مساء الخير جميعا
صحيت الأسبوع الماضي للدوام ويوم جيت للسيارة وإلا صواميل الكفر مفكوكة ومتروكه جنبه قلت بس هذا واحد ناوي يسرق الكفر وما أمداه أكيد سمع صوت أحد وأنحاش وأخذ بس الطاسه حقت الكفر قلت الله لا يوفقه ولا أهتميت خصوصا أنها طاسه وبعد يومين رحت الغرابي أدور طاسه وكل ماجيت محل قال ما عندي ومريت كذا محل برا في الروضة والنسيم وماحصلتها قلت أمر الوكالة أكيد أحصلها خصوصا أن شكل السيارة أصبح قبيح ولما مريت الوكالة لقيت الطاسة بس المفاجأة الطاسة الواحدة بـ 469 ريال وبعد الخصم بـ428 ريال وبعدها عرفت الأخ ليش أخذ الطاسة وخلا الكفر .
قلت لنفسي أيه الله يرحم طاسة الكابريس من اول كلها حديد لو تصفق موتر طيرت وجهيته وبعشرين ريال .
المهم ياأخوان اللي يعرف محل يبيع طياس أكورد 2008 يفزع لنا أما سعر الوكالة فمعصي يالربع حرام والله .
والله يعطيكم العافية ودمتم بخير.
