عرض للطباعة
السلام عليكم ,,,,, ان شاء الله طيبين
يالربع يوم الجمعه بعد صلاة المغرب اتجهت من الهياثم ( الخرج ) الي نساح
المهم جاء الكوبري وبعدها طلع لي واحد راعي فورد قديم واعتراض على الكوبري
وانا موتري هوندا اكورد 2007 وقدر الله وصدمته والحمد لله كل شي تمام وطيبين
بس وجه موتري كله انعدم طبعا فيه تامين ونسبت الخطاء علي 25 % وراعي الفورد 75%
وبكرة طالع اقدرها في شيخ المعارض
بس وش تنصحوني فيه واذا كان فيه ورشه موضبوطه بالرياض دلوني عليها
افيدوني
الحمد لله على سلامتك ياغالي ومعوض خير
انا من جده ولاني بأعرف الرياض لا كن سمعت شباب كثير يقولون ورشة الوفاء بالصناعية اتمنى انو الشباب يفيدونك أكثر
الحمد لله على سلامتك اولا واخيراً ..
ورنا صور الحادث .. عشان ندلك على ورشة كويسة ، مثلاً فية ورش شغلهم تمام في السمكرة << الرفارف والابواب لكن ماعنهم مكانيكا ولا لهم خبرة في تعديل الشاسية ..!
وفية ورش يضبطون البوية ١٠٠٪ لكن السمكرة مش ولا بد ..
وفية ورش ( مثل وفاء ) اللي عند المراعي مدري نادك <<< الناس تمدحهم وانا جربتهم البوية عندهم ماش .. << وسعرة مثل الوكالة غااالي ..
وفية ورشة يشتغل فيها هندي بثر وكلامة واجد واجد واجد واجد واجد بس شغلة عال العال في السمكرة والبوية وسعرة معقول جداً << ويتعبر رخيص :cool:
وفية ناس طبعتهم مايلبس الا نعال مصنوعة في تركيا وحلاقة تركي ومطعمة المفضل السرايا التركي والسمكري لازم يكون تركي <<<< يقال لهم ان هالجنسية ان جت في شي تضبط كل شي .. الهندي اللي قلت لكـ عنة اطلق من من ورشة الاتراك اللي مقابلة ..
المهم اني كثرت كلام ..
شف وضعك .. ووش تبي تسوي .. واذا بغيت شي هذا الموضوع عندكـ ..
حمدالله ع السلامه..........
ومعوض خير..........
ورشة الجودة في الصناعية القديمه
السمكري عندهم بنقالي لكن رح وشوف شغله بعينك افضل
الوصف :الدائري الشرقي جنوبا او شمالا ..مخرج 17-طريق المدينه المنوره(الامير سلمان سابقا) <<باتجاه الغرب
اول اشاره يسار.. سيده الى ان يجيك على يسارك جيركو وترايستار
ادخل يسار من عند التقاطع ... سيده بتحصل الورشه على يمينك
والحمد لله على سلامتك ..
الله لايهينكم
انا ودي اني اصورها وانزل الصور عشان تحكمون عليها وتدلوووووني
وان توني طالع من المستشفى
المهم اليوم مريت الحجز عشان السياره عندهم وابغى اغراض من السياره
طبعا الوجه كله داخل على الرديتر بس الظاهر الماكينه ماجاها
والقزاز الامامي وقزاز باب السواق والارباقات طالعه
وطبعا الديكور اللي تحت القير منفصل ومتكسر ةديكور المكيف الوسطي من فوق منكسر
وتتحت الدركسورن منكسر
الحمدلله عالسلامة
و انشاء الله ما تشوف شر
اقتباس:
المشاركة الأصلية كتبت بواسطة البادي اظلم
بعد هالكلام بصراحة انصحك تبيعها :(
لانه بتشغلك بالخرابات والاصوات
الله يعينك
الحمد لله على السلامة
وانشا الله انها بسيطة
[IMG]http://www.gmrup.com/out.php/i502466_001.jpg[/IMG]
طبعا هذه هي قبل الحادث
[IMG]http://www.gmrup.com/out.php/i502475_015.jpg[/IMG]
[IMG]http://www.gmrup.com/out.php/i502474_014.jpg[/IMG]
[IMG]http://www.gmrup.com/out.php/i502473_013.jpg[/IMG]
[IMG]http://www.gmrup.com/out.php/i502472_012.jpg[/IMG]
[IMG]http://www.gmrup.com/out.php/i502471_011.jpg[/IMG]
[IMG]http://www.gmrup.com/out.php/i502470_010.jpg[/IMG]
[IMG]http://www.gmrup.com/out.php/i502469_009.jpg[/IMG]
[IMG]http://www.gmrup.com/out.php/i502468_008.jpg[/IMG]
[IMG]http://www.gmrup.com/out.php/i502467_007.jpg[/IMG]
[/B]
طبعا كتبت قصيده فيها بيتين
هاذي سيارتي قبل الحادث لايجيها ....... فقدتها والله على انها اخدمتني
نعنبوا غــيرها يازيـــن ممـــشاهـــا ....... ولا شفت منها شيء يزعلــــني
وشوفها هاذي بعد الحادث ما جاها ...... كرهت الهوندا وسلم على الالماني[/CENTER]
اول شي اذا الصقعه وصلت شاصييه السيارة ريح بالك وبيعها ولا راح تكلفك كثير خذها نصيحه وبيعها
اقتباس:
المشاركة الأصلية كتبت بواسطة hmh007
يعطيك العافيه اخووووي هي مايحتاج البيعه فيها فيها والصدمه وصلت للماكينه
يتبــــــــــــــــــــــــــع
[IMG]http://www.gmrup.com/out.php/i502544_025.jpg[/IMG]
[IMG]http://www.gmrup.com/out.php/i502543_024.jpg[/IMG]
[IMG]http://www.gmrup.com/out.php/i502542_023.jpg[/IMG]
[IMG]http://www.gmrup.com/out.php/i502541_022.jpg[/IMG]
[IMG]http://www.gmrup.com/out.php/i502540_021.jpg[/IMG]
[IMG]http://www.gmrup.com/out.php/i502539_017.jpg[/IMG]
[IMG]http://www.gmrup.com/out.php/i502538_016.jpg[/IMG]
عطوني رايكمِ
الحمد لله على السلامه ,,
انا انصحك اقرب تشليح وبيعها ..
