. . أكورد ولـآ أزيرآ . ؟ < آلرج’ـآء آلدخ’ـول .~

,’

. . آلس’ـلـآم ع’ـليكم ."~

. . ص’ـبآحكم مس’ـآءكم ورد وج’ـوري .~

. . ش’ـلونكم شخ’ـبآركم ح’ـبآيبي . . ؟

. . أمممم أنآ مح’ـتآر يآ آلغ’ـآلين أبوي قآلي بش’ـتري لك س’ـيآره .~

. . بآلأول كنت رآغ’ـب بس’ـيفيك وأبوي مع’ـيي يقول لـآ غ’ـآليه ومدري وشو .~

. . وص’ـيحه وقعدت اصارخ < ش’ـلـآخ مآ ع’ـليكم منه هع .~

. . قلت له أنآ صمت ومآبي أفطر ع بص’ـله . !

. . وبع’ـد كم يوم ج’ـآني قآلي ش’ـرآيك أكورد ولـآ أزيرآ . ؟

. . وأنآ وربي مح’ـتآر طبع’ـآً كللللهم فففل أوبشششن .~

. . يآريت تقولون لي أرآئكم أكورد ولآ أزيرآ . ؟

!؟

أكورد ولـآ أزيرآ . ؟
:d
مافي مقارنه
لو تقول لهندي اكورد ولا ازيرا
بيقولك اكورد
وووفرق بكل شي

انا اقوول
اكورد

والله اخوي انا اقول اكورد بدون اي نقاش لان الاكورد ياباني
اهم شي لاتنسى صلاة الاستخاره
والله يوفقك

طبعا انت تتكلم ع موديلات 2010 صح ..

انا من رأيي الأزيرا افضل لك صراحه
هاديه في السرعات العاليه ولا تسمع اصوات مثل الهوندا :(

واحد من الشباب ماخذ قبل فتره وحده كامل موصفات لون كحلي صراحه روعه السياره رغم انها من هيونداي :dلكن ماعليها كلام فخمه صراحه

ولين اليوم ما اشتكى منها ابدا
موصفاتها
V6 - سته سلندر
262 حصان ، تقريبا
سعة المكينه 3300 سي سي
خمس سرعات ، مع نظام شيفت رونيك [توبترونيك] ، 6 سرعات ( :confused:) 6 سرعات مو متأكد منها انا

وتقريبا سمعت انو 2010 شكله تغير شوي ..واصبح رياضي اكثر ...

هذا من رأيي فقط من العلم سيارتي اكورد :d

واي نسيت اقولك شي :d
ترا الأزيرا من داخل مو ذاك الزود في الديكور :d
http://www.edmunds.com/media/roadtes...ra.dsh.500.jpg

الصوره من قوقل ترا تقريبا حق موديل 2008 او 9

اتوقع انه موصفات الازيرا اكثر من الاكورد بمرااحل


بس اذا تبي سيارة تجلس معك كم سنة خذ اكورد بدون تردد

غير انه الاكورد كشكل خاارجي افضل من الازيرا

طيب أبوك ماقالك ماكسيما حتى لو استاندر ؟


اليوم على الغدا انغز له وجرب حظك :d

انا عن نفسي يجيني صدااع لمن اسمع اي شي عن سيارات هونداي !!!؟؟

والكلام على كذا بيطول ونصيحة انتبه انواع الخرابات مايطلع اول سنا الكلام بعدين

غير الاكورد لا تدور:cool:

يالغالي من وجهة نظري اذا كنت حق فرفرة وفلة وطلعات كثيرة خذ سيفك فل كامل حاول مع والدك
1-اقتصادية جدا بالبنزين واستهلاك قليل بعلب الزيت
2-صيانة وقطع ارخص من الاكورد
3-زينون واسطبات شرايح وكشافات بالفل الكامل
4-مقاعد جلد رياضية ودركسون رياضي
5-نظام التبترينك تغير السرعات من الدركسون
6-الطبلون ارقام مثل الفورد
و قياس البنزين كمان الكترون

الاكورد افضل

من ناحية مواصفات الازيرا اكثر بواجد
لكنها (في ذوقي) قبيحة الشكل وبالخصوص داخليا بايخة لآخر حد ما فيها شي يجذب عكس الأكورد تصميمها فخم ومنافس

يعيب الأكورد غلائها وقلة مواصفاتها .. فاذا انت بتاخذ فل اوبشن يعني سعرها 102,000 ريال .. شوف المكسيما الجديدة درجة ثانية بـ106,00 اتوقع واعلى من الاكورد بواجد من قوة الى مواصفات الى مستوى فخم

