السلام عليكم
ياريت لو حد يفيدنا بالطريقة الصحيحة لاستخدام القير
بالنسبة لوضعية الوقوف ومن ثم التحرك ( يعني السيارة واقفة في الموقف وتبي اتحركها كيف تتعامل مع القير والهاند بريك؟؟)
وهل حدوث اي خربطة بالطريقة الصحيحة يؤثر سلبا على القير؟؟
ان شاء الله يكون سؤالي مفهوم وما اتعبكم معاي
عادي او اوتوماتيك ؟
بالنسبة للأتوماتيك طبعاً
حيث إن السالفة مش بس تعال ط القير على الـ D واتوكل
اكيد فيه طريقة معينة لاستخدام قير الاتوماتيك عند الوقوف في موقف معين ومن ثم التحرك من الموقف
يعني لو طلعت من البيت و جيت ابا اطلع بالسيارة شغلتها الحين القير بيكون على الـ P بعد ذلك شو الخطوات اللي لازم اتبعها علما ً بأني لازم استخدم قير الـ R؟؟
شكرا لك على العبور
اي تحريك لعصا القير استخدم معها الفرامل
الا 3 و 2 و 1 ماتحتاج فرامل
اذا كنت تريد استخدام D بعد P
غير بشكل عادي وليس بطئ لانه مافيه داعي يعشق لل R وانت ماتحتاج له
عند التوقف يفضل سحب الفرامل اليدوية "الجلنط" بعدها التغير لوضعية P
انا استخدمت اكثر من سيارة اوتوماتيك وكلها بنفس الطريقة
معك حق اخوي هوندا كونكورد
بالنسبه اخوي محمد :)
اشرح لنا القير الأوتوماتيك والقير العادي كلها :)اقتباس:
المشاركة الأصلية كتبت بواسطة 922
الله لايهينك حبيبي ;)
في انتضارك .
مشرفنا العزيز 922
اكيد الشكر موصول حتى لو ما شكرتك
بس خلني اطلع اللي بخاطري
انا اول ما اشتريت السيارة كنت أتعامل مع القير ( عصاية موسى) بهالطريقة:
( في حالة تشغيل السيارة وهي في الموقف وبُغية التوجه إلى الخلف)
1- انزل الهاند بريك ( الجلنط على قولتك) .مع ضغطة بسيطة على الفرامل
2- أحرك القير من الوضعية P إلى الوضعية R. مع ضغطة بسيطة على الفرامل
3- بعدما تطلع السيارة من الموقف أحرك القير من الــ R إلى الــ D.
لكن بعد سنة تقريبا ركب وياي واحد من الشباب ونبهني وقال لي هالطريقة خاطئة قلت له ليش شو الصح تراني امطلع ليسن قير عادي وشدراني باستخدام الاتوماتيك اللهم نزل الهاند وحرّك على الــ D قال لي لا يا ولد الحلال لازم اتسوي كذا :
1- حرّك من الــ P إلى الــ N.
2- نزّل الهاند بريك.
3- حرّك من الــ N إلى الــ R.
4- حرّك من الــ R إلى الــ D.
والطريقة اللي خبرني عنها الريال أرقتني وخلتني اتعقد من القير واوسوس وأحس القير بينكسر خصوصا يوم أحركه من الـ P ويوم أحركه من الــ N إلى الــ R.
أعتقد شرحت لكم بالتفصيل عشان توضح الصورة وعشان الاخوان اللي يحطون ع الــ D ويمشون ينتبهون إلى أن هناك طريقة سليمة وصحيحة يجب أن نقوم بها جميعنا
لكن ما هي تلك الطريقة ؟:d
وشكرا
اخوي الأنس لاهنت حبيبي
الله يطول بعمرك
خلّك امتابع لا اتغير القناة
السلام عليكم
هوندا كونكورد
ليش الزحمة بس !!
يكفى انك تضغط فرامل للانتقال بين P و R وتمشى والعكس للتوقف
وفرامل من N الى D
واهم شى تكون السيارة متوقفة تماماً وتكون ضاغط على الفرامل عند اي تغير للقير
وهذا مو كلامي بس انا كلام الكتالوج والكل
انا استعملت سيارات اوتوماتيك سنين ومشيت فوق ال 300 الف كلم وماوجهتني اي مشاكل
بسبب الاستخدام
=====
القير العادي
القير العادي سهل واساساً ماتقدر تسوق السيارة الا بالطريقة الصحيجة
ومثل ماقلت سابقاً ماتحط R "الريوس" الا والسيارة متوقفة تماماً
والكلتش تضغطه بالكامل عند كل تغيير
كلتوج الوكالة يفضل التغير على السرعات التالية
من الاول للثاني عند 25 كلم
من الثاني للثالث عند 40 كلم
من الثالث الى الرابع عند 65 كلم
من الرابع للخامس عند 80 كلم
وفيه ميزة في قير الاكورد العادي تأمين بحيث لايمكنك التغير من الخامس الى الريوس R يقفل
بس لاتجرب هههههه
وتقدر تستخدم القير للتخفيف من السرعة في حدود المعقول
مو من الخامس الى الثاني !!
