تجمع الشرقية قبل الرسمي

عرض للطباعة

عرض 40 مشاركات من هذا الموضوع لكل صفحة

26-12-2009, 01:33 PM
o-k-r

تجمع الشرقية قبل الرسمي

السلام عليكم ورحمة الله وبركاته

شخباركم شباب وش مسوين

وكيف الاهل والأصدقاء والجامعة :)

المهم

صار تجمع في تاريخ 7/1/1431 بدأ الحظور من الساعة 4عصرا

واول الحاظرين الأخ فؤاد الزهراني اللي لعب بمخي اشوي :d

واشوي اشوي حظرو من القطيف العضو حسوني وjack جلسو الى المغرب وتحركوا

واقول لهم مشكورين والجيات اكثر وكل واحد وضروفة

المهم ماعندي شغل رسميات:d

وهذي الصور تتكلم

http://up4.m5zn.com/9bjndthcm6y53q1w.../h3c957148.jpg

http://up4.m5zn.com/9bjndthcm6y53q1w.../88ojmon4q.jpg

http://up4.m5zn.com/9bjndthcm6y53q1w.../1d0kv6a01.jpg

http://up4.m5zn.com/9bjndthcm6y53q1w.../460ztfrlw.jpg

http://up4.m5zn.com/9bjndthcm6y53q1w.../5bv9iaezp.jpg

http://up4.m5zn.com/9bjndthcm6y53q1w.../umnxezd38.jpg

http://up4.m5zn.com/9bjndthcm6y53q1w.../oy3ub6ixc.jpg

http://up4.m5zn.com/9bjndthcm6y53q1w.../ry1u9dqg5.jpg

http://up4.m5zn.com/9bjndthcm6y53q1w.../x91npqllt.jpg

http://up4.m5zn.com/9bjndthcm6y53q1w.../5y8dc0f7i.jpg

وهذا المجسم حق العضو مطنشهم

http://up4.m5zn.com/9bjndthcm6y53q1w.../7qmdmgljb.jpg

وتم توزيع الأستيكر حق المنتدى يعني اللي فاته التجمع فاته الأستيكر:d

طبعا ركبته على سيارات الأعضاء

وهذي صورتين على اكورد عنابي واكورد لؤلؤي

http://up4.m5zn.com/9bjndthcm6y53q1w.../aluf3s5hx.jpg

http://up4.m5zn.com/9bjndthcm6y53q1w.../endptmp94.jpg

وقائمة الحظور

فتى زهران
مطنشهم
عيوني
مووم
جاك
حسوني
اكورد 26
مجنون اكورد 07
كونان
o-k-r
عاشقها 2007
ا ح ح
واذا واحد نسيت اسمه يقولي خل احط اسمه بالقائمة

وبالنسبة اللي يبي استيكر حق المنتدى

عندي كمية حلوة وانا كل ويكند بالدمام واللي وده فيه يقولي واجهزه له

وطبعا تراه ببلاش يعني اركبه على سيارتك واكشخ فيه:d

http://up4.m5zn.com/9bjndthcm6y53q1w.../8mpq1blvm.jpg

وسلام عليكم ورحمة الله وبركاته
26-12-2009, 01:38 PM
ღღ 3eo0oney...ღღ

يعطيك العاااااااافيه o-k-r

ما قصرت وكان التجمع كووووويس يا كويسين ولا يهونون با قي الشباب وما قصروا اللي حضروا وان شاء الله قريب نلتقي :)

بس فيه واحد فقع قلبي مووم وحنا بالمسيره فقع عنوني من كثر ما يكع فرامل بخشتي :mad:

وشئ الثاني ابو جواد ويينه مانشوفه بجي بجي ولا جاء :p

واممم وش بعد ايه موم خرب المسيره بعد :cool:

وما قصر فؤاد زرف الدبدوب بس اخذته هع هع

بس شال الهلال راح بس ما يغلى عليك :o
26-12-2009, 01:41 PM
accordyon

يعطيك العافية :cool:
وفي انتظار البقيه
26-12-2009, 02:41 PM
kakashi-san

وعليكم السلام ..

