وينهم الغاليييين...............

اثنين كل واحد منهم مكمل للثاني

مايدخل واحد الا والثاني معاه

وان غاب واحد اتحدى الثاني يكون موجود

كل واحد منهم مكمل للثاني

وبصراحه حجم واحد <<< طبعا عائلي :d <<ماله خلق ينكت :( <<< الله يسترمن ذا الوجه

الأول فيهم يعجبني فيه خشاته ودخلاته الغلط خاصه اذا كانت دخلاته انبراشات علي انا<<< ( انبراشات )هديه لأهل جده ;)

ويعجبك الثاني اذا جاء وزبد له <<< يعني طيح وجهه

واحد منهم مستشار والثاني عضو دائم

كلهم معاهم اكورد بس واحد V6 والثاني اربعه سلندر

واحد مركب فلتر هواء من K&N والثاني مركب يايات فقعت عليه المساعدات

واحد حضر تجمع الرياض الثاني والثاني كان نايم :mad:

واحد عنيد والثاني عبيط

ويعجبوني اذا استلموا بعض في مقهى ألوان :o<<< ( تراه مو راعي مقاهي ياللي في بالي)

بصراحه اختفوا فجأه عن المنتدى :( وغيابهم ملحووووووووووووووووظ

طبعا حل اللغز هذا مايعرفه الا اللي يعزهم ويغليهم

الحمد لله كلهم بخير وبصحه وسلامه لكن وينهم ؟؟؟

ليه ماصرنا نلقاهم ؟؟؟

ليه غابوا فجأه؟؟؟

ليه ماعاد نشوف لهم ردود؟؟؟

ليه مافقدناهم واحنا عائله وحده

هذا الشي وصمة عار على بعض اعضاء المنتدى وليس كلهم

طبعا السؤال اللي فوق موجه للكل واتمنى القى الجواب الشافي منكم

عبد الله
(BLACK.H.V6)

الحمد لله على سلامتك من الحادث انت وخويك راعي الجيب وكله من وجهك الشين

فيصل
(H 4 Ever)

الله يعينك على دوامك والضغط اللي عندكم في الدوام

كلمه اقولها لكم :

صراحه فقدناكم

أو بالأصح

فقدتكم


محبكم

:( ن ك د المنتدى :(

صدقت والله يانكد بس ترا فيه اعضاء غيرهم واجد من زمان ما شاركو مثل سينج وستورم و......إلخ

صدقت ياأكورد الجنوب

بس السؤال هنا ليه مافيه احد يسأل عنهم ؟؟؟

ليه احنا مانسأل عنهم ؟؟؟

ليه مافقدناهم ؟؟؟

ليه ماتطمنونا عليهم اذا تعرفون اخبارهم؟؟؟

واذا قلنا لهم قالوا للواحد انت ....... <<<< تعرف قصدي ;):(

فاهم قصدك يانكد زين وإذا تبي الجد
مقصرين مع بعضنا الكثير والله وحجتنا مشاغل الدنيا نتعلل بالكذب على انفسنا وترا الشغله بسيطه وانا اخوك كلها مكالمه دقيقتين بالكثير لوهي................كان بالساعات ونشحن وفي الاخير اقوى سيفون وانا اخوك
تقبلل مروري

الصراحه مقصرين معهم :o لكن البركة فيك يانكودي

بس بلاكي معروف يغيب شوي بعدين يرجعلك بموضوع قوي ولادريت عن الحادث الا من توقيعك نكود

و H 4 EVER شكله من بعد التجمع مختفي ماعاد له حس

وفيه بعد ستورم مختفي له فترة للدراسة بس الحين معطلين ماشفناه >>> أكورد الجنوب طمنا عليه بالله

الاخطبوط ستورم بأتم صحة وعافية انقطع علشان الدراسه وما قصر جاب نتيجه تشرف والله وبيرجع قريب وكان معاي يوم الثلاثاء والاربعاء
حازم كمان ثالث ثانوي ويبي يشد حيله وانا على اتصال دايم معاه وبيرجع بس تعرفون الإجازه فترة استجمام عند الطلاب
بياض الثلج توظف بمنطقه نائية مهندس بشركة الكهرباء ما فيها تلفون ويادوب يجي اربعا وخميس مع اهله والجمعة مسافر
والبقيه حدث ولا حرج وانا اخوك

والله يا شباب فيه حل عشان اذا غاب احد نقدر نعرف ايش فيه ليه ما يكون واحد متكفل بخذ ارقام الاعضاء ويسجلها عنده اذا غاب احد نقدر نتصل ونعرف علومه

أنا أوافق الرأي مع أخوي يامطنش

والله انها فكرة حلوة بس اتوقع مو كل الشباب ثابتين على رقم لفتره طويله

ما اتوقع كل شوي واحد يغير رقم واذا غير يعلمنا او يعلم المسؤل

بصرااحة ما اعرفهم ....