تحياتي
محمد
وعليكم السلام حبيبياقتباس:
المشاركة الأصلية كتبت بواسطة 922
الزحمة تقصد الطريقة الثانية شسوي ترى فلان بن فلان خبرني عنها وبصراحة ما ارتحت مع هالطريقة احسها مطوّلة ومتعبة و وجع راس
يعني الخلاصة يا الغالي خلاص استخدم الطريقة الاولى ولا ؟
يعني انزل الهاند اول شي وعقب العب بالقير مع استخدام الفرامل لكل تبديل؟
شو رايك
ماتفرق سواء الهاند بريك مرفوع او منزل اهم شى تستخدم الفرامل دائماً وتكون متوقفة السيارة تماماً
يعني اذا الهاند بريك مرفوع وحرّكت القير مع ضغطة البريك .. عادي ما فيها مشكلة ولا؟
وبعدين بالنسبة لضغطة البريك .. ما مدى قوّة الضغطة يعني اضغطه كامل او اضغطه شوي او اضغطه بحيث احس ان القير بيتحرك بسهولة؟؟
مافيه اي مشكلة
وضغطة البريك القصد منها تمسك السيارة عند تغير القير يعني تقدر تقول ضغطة متوسطة ..
انا استخدم هذي الطريقه :dاقتباس:
المشاركة الأصلية كتبت بواسطة هوندا كونكورد
922
عُلم سيدي
...................
الأنس خرّبت علينا سيدي :d
عاد الحين الأنس ضيعنا 922 قال الطريقة الاولى والأنس قال الثانية
سووا قرعة يا جماعة
اعطيك المفيد خلها ديم على الان لا طحطها على البي مره وخصوصن في طلع حطها على الان واسحب الهند بريك عادي من عرفت نفسي اسوق وانا اسوي كذا ما عمره خرب القير
بس اهم شي اذا تعشق ريوس تكد ان السياره واقفه تماماً ترى الشركه ان استخدام الناس مو زي بعض فحطت القير بتقنيه عالي تقلل من المشاكلوبرضو القومات الي مالها داعي عند الاشاره والدعسات المفاجه انتبهلها
الله يهديك كيف ما أحطها على الــ P مرّة على قولتك ..!! و المفتاح ما يطلع من مكانه إلا إذا حطيت القير على الــ P ؟؟ شكلك اتسوق سيكل بو قيرين
يامطنش
اكيد معك 6 سلندر
اخوي 4 سلندر تختلف لازم يكون القير على P والا مايطلع المفتاح
انا بمشي على كلامك يا 922
وبشوف النتيجة
راسي عورني
تصبحون على خير
هههههههههه :cool: :cool:اقتباس:
المشاركة الأصلية كتبت بواسطة هوندا كونكورد
اختلاف الرأي لايفسد للود قضية
وانت من اهله ياغالي
ياشباب جبت لكم الطريقه المثاليه لأستخدام القير (( حسب ماذكر في الكتلوج ))<-- علشان محد يقول مسوي فاهم علينا :p
من p الى R ..... اضغط دواسة الفرامل واضغظ زر التحرير
من R الى P
من N الى R
من D3 الى2 ..... اضغط زر التحرير.
من 2 الى 1
من 1 الى 2
من 2 الى D3
من D3 الى D
من D الى N ...... حرك ذراع التحويل.
من D الى D3
من N الى D
من R الى N
واتمنى اكون قدمت شي مفيد لكم
مع اطيب الامنيات لكم :rolleyes:
لا اربعه سلندر وعادي
السلام عليكم
عدنا لكم يا اسنادنا بعد انقضاء ارقادنا
الأخ الكريم / الأنس
صحيح نفس ما قلت اشكرك
.........................................
الأخ الكريم / هاي 779
اشكرك اول شي بلا شك اي انسان يساهم بالمشاركة الطيبة لازم نشكره
لكن بذمتّك .. هل فهمت هالطريقة اللي مكتوبة بالكاتلوج؟؟
يا ولد الحلال قريتها من زمان و بصراحة مهي اموضحة حق الجاهل هي مكتوبة بشكل سريع الظاهر وبشكل عام وبالاخير ما استفدت منها
حاول ادقق اكثر بطريقة الكاتلوج وبتفهم كلامي يوم قلت انها مب اموضحة بطريقة سليمة اتحسها املخبطة وناقصة ترى هاذي مصيبة الكاتلوج المترجم حتى لو انك قريت اكثر بالكاتلوج بتحس ان اللغة العربية المترجمة اللي فيه صارت ضعيفة ومتاشبكة وناقصة وغير مفهومة مرات..!!
.................................................. ............
