مشكلتي اكـورد 2008 v6

السلام عليكم
يسعدني الانضمام معكم في المنتدى وشاكر لأدارة المنتدى والاعضاء على الجهود المبذوله

ندخل في الموضوع
هذي اول مشاركه واتمنا ان اجد الحل

كورد 2008 V6 عندي مشكله بعد شراء السياره من الوكاله بــ 4 شهور
توجد رجه في السياره والطاره (الدركسيون ) خفيفه من عند السرعه 110 وفوق وتختفي في بعض الاحيان
لكن بعد 140 تستمر الرجه وتزيد مع زيادت السرعه بشكل كبير على 190 تحس ان السياره راح تنقلب :eek: فلم رعب

تم ادخال السياره الى الوكاله ( خريص ) 5 مرات تم تبديل الكفرات مرتين كفرات جديده من قبل الوكاله والمشكله مستمره تم الترصيص والتشيك على الجنط وتبديل موقع الكفرات من قبل الوكاله مع الوزن ونفس المشكله مستمره الوكاله تقول السياره سليمه. تشيك الوكله يطلعون يتمشون في السياره من 60 الى 100
3 مرات اركب معي الفني من القهر:mad: امشي فيه اكثر من 200 ابي يحس ويشوف الرجه وبعدين يقول دخل السياره الصيانه وبعد كذا رفض اي فني يركب معي :d لتشيك

ذهبت الى الصنعيه عند كم واحد مشهور في الترصيص والوزن ( كلهم نصابين ) الي يقول غير الكفرات وهي جديد والثاني يقول مسعدات وغيره يقول ركب جنوط 16 احسن وكلام كثير .........

ارجو الافاده :sos:

بصرحه السياره كذا :cool: وزياده كذوين :cool::cool: لالا 3 كذوات :cool::cool::cool:
هذي مشكلتي الوحيده التي ذكرت

مرررحبا


غريبه كثرت الدخول على المشاركه ولا يوجد اي رد يا اخوان ارجو طرح بعظ الاقتراحت او تخمين للمشكله لعله وعسى ان اجد حل

شاكر لكل من دخل على الموضوع

متأكد الجنط سيلم ., ما يكون فيه طقه ., أو أعوج .,

لا يكونــــ عينـــ << وسوسهــ

لاجد يمكنــ واحد شافهــ قالـ أحــ يالبا الستهـ سلندر

وجاب خبررركـــ

بعد اربعة شهور بدأت المشكلة


تقدر تقول لنا خلال الاربع شهور ايش الاشياء اللي سويتها بالسيارة؟ مثلا هل ركبت جنوط غير او مثلا صدمت بالسيارة ولو صدمة بسيطة من الامام او من الاسفل؟

اقتباس:

---

المشاركة الأصلية كتبت بواسطة ahn

متأكد الجنط سيلم ., ما يكون فيه طقه ., أو أعوج .,

---

الجنط سليم وتم التشيك على جميع الجنوط عدة مرات حتى الاستبنه

اقتباس:

---

المشاركة الأصلية كتبت بواسطة حبيب هنادي

لا يكونــــ عينـــ << وسوسهــ

لاجد يمكنــ واحد شافهــ قالـ أحــ يالبا الستهـ سلندر

وجاب خبررركـــ

---

العين حق الله العالم وبشوفلي يوم احرج على السياره مع العلم انا اذاعة القران قليل ما اغيرها

اقتباس:

---

المشاركة الأصلية كتبت بواسطة بلال العلمي

بعد اربعة شهور بدأت المشكلة


تقدر تقول لنا خلال الاربع شهور ايش الاشياء اللي سويتها بالسيارة؟ مثلا هل ركبت جنوط غير او مثلا صدمت بالسيارة ولو صدمة بسيطة من الامام او من الاسفل؟

---

لله الحمد والشكر السياره شد بلد لايوجد اي اضفات او تعديل ولا يوجد اي صدمات فقط تغير زيت وتعبأت بنزين


يعطيكم العافيه

اقتباس:

---

المشاركة الأصلية كتبت بواسطة بيدرو

الجنط سليم وتم التشيك على جميع الجنوط عدة مرات حتى الاستبنه










العين حق الله العالم وبشوفلي يوم احرج على السياره مع العلم انا اذاعة القران قليل ما اغيرها




لله الحمد والشكر السياره شد بلد لايوجد اي اضفات او تعديل ولا يوجد اي صدمات فقط تغير زيت وتعبأت بنزين