الحمد لله بخير ..

والله وصرت مب هيّن يا عثمان مع الكام الجديدة ،،

عسى الله يبارك لك فيها وفي انتظار بقيّة الصور .
26-12-2009, 02:58 PM
o-k-r

ولو شباب

هذا ولا شي

وافاا عليك يايوسف

ترى ذا ولا شي توني مابديت فيها صح

وحياكم شباب
26-12-2009, 03:09 PM
AbuJawad

يعطيك الف عافية اخوي

مشالله الجووو كان رايق وحلو
والتجمع حلوو ومميز واتمنيت اني اكون حاضر

والتصوير :cool:

بس للاسف ماقدرت واعتذر لكل الشباب اللي خبرتهم اني رح اجي وماجيت

والله كنت حاب اشوفكم واتعرف عليكم بس صارلي ظرف ماخلاني ااحضر :(

ان شالله الجايات اكثررر

وعشان الاستكر ابغاا واحد :d

متى ماجيت للشرقية عطيني خبرر

تحيااااااتي
26-12-2009, 03:12 PM
o-k-r

ماعندك مشكلة يالخوي

انا الثلوث في الشرقية

وهذا ايميلي o-k-r466@hotmail.com
26-12-2009, 04:30 PM
Mr_3bdullah

ماشاء الله على الهنادي والله ابدااااااااااااااااع مشكور اخوي o-k-r على التقريــــر وننتظر باقي الصور ولا انسى اشكر كل من ساهم في هذا التجمع ولا انسى فتى زهران على مساعدته لي في فك الاستكر القديم وايضا مطنشهم على لكتابة ولا انسى الجندي المجهول مجنون اكورد 07 على مساعدته لي طوال هذا الاسبوع ومشكوورين مرة اخرى وننتظر البقية من عثمان
26-12-2009, 04:54 PM
MoOm

ولا آروع :cool:

يعطيك 7160آلف عافيه :d << لا تدقق في الرقم

بصراحة آحلى شي المطر في التجمع عاطي منظر آليم للهنادي:o

آهنييك ع التصووير يا o-k-r

+
المفروض الي ماحضر التجمع ماياخذ استكر :p يدفع ضريبه غياب
26-12-2009, 05:06 PM
مجوووودي

ماشاءالله تجمع رايق :cool:

عيال ابي ستيكر :(
26-12-2009, 05:20 PM
hassony744

خسارة ما جيت معاكم بس ان شاء الله المرة الجاية اجي انا ما سجلت في التجمع لان
هالايام الي فية التجمع ما اقدراحظر فيها بس ان شاء الله في المرة الجاية معاكم
انا عبرت هناك ومشيت على السريع
26-12-2009, 05:21 PM
hassony744

ولاتنسوانا في الاستيكر
26-12-2009, 06:13 PM
AbuJawad

اقتباس:

المشاركة الأصلية كتبت بواسطة MoOm

المفروض الي ماحضر التجمع ماياخذ استكر :p يدفع ضريبه غياب

انا اسف والله لان ما قدرت احظر:(

والله لو تعرف ظرفي مارح تلومني

عالعموم وعد مني التجمع الجاي اني اكون اول الحاضرين

وعلى شاي + 1 كيلو با جة + فطاير شغل الوالدة :cool:

تكفى هالضريبة ولااا

تحياتي لكم
26-12-2009, 06:14 PM
اكورد026

بصراحه في التصوير ابدااااااااااااااعــ

الف شكر ع التقرير والصور

والله طلعت مخرج ياخطيرر

وان شاء الله ماننقطع عن هيك تجمعاات

واشكر الجميع وخاصه فتى زهران على التنظيم

وعيوني من حضوره من الرياض

وo-k-r على التصوير

وجمييع الاعضاء

ومعليك الويكند ذا بتصل عليك مشان الاستكر>>مشان متعوب عليها هع هع
26-12-2009, 07:42 PM
M63