الرجال يقول اكورد والا ازيرا

تقولو ماكسيما و,,,,,,,,,,

سؤاله واضح موز والا خيار تقولو تفاح

سبحان الله

اخوي اكورد ترى كويسة وتتحمل بعكس الي ذكرتها انت والماكسيما تتهربد بسرعة

تحياتي لك

أزيرا :cool:

:cool:أزيرا :cool:
أفخم وأحلى... وأريح بالممشى.. ولا عاد فيها عيوب الـ 2008

بالتوفيق :)

الازيرا حلوه بس مشكلتها مافيها سيفتي

حتى في بعض الفئات وابتدا من اقل فئه لايوجد نظام الـ abs والي صار متوفر في معظم السيارات حاليا

الفل اوبشن فيها abs والظاهر مافيها تركشن ( التحكم بتوازن المركبه )

كاشكل حلوه ومافيها اي مشاكل تذكر

والخيار لك ..

وعليكمـ السلامـ...
حيأإك الله منورناْ والله شوف يااالغالي اذا الاكورد بتاخذها سته سلندر اقولك اكورد وانا مغمض
لكن اذا صارت اربعه انصحكـ بااالازيرا ولايهمك الي يقول خرابات انت موتر بتاخذه وكاله وعلى ايدك ولابد بتحافظ عليه
اقل شي بيقعد 3 سنوات زي العسل وهيونداي بموديلاتها الجديده قامت تعدل ببعض الخرابات تصير غالباًَ والازيرا تراها ممتازه وعمليه
تقبل مروري باالتـوفيقْ،،

والله الاكورد روووووووعه والازيرا حلوه

بس مشكله الازيرا كوري سعرها في النازل شوي ويميزها عن الاكورد قطعها ارخص نسبيا

بس الاكورد هيبه ماشاء الله

ارشح لك التالي وبدون تعصب
1 اكورد
2 ماكسيما
3 اوريون جراندي


ابعد عن الموري بشكل عام سيارات ممتازة ولكن قصيره الاجل

كانك ماتهتم بالعزم خذ اكورد ..

عن نفسي احب الاكورد والازيرا كلهم سيارات ممتازه بالنسبه لي ..

بس اتوقع باخذ الازيرا .. العزل ممتاز وسواقتها حلوه والاحلى رساوتها .. 3300 سي سي تعطيك 235 حصان ..

زينون وشاشة ملاحه من البلد وطبلون ليزر ومراتب كهرباء وجلد وفتحه وليد ورا وحركات دلع وانا سقتها

وفيه واحد من العيال موتره 2006 ماشي 217 الف بدون مشاكل والحمدلله ...

استخر قبل كل شي .. والله يكتب لك اللي فيه الخير .. والازيرا كانت بـ 2008 تنزل بـ 3.8 مكينه 264 حصان .. بس الحين لا

والفل كامل بالوكاله لو بتكاسرهم بتطلع فيه بـ 95 الف .. بالتوفيق

ما راح اقول الا كلمتين :d << لا تكفى

تقارن

كوري

بياباني

:mad:

الازيرا الشي الي يذكر فيها المكينة(نشط) اما الباقي ماحولكـ احد وسعرها مبالغ فيه بصراحه ازود شوي واحطها بسيارة ثانية ولا احطها بكوري

الاكورد ماراح اتلكم عنها لن الشرح يطول

وبالتوفيق يارب

والله ياخوي اذا كنت بشتري كوري ؛ فلا يتعدى سعره الـ75 الف
اما اني اشتري كوري سعره فوق الـ100 الف والله انا اشوفها غلطة عمر.
صحيح مواصفاتها افضل من الاكورد
ولكن فيه هناك بعد مواصفات افضل من الاكورد للألتيما وسعرها حدود 88 الف .
يعني بالمختصر المفيد الكوري مايستاهل فوق الـ75الف

وعليكم السلام ..
اخوي انت رح للوكاله وشف الي يجوز لك ..رايك مهم مو بس تاخذ اراء الناس .
وانا اقول ردا على سؤالك : اكورد افخم و تمسك سعرها ويكفيك انها ياباني !
الكوري غير جيد .. ومثل ما قال احد الاخوان خساره تدفع حول الـ 100 ألف على كوري ..واذا سؤالك من افضل ازيرا ولا اكورد انا اقول اكورد .. بس فكر بغيرهم يعني مثلا ماكسيما, حلوووووه الجديده والله .
والله يوفقك,

ياحليلكم كلكم .,

اول تقارنون الاكورد بالافلون والسياره الي ع مستوها وأكثر .,
ومع ذالك تقولون أكورد .,

والحين تقولون أكورد وأزيرا .,
وتقولون أزيرا .,

:lookaround:

مو كانكم زودتوهآ شوي .. :d

آجل الآزيرآ افضل من الاكورد .. :d:d

حدث العآقل بمآ يعقـل ..