يعطيكم العافيه

---

طيب هل يسوقها احد غيرك؟

اقتباس:

---

المشاركة الأصلية كتبت بواسطة بلال العلمي

طيب هل يسوقها احد غيرك؟

---

مرررحبا
السياره وكاله تحت رجلي فقط فني الوكاله الشخص الوحيد إلي ساق السياره

اقتباس:

---

المشاركة الأصلية كتبت بواسطة بيدرو

مرررحبا
السياره وكاله تحت رجلي فقط فني الوكاله الشخص الوحيد إلي ساق السياره

---

هل لاحظت المشكلة بعد قيادة الفني لها مباشرة؟

اقتباس:

---

المشاركة الأصلية كتبت بواسطة بلال العلمي

هل لاحظت المشكلة بعد قيادة الفني لها مباشرة؟

---

يسعدني حوارك
الفني جرب السياره بعد حدوث المشكله

والله ياخوي بيدرو

مشكلتك عويصة الله يخلصك منها على اهون سبب

صراحة الوكالة والشباب ما قصروا

يعني كل الاشياء اللي ممكن تأثر في الرجة على كلامك تم فحصها والتأكد من سلامتهااا

انا برأيي شيك عالعكوس وعلى جلدهم ممكن المشكلة بسببهم

او على رومان الكفرات وعلى الكليبرات والهوبات

وان شالله بتلاقي حل لمشكلتك وبتصير تمشي 260 بدون لا رجة ولاصوت :cool:

اما 260 هذه كثر منهاااااا حدك 217 هاااا :d

تحياتي لك

والمشكلة الثانية ان الوكالة بنفسها مالقيت حل
واحنا نشوف الوكالة انها ملائكة .. وهم والله ماعندهم ماعند جدتي
الله يكون في عونك ياخوي بيدرو.. بس تأكد تماما ان لها حل ان شاء الله
شوف الهوبات.. احتمال منها ترى..

اقتباس:

---

المشاركة الأصلية كتبت بواسطة abujawad

والله ياخوي بيدرو

مشكلتك عويصة الله يخلصك منها على اهون سبب

صراحة الوكالة والشباب ما قصروا

يعني كل الاشياء اللي ممكن تأثر في الرجة على كلامك تم فحصها والتأكد من سلامتهااا

انا برأيي شيك عالعكوس وعلى جلدهم ممكن المشكلة بسببهم

او على رومان الكفرات وعلى الكليبرات والهوبات

وان شالله بتلاقي حل لمشكلتك وبتصير تمشي 260 بدون لا رجة ولاصوت :cool:

اما 260 هذه كثر منهاااااا حدك 217 هاااا :d

تحياتي لك

---

الله يسعد ايامك
كل مذكرت تم التشيك عليه عدت مرات والحمد لله سليمه ما اسرع غير في مسكة خط 150 الى 160 خلاص ودعنا الهبال
الغريب في الامر ان الرجه مرات تزيد ومرات تخف

تقبل تحياتي

اخوي بالنسبة للرجفة هذه بعد التشييك هذا كله يكون فقط محتاج تربيط


روح محل ميزان وقول له ابيك تسوي لي تربيط وخليه يربط لك بس بوزنية محددة وبتروح معك الرجفة باذن الله

وعليكم السلام

هلا والله اخووووي وحياك

انا صارتلي نفس مشكلتك بس من 90 الى 110 وتروح الرجه خفيف مره بس تعور الايد

المهم دخلتها للوكاله وركب معي الفني الفلبيني الدبدوب الشايب والحبيب شطح فيني لين مخرج رماح :confused: حسيته بيخطفني << تكفى المهم وغيروا لي الهوبات والفحمات وبعدها ماصار شئ :cool:

اقتباس:

---

المشاركة الأصلية كتبت بواسطة المايسترو77

والمشكلة الثانية ان الوكالة بنفسها مالقيت حل
واحنا نشوف الوكالة انها ملائكة .. وهم والله ماعندهم ماعند جدتي
الله يكون في عونك ياخوي بيدرو.. بس تأكد تماما ان لها حل ان شاء الله
شوف الهوبات.. احتمال منها ترى..