بيض الله وجيهكم ماقصرتوا واعذورنا مادرينا عنه
26-12-2009, 07:46 PM
MoOm

اقتباس:

المشاركة الأصلية كتبت بواسطة AbuJawad

انا اسف والله لان ما قدرت احظر:(

والله لو تعرف ظرفي مارح تلومني

عالعموم وعد مني التجمع الجاي اني اكون اول الحاضرين

وعلى شاي + 1 كيلو با جة + فطاير شغل الوالدة :cool:

تكفى هالضريبة ولااا

تحياتي لكم

دام الفطاير شغل الوالدة سامحناك :o

:d
26-12-2009, 07:50 PM
AHN

مشاء الله ., تجمع حلـــو .,
وكلن له ظروفـــه :(
26-12-2009, 07:51 PM
MoOm

اقتباس:

المشاركة الأصلية كتبت بواسطة o-k-r

وقائمة الحظور

فتى زهران
مطنشهم
عيوني
مووم
جاك
حسوني
اكورد 26
مجنون اكورد 07
كونان
o-k-r
عاشقها 2007
ا ح ح
واذا واحد نسيت اسمه يقولي خل احط اسمه بالقائمة

نسيت هو2007ندا

وكنو هذا شسمه راعي الاكورده السوده اممم :confused:

عاشق ذكريات مدري وشو << الي جنوطه حمرا :p
:d
26-12-2009, 08:09 PM
o-k-r

ههههههههههه

حياكم الله شباب

واللي يبي الأستيكر مثل ماقلت لكم

انا يوم الثلاثاء موجود بين الدمام والخبر

وان شالله بنزل بعد كم صورة زيادة
26-12-2009, 10:02 PM
ذكريآإت عآإشق

اعتراااااااض .. وين آإسمي انا صج ما طولت بس يعتبر حظرت :d

مدري اذآإ نسيتني خيو ولا لأ .. بس عآإدي ما صآر الا كل خيرر

والصور مره خطيره وهذي زيادة صورة من عندي كنت مصورهآإ

http://khazn.com/uploads/images/k-0a...c1eca8427d.png

وعلى فكرة ترى شلت حركة الجنوط :p
26-12-2009, 10:28 PM
مطنشهم

o-k-r قليله بحقك مشكور

صراحه شغل حلو ومتعوب عليه والصور اوم الروقان بالذات اللي بالليل مع المطر

ومشكور على تصوير المجسم

وشكر لكل الحظور من اولهم لاخرهم

والف شكر على هيك استكرات روعه

بنتظار باقي الصور يا مبدع المنتدى
26-12-2009, 10:53 PM
o-k-r

ولو محمد مافيها شي

^_^

وان شالله التجمعات الجاية افضل

وخلاص ماراح انساك يالخوي

لأنك حضرت اشوي ومشيت الله يهديك لوانك جالس كان استانست اكثر
26-12-2009, 11:01 PM
Honda*2008

ما شاء الله
تبارك الله تجمع بطل
و
اشكر القائمين عليه
26-12-2009, 11:03 PM
accordyon

عثمان ياخطير انت
ردي الأول كان على صورتين
ويوم شفت باقي الصور ماقدرت امر بدون رد
مبدع تصوير+ تنظيم سيارات
يعطيك الف الف عافيه :cool:
26-12-2009, 11:34 PM
o-k-r

حياك الله اخوي عبدالله ^_^
26-12-2009, 11:46 PM
S A M I

سلااام عليكم

ماشاء الله التجمع حلو والتصوير الاحلى والجو مو بطاال

طيب عثمان الي بالمدينة ويبغا استكر :d

لو تقدر تنزل صورة وانا اطبعه اكون شاكر لك
26-12-2009, 11:57 PM
أبو الريش

هنيئا لكم على هذا التجمع الخفيف اللطيف
والي ازداد حلاوه مع جلسة الشباب و التعارف م بعضهم البعض
يعطيك العافيه يا عثمان و جميع الشباب

