السلام عليكم
اعتقد ان مرّت علي هالمشكلة لكن نسيت كيف حليتها
ممكن اتساعدوني لو سمحتم
جيت اريد اشغل السيارة و حطيت المفتاح لكن...!!
المفتاح ما راضي يلف ابداً يعني ما يتحرك بالمرّة
الحين كيف بشغل السيارة؟؟
عرض للطباعة
السلام عليكم
اعتقد ان مرّت علي هالمشكلة لكن نسيت كيف حليتها
ممكن اتساعدوني لو سمحتم
جيت اريد اشغل السيارة و حطيت المفتاح لكن...!!
المفتاح ما راضي يلف ابداً يعني ما يتحرك بالمرّة
الحين كيف بشغل السيارة؟؟
الدركسون مقفل
حرك الدركسون يمين يسار وانت تحرك المفتاح الين يفك قفل المفتاح والدركسون
كل السيارات كذا :d
:d
اذكر صارت لي اول ماتعلمت السواقة ...
اعتقد نفس ما قال الاخطبوط
شكرا لك يا الاخطبوط و شكرا اللي شاركوا ما قصرتوا
اتذكر اني حركت السكان ...
بس يا ترى تدرون متى تستوي هالحركة؟؟
مثل ما قالوا لك الشباب بس المره الجايه لا اطفي السياره الا والدركسون سيده وانشالله ماراح تتكرر هالمشكله
اقتباس:
المشاركة الأصلية كتبت بواسطة هوندا اكورد 2020
نعم صحيح في مضمون كلامك إجابة لسؤالي في ردّي السابق
سبب هذه المشكلة هي ان وضعية المقود او الدركسون ليست مستقيمة فيجب أن تكون مستقيمة قبل إطفاء المحرك :)
وهذا ما قد استنتجته عندما حدثت لي هذه المشكلة واحببت ان اتأكد منكم
شكرا لك ولهم
حتى لو كانت وضعية الدركسون سليمة ومستقيم
الدركسون راح يقفل بمجرد ان وضع التشغيل هو Off ولفيت الدركسون شوي يمين او يسار
يعني كيف ؟؟:(اقتباس:
المشاركة الأصلية كتبت بواسطة الاخطبوط
يعني لو وقفت السيارة و الدركسون مستقيم ... تتوقع ممكن يقفل معاي؟؟
يقفل معاك اذا حركت الدركسون
اذا حركت الدركسون يقفل ؟؟!!اقتباس:
المشاركة الأصلية كتبت بواسطة اكورد البحرين
واحد يقول لي حركت الدركسون وبيمشي الحال
و الثاني يقول لي يقفل معاك اذا حركته
على العموم انا اليوم قررت احرك السيارة و بجرب
و جزاكم الله الف خير
بشرنا اخوي اش صار معك :)
قفل الدركسون حركه ممتازه
خصوصا انه يصعب سرقتها لو كان الدركسون مقفل
اخوي يقفل معاك اذا حركت الدركسون والمفتاح على الوضع off او المفتاح غير موجود واذا بغيت تفك القفل تفتح فتحة وحدة بالمفتاح وانت تحرك الدركسون يمين ويسار على شان يفتح معك
مشى الحال يا حلواقتباس:
المشاركة الأصلية كتبت بواسطة الأنس
الحمدلله ما عانيت ابدا لكن عاد ان شاء الله حديدة الدركسون ما انكسرت
لأني حركت الدركسون يمين ويسار و بعدين حركت المفتاح و شغلت السيارة اتحركت المفتاح بطريقة طبيعية و لله الحمد لكن خايف ان الدركسون اتأثر
انا شكلي بموت من الوساوس قبل لا ابيع السيارة :(
شكرا لك
:d >>> احسبك تمزح
لا ياخوي هذي زي الحماية
الحين انت اذا طفيت السيارة >>> سواء كان الدركسون على قدام ولا يمين او يسار
وبعدين لفيت الدركسون والسيارة طافية بيقفل الدركسون على طول
اذا بغيت تشغل السيارة والدركسون قافل لازم اونت تبي تلف المفتاح تلف الدركسون بالجهه المعاكسة للي هو مقفل عليها
بعطيك سالفه >>> جاك الراوي ابوفلاح :d
كانت معي كراون وخرب السويتش صار تدخل المفتاح مايلف >>> المهم جبت ميكانيكي الين بيتنا
قال السويتش خربان لازم يتغير
قلت غيره
قام فك السويتش وقال بياخذه معاه للورشه وانا كنت ابي السيارة من بكره اروح فيها الدوام
قال خلاص دخل سكين مكان السويتش وشغلها
الزبده: يوم جيت بكره اشغل السيارة اشتغلت بس وش المشكلة الدركسون مقفل >>> سالفة ضيعت وقتكم :)
مايستفاد من السالفه:
ان تقفيلة الدركسون تمنع السرقه >>> هين والله ان يكسرون القفل بكبره