---

يسعد ايامك
الوكاله عشان الضمان اروح
مع العلم ان الورشه تفتقر لعديد من الالات والاجهزه الحديثه ونقص في بعض الخبرات
الهوبات سليمه وللعلم تم تغير الفحمات مره واحدع قبل 5 شهور والاوضع كما هيا

واجمل تحيه

تمنيت ان الشباب لقولك الحل
لاني بصراحه لا اعلم
والله يعينك على مشكلتك وتنحل ان شاء الله

اقتباس:

---

المشاركة الأصلية كتبت بواسطة بلال العلمي

اخوي بالنسبة للرجفة هذه بعد التشييك هذا كله يكون فقط محتاج تربيط


روح محل ميزان وقول له ابيك تسوي لي تربيط وخليه يربط لك بس بوزنية محددة وبتروح معك الرجفة باذن الله

---

هلا فيك
من كثر التربيط عند الوكاله المسمير تجمدت
رحت كذا محل ميزان مشهور وغير مشهور وخساره بدون فايده
شاكر اهتمامك

اقتباس:

---

المشاركة الأصلية كتبت بواسطة ღღ 3eo0oney...ღღ

وعليكم السلام

هلا والله اخووووي وحياك

انا صارتلي نفس مشكلتك بس من 90 الى 110 وتروح الرجه خفيف مره بس تعور الايد

المهم دخلتها للوكاله وركب معي الفني الفلبيني الدبدوب الشايب والحبيب شطح فيني لين مخرج رماح :confused: حسيته بيخطفني << تكفى المهم وغيروا لي الهوبات والفحمات وبعدها ماصار شئ :cool:

---

مرررحبا فيك
كما ذكرت الهوبات سليمه من كثر المشاكل مع الوكاله غيرولي الكفرات مرتين على الضمان والمشكله مستمره
الفنين في الوكاله يرفضون يركبون وانا اسوق هم يبون يسقون بعد كذا تجربه
ماني عارف وين المشكله ولله الحمد عندي خبره في مشاكل السيارات لكن مثل هذي المشكله الي مرت على غريبه مرره

مقدر مشاركتك

اقتباس:

---

المشاركة الأصلية كتبت بواسطة hatem242

تمنيت ان الشباب لقولك الحل
لاني بصراحه لا اعلم
والله يعينك على مشكلتك وتنحل ان شاء الله

---

مرررحبا
شاكر دخولك الموضوع وهذا دليل على فزعتك
والشباب فيهم الخير والبركه في طرح المساعده والعون

مشكوووور

المشكلة هذه لها اسباب

1- الرمانات

2- الاطارات

3- المساعدات

4- الدودة في حال وجود فضاوة في اسنانها او الجريدة المسننة

5-ايضا الجنوط في حال كان هناك طعجات بها




اي من الامور التالية تأكدت منها تأكدا كاملا في الوكالة؟

اقتباس:

---

المشاركة الأصلية كتبت بواسطة بلال العلمي

المشكلة هذه لها اسباب

1- الرمانات

2- الاطارات

3- المساعدات

4- الدودة في حال وجود فضاوة في اسنانها او الجريدة المسننة

5-ايضا الجنوط في حال كان هناك طعجات بها




اي من الامور التالية تأكدت منها تأكدا كاملا في الوكالة؟

---

شاكر لك اهتمامك يعطيك العافيه
بدون مبالغه الوكله شيكت تشيك كامل اخر مرتين وقفة السياره عندهم وكنت حاضر وقت التشيك
كان المهندس يتمنا يشواف اي مشكله بسيطه عشان يفتكون مني <--- وحد نشبه
المشكله لها اكثر من سنه ونص والوضع مستقر كما هو عليه لازياده او نقص
ومسلسل الوكاله مستمر (على الضمان)

يسلمووون على التفاعل

اقتباس:

---

المشاركة الأصلية كتبت بواسطة بيدرو

شاكر لك اهتمامك يعطيك العافيه
بدون مبالغه الوكله شيكت تشيك كامل اخر مرتين وقفة السياره عندهم وكنت حاضر وقت التشيك
كان المهندس يتمنا يشواف اي مشكله بسيطه عشان يفتكون مني <--- وحد نشبه
المشكله لها اكثر من سنه ونص والوضع مستقر كما هو عليه لازياده او نقص
ومسلسل الوكاله مستمر (على الضمان)

يسلمووون على التفاعل

---

وقف السيارة وطفي السيارة وخلي وضعية السويتش على on


لف الدركسون بشكل خفيف يمين ويسار بشكل خفيف ومستمر وشوف اذا فيه صوت واضح يطلع من عند الكبوت من الجهة الخفية للمحرك والافضل تخلي احد يسمع الصوت من برة