يعني البعض عشآن نشآط السياره وتقريباً قوة المكينه خلآص حكم عليها آنها آفضل ..

اجل خذو لكم هآيلكس آذا تبون نشآط ومآيهمك الشكل .. :d

بصرآحه آنا هالايآم بالمنتدى آشوف تقليل كبير بالاكورد والغآلب ان الي يقللون منهآ للأسف

مآمعاهم آكورد بس يبون يشوهون صورة الملكـه ..

المشكله قلتو مآكسيما معآكم الشكل مع آنو الوجهيه مآعجبتني آحلى من الهنآدي

الديكور والمميزآت آفضل ..

لآكن الجوده !

لآيحكم آحد على نيسآن الا من استخدمه وعرفه وشآف العمر الإفترآضي للسيآره ..!

سيآره آوكي شكل خوقآآق منظر ولآ آحلى لآكن آمسك بهآ خط وتعدى 180 وشوف الثبآت ..!!

اهم شي بالسيآره قبل الشكل والموآصفات و و و آلخ الأمآن الرسآوه الثبآت

كل هآذي تخليك تركب السياره وتدوس على البنزين وآنت مطمن بعد حفظ الله من كل شر

عموماً مآبي يكون فيه مهآترات بنفس الموضوع والاهم هو آفادة الرجآل بإختيآره

شف يالغالي اذا تبيّ عزم وتقآوم لي كم وآحد على شوآرع الهجوله ومآدري ايش

خذ لك آزيرآ او هآيلكس < مسكت معآه هآيلكس :d

آذا تبي فخآمه رزآنه هيبه .. خذ لك الهنآآدي

لآكن اذا والله آنت رآعي دورآن ومآدري آيش وتدعيس ومقآومات خذ لك آزيرآ لأن الهنآدي

مآتنفع للأمور هآذي الهنآدي ملكه تتعفف عن مثل هآذي الأشيآء .. :rolleyes:

خد لك اوريون او ازيرا--
\
اما الهوندا الاكورد سته سلندر افضل من الازيرا لانه الازيرا 6 سلندر فلازم تقارن 6 سلندر ب 6 و

4 سلدر باربعه

والله حرام تقارن الملكه بذا الكوريه !!

فخامه وهيبه وروعه خاصة اذا جت 6 سلندر !

بالتوفيق

خذلك ددسن غمارهـ .. شرط بمكيف .. واذا حصلت اتوماتيك يكون افضل

:rolleyes:

بآلنسبه للي يقولون أذآ تهتم للعزم لآتآخذ أكورد ..

أذآ الرجآل بيآخذ 6 سلندر ترآهآ قويه والله .. أنآ لأني ممرنهآ صح تجيب من 0 الى 200 بـ 23.8 ومن 0 الى 100 بـ 6.4 وبدون تنزيل قير . .

وبعدين مآفيه مقآرنه والله بينهآ وبين الأزيرآ من نآحيه الجوده والرسآوه والأمآن .. والموآصفآت مهنآ ذآك الفرق . .

ولآ تنسى أنهآ نآزله من 06 .. أمآ ألأكورد من 08 يعني شكل أجدد من الأزيرآ .. والخيآر الأول والأخير لك . .

وأذآ تبي نصيحتي سو تست درآيف لـ كل السيآرتين وشف اللي ترتآح لهآ أكثر وخذهآ .. والله يكتب لك اللي فيه الخير . .

لآ تنسى صلآه الأستخآره . .

مصدق هونداي

خويي عنده سوناتا مظبطه

موديــــل 2008 قبل شهر نص لمكينه طق ويبغاله تغيير

هذي هونداي

الهوندا حقتي 1998 وإلا الحين عايشه <<<<قولووو ما شاء الله

اكووورد وانت مغمض ياغلي

اخوي خذ الكلام الي يجمد على الشارب قبل ما اروح ازااااكر " دعواتكم "