الأخ الكريم / يا مطنش
اشكرك على العودة مرة ثانية والموضوع موضوعك خذ راحتك
لكن المصيبة ان نفس ما قلت لك انا .. المفتاح ما يطلع الا اذا كان القير على الp
عاد ما ادري الــ 4 سلندر الفل غير يمكن
وشكرا للجميع
شوف اخوي الطريقه الي بالكتلوج تعلمك متى تستخدم الفرامل ومتى تستخدم زر التحرير بس ما تعلمك وشلون تحطه على الدي
شف انا لا جيت اوقف احطه على N واسحب الجلنطمن ثم احطه على p
اما اذا جيت امشي على N ثم افك الجلنط ثم احطه على D وبس
اما سالفتك صراحه تعقيد مهب قير ذا اخذلي قير عادي اصرف
آخ لو اني ماخذ لي قير عادي كان افتكيت من هالشربكة كلها
لكن قالوا القير عادي بتتعب وياه في المدينة
اخوي ديوقاري انته تستخدم الطريقة الثانية واللي انا استخدمها حاليا لكن احسها خبصة يا رجال
بس اشكرك على العبور
يا جماعة
انا دايما استخدم زر التحرير هل هالشي عادي ولا كيف؟
انا اللي اعرفه ان القير ما يتحرك بدون الضغط على زر التحرير ولا ليش سمّوه زر التحرير لانه يحرّر
وشكرا
هوندا كونكورد من وين انت من الامارات انا عارف سؤال مو في محله بس علشان سألتك اكثر من مرة وما رديت
ياشباب الله لا يهينكم عتدي استفسار بسييييييييييييييييييط,,,,
أنا معي أكورد اذا وقفت في طلعه خفيفه وعشقت من P إلى D يطلع صوت أحس إن القير بيطيح مدري هو طبيعي وإلا لا..........أنتظر الرد
انا فطستني من الضحك الاخ هوندا كونكورد يقول للرجال شكلك تسوي سيكل بوقيرين هههههههههههههههههههههههههههههه
والله ياخوي طريقه مافيها اي مشكله حط رجلك على البريك وتنقل بالقير كما شئت وتوكل على الله مافي لاطريقه معينه ولا هم يحزنون
اقتباس:
المشاركة الأصلية كتبت بواسطة deshe1
من جد الي يسمعهم يقول تربتنيك او شي صعب
ليس عيباً أن نسأل بل العيب ألا نسأل و العيب الأكبر هو في أولئك الذين يردون على أسئلتنا بإجابات سخيفة وتافهة
هل يقوم النادي على السخرية من الغير وتصغير عقولهم اما على التعاون ومساعدة الغير لوجه الله
من تواضع لله رفعة ولو كنت عالماً فهناك من اعلم منك
رجعنا لكم من بعد غياب
الأخ المحترم / عاشق الأكورد زيرو ستة
تقدر اتراسلني ع الخاص ويستوي خير ( قاعد ف سرداب لدواعي سرّية)
.......
الأخ المحترم / هنادي والناس اتنادي
نفس استفساري يا الغالي واعتقد انه عادي
.........
الأخ المحترم / دشي
ما ادري صح اسمك جذيه بالتحويلة العربية ولا لا... اشكرك يا الغالي على اطمئنانك على حالتي النفسية وشكرا كذلك على انك طمنتني وقلت ان القير ماله اي استخدام معين اللهم حط رجلك على البريك واتنقل بالقير ... شكرا لكن ما أوافقك الراي
........
الأخ الكريم / مراسل أبها
ياريت لو تسأل الخبراء في أبها عن مدى صحة الكلمة اللي قلتها ف ردّك " تربتنيك" .. قريتها طَـرَبيزة اوّل شي... كان بودي انك تفدينا لكن المشكلة ان التربتنيك وياك..
..........................
شكرا لكم
شكرا لك يا مشرفنااقتباس:
المشاركة الأصلية كتبت بواسطة 922
ولا تلومه لابس كاب في التوقيع
الإدارة أصدرت قرار ان السخرية اثناء جدية الموضوع عليه عتب فانتبهوا ياللي ما تنتبهون
يعني كان الموضوع ماشي بشكل جيد وأخذ وعطى بالردود ليش يدش واحد وللاسف من هالمنتدى الرائع ويعتقد بأن الموضوع تافه ... يا اخوان تبادل المعرفة حتى في الامور البسيطة شي جميل ومفيد وهذا يعلمنا كيف ان نستغل السيارة استغلال صحيح ونعرف قيمتها عدل
عنوبوكم المنتدى ببلاش والردود ببلاش نكتبها وتبادل المعرفة انحصلها من الاخوان ببلاش لا اتخلون اختلاف الراي يفسد الود ببلاش بعد
وشكرا
لا تطولون السالفه وهي قصيرة .. ماصار اتوماتك !! فرامل ومن البي للدي وانتهينا