محبكم,, أبو الريش

>>>:dما شفتوا راعي البي ام مر عليكم ؟!:d<<<
27-12-2009, 01:48 AM
مجنون اكورد 07

يعطيك العافيه اخوي عثمان وما قصرت وكل اللي جو ما قصرو يعطيهم العافيه :cool:
27-12-2009, 08:24 AM
MoOm

اقتباس:

المشاركة الأصلية كتبت بواسطة أبو الريش

>>>:dما شفتوا راعي البي ام مر عليكم ؟!:d<<<

>>>:pشفنا راعي جمس يمكن هو .!!:p<<<
27-12-2009, 08:26 AM
فتى زهران

اقتباس:

المشاركة الأصلية كتبت بواسطة ღღ 3eo0oney...ღღ

يعطيك العاااااااافيه o-k-r

ما قصرت وكان التجمع كووووويس يا كويسين ولا يهونون با قي الشباب وما قصروا اللي حضروا وان شاء الله قريب نلتقي :)

بس فيه واحد فقع قلبي مووم وحنا بالمسيره فقع عنوني من كثر ما يكع فرامل بخشتي :mad:

وشئ الثاني ابو جواد ويينه مانشوفه بجي بجي ولا جاء :p

واممم وش بعد ايه موم خرب المسيره بعد :cool:

وما قصر فؤاد زرف الدبدوب بس اخذته هع هع

بس شال الهلال راح بس ما يغلى عليك :o

اما زرفت الدبوب والله يادب انا مازرفته انا بس بغيت وقت التصوير يعني نوعا من التغيير <<<< هع :d

اما شال الهلال ما ادري عنه لاتبلاني فيه وان كان اني شفته في السياره بعطيك اياه

بس تراه مو انا اللي حطيته اللي حاطه النصراوي <<<< كوناااان هو اللي رماه في السياره حاقد :d

لكن ابشر مالك الا ارجع لك وبعد وش تبي اغسله لك :d

شااااااااااااااااااوووو
27-12-2009, 08:26 AM
ღღ 3eo0oney...ღღ

اقتباس:

المشاركة الأصلية كتبت بواسطة MoOm

>>>:pشفنا راعي جمس يمكن هو .!!:p<<<

:d وقفوا عندنا وجالسين يستنزلون :d
27-12-2009, 08:28 AM
ღღ 3eo0oney...ღღ

اقتباس:

المشاركة الأصلية كتبت بواسطة فتى زهران

اما زرفت الدبوب والله يادب انا مازرفته انا بس بغيت وقت التصوير يعني نوعا من التغيير <<<< هع :d

اما شال الهلال ما ادري عنه لاتبلاني فيه وان كان اني شفته في السياره بعطيك اياه

بس تراه مو انا اللي حطيته اللي حاطه النصراوي <<<< كوناااان هو اللي رماه في السياره حاقد :d

لكن ابشر مالك الا ارجع لك وبعد وش تبي اغسله لك :d

شااااااااااااااااااوووو

:d

لا خله عندك تتذكرني فيه :p

فصلت واحد طول السيارة بص الله يستر ما تجي دوريه وتنشبلي عليه :(
27-12-2009, 08:36 AM
فتى زهران