أزيرا 2006 - مدة الاستخدام لغاية الآن
صاحب السيارة : صديق لي
المواصفات :- فل كامل 3.3
الزبدة : اول ما اشترى صاحبي السيارة ملكة في اول اسبوع راحتها راحت لكزس ما تحس بالجو الخارجي والارضية بتاتا ولكن بعد الاسبوع الاول صارت سيارة راحتها عادية بل جيدة جدا
الثبات ... ثاااااااااااااااااااااااااااابت وصراحة اثبت من هوندتي بمراحل
العزل ... آآآآآآآخ يالعزل ماتسمع الهواء ولا تحس انك ماشي 220
الجودة ... صراحة الجودة مش ولابد تسمع اصوات في الديكور وكذلك القطع الاستهلاكية تخلص بسرعة مثل البيرنقات مثلا اختربت على صاحبي
المواصفات... مافيها زود عن السيارات العادية : جلد اسيات كهرب مكيف خلفي " المكيف حار صراحة بالنسبة للهوندا " بدون كمبيوتر رحلات مكيف مزدوج مراية تتسفط حساسات خلفية وبدون زنون

النظام الصوتي بسبع سماعات او ثمان انفنتي نقي وصااااافي واكثر شي جذبني فيها

وراايي وبكل صراحة لاختيارك فأنا اقول اكورد

مشكلة الازيرا وحده وكل ملاكها يتفقون عليها .. الجوده الداخليه مش ولا بد .. اما الباقي ممتازه جداً ..

ومعليش .. تقارن ياباني بكوري .. تكفى صنعت انت نص اللي صنعه الكوري ولا ربع اللي صنعه الياباني .. حدث العاقل بما يعقل

بسمه تعالى :



وسع خياراتك قليلآ ....أكثر المقارنات أو الخيارات بمعظمها بين الهوندا و الهيونداي و التويوتا ...أرشح و بدون تعصب إن لم تكن الأكورد فلديك البديل الممتاز سوباروا ليجاسي الفخم الجديد و الماكسيما الرياضية الفخمة و كلها خيارات ممتازة و جديدة ...و بالتوفيق.

حبيبي
حياك الله,,,
شوف كلن منا بيبدي رأيه ولكن الموضوع في الأول والأخير عندك..
صلي صلاة الأستخارهـ ... وربي يسعدكـ..
أما من الأزيرا والأكورد...
فو الله يا لأزيرا شكلها يجيب الهم والغم..وصناعهـ كوريهـ. حتى من الخارج والداخل وربي مافي تناسق..
والأكورد روعهـ وراسيهـ.. مع ذلك يعيبها بعض الخرابات البسيطهـ
من رأيي تشوف لك ماكسيما الجديدهـ أو أوريون والله الأوريون إنها روعهـ...

اخوي خذلك ازير بدون ماتفكر
وماعليك من الي يقول كوري سنه سنتين يخرب

قبل الاكورد كان معي سوناتا 2006 لعنته لعن واخذها اخوي الصغير ولعنه والحين مع السواق ماشيه 500الف وكأنه جديده ماشاء الله


وشوف لو تصبر شوي وتاخذ ازيرا2011 هذي صورها
http://www.9m.com/upfiles/GVl36847.jpg

http://www.9m.com/upfiles/75j36847.jpg

http://www.9m.com/upfiles/HxW36520.jpg

http://www.9m.com/upfiles/8dh36520.jpg

http://www.9m.com/upfiles/2xx36552.jpg

http://www.9m.com/upfiles/bu736552.jpg


http://www.9m.com/upfiles/O3836581.jpg

http://www.9m.com/upfiles/spc36581.jpg

http://www.9m.com/upfiles/iGo37028.jpg

http://www.9m.com/upfiles/tcj37028.jpg

http://www.9m.com/upfiles/d2t37124.jpg

http://www.9m.com/upfiles/ydF37124.jpg

http://www.9m.com/upfiles/nFq37258.jpg

http://www.9m.com/upfiles/0eU37258.jpg


http://www.9m.com/upfiles/bQr38262.jpg

وبعد 4شهرو راح تنزل البنوراما الكوريه (سوناتا2011)
[ame]http://www.youtube.com/watch?v=5z74YkCto8c[/ame]


وهذا زمان الكوري

والي يقولك الكوري خايس ومدري ايش

هذا مايدري وين الله حاطه

لو انها خايس ماكنت شفتها با الشوراع بكثره ياخي اتحداك تدخل شارع ماتلقا فيه سياره هونداي

واسف على الاطاله اخوي

لاكني حبيت افيدك ولا تنسى صلات الاستخاره

^^
رايي من رأي اخوي الي فوق :d
انا هذا الي اقصدك لك على الأزيرا 2010.. الشكل هذا رووعه صراحه شفته في النت انا قبل فتره
وحتى الديكور تم تعديله وصار خطير :d
لو تنتظر افضل لك ..الأكورد في كل نافذ تحصل 4 لونهم ابيض :p
والكوري ماعليه كلام صراحه من 2005 وسيارات هيونداي مافيه اي شئ صراحه ..
ومثل ما قال القائل

اقتباس:

---

وهذا زمان الكوري

والي يقولك الكوري خايس ومدري ايش

هذا مايدري وين الله حاطه

---

لا تستعجل اهم شي .. وحاول تكون مميز (لا تاخذ سياره منتشره كثير:dوبذات الأبيض منها ههههههه) .. لا تاخذ سياره بمبلغ فلاني وانت غير مقتنع فيها ..