الان ياليت تسويها

اقتباس:

---

المشاركة الأصلية كتبت بواسطة بلال العلمي

وقف السيارة وطفي السيارة وخلي وضعية السويتش على on


لف الدركسون بشكل خفيف يمين ويسار بشكل خفيف ومستمر وشوف اذا فيه صوت واضح يطلع من عند الكبوت من الجهة الخفية للمحرك والافضل تخلي احد يسمع الصوت من برة

الان ياليت تسويها

---

مررررحبا فيك
ابشر راح اسويها لاكن بعد العصر الان انا في الدوام <---- مسكين معنده اجازة عيد
ورح اعطيك خبر

على فكره متى دوام الوكاله بعد العيد

مباشرة بعد العيد


بس ياليت تسويها اليوم وابيك تتأكد من الصوت وتوصفه لي

اقتباس:

---

المشاركة الأصلية كتبت بواسطة بلال العلمي

مباشرة بعد العيد


بس ياليت تسويها اليوم وابيك تتأكد من الصوت وتوصفه لي

---

هلا وغلا

تمت التجربه لف الدركسون بشكل خفيف يمين ويسار وبشل سريع ومره بطيء لا يوجد صوت
تمت التجربه الثانيه لف الدركسون بقوه يمين ويسار وعند الف بشكل سريع وبقوه فيه صوت تكه خلف الكفر لكن هذا الصوت طبيعي تقريبا في كل السيارات

يعطيك العافيه لاخلا ولاعدم

وش رايك تشوف ., واحد عنده أكورد ., وتا خذ كفراته., وتركبها ع سيارتك ., وتجرب .,

اقتباس:

---

المشاركة الأصلية كتبت بواسطة ahn

وش رايك تشوف ., واحد عنده أكورد ., وتا خذ كفراته., وتركبها ع سيارتك ., وتجرب .,

---

هلا فيك

الفكره حلوه وجات على بالي المشكله يليت احصل شخص عنده جنط 17 وامون عليه (لزم امون عليه)

لك اجمل تحيه

اخوى في الوكالة يغيروو الدودة الى تيجي تحت الهوب وياليت تتاكد انهم غيروهااا او لسة ما غيروههها

اقتباس:

---

المشاركة الأصلية كتبت بواسطة بيدرو

هلا فيك

الفكره حلوه وجات على بالي المشكله يليت احصل شخص عنده جنط 17 وامون عليه (لزم امون عليه)

لك اجمل تحيه

---

اذا بالدمام ., ارسلي رساله ع الخاص ;)

اقتباس:

---

المشاركة الأصلية كتبت بواسطة shbab-jaddah

اخوى في الوكالة يغيروو الدودة الى تيجي تحت الهوب وياليت تتاكد انهم غيروهااا او لسة ما غيروههها

---

هلا فيك
اخوي السياره سليمه الهوبات والمقصات والمسعدات والدوده ولايوجد اي تهريب ولا فضاوه ولا اي ميلان
شاكر مرورك

اقتباس:

---

المشاركة الأصلية كتبت بواسطة ahn

اذا بالدمام ., ارسلي رساله ع الخاص ;)

---

يا بعدهم
الهوا شرقي وغاوي الشرقيه
حبيب قلبي تواجدي في الرياض والمشكله ماعندي اجازه في العيد كان تحصلني عندكم ونسير على الجسر ان شاء الله في اقرب فرصه اروح على الشرقيه راح ارسلك
حبايبي واخواني اهل الشرقيه

أنا أقولك الحل توقف السيارة عندهم وسيدا للمدير وأعطيه مفتاح السيارة وقله هذي سيارتكم ياتحلون المشكله ولاتعطوني سيارة جديدة

لو قالولك صعبة قولهم لي فتره وأنتم ماحليتم المشكله >>> من حقك تطالبهم بسيارة جديدة

وحاول تراسل الشركه الام الي في اليابان

اقتباس:

---

المشاركة الأصلية كتبت بواسطة ::: كـاكـا :::

أنا أقولك الحل توقف السيارة عندهم وسيدا للمدير وأعطيه مفتاح السيارة وقله هذي سيارتكم ياتحلون المشكله ولاتعطوني سيارة جديدة

لو قالولك صعبة قولهم لي فتره وأنتم ماحليتم المشكله >>> من حقك تطالبهم بسيارة جديدة

