما باقي المشاكل فأغلبها إما وساوس أو مبالغات من قبل الأعضاء.
أنا ولله الحمد امتلكت الكثير من السيارات (كلها مستعملة) ومن أنواع مختلفة، ولم أجد ولا سيارة خالية من العيوب، وهذا أمر طبيعي جداً لأن صانعها بشر!، لذلك توكل على الله وانسى أمر كل تلك العيوب التي سمعتها هنا :)
بإذن الله ستسعد بالسيارة إن أحببتها وإلا فإنك ستعد عيوبها وتكرهها من اليوم الأول.

بالنهاية أكرر أن الأكورد وغيرها من سيارات هوندا يكفيها أن عيوبها تعد وبسيطة إلى حد ما (مالم يعد القير عيباً، وقد تعطل عند قلة من الأعضاء).

بالنهاية أخي الكريم قيادتك لسيارتك تؤثر كثيراً على تحملها وقلة ظهور مشاكلها، وتأكد أن أغلب الأعضاء هنا محبين وعشاق لسيارات هوندا، بل إن بعضهم لايرى فيها أي عيب ويقدسها!، وتستطيع أن ترى المشاركات الأخرى، ولا أعلم مالسبب في إطلاعك على جزء بسيط من مواضيع النادي وترك بقية المواضيع.


ملاحظة أخيرة/ لو كنت من الآن بدأت تكره السيارة من عيوبها، فخذ بنصيحة king، لأنك لو وضعت فكرة مسبقة لن تغيرها أبداً.