الخيار لك بلأول والأخير ... بس لا تقارن بين هوندا وهونداي ... الأزيرا مافيها شي ماشاءالله تبارك الله بس برضو أكورد لك وللزمن ... والله يعطيك خيرها ويكفيك شرها مقدما ... ملاحضة : الأكورد سياحي نفس قيمة السيفيك فل كامل ... يعني أنا من ناحيتي أبلح على الوالد بسيفيك وبعدين ماشاءالله سيارة ماعليها كلام :)

وش فيه الكوري إذا كان عدل في سيارته وبدأ ينافس الياباني بل يتعداه بمراحل

حتى أحنا عندنا مشاكل الهوبات والفحمات :(

ولا تقول لي تقارن ياباني بكوري :rolleyes:

الكوري أنتج أفضل من الياباني

وكثير من أصحابنا معه سناتا وماشاء الله ولا أحلا منها

ولا يكون عندك تعصب ياباني وبس وش ياباني إذا الكوري أجتهد وطلع أفضل منه

أرشح الأزيرا

والله يوفقك يارب

ولا تنسى صلاة الأستخاره

اكورد 4فل:cool: لاغير

تصلحلك:)

اوخذلك دي ماكس فل

بسم الله الرحمن الرحيم

اولاً احب ابارك لك مقدماً بالسياره اللي راح تاخذها وتتهنى فيها ان شاءالله

بالنسبه للحيره

بصراحه في الوقت الحالي اشتدت المنافسه مابين شركات كثيره [ الكوري دخل السوق ] , [ تويوتا كثرت فئاتها ] , [ نيسان تزخم بالمواصفات في سياراتها ] , [ مازدا لها نصيب ايضاً ] , [ الشركات الامريكية اصبحت تنافس بالفئة المتوسطه بسيارتها الجديده ]

الواحد يحتار وش يفضل لكن تبقى القناعه الشخصيه لها دور في الاختيار

أيضاً حاول ان توسع خياراتك وان ترى بمنظور اوسع [ اسعار قطع الغيار , وكيل السياره , انتشار مراكز الصيانه ] ... الخ

وبالاخير اشتر السياره اللي ترتاح لها ومقتنع فيها انت شخصياً

----------

تعقيباً على بعض الردود اللي ظلمت هيونداي من ناحية جودتها واعتماديتها

انا يا اخوان املك ازيرا موديل 2007 شاريها في اواخر سنة 2007 وكان وقتها موديلات 2008 نازله بالسوق

السياره مارحمتها هلكتها مشاوير كثيره واستخدامي شاق, لها معي سنتين و4 شهور ومشيتها 157 الف كيلو

ماغيرت لها فحمات الى الآن الا مره وحده بس, لكم ان تسألو اي احد يملك اكورد وممشاه قريب من سيارتي كم مره غير فحماته !! << ليش مايتقارن الكوري بالياباني :confused:

واللي قال اصوات ديكورات ليش هل الاكورد اليابانيه ما تعاني من هالشي ؟! [ راجع قسم الصيانه ] والاوريون اللي من شركة تويوتا العريقه ماتعاني من هالشي بعد؟! [ راجع منتديات تويوتا ]

انا اقولك لا تخاف من الازيرا من ناحية الخرابات او ما شابه هذا من خلال تجربتي لها اقول لك موتر يعتمد عليه بصراحه واحد الزملاء بالعمل عنده ازيرا 2006 ممشيها 240 الف وما اشتكى منها الحمدلله

ماراح اعارض اللي يقول ان الازيرا شكلها قبيح جداً [ وجهة نظر وذوق خاص ]
ولا راح اعارض اللي يقول ان الازيرا كوريه [ لأنها فعلاً كوريه ]

اما اللي يقول خرابات وماتعيش لا هنا اسمح لي ملاكها واللي جربوها ادرى فيها.
يقولون وصح القول ان التجربه خير برهان [ روح اسأل اي شخص يملك ازيرا ان كنت تبحث عن الحقيقه ]

وأسمحو لي ياشباب على المداخله اذا ضايقتكم فيها :)