اتوقع تكلفك واجد واجد
الحمد الله على السلااااامه
نصيحتي لك اقرب تشلييييح
والله يعوضك بالي ازين منها
وديها على مزاد الرياض الدولي وبيعها عندهم
لان في ناس واجد مهبل يشترون سيارات مصدومه وباسعار خياليه
___
...واسأل مجرب هوندا مصدومه ماراح ترجع زي اول نهائيا وكل يوم خراب
والله يعوض عليك
اقتباس:
المشاركة الأصلية كتبت بواسطة المـــــلكـ اكـــــورد
رحت لشيخ المعارض عشان يقدر السياره
وقدرها قبل الحادث بـ 50000 الف ريال وبعد الحادث بـ 15000 الف ريال
يعني قيمة تصليحها بـ 35000 الف ريال طبعا على الطرف الثاني اللي عليه الخطأ
وقابلت باكستاني يقول انا بشتريها منك 23000 الف ريال قلت خلاص مافيه اي مشكله
واذا كان المزاد بيجب اكثر من سومه الباكستاني بعتها على طوووول
الحمد لله على سلامتك
وماتشوف شر ثاني ان شاء الله انتا وجميع المسلمين
الحمدلله على السلامة
نصيحتي لك علطول بدون أي تفكير بيعها أفضلك
لأنك لو تبي تصلحها ماراح ترتاح فيها وتطيح من عينك
الله يعوظك خير منها
الحمدلله على سلامتك يا خوي
العوض على الله
الحديد يتعوض بس الروح ما تتعوض
ما تشوف شر
بس أقولك أذا نا وي تصلحها خذللك وجهيو كاملة أحسنلك و أرخص
يعني ربع الأمامي كامل في التشاليح موجودين كاملين
تحياتي
انا انصحك تصلحها اي كلام وتبيع
يعني تشتري قطع تجاري وارخص ورشه ومش حالك
وروح بيعها بنفسك تقل خسارتك
يعني تقريبا القطع بتكلفك تجاري 11000تقريبا
شغل اليد 3500تقريبا
يعني تكلفك 14500
وبعدها راح تبيعها بـ41000 تزيد او تنقص
والدليل الباكستاني لو انه ما بيكسب فيها ما سامها 23000
8
8
8
كلام صحيح
اقتباس:
المشاركة الأصلية كتبت بواسطة saalmalki
كلامك ياخوووي في محله تهقا اذا صلحتها بإذن الله بتجيب قيمه
والله احس اني بخسر واجد لانهم يقوووولون انها وصلت للماكينه
الله يعوضك خير يارب ..
والحمدلله على سلامتك ؛ والحديد يتعوض ..
أف أف أف:eek:
الحمد لله علا السلامة
أخوي والله أنصحك نصيــحة تبيعها
الحمدلله على السلامة
بس أنصحم يا أخوي
يوم تبيعها لا تبيععها الى وانت تقول لراعيها وش الي فيها لأن والله بيدعي عليك وهو مظلوم
فحرام انك تكسب خمس ألاف بدعوة يمكن تستجيب من الله
الحمد لله على السلامه ما تشوف شر الصراحه الحادث قوي :(
واهم شي طلعت منه سالم
والله ونا اخوك انصحك تبيعها وش بتصلح فيها من وجهيه لديكور لايرباق
ونت براحتك
يالطييييييييييييف ...
الحمدلله على السلامة،، والله يجعلها اخر حوادثك.
اخوي 23 الف حلوه ،، ولا انك تصلحها وتبيعها على واحد !! وش الفائده تكسب كم الف ويقعد يدعي عليك الي بيشتريها !!!
اذا انك تعطيه بالتفصيل وش الي صار بالسياره ... وبكذا مااتوقع بتجيب لك وقتها فوق 35 الف !!
ربي يسهلكـ كل امورك والحمدلله عالسلامه مره ثانيه
اقتباس:
المشاركة الأصلية كتبت بواسطة أسير المشاعر
لا انا موب ناوووي اصلحها ناووي ابيعها
طبعا لين يردلي التأمين
الحمد لله على السلامه
ثاني شي صلحها اي كلام وبيعها
وصدقني اعرف ناس واجد يصدمون ويصلحون اي كلام ويبيعون