ليش لما اعبي سيارتي بنزين احمر بسرعة يخلص

السلام عليكم
عندي مشكلة اذا اعبي سيارتي بنزين احمر احسة يخلص بسرعة مادري ليش وانا ما ابي اعبي اخضر لان اشوف العزم يصير اضعف انا من قبل عبيت بنزين اخضر ويطول معاي
سيارتي موديلها 2007
4 سلندر
واي واحد يعرف السبب يقول لي
وادا فية حل انا جاهز اسوية

غريبه بالعاده عند الناس العكس الاخضر يخلص بسرعة والاحمر لا

واذا كان فيه مشكلة الاعضاء ماراح يقصرون معكـ

تحياتي لكـ

البنزين إلي بأمريكا يختلف !

( تشير بياناتك انك تسكن بأمريكا )

^ ^ ^ ^

بامريكا اعتقد ما عندهم اخضر واحمر

وادا عندهم مدري والله

لا انا رحت امريكا وسيارتي امريكية لكن ان الان في السعودية

^^^^

أنا الأخضر يطول معي الحمد لله

والعزم تمام التمام الحمد لله

والشركه أصلاً توصي بالأخضر

والله ياخوويي انا كنت اعبي احمر والله يخلص بسرعة

اما الاخضر يقعد معاااااي يومين نلفلف في كل جده

والله مادري وشو السباب انا سيارتي وارد امريكا بس يمكن تختلف الرمجة ولا شي من هل القبيل
لان بصراحة الشي واضح لم يخلص بسرعة البنزين الاحمر ولم يبقى لفتره طويل البنيزين الاخضر احس روحي راكب في ايكو تصير السيارة اقتصادية

اخوووووي غير طرمبه البنزين

لان البنزين اختلف عليها من امريكا لسعودية

وان شاء الله راح تضبط معك

ولاتنسى تدعيلنا :o

اقتباس:

---

المشاركة الأصلية كتبت بواسطة اكورد 07

والله مادري وشو السباب انا سيارتي وارد امريكا بس يمكن تختلف الرمجة ولا شي من هل القبيل
لان بصراحة الشي واضح لم يخلص بسرعة البنزين الاحمر ولم يبقى لفتره طويل البنيزين الاخضر احس روحي راكب في ايكو تصير السيارة اقتصادية

---

بنزين 95 كم يمشيك كيلو داخل المدينة

وكم يمشيك خارج المدينة << على الخطوط لما تسافر

بصراحة ماعرف كم بس اشوفة يحترق بسرعة والعزم يزيد
والاخضر عكس هل الكلام

جرب الاحمر كم يمشي معاك داخل وخارج المدينة مثل ماقال أخوي كينق ...

انا تجاربي مع الاخضر :

خط يمشي 530 كيلو .. بسرعة 120-130

انا داخل المدينة 350 - 400 كيلو

جرب عبي 95 < الأحمر

واحسب العداد وشوف كم يمشيك

جرب عبي 91 < الأخضر

واحسب العداد وشوف كم يمشيك

وإلي يمشيك اكثر خليك عليه , وإن شاء الله مافيه اي مشاكل ..

وانت محرك من عند الإشاره او من موقف او تقاطع يعني السياره تكون بحالة توقف كامل ....جرب انك ماتخلي عداد الضغط يتعدى 2

لين تتعدا 60 بعدين بكيفك .

راح تشوف نعومه بالقياده وصرفيتك راح تقل لو انه اردا نوع بنزين


مجرب بسيارتي الأمريكيه

أنا سيارتي وارد امريكا اعبي بنزين 95 بس ما تصرف

شكلك ياغالي ماتمشي الا 140 وفوق

مثل ما قالوا الشباب احسب الكيلومترات .. لما تعبي احمر او اخضر

والأحمر احتراقه اسرع واخف ;)

واذا انك تسرع في الموتر اكيد راح يصرف اكثر :confused:

بس نصيحه ابعد عن شي اسمه محطه تسهيلات :d

اخوي من تثقيلتك ع الدعسه
انا نفس الحاله حتى لو داخل المدينه بس كل شوي تثقل الدعسه وتفك احسها تصرف اكثر زي لامنك ماشي 20 وشوي ثقلت دعست وقامت السياره تحرق لين وصلتها 100 تكون الصرفيه اكثر من الممشى العادي

انا ما اسرع يعني سرعتي متوسطه الضغط مايتعدا 3
وغير كده حتى لو انا اسرع ليش البنزين الاحمر يروح بسرعه والاخضر يبقى فتره طويلة بس العزم يختلف في الاخضر احس عزم السيارة يضعف بس الاحمر يصير قوي بس المشكلة تصرف بنزين من رايكم اعود الى الاخضر

بما انك ماتسرع والضغط مايوصل 3 .,
عبي 91 الاخضر وريح راسك.,
ومايحتاج موضوع و تفكير .,!!

الشئ الثاني انت تقول الاحمر يخلص بسرعه .,!!
هل حسبت كم تمشي اذا عبيت فل لكل من الاخضر والاحمر ؟؟!!