والله ياشباب انا عاجز عن الشكر

لكم جميعا دون إستثناء

ولكنني أخص بالشكر الجزيل المبدع والفنان

أخونا ( o-k-r ) بصراحه أشكره كل الشكر

على ماقام به مشكورا في التصوير والترتيب والمجهود الجبار

الذي قام به من تنسيق السيارات أثناء التصوير وأثناء المسيرة

كما أنني لا أنسى أخي وحبيبي عيووووووووني

الذي تعنى عناء الطريق من الرياض وإلى الشرقيه ومن كانوا بصحبته

وهذا فقط لكي يحضر معنا في هذا التجمع البسيط

له جزيل الشكر والعرفان

ولكم أنتم جزيل الشكر والعرفان على حضوركم وعلى تعاونكم

مع أنه حصل مني بعض التجاوزات على بعض الشباب ولكنها

يعلم الله من باب المحبة وكسر حاجز الحياء والخجل بيننا

فإن كان أي واحد منكم حضر التجمع وسمع مني مايسيء إليه

فإنني أرجوا أن يلتمس لي هذا العذر وأن يسامحني

لكم فائق المودة والمحبة جميعا

.
.
.
27-12-2009, 08:37 AM
فتى زهران

اقتباس:

المشاركة الأصلية كتبت بواسطة ღღ 3eo0oney...ღღ

:d

لا خله عندك تتذكرني فيه :p

فصلت واحد طول السيارة بص الله يستر ما تجي دوريه وتنشبلي عليه :(

الله يرزقك اللي في بالي :d
27-12-2009, 09:14 AM
ღღ 3eo0oney...ღღ

اقتباس:

المشاركة الأصلية كتبت بواسطة فتى زهران

الله يرزقك اللي في بالي :d

:confused:

لا تكفى ابي اللي بالي اللي بالك انت انا عارفه
27-12-2009, 01:23 PM
MoOm

اقتباس:

المشاركة الأصلية كتبت بواسطة ღღ 3eo0oney...ღღ

بس فيه واحد فقع قلبي مووم وحنا بالمسيره فقع عنوني من كثر ما يكع فرامل بخشتي :mad:

واممم وش بعد ايه موم خرب المسيره بعد :cool:

وش لك بالفرامل حقتي تناظر فيها :mad:

مير انا احاول اتفادى المتطفلين الي يبون يسقطون يدخلون معانا بالمسيره:p

بعدين احمد ربك ماني مركب LED كان حوليت :eek::d
27-12-2009, 02:05 PM
o-k-r

اقتباس:

المشاركة الأصلية كتبت بواسطة s a m i

سلااام عليكم

ماشاء الله التجمع حلو والتصوير الاحلى والجو مو بطاال

طيب عثمان الي بالمدينة ويبغا استكر :d

لو تقدر تنزل صورة وانا اطبعه اكون شاكر لك

هههههههههه

عاد في المدينة ياواد المكان بعيد ومشوار

ارسلي ايميلك وانا اعطيك اياه
27-12-2009, 02:06 PM
o-k-r

ولو فؤاد

ماقمت الا بالواجب يافتى العلم

وان شالله التجمع الجاي بيكون الحظور اقوى وافضل

وتنظيم وكل حاجة
27-12-2009, 02:36 PM
فتى زهران

اقتباس:

المشاركة الأصلية كتبت بواسطة o-k-r

ولو فؤاد

ماقمت الا بالواجب يافتى العلم

وان شالله التجمع الجاي بيكون الحظور اقوى وافضل

وتنظيم وكل حاجة

هلا والله بالغالي

والله انك ونعم يارجال

والتجمعات من غيرك ماتصلح نهائيا

لأنك أبو التنظيم ياشيخ
27-12-2009, 04:26 PM
Mr_3bdullah

اقتباس:

بس تراه مو انا اللي حطيته اللي حاطه النصراوي <<<< كوناااان هو اللي رماه في السياره حاقد :d

:d :cool: :d

اخذت الشال وحطيت في الغمارة اللي ورى

بس ماكنت ادري ان الشال لك يا عيووني >> كان حطيته في سيارتك

انا من الضيقة ومن كرهي للتعصب الرياضي

بعدته عن التصوير وحطيته في غمارة السيارة ورى ( وطلعت سيارة فتى زهران ) :d

عرض 40 مشاركات من هذا الموضوع لكل صفحة