ن ك د إذا لقيتهم عرفني عليهم....

<<<وده يشارك بس مو فاهم الطبخه

مطنش :cool:


أو حتى زيارة وحده في الاسبوع تكفى ياغالى .

انا موجود ومتابع للمنتدى :):)

كلامكم صحيح وعين الصواب


والله في واجد فاقدينهم واذا ما تعاونا ومحد سأل عن الثاني >>راح تضيع

حيالله ن ك د

اقول خل عنك مقهى الدروازه ههههههههههههههههههههههههه

اكفش

اقتباس:

---

المشاركة الأصلية كتبت بواسطة DuGarrY

انا موجود ومتابع للمنتدى :):)

---

احد جاب طاريك :mad:

هههههههههههههههههههههههههههههههاي:d

اقتباس:

---

المشاركة الأصلية كتبت بواسطة هوندا 2007

حيالله ن ك د

اقول خل عنك مقهى الدروازه ههههههههههههههههههههههههه

اكفش

---

وش دروازته ووش بطيخه روقنا يابو :eek:

ماقد رحت هناك الا مره مع خويي ابو خشم قبل 3 سنوات :d

شكلك مشبه ترى فيه ن ك د ا ت غيري بس اهم شي الأرقام ;)

اقتباس:

---

المشاركة الأصلية كتبت بواسطة ن ك د السـعــــوديه 3 5 7

احد جاب طاريك :mad:

هههههههههههههههههههههههههههههههاي:d

---

ياخي سلك لي انت .. لا حول الله لوووووووووووووووووووووووووووووووووووووووووووووول

الصراحة احنا مقصرين في السؤال عنهم
مشكور ن ك د لانك ذكرتنا فيهم

اقتباس:

---

المشاركة الأصلية كتبت بواسطة هوندا 2007

حيالله ن ك د

اقول خل عنك مقهى الدروازه ههههههههههههههههههههههههه

اكفش

---

;)

اقتباس:

---

المشاركة الأصلية كتبت بواسطة ن ك د السـعــــوديه 3 5 7

ويعجبوني اذا استلموا بعض في مقهى ألوان :o<<< ( تراه مو راعي مقاهي ياللي في بالي)

---

ياكثر الي في بالك يابو ;) ..

موضوع له قيمه بصراحه ,, واتوقع ان هالموضوع راح يتكرر مرات ومرات ..

لكن بأسماء مختلفه ,, صحيح اننا مانبغى الشي هذا لكن .. :(

الواجب علينا السؤال وعدم نسيان الجميل لأن العضو مهما كانت أهميته يبقى غالي على الجميع وأكيد انه قدم فائده من قبل أو معلومه حلوه فادت الشباب .. فياليت لو يكون سؤالنا رد للجميل ,,

بصراحه أشكر نكودي على الطرح الحلو ,, والله يعطيك العافيه ;)

إتش أكورداوي

سلامات ياشباب وش فيكم قارين شي غلط<<<< :rolleyes:

طيب والله العظيم وقسم بالله اني ماني راعي هالسوالف من جد والله

وقلت هذا الكلام عشان مايشكون فيني الناس وخاصه اللي في بالي ;) :o

وأيضا انت ناسي واحد غالي علينا ومن زمان ما قعد عالايميل والمنتدى وهو
honda owner
يوسف حد يعرف عنه شي

انا بصراحة من جد مقصر مع كل الشباب حتى مع المنتدى اخش وبالي مو في المنتدى والسبة الأختبارات صحيح اني واثق من نفسي ولكن شايل هم النتيجة ...وبصراحه صارت مشاركاتي قليلة ما ادري ليه ..اعطوني حل لهل المشكلة : انا دايم اتاخر ...انا اايد فكرة اخذ ارقام الشباب كلهم وحتى ايميلاتهم...ويعطيك العافيه حبيبي نكد على تذكيرنا بالشباب الغائبين عنا ....

اخواني محبي هوندا
السلام عليكم ورحمة الله وبركاته
والله خجلان منكم جميعا وخصوصا من أخوي وعزوتي ن ك د اللي والله ماقدر ألحق على جمايله علي وعلى النادي... وأحد اسباب انقطاعي هو الحادث اللي ذكره لكم أخوي ن ك د ولله الحمد إني بأتم صحه وسلامه.. وبالإضافه إلى بعض الظروف العرضيه....

فتقبلوا إعتذاري وتأكدوا انكم في القلب وفي العقل...
ن ك د الله يجزاك خير ويعطيك ألف عافيه على سؤالك الدائم... لك مني كل الاحترام والتقدير والحب..

الحمد الله على سلامتك

منور