لا تطفي السيارة وانت ماشي وتطلع المفتاح علبالك بتسوي حركه قدام الشباب لان الدركسونَ سوفَ يقفلُ عليكَ وتروحُ انتَ والسيارةَ في خبر كانَ >>> وش رايك بالحركات
السؤال الأول (عشر درجات):
اعرب ماتحته خط
السؤال الثاني (عشرون درجه):
عندما وجد الاخطبوط الدركسون مقفل ماذا فعل:
أ- رجع ينام وقال لاابوه لابو الدوام :d
ب- دقها كعابي للدوام >>> والله لو انه الرحال ابن بطوطه :p
جـ- قام يتمصلح مع سواق جيرانهم خخخخخخخ :rolleyes:
د- أخذ ليموزين
هـ - كان يوم خميس ومافيه دوام أصلا :confused:
انته قلت لي الامتحان صح و خطأ :( جبت لي اختيارات الله يطلعك يا بو شنب من اللي انقلباقتباس:
المشاركة الأصلية كتبت بواسطة الاخطبوط
شكرا على الإفادة
ترى هذا اللي سويته يوم انقفل الدركسون لفيته بعكس اتجاه القفل و الحمدلله حركت المفتاح و اشتغل ودقيت سلف و طار أخوك بو مفلح
بس ياخي انا ما اشوفها اتفيد في حالة السرقة .. شو اتفيد يعني الحرامي اذا كانت عنده هوندا و يعرف كيف يفتح القفل ( كنّه بيفتح قفل نوكيا اضغط _ الآن اضغط *) خلاص ما بتصعب عليه الامور مدام انه يقدر يسرق السيارة بدون مفتاح:cool:
بالنسبة للسؤال الثاني:
الأخطبوط قرر إنه ياخذ ليموزين لكن قبل مايركب الليموزين شاف سواق جيرانهم توه مشغل سياراته ..ترك الليموزين وراح تمصلح مع سواق جيرانهم , طبعا السواق استغرب وقال له عندكم دوام يوم الخميس .. بعدها الأخطبوط تذكر وراح يدق كعابي لكن للسرير .. ورجع ينام وقال لاابوه لابو الدوام.......شرايك:d
حلوة منك ;)اقتباس:
المشاركة الأصلية كتبت بواسطة A.K.S.F
لكن تعتقد إن دركسون أكوردتي بينقفل مرّة ثانية ؟:(
يا رجال خل عنك الوسوسه تراها مثل ماقالو الشباب حاجه طبيعية وإذا كنت متضايق منها ليش ما تروح الوكالة وتخليهم يشيلونها :cool:
ياخي كرهت الوكالة ما منهم فايدة يوم امر عليهم من برع اشوفهم فاضين وماعندهم شغلة يوم ادخل ابغي اكلمهم بموضوع اشوفهم مشغولين و اللي قام وشل سماعة التليفون وقعد يتكلم واللي دش الحمام و اللي واللي..اقتباس:
المشاركة الأصلية كتبت بواسطة A.K.S.F
يخوفي ان يجي يوم ويطيح اسم هوندا في السوق :confused:
هذا إذا كان الوكيل موجود بس في السعودية يطيح اسم الهوندا ...لا تنسى باقي الدول
ثاني شئ تراها واضحة جدا إذا بغيت تكلمهم تلقاهم مشغولين (يازعم) علشان يبينون لك إنهم نشيطين في العمل ويتمنون الترقية :rolleyes:
اقتباس:
المشاركة الأصلية كتبت بواسطة A.K.S.F
على طاري الترقية ياخي بودّي الهندي اللي جا ف بالي ما يترقى لا بارك الله فيه:mad:
الحين اريد اعرف شو الغاية من قفل الدركسون؟؟ ما داخلة ف بالي سالفة انه يمنع السرقة
شوف عزيزي في الموديلات القديمة بإمكان السارق إنه يشغل السيارة بمجرد ملامسة سلكين لكن ماراح يقدر يلف الدركسون قبل مايزيح لسان القفل الي يمنع دوران الدركسون , لكن في الموديلات الجديدة سواء كان الدركسون مقفول أو لا ماراح تشتغل السيارة لأنها تشتغل عن طريق شريحة إلكترونية مبرمجة على مفتاح معين يعني الدعوة مش سايبه كل من جيء لامس سلكين ملك السيارة<<<< الله ودي اصير مدرس :d
أما شغلة الدركسون بإمكانه يقلع السلف من مكانه ويفتح القفل.
اهااقتباس:
المشاركة الأصلية كتبت بواسطة A.K.S.F
يعني افهم من كلامك ان نظام مانع السرقة اللي في السيارة هو اللي يفيد و يمنع السرقة
أما قفل الدركسون اي كلام يعني السارق يقدر يفك السلف و يفتح القفل نفس ما قلت
شكرا لك استفدنا