وحاول تراسل الشركه الام الي في اليابان

---

يا هلا فيك
بأمكاني استقعد للوكاله وارفع انواع الشكوه لكن كم من الوقت راح استمر
وللعلم السيارات حضوض غيري يشتكي من الفحمات واصوات في الدكور وحذفه ونضام التكيف وصوت حنه في المكينه وتنسيم صوت الهوا وعدت مشاكل والبعض لايشتكي من شي
افتراض غيرت السياره بجديده واتضح وجود مشكله يمكن تكون اكبر راح نعيد نفس السناريو مع الوكاله
لكن راح استمر مع الوكاله الى ان يزهقون ومقتنع بسياره لأبعد الحدود
ماتدري وش سويت فيهم نص الوكاله يعرفوني واذا جيتهم يضيفوني <---- شكله مسوي مشاكل

وشاكر مرورك وتعقيبك

اخوي المشكلة عندك اما من الجنوط او من الاطارات

اذا انها على سرعة معينة فاعلى هذه مشكلة كفرات او جنوط ولا شيء غير ذلك

طيب ليه ما جربت تفحص كمبيوتر وتشوف واذا طلعت المشكله روح للوكاله وورهم ورقة الفحص وبكذا تريح راسك

اقتباس:

---

المشاركة الأصلية كتبت بواسطة مجنون اكورد 07

طيب ليه ما جربت تفحص كمبيوتر وتشوف واذا طلعت المشكله روح للوكاله وورهم ورقة الفحص وبكذا تريح راسك

---

الكمبيوتر يطلع لك مشاكل الحساسات والالكترونيات وضغط بساتم المحرك فقط لكن ما يقدر يحدد لك تحت ايش المشكلة

طيب تاكدت من منظم الهواء
لان المهندس يقولي هذه القطعه حساسه ومهمه وهي سبب الرجه في اكثر سيارات هوندا

^^^ اقرا الموضوع كويس يا عزيزي ^^

اقتباس:

---

توجد رجه في السياره والطاره (الدركسيون ) خفيفه من عند السرعه 110 وفوق وتختفي في بعض الاحيان

---

اقتباس:

---

المشاركة الأصلية كتبت بواسطة بلال العلمي

اخوي المشكلة عندك اما من الجنوط او من الاطارات

اذا انها على سرعة معينة فاعلى هذه مشكلة كفرات او جنوط ولا شيء غير ذلك

---

ربي يعافيك
وارجح كلامك بشكل اكبر واكثر الشك في الجنط . لأنا عملية تشيك الجنط فيها صعوبه والاجهزه الموجوده في الوكاله او الورش غير مخصصه في قياس وتشيك على الجنط على سرعات عاليه التشيك عندنا بأجهزة عاديا او بنظر والتحسس بلمس
استبعد فكرت الكفرات كانت الكفرات مشلان وغيرت الوكاله بكفرات مشلان نفسه طلبيه من جده واستمرت المشكله وتم التغير مره اخره الى كفرات دانلوب من قبل الوكاله ونفس المشكله
ومحاولات كثيره مع الوكاله لتغير الجنوط لكن رفضو بحجة الجنوط سليمه مافيها اي عيب او مشكله
فيه مهندس في الوكاله رفع السياره وجاب حاجه زي القلم ويحط علامات وقال اذا جيت التشيك الجاي بلغني وجيته على التشيك وفحص السياره ويشوف العلامات وقال سيارتك جديده واكثر من ممتازه

تعبتك معي اخوي بلال الله يجزيك الجنه

اقتباس:

---

المشاركة الأصلية كتبت بواسطة مجنون اكورد 07

طيب ليه ما جربت تفحص كمبيوتر وتشوف واذا طلعت المشكله روح للوكاله وورهم ورقة الفحص وبكذا تريح راسك

---

مرررحبا فيك
اذا كان قصدك الميزان والترصيص
رحة وخسرت من جيبي كثير من اصحاب الفحص نصبين والبعض يقول كلشي سليم

شاكر اهتمامك

اقتباس:

---

المشاركة الأصلية كتبت بواسطة ابو اروى

طيب تاكدت من منظم الهواء
لان المهندس يقولي هذه القطعه حساسه ومهمه وهي سبب الرجه في اكثر سيارات هوندا

---

مررررحبا

ما فهمت قصدك (( منظم الهواء )) ؟؟