حبييبي:
سيارتي كانت نفس سيارتك...في الصرفيهـ
لكن رحت وشكيتها للمهندس وقلت أعبي البنزين فل يمشيني مايقارب 280 فقط,,,
أشار علي إني أغير فلتر البنزين...غيرت الفلتر أتوقع ب 180 ريال...
والحمدلله ألحين أعبيهـ فل يمشيني 620 كم.
تقبل مرووووووووووووووري,,,

اقتباس:

---

المشاركة الأصلية كتبت بواسطة abujawad

اخوي نصائح الشركة المصنعة تقول 91 او اعلى
لو كان 95 افضل للسيارة كانت ذكرتك 95 او ادنى
او كانت ما ذكرت ولا نصحت باستخدام 91

المشكلة ان اغلب الناس تفكر ان 95 ممتاز و91 غير ممتاز بحكم اختلاف السعر
91 = رخيص = تعبان
95 = غالي = ممتاز

والفرق بينهم
ان 95 يحتوي على نسبة من مادة الاوكتان اعلى من الموجودة في 91
ومادة الاوكتان: هي المادة المحترقة في البنزين وهي مادة تستخرج من البترول
يعني لو جبنا موية وحطينا فيها اوكتان وشغلنا بالولاعة رح تشتغل الموية مثل البنزين

نستنتج ان /
كل مازاد الاوكتان في البنزين يزيد سعر البنزين وهذا طبيعي
وتزيد سرعة احتراق البنزين مما يعطي اداء اعلى للمحرك
وكل ما قل الاوكتان في البنزين قل الاداء وقلت سرعة الاحتراق
وقل السعر

لاحظ ان سيارات السباق يستخدموا لها بنزين خاص وهو اكيد اغلى من 91 و 95
وهذه الزيادة في السعر لزيادة مادة الاوكتان فيه
حتى يعطي اداء اعلى ويحترق بشكل اسرع

الاكورد وغيرها من السيارات بحكم انها جديدة
فيها نظام يخلي المحرك يعطي اعلى اداء على اقل نسبة اوكتان وهي 91

ومافي اي فرق اما بالاداء او بمقدار الصرف لما استخدم بنزين يحتوى على اوكتان اعلى 95 او 98 في بعض الدول

مادام انا عندي سيارة مجهزة بهالنظام
ايش اللي يخليني استخدم 95 وهو اغلى من 91 مارح يعطيني اداء اعلى ولارح يوفر من المصروف وبالذات الوكالة ما نصحت فيه بالاسم

على فكرة البنزين في السعودية يعتبر انظف بنزين في العالم وكله ممتاز وخالي من الرصاص سواء 91 او 95

هذا الكلام من مهندس مختص بهالموضوع يشتغل في ارامكوا

اغلب الناس لو جيت تسألها يقولك 95 افضل وهو مو عارف ايش يفرق 95 عن 91
او يقولك انا والله ماعلي من الوكالة ما اعبي الا 95 لاني احب ادلع سيارتي :(
او فلان عبى 91 وخربت سيارته وعلى فكرة احيانا واحد يعبي 95 ويجي يوم ما يلاقي 95
يضطر يعبي 91 وتخرب عليه السيارة في هذاك اليوم على طول يحط في باله ان البنزين هو السبب
مع ان الخراب يكون طبيعي سواء كان معبي 95 ولا 91 رح يحصل عالحالتين
ويقول للناس انتبه تعب البنزين الفلاني
او اللي موجودين بالورش اللي مسويين فيها انهم فاهمين لو تجيبله السيارة على اي خراب
يقولك ايش تعبي السيارة تقوله 95 يقولك اهااا من البنزين لا تعبي 95 عب 91 او العكس
ويقعد يفتيلك ويطلب منك مضخة بنزين وصفاية وتنظيف بخاخات ووو الخ
وهو مو فاهم الخمسة من الطمسة بس يبغى يسوي فيها انه فاهم ويتعلم عالسيارة

مع العلم ان في سيارات لاتتناسب مع 91 ما يصلح لها الا 95
بس الحمدلله الاكورد مو منهم :)

تحياتي لك

---

بما ان سيارتك عزمها يضعف على بنزين 91
غير صفاية البنزين اتوقع انها تحتاج تغيير
وسوي تشييك على البواجي ومنظم الهوا وحساس البنزين

تسلمووووو ع الردود خلاص اقتنعت بكلامك abujawad وراح اعبي 91 دام انه مافي خراب

بصراااحه كلامك صحيح 100% انا معاي اكورد 2009 كنت اعبي احمر ويخلص بسرعه اما الاخضر مضبوووط

انصحكم بالاخضر ترى مافيه فرق بينهم وانا واحد يقرب لي في ارامكو يقلي الاوكتين في الاخضر يوصل الى 93 يعني قريب من الاحمر

كانت عندي نفس مشكلتك
كنت اعبي 95 ويصرف
غيرت فلتر البنزين وبعدها صرت اعبي 91
ولله الحمد ماشي معاي تمام التمام
مايصرف ولاشي

غير فلتر البنزين وجرب ..

السلام عليكم ورحمة الله

اخوي انا مثلك اعبي 95 وينتهي بسرعه لكن عرفت السبب : اني اسرع عليها فيخلص بسرعه

طيب جرب حط معه شوي فمتو يمكن يطول معك << دعابه دعابه :d

متوسط مشي سيارتي بالـ95 = 580 الى